影片
相关文章
今次黎到呢间韩国菜，叫左1个套餐A同1个套餐B，所以我地食到乌鸡汤，牛肋骨汤，两条秋刀鱼，一条鲭鱼，一个杂锦炒肉，仲有两个炒饭一开始黎左8个头盘小菜，都系传统嘅韩式小食个乌鸡汤个汤入面有好大只乌鸡，煮到好淋，好易起肉，都几好食，鱼嘅部份就不过不失，系即食嘅鱼嘅感觉个杂锦炒肉有鸡，有猪同有牛，每样嘅调味都做得唔错，好啱送佢个炒饭而成餐饭最好食嘅应该就系佢嘅牛肋骨，佢肥瘦相间，煮到好淋，唔会好韧成餐饭最推荐嘅系牛肋骨，大家可以黎试下
继续阅读
咁多野都系70蚊左右抵到烂味道又好又有包三个餐前小菜自己可以选侍应哥哥态度又好好吹得之余仲好有耐心等我地点餐个锅饭仲系喷烟咁热辣辣即刻整好推荐比街坊啊饱肚之选😎
继续阅读
牛肋骨汤饭呢个牛肋骨汤饭真系极力推荐！ 牛肋骨同平时食开嘅牛仔骨差唔多样，其貌不扬但原来系禾秆冚珍珠，牛肋骨炆得好腍，筷子轻轻一夹已经见到一丝丝嘅牛肉，味道四个字讲晒。清甜肉嫩！汤饭里面亦都有好多萝卜，萝卜清甜无渣而且全部都忟得劲入味。攞嚟送饭真系多多都唔够呀。铁板炒鸡肉铁板上菜嘅时候热辣辣，烤鸡肉嘅份量非常足够，食落带啲韩式烤肉嘅甜味。 烤肉下面有椰菜铺底，索晒啲肉味，非常惹味。海鲜煎葱饼海鲜煎葱饼食落就劲似中式嘅薄撑，唔会食到好重粉既口感，味道唔错，海鲜同埋葱再多啲就更加正啦。总括嚟讲，以街坊既价钱食到呢个质素嘅韩国菜，价钱中下味道又中上，此消彼长之余，仲要几时嚟都冇加一，简直系超值呀！
继续阅读
平日的午市，附近多间都烂满，这间食店算宽敞，很多位，唔够时间就一试。食品款式正路，价钱相宜，有前菜、紫菜汤及饮品。我哋叫了肉丝炒粉丝及烤什肉（有猪、牛及鸡）连白饭。落单后，每人两小碟小食，我哋拣了炸豆腐、鱼仔、酸萝卜。豆腐很不错，没有油抑味，也有点滑。酸萝卜是幼丝，唔够酸。鱼仔正常吧！烤什肉，$68，份量足，但卖相和味道就没有吸引力。味道较淡，肉味不多好。炒粉丝，一看，很湿。但粉丝食落质地弹牙，味道还可以。不过，食了一碗就感觉油腻。如果下次，或许会试别的了。如果想平及不等位，这间可考虑。
继续阅读
午餐去了呢间韩淼庄食，门口见野食几平就去试下。环境尚算寛敞，同朋友各点一样野食。叫咗正餐后，可以每人再点两款小食，我就叫咗薯仔加腌豆腐，两个都几好食，特别系豆腐，都吸收咗啲汁，用黎做小食都颇开胃。主食就叫咗泡茶豚肉锅，上菜时都好热好新鲜，豚似份量都多，汤味道都浓泡菜味，配上豆腐，食落去都几满足几好味。朋友叫咗烤肉拼盘，肉份量都非常多，可惜唔辣的，而且啲肉都少少韧，肉拼盘包括牛、猪、鸡肉，三款食落好似都一样味，呢个就麻麻地的。总括整体黎说，中规中矩，不过以佢呢个价钱黎讲都几抵食的
继续阅读