26
2
8
| 餐厅: | 韓正屋韓國料理 |
|---|---|
| 资讯: |
为鼓励食肆透过提供食物份量选择和采取减少厨余措施，与顾客共同从源头减少厨余，环境保护署推出了「咪嘥嘢食店」计划，参与食肆如符合评核准则将获「咪嘥嘢食店」认可资格和获发「咪嘥嘢食店」的标志及标贴，以供张贴於店舖内和宣传，供顾客识别。此计划全年均接受申请，申请费用全免。
详情可浏览：https://www.wastereduction.gov.hk/zh-hk/waste-reduction-programme/food-wise-hong-kong-campaign
影片
以上资料只供参考，请与餐厅确认详情
食家推介
土瓜灣係美食寶庫，未有市區咁墟冚，未受人流嘅淪陷，可能就係因為咁，嘢食相對抵食呢間韓國料理都係做街坊生意，但質素不俗出面想食韓式豬手，冇兩三嚿都唔使旨意食到，呢度唔使$80就有交易生菜唔使另外加錢就有，豬手仍然好有膠質，蔬菜都好爽脆呢度竟然都有好值得打卡嘅菜式，芝士排骨好似熔岩咁一扯起就拉絲，死唔斷芝，係咁捲住啲排骨，食落超幸福晚餐依然有set，仲要好抵，石鍋飯都平出面成大截，一鍋飯份量好足牛肉、蔬菜撈飯加辣醬，味道好韓式，溫度keep到好耐跟餐仲有海帶湯飲，更加有韓feel胃弟仲想要芝士，於是嗌多份芝士年糕，醬汁好足，雖然好多芝士，但有泡菜醬中和，恰到好處，年糕好綿，仲有啲魚糕𠻹煎餅同紫菜包飯都係韓餐必食，今次食唔晒兩樣，唯有揀煎餅，煎餅無論質感定味道都好獨特，非常好食，點醋食更係畫龍點睛跟餐可以加錢嗌特飲，由於呢間溫度都好韓國，所以胃弟嗌咗杯人蔘茶暖暖身大胃就唔怕凍，睇中好特別嘅紅棗沙冰，冇諗過咁好飲，胃弟到最後都爭住要飲
继续阅读
今晚專程來食韓式食品，前一排工作路過已經見到他，網上再看看，嘻...可以廉價慶祝考試成功過關。剛剛過了六時，早點食個晚飯，因擔心星期六夜了會人多....等位。未落實點什麼的時候，侍應姐姐推介了「芝士排骨」為了慶祝考試成功，豪食一次吧..哈哈！ 鍋中放上滿滿芝士，用火暖住食，侍應姐姐教我們襯熱，先把芝士卷好在每件排骨上，因芝士涼會凝固，哪就不好卷了，每一口都吃到芝士，排骨肉夠腍夠味，滿足。「豬肉石頭鍋飯」滿滿七彩雜菜，醃製過的豬肉略厚及少許硬，雞蛋撈落埋飯食，加不加茄醬也感味道OK，最好味就是有飯焦。「海帶湯」跟飯送胡椒味略重，合我們口味，多點海帶更好！。追加「韓式炸雞」 $25/3件炸得香脆，雖沒肉汁，肉仍嫩，好味！「韓式無骨豬手」看到旁邊的叔叔嬸嬸食得很滋味，我們又點，豬手皮彈牙，肉有饞勁不肥，包生菜，生蒜，泡菜，加少少豆醬，好味又抵食。追加「咖啡沙冰」沙冰好滿，要先飲兩啖才不會瀉出，慢慢攪勻，咖啡與沙冰才不會一些濃味，一些淡味，味道有點像少甜的明治Chelsea 糖的咖啡味，沙冰很凍，正！說實，小店經營，價錢像茶餐廳，食物味道可以，不到一百元食到生菜包豬手肉，而且不加一，香港食店越來越難生存。
