順。越南牛肉粉

营业中

休息中

順。越南牛肉粉 今次要介紹喺沙田好運中心3樓平台大裝修後，依家多咗好多間新嘅餐廳，而今次揀咗呢間餐廳叫「順。越南牛肉粉 」，佢哋最出名就係生牛肉，未到兩點我就開始攞籌，有個男店員好好人，叫我哋入去坐住先！我哋早咗大約10分鐘入去坐，開始睇menu有咩食，睇睇下有位女店員催我哋落單，我話你問男店員先啦，諗緊食咩都唔得，我諗女店員未識咩叫做「好客之道」，比面男店員算啦！1.生牛肉牛肉丸湯粉（河粉）$62+三色咸檸七$12（9/10）叫咗一碗生牛肉牛肉丸湯河，揀咗河粉，河粉量都幾多，牛味湯底都算濃唔會油，生牛肉薄切唔肥，牛肉大約有10片，仲有4粒爽口彈牙牛肉丸，其他配料有芽菜、洋蔥同青蔥等！飲品揀咗三色咸檸七，入面真係有三種檸檬，再加一罐7UP汽水！2.河內蕃茄蟹檬（金邊粉）$72+紫米乳酪沙冰$26（9.5/10）叫咗一碗河內蕃茄蟹檬，揀咗金邊粉，金邊粉好爽滑，份量都算多，至於配料十分豐富，包括有四分一隻蟹，蟹肉都算ok多，仲有其他配料包括有2粒好彈牙嘅蝦丸、4塊扎肉同幾舊蕃茄肉等，湯底係蕃茄湯底，完全無味精，唔錯唔錯！飲品就揀咗紫米乳酪沙冰，乳酪沙冰唔會好甜，不過好快飲哂，好難飲到紫米，

話說喺呢幾個星期 啲天氣真係熱到一個點呢個商場開放晒正式啟用 有好多新餐廳進駐啊今次又嚟呢度食好西 環境夠明亮又夠舒適啦呢個天氣最啱食越南嘢 酸酸甜甜真係好開胃-Phớ Thập Cẩm (Tại Viện Nam) ($88)Street Combo Phở ($88)特色綜合牛肉粉 ($88)賣相相當豐富 牛肉湯底濃郁薄切嘅生牛肉 比想像中大塊牛腩片好稔 牛肉丸爽口彈牙河粉份量適中 而配料都好足包括洋蔥芽菜 炸蒜同九層塔仲可以 加辣椒同青檸作調味-Bún Trộn 3 Mau ($92)SPECIAL Combo w/ Cold Vermicelli ($92)西貢三色撈檬 ($92)係我最愛嘅撈檬 中意撈幾多檬汁都得呢蝦餅夠晒彈牙 而扎肉咬落有啲軟骨口感胡椒豬肉串夠入味 仲配埋青瓜絲生菜絲蘿蔔絲花生碎 食落酸酸甜甜咁好開胃啊

原本已經光顧了好幾次，生牛肉河的性價比高。 但是有位名Hong的女員工態度十分惡劣！黑口黑面！好似欠佢幾百萬咁！嚴重影響食慾及心情！而且相比起第一次到店，食物也有些許退步，特別是牛柳，沒有158蚊的水準！

今日跟朋友入咗沙田逛街覓食……..行到沙田好運中心見到越南餐廳「順．越南牛肉粉」Pho Nho …….就來一個late lunch 🤭⋯⋯餐廳環境衛生整潔…….坐得也舒服……因為好好多卡位😂😂IT06順化湯檬粉（牛額終、牛肉丸，扎肉）雖然是Tea Set 但份量也不少，湯夠熱亦夠濃味，不錯！E01 順化豬頸肉湯檬粉，同樣不湯底亦OK豬頸肉略略煎過，口感有彈性而且是厚切！跟餐送一杯飲品或另加錢轉特飲🥰🥰

我今日約同好友去位於沙田橫壆街1-15號好運中心3樓3007號舖的 《順。越南牛肉粉》食下午茶，環境舒適，坐得舒服。我點左個 Lemongrass Pork Chop with Steamed Rice 顯化香茅豬扒飯 $58，好友點左個 Lemongrass Beef with Steamed Rice 街頭香茅牛肉飯 $60，另外點左個Seared Lotus Root Patties (2pcs) 街頭蓮藕蝦餅(2件） $32，餐飲係 凍Ginger Honey 越南老薑蜜（跟餐）及 凍Lemongrass Honey 會安香茅蜜（跟餐）。整體黎講係好好味的越菜，豬扒香脆，牛肉味濃，蓮藕蝦餅好食，兩款凍飲好清涼。

