影片
#韩日烧 抵价放题, 寿司韩烧炸物甜品饮料都有，甜品种类多。极推芝士烧带子!!!!!火锅清清地，烚下烚下都唔错。寿司唔新鲜，我拎完返到埋位望一眼就发觉唔对路，食一啖即刻吐返出黎；冻冰冰，又腥腥地，真系搞唔掂，摆埋一边唔食。大佬呀，平都要食得落肚架！真心一句呢度唯一卖点系平，同埋野食既种类好多。不过真系唔好食lor餐厅入面有厨师即场煮野食出黎，尤其烧野既厨师都好有礼貌同整得好好食- 晚市正价场 ($168)
继续阅读
呢排忙紧搞装修@@ 朋友话荃湾买料平所以九龙嘅我都碌到去荃湾行，另外荃湾出名抵食，今日呢间⋯我怀疑老细点赚钱⋯简单啲来讲又有得食刺身，又有得食韩式烧烤，唔岩食都有得打边炉，份人懒既仲有人好似酒店咁煮熟食俾你，咁都多样化嘅选择收费$200都唔使😨咪话唔惊人平到咁你唔会旨意佢坐得舒服，坐位隔离就系回转寿司轨送刺身。枱上就有烧烤同埋电磁炉，位置需小但五脏俱全🤣出去行一圈，多野拣到吓死！韩式烧烤料有！打边炉用既料有！熟食又有！有人烹比你食都有！（影得唔好向右手边）最癫连清酒梅酒都有得任饮！😱实在因为收费太平忍唔住对佢刺身质素产生怀疑，所以唔敢直接放刺身落口，而系放去BBQ😂就算出面冇咩海鲜可以拎来烧，用我呢个秘技你都可以有盐烧海虾食😂
继续阅读
今日系荃湾等侄女补完习，因为补夜左就带埋佢食晚饭，佢d同学仔就提议佢去呢间食，去到谂返去以前读书个阵又系好中意食呢类型既韩日烧餐厅呢！呢度晚市正价168$，8点9后入座只需148$呢！一上到见到好多食物摆放住，而且摆得好整齐干净，呢度啤酒仲要系任饮架呢！而我就心血来潮自家制左一个温泉蛋肥牛，肥牛我自己烧到刚刚好，肉质仲系好juicy ,配埋甜甜地温泉蛋 连我侄女都忍唔住叫我整多份呢 哈哈！ 呢度除左肥牛之外，仲有回转寿司区呢 又有好多唔同既丸类！呢度好抵食，下次试下8点几后黎仲低呢！
继续阅读
系荃湾发现到个又可以韩烧又可以火锅既地方，一次过满足唔同朋友既喜好！左手边大啲个炉系韩烧，先铺沾左油既牛油纸，焦左就再铺一张，唔洗成日叫人换板。火锅炉要自取，细细个。蔬菜架，有金瓜、翠肉瓜、矮瓜、生菜、娃娃菜同金菇菜等。菜新鲜，肥牛唔会太多肥肉。火锅用黎渌下菜食，刚好！开始铁板烧啦！等待永远是漫长的韩烧食物种类算多，自己夹，有青鱼、三文鱼骨、三文鱼片、肠仔、鸡翼、牛仔骨、猪扒、元贝等等。摆晒系门口位置。最喜欢佢个三文鱼片，薄薄一块，连埋鱼皮，用左好似韩式泡菜既酱去淹，好入味，微辣。个皮煎到脆，而啲肉系稔，好好食，夹左几转！牛仔骨都好好食，不过要拣啲肥肥地既，煎时啲油流晒出黎，好香，食落好稔，好juicy！正！等唔切既可以考虑食住熟食先，有薯角、炸紫薯波波同猪扒等。仲有臭豆腐，有兴趣既朋友可以试下竟然有回转寿司，真系搞笑！坐系运输带附近既朋友真系好方便！一伸手就系但如果唔系既就要企系两边等啦。甜品柜有芒果布甸同凉粉等。隔离仲有雪糕柜，有两款味道今餐食到好饱，食左成个星期份量既肉同菜🤣🤣
继续阅读
呢间餐厅老实讲太多野食, 价钱又唔算太贵, 唯独当然D野食都唔算特别名贵啦.不过算系抵食嫁啦呢个价.呢到特色系, 有个油纸整住黎烧野食! 不过我自己觉得唔算太过方便好似有小小难烧既感觉. 同埋有D易焦.第一呢到会有正常既寿司食. 水准完全正常, 当然唔好EXPECT有火灸和牛个d啦,但正常三文鱼, 鱼子个d就一定有.呢个位会有d即整既野食俾客人任拎,有小小似酒店个d.肉类个d都有好多选择, 每件烧一件都饱死... 所以我地今次无烧太多野食, 当中牛仔骨可能比较好食, 味都比较浓小小.熟食方面有炸既野食, 同埋鱼蛋牛肚等既辣野.不过唔算太热, 如果热热辣会更好!酱料自己睇都知多到爆炸, 想食咩都酱都有.野饮都系多样化, 除左本身正常韩烧会有既野饮之外, 仲有d日本酒任饮的.主要卖多样化, 价钱算平 不过可惜就系个胃装唔落
继续阅读