頂元魚蛋大王

营业中

休息中

上次去中環的頂元試過一次感覺不錯，今日路過灣仔駱克道店就有信心入去黎個下午茶。我叫咗牛三寶米粉加凍咖啡，老婆要淨魚蛋加凍奶茶。也許過了午膳時間，客人不多，不需要3-4分鐘全單全部到齊。我先試老婆的魚蛋，彈牙有魚味，好食。我自己既牛三寶米粉就夠曬大碗，個碗直徑有7-8吋大；除咗米粉嗦咗牛腩湯後入口十分滋味外，牛筋和牛腩味道濃郁又夠綿，食落十分過癮。食完牛三寶米粉後慢慢嘆凍咖啡，夫妻兩就這樣舒舒服服嘆咗個差不多滿分的下午茶。

一般 凍飲嘅檸檬茶，好多茶餐廳或餐廳都會落糖漿，唯獨哩間舖頭用白沙糖開水😡非常之難飲，簡直離哂普。影響香港飲食業🤬本人問店員是否用白沙糖嘅時候，店員都不想回答😰

灣仔駱克道酒吧街附近呢間新開張嘅粉麵店，上次試過食過返尋味今次又嚟再食，職員招呼殷勤態度有禮貌，平時喜歡食牛腩河嘅我今次叫咗碗牛腩米線，呢度係食清湯腩嘅，湯底算係叫唔太咸，牛腩米線大大碗數過有成14-15嚿牛腩，牛腩夠冧有咬口而且肥瘦適中，米線份量滿足食到一半已經覺得好飽，$45牛腩粉麵另加$6有熱飲，另外值得一提嘅係佢杯奶茶，茶膽夠濃奶夠香滑，唔使落太多糖已經好夠味。見佢另外仲有崩沙腩同牛腩泡飯下閒落嚟可以再嚟試下......😋