下午係沙田有野做，早小小出去食個晏，唔知係咪太耐無黎，行到去好運中心發現開左幾間新野，睇左幾間決定試下越南野。等左一陣入去坐底，叫左兩個主食同兩個小食。🔸河內蕃茄蟹檬粉上菜速度好快，聞到有啖啖既蕃茄同蟹膏味，食落去粉既份量好多，湯底含豐富既蕃茄味而且無味精，蝦丸彈牙有蝦味同個湯幾夾，札肉唔肥有軟骨口感唔錯，半隻蟹吸左蕃茄湯再一口吸d 蟹肉幾好食。🔸越南咖啡豬軟骨飯未上枱已聞到咖啡味，味道酸酸地幾開胃，豬軟骨份量好多，多肉小肥，炆得好林，唔使好用力咬都得。塊蛋餅有木耳肉碎粉絲，加埋一齊口感幾特別，本身有調味，加小小飯一啖擺落口味道唔錯。🔸蒜蓉炒通菜蒜蓉味幾香，食落口唔太咸，菜夠林，整體黎講對得住個價錢。🔸蒸粉包蒸粉包個汁酸酸甜甜，好開胃，係成個小食既靈魂所在，鐘意食酸野既人必點。🔸香茅鮮橙茶/🔸話梅鹹柑桔水兩杯野飲都唔錯，橙茶好香橙味，after taste 有香茅同喉嚨涼涼地幾舒服。話梅咸柑桔水出色，咸話梅配搭咸柑桔出黎個味道有驚喜，兩種味都飲到又夾，下次再黎食都會叫。

越南菜也是很適合夏天的菜系見這家轉了menu，更有動力試試😝 ✿ 海防蕃茄雞絲蝦丸湯檬粉 $66應該期間限定的新品(?，上次不覺有番茄湯底酸甜，不會太甜/假甜👍雞絲等配料分量足! 豐富滿足 ✿ 串燒雞肉撈檬 $56我繼續點選最愛的撈檬🤣經常怕串燒會乾，不過這個挺好吃😋雖然不是十分juicy，但絕對不乾，加上微辣咖哩味，挺推薦! ✿ 蒸粉包 $28✿ 春卷 $22兩款都是上次吃過覺得不錯，又點了🤤粉包滑，春卷脆，不過都要趁熱吃! ✿ 青檸紅茶 $0✿ 香茅蜜 $0 飲品算是挺特色，而且不用額外加錢，不錯不錯

去沙田新城市睇戲，睇戲前係好運中心揾嘢食，見到有間木材間格，牆身有彩繪，裝潢很有越南特色的《順。越南牛肉粉》餐廳。酸甜開胃的越南菜就最啱炎熱無胃口的香港夏天食。餐廳有越式粉麵、撈檬、米飯、法包、街頭小食和飲品。越式傳統街頭法包$68法包即點即焗外皮脆卜卜，內裡鬆軟中帶點煙韌，夾著越南扎肉，佐以甘筍蘿蔔、青瓜絲、芫荽、秘制豬肝醬和蛋黃醬，即使法包外表看來很「法式」，但吃起來其實很「越南」，盡現殖民文化下誕生的混血特色。素扎肉撈檬$65魚露汁絕對是撈檬粉的靈魂，拌上大量的青瓜絲、醃酸蘿蔔絲及生菜，最適合在炎熱天氣品嘗，清爽又無負擔，素食版的越南扎肉是由豆腐皮和麵粉等製成，口感幾可亂真，味覺體驗能媲美真實肉食，餐廳仲提供了素檬粉汁給素食人士，非常細心。蒜蓉法包4件$45烘得暖暖的蒜香牛油法包，質地外脆內軟充滿蒜香味。

順。越南牛肉粉沙田橫壆街1-15號好運中心3樓3007號舖經開沙田，老友推介越南菜，環境舒適，入去Chill吓先。😸煲仔咖哩牛腩配法包咖哩汁烹調得恰到好處，酸甜香辣有層次。牛腩新鮮，肉汁豐富，口感煙韌。法包外層香脆，內層鬆軟，點咖哩食好惹味，推薦！🤤西貢脆春卷春卷即叫即炸，炸油新鮮，外層香脆，內層口感煙韌，餡料份量十足，充滿香濃的肉味，唔使點醬汁已經好正，青瓜、生菜、薄荷葉和香茅葉都畀我食埋，推薦！😍薄荷青檸梳打青檸汁和薄荷葉好夾，消暑解渴，夏天飲好舒暢。😉順。越南牛肉粉 環境舒適，食材新鮮，侍應服務態度好，還會再來。😎🤘🏻

夜晚想食越南pho，就去左沙田呢間越南牛肉粉，餐廳裝修好新，座位坐得好舒服，平日夜晚去到，餐廳都已經坐滿人，深得街坊歡迎。餐廳好多選擇，有各款唔同既越南粉，仲有其他各款小食，一定揀到岩食既食物河內蕃茄蟹金邊粉食物落單後，超快上菜，我最鐘意咁有效率既餐廳。本身以係得少少蟹肉，點知真係有隻蟹係上面，幾鮮甜，個湯蕃茄味好濃，連埋札肉食，好味西貢三寶撈檬三寶有扎肉、胡椒豬肉卷、蝦餅，仲有好多青瓜、紅蘿蔔、白蘿蔔酸菜，撈埋個酸汁，天氣熱食好開胃🤤

