頂好粥麵專家 (已結業)

(29/3/06)黎到跑馬地,咩都貴d既,見呢間幾舒服咁,咪試試。茶餐廳一般逼儉、煙霧彌漫,呢度無啦。一坐底侍應俾既茶唔熱,我地叫添茶,佢換過杯熱既,再勘又回復唔熱喇~。淨鮮蝦雲吞,有成八隻架!味道ok,蝦亦大隻。頂好三色腸粉,熱辣辣的,三色指义燒,鮮蝦,冬菇,腸粉皮唔係水晶皮,所以較厚。唔推介。芙蓉煎蛋飯,賣相好靚,好整齊。蛋好香,內有火腿絲,小蝦仁,芽菜等,可惜飯唔夠熱,唔夠味(唔夠豉油)。

有人請食飯...但最後o黎o左呢間係因為附近間「表哥」滿座。下午茶時間既頂好，唔太多人，但都坐o左五、六檯。小妹遲到，吃o左口凍o左既齋腸粉：還可以；相信趁熱食既話會幾正...雖然唔係滑。之後叫o左靚姐強烈推介既銀芽肉絲伊麪，同做東強烈要求既豬潤粥。銀芽肉絲伊麪個伊麪底唔錯，但上面既「肉條」（唔係肉絲！）「口（肥膩）感」十足之外，個獻汁又多又厚，好似食糊仔咁；靚姐強烈推介原來有時都唔多可靠。東主叫o個客豬潤粥反而幾驚喜：由於我o地以「龜速」食哂個銀芽肉絲伊麪先KO 個豬潤粥，我o地都以為個豬潤會無咁好食。點知碗粥食落有餘溫之餘，D 豬潤仲好爽好脆兼夾無腥味。那理乜乜流感物物菌為患，一於清底！對於兩個胃口唔錯既女丁，一腸粉、一麪加碗粥都OK 飽（尤其是碗粥），可想而知個份量都OK 大。

It is my canteen in Happy Valley. Lots of variety and the price is reasonable. The staff there are very friendly and helpful.However, to be honest, the taste is not so good as Cousins(表哥粥麵茶餐廳). The reason why I go so often is that it is easier to park the car nearby. Very Good!!!

泊車易，行都好方便。成和道沿斜路直上就到。味道只係一般，魚皮亦不見得特別好味爽口。價錢比一般鋪頭稍高，主要係因為比較乾淨。上湯放油菜，算係唔錯的造法，如果整多些少蝦子就仲正。

唔錯唔錯, 小菜都好夠鑊氣, 腸粉皮夠薄, 粥料夠多又新鮮, 價錢貴少少但好味咁好, 都低架!

之前聽人講,呢間野都好有名堂..所以黎試下,我地0個日order左牛丸河,牛根河同水餃河,D河好好味好滑,正!!!D牛根我男友話正,D水餃都好好味呀..好足料,但之於牛丸,,兩個字呀!唔掂!一D牛味都冇,仲要唔彈牙!!!!勁唔得囉.食完正餐,我再叫多個熱咋咋,好好味好香椰奶味,但唯一美中不足0既係唔夠料囉,,,,D料雞碎咁多,喂~~d豆唔係好貴0者?下話?!