影片
大家好呀！又系田记同大家报道嘅时候啦！呢排又疫情又经济创新低咁嘅环境底下梗系揾啲平平哋嘅嘢嚟试吓啦啱啱搬完屋之后老婆话旺角有间楼上舖几好食韩国烧烤所以就想去试吓上到去装修都唔错个炉仲要系新式嘅落单又系扫QR code非常方便 头盘都系𠮶三样嘢泡菜芽菜菠菜 再加两款惹味嘅豉油酱汁 唔错唔错自助式自己攞嘢饮汽水纸包嘢饮都尚算可以注意酒类饮品系另计嘅因为呢个价钱真系好抵食头盘我哋梗系嗌左啲蔬菜例如薯仔片香菇青瓜粟米别有一番风味最意外嘅系有甜虾寿司几好味 最搞笑系我老婆竟然怕食生嘢 队左两只虾落去烧嚟食 哈哈 又几好味㖞话明韩式烧烤梗系唔少得南瓜矮瓜金菇每种都试少少跟住就梗系例牌牛肉鸡肉猪肉佢有埋Wasabi豉油酱真系好贴心老婆最钟意食（老公）整嘅豆腐 哈哈 今次都唔例外呢个有埋紫菜嘅汤大家都可以试吓猪颈肉就唔好煮得太耐重点就系咁样食法两个人买单都唔使$400有找 真系好抵呀韩式放题都算唔错今次嘅CP值系75分今次就会报住咁多先下次揾到啲笋嘢再同大家报道
继续阅读
今天吃的是精选放题. 地方细, 点餐用自助App, 出餐快, 自己出去取的只有几款冻饮及雪糕杯, 食物总体质素中上 但款式不多, 熟食更少. 整体不错, 只是她们计时 计少了15分钟.
继续阅读
百几蚊就食到韩烧任食，真系低到无人有。而且食物质素唔差，性价比极高。非常适合大食嘅人同食肉兽。猪牛鸡冇调味嘅肉部位位都唔错，另外有调味嘅肉嘅腌料味道都几好，腌得好长时间所以好入味。完全唔使再掂其他酱料就可以用嚟包住生菜食。百几蚊个有海鲜食！有青口同埋鱿鱼，食多几嚿都已经抵返晒。另外熟食都绝对唔马虎，好似炸鸡翼咁，新鲜出炉脆卜卜，仲好食过脆香鸡翼㗎。另外职员服务态度都几好，隔一阵就会主动问你要唔要换炉，非常细心。
继续阅读
服务态度唔错，见到烧烤个炉黑咗，店员即刻帮我哋清洁👍🏻环境都好干净$200左右就可以食到烧肉晚餐，几抵嘅。但建议唔好升级做贵啲嘅餐，因为啲贵啲嘅肉冇乜特别，唔太好味🤣全部肉一样味。生蚝带子唔太新鲜，刺身建议唔好叫。但系呢个价钱可以食到呢啲嘢，仲有咩可以挑剔呢？反而啲主食，啲汤、面食、炸物都几正！𠮶个大酱汤，绝对冇马虎，几惊喜👍🏻总括而言，味道都正正常常。嘢食好多选择，午市食应该仲抵食嘅。
继续阅读
最近好钟意去通菜街嘅Deli²揾食，今日就拣咗位于一楼嘅韩膳宫。$88就可以享用韩烧放题，仲要唔使加一，真系要试吓。坐低之后，店员首先会奉上韩式前菜，佢嘅泡菜相当好食，另外我都钟意佢嘅菠菜同芽菜，全部都系无限追加。 $88嘅放题会包括一份定食，我哋就拣咗新鲜牛肉，用嚟快炒都唔错。其他肉类都相当丰富，我尤其钟意五花腩同鸡翼。鸡扒同酱烧鸡髀肉嘅味道都唔错。厨师肠都好受欢迎，去到中段仲听到店员话已经沽清。另外当然都要食吓蔬菜，南瓜同粟米平时就食得多，薯仔片都系第一次食，原来烧烤系咁好食。除此之外仲有生菜，用嚟包住肉类嚟食可以减去油腻感。另外仲有炸薯条，下次要带埋阿仔嚟。除咗放题，仲有下午茶同午市套餐，全部都好抵食，难怪可以座无虚席。
继续阅读