继续阅读
上網搵土瓜灣炸雞推介，搵到哩間店名叫韓正屋嘅餐廳，於是約埋女友小熊一齊去開餐.因為女友小熊同我一齊拒絕再幫襯家鄉龜，而佢話好耐都無食過炸雞了，於是上網搵搵D推介，就搵到哩間.我唔識欣賞韓國菜，首先唔鍾意食辣，已經好多嘢唔食，唯獨欣賞炸雞，每次幫襯都滿意，所以對韓式炸雞有信心.先點咗石頭雜錦鰻魚飯同石頭傳統雜錦牛肉飯，再加錢每客$25點兩客炸雞，最開心係..... 居然有我大愛沙冰! 馬上點柚子味同咖啡味沙冰.優點:1, 炸雞出色! 外層香脆內屠雞肉入味嫩口 Juicy! 好味! 推介!2, 只係加25蚊就有3件好味炸雞，性價比高!3, 柚子味沙冰夠甜夠濃味!4, 石頭飯底飯焦夠香口之餘，份量亦唔少，成碗飯底都係飯焦! 飯焦控必定滿足.5, 服務滿意，轉枱無黑面，沙冰俾錯咗幼身飲管又會主動更換.缺點:1, 鰻魚質素唔得，無入口即溶感，嚴格嚟講質感帶韌，當然唔係韌到咬唔開嘅韌啦....2, 咖啡沙冰偏淡，而且咖啡味重，甜D更夾自己口味.3, 環境比較迫，人客又多外賣又多，分分鐘要等位.睇 Menu 牛仔骨好似好正，韓牛出名唔洗我多講，下次食牛仔骨後再出食評.
继续阅读
韓式無骨豬手（小）優惠$78豬手經過慢火燜煮,輕輕一戳就能輕易地咬開。食落滿滿骨膠原的感覺。豬皮表面清理得好好，無毛。人參雞湯$120人參雞湯湯頭清澈而不油膩，雞肉鮮嫩，原隻上，肉質入口即化。人參的香氣恰到好處，不會過於濃重，雞內釀有米飯，吸盡雞湯精華！芝士排骨是餐廳的招牌菜之一。海量芝士🧀食完都覺得邪惡。韓式牛肉年糕湯拉麵(辣)有年糕，牛肉！牛肉份量都稍多。餐廳不加一，值得欣賞😀整體食物不錯！價錢合理。
继续阅读
香港地周圍都係連鎖餐廳 今晚就同朋友去土瓜灣發掘下啲小店🥰 因為好想食韓國菜 所以最後揀咗韓正屋☺️為咗趕走Monday Blue 我哋嗌咗芝士排骨 韓式無骨豬手 韓式海鮮煎餅 拉絲芝士炒年糕 韓式炒粉絲 韓式海帶湯同埋韓式泡菜 而飲品就揀咗熱蜂蜜紅棗茶同埋凍韓國柚子茶☺️ 但我哋實在係眼闊肚窄 最後仲做埋第二日午餐😆 芝士排骨好足料 排骨下面鋪滿海量芝士🧀 店員專登提醒我哋要趁熱用芝士捲起哂啲排骨 方便之後食用🥰 每一塊排骨都俾芝士重重包圍 食落去每一啖都好芝味☺️韓式無骨豬手軟嫩彈牙 豬手用生菜包住 再放上泡菜生蒜同大醬 入口啖啖肉好滿足😚韓式海鮮煎餅外脆內軟 配上酸酸甜甜嘅醬汁 好開胃😙拉絲芝士炒年糕原本可能有啲啲辣 但配上芝士中和就啱啱好 再加上魚餅 魚蛋同紫菜口感豐富😆韓式炒粉絲嘅調味恰到好處 咸香咸香 搞到我哋一啖接一啖 完全停唔到！無論主食 小食定係飲品都唔錯 而且唔收加一 絕對值得一試🥳
继续阅读