❣️沙田好運中心翻新後第一次去睇下。見到呢間越南餐廳有下午茶，而且好旺場，好多人排隊。一於去試吓。餐牌有飯、湯麵、撈檬，套餐仲包嘢飲！價錢相當親民。🌟香茅豬扒撈檬 $56 🐷豬排好香口，厚度剛剛好。肥瘦均勻，入口不會覺得油膩，又品嚐到豬油香。加上酸酸甜甜的醬汁，非常適合炎熱的夏天。🌟特式綜合牛肉湯河粉 $68 🐮綜合粉有生牛肉、牛腩片、牛丸，麵底可以轉檬粉/金邊粉。生牛肉粉嫩顏色，入口即溶。牛腩肉質軟熟，重牛味。牛丸彈牙爆汁好juicy！湯底有九層塔、青檸角、乾辣椒，味道好清新。🌟蓮藕蝦餅 $32 🦐極力推薦！有別於傳統的炸蝦餅，蓮藕夾心蝦滑。外層爽脆，內層彈牙。多重口感不單調，加上酸甜醬，香脆可口😍🌟香茅蜜香茅味超濃郁，加上蜜糖水和冰。入口好清新，簡直係消暑聖物。❣️總括，價錢親民，味道不差，性價比高。店員好親切，好多街坊都來幫襯。下次可以試下晚市餐廳，都好吸引。

早幾日同朋友去沙田行街～夏天日日都熱到過分~胃口都相對變低～但野食始終係要食～行經見到有間越南餐廳~同朋友四目相對~嗯～係哩間啦~~我叫左生生肉配牛腩河～清爽冇負擔～又好味、又解喝(有湯)又唔大負擔~配埋熱飲話梅咸柑桔水(幾熱都係要養生～飲少啲凍野~-)一流～ 朋友就叫左順化香茅豬扒飯配椰汁珍多冰～佢好快趣就成碟清曬～但好在我有叫佢比我試小小～(同朋友出去最開心係食野可以大家交換試下-)一流呀食完好滿足~又可以繼續行街啦

今次叫咗下午茶嘅扎肉蝦餅撈檬，以為下午茶餐會係輕盈啲，其實同正常份量差唔多，扎肉入面見到粒粒豬耳，口感好好，蝦餅亦都夠彈牙，兩樣嘅質素都唔錯👍下午茶餐可以加配一款細份小食，蒜蓉牛油雞翼嘅蒜茸味雖然唔係好出，但係牛油非常香，而且炸得香脆！飲品嘅選擇幾有特色，唔係普通檸茶檸水嗰啲，而係青檸梳打、鹹柑桔水依類特飲，而且有幾款係唔需要加錢嘅，冷熱都得，依杯凍老薑蜜嘅薑嘅辣度同蜜糖嘅甜度夾得啱啱好，仲有香茅嘅清新香氣，跟餐嘅免費飲品令人喜出望外🍹

今日要去science park 工作。本來想起有一間豆漿舖，想去試下。上次因為外面有10幾人在等待入去，所以便過了來這間。想不到的是。。。今次想去試下間豆漿舖，點知又有很多人在等。所以便過了這間。。。看回食評，上次都是這樣可能沙田柚特別鍾情豆漿話說回來，這間的食物是ok的。不過無想過，這麼快又寫這間的食評。今次試個撈檬，個味道清了小小，可以在味道上重手一點。在賣相上，它是可以的。今次彩蛋是城門河，沙田柚個個都知。基本上，城門河將沙田分成兩邊，一邊是火車站，而另一邊是第一城。那些年間，小弟都在城門河上，好熱血地在颱風下練艇。這樣才是青春過

今次去咗沙田好運中心嘅#順越南牛肉粉 ，呢間越式餐廳以正宗越南味道聞名，所以我同朋友特登嚟試下佢哋嘅招牌菜。同大家分享下我哋嘅體驗。香茅雞扒撈檬呢個#香茅雞扒撈檬 真係一絕，香茅雞扒烤得外脆內嫩，味道非常濃郁，帶有陣陣香茅香味。撈檬啱啱好彈牙，配埋新鮮嘅蔬菜同特製醬汁，味道非常清新爽口。每一啖都充滿住香茅雞嘅鮮味，令人回味無窮。🥗🍗🍜🍜（4.5分）越式蒸粉包呢個#越式蒸粉包 外皮薄而透明，內裡包住豐富嘅餡料，有蝦、豬肉同香菜。每一啖都可以感受到餡料嘅鮮味同外皮嘅彈牙，配埋特製嘅魚露醬汁，味道更加突出。呢個蒸粉包真係非常有特色，好味到不得了。🥟🥟🥟🥟（4分）凍越南滴漏咖啡飲品方面，我哋試咗#凍越南滴漏咖啡 ，呢杯咖啡真係非常濃郁，帶有獨特嘅越南咖啡香味。冰凍嘅口感非常清爽，加埋少量嘅煉奶，味道甜而不膩，非常適合作為飯後甜品。☕️☕️☕️☕️（4分）總結來講，呢次順越南牛肉粉嘅體驗真係非常滿意，食物味道正宗，服務貼心。如果你鐘意食越南菜，呢間餐廳絕對值得一試！