韓國餐室 (景福街) (已結業)

是晚一人覓食，想試試行經多次都沒有光顧的韓國菜，今晚就試試。店子不大，裝飾簡潔，立馬看看餐牌，就決定了。附送的前菜（泡菜）及海帶湯都沒有吃，估不評論。主菜石窩芝士香辣雞肉飯，賣相不錯，送上時還聽到石窩與米飯烤成飯焦的「滋滋」聲。但可惜辣味太重，一點香辣也沒有，泡菜的酸辣也蓋過，莫說芝士的奶咸油膩味也蓋了。但唯獨雞肉的雪藏味就蓋不住。有真奇怪。另石窩太熱，底部的飯焦全部烤燶至黑黑的。。。總括而言：環境：裝修簡潔，加了一上韓國裝飾，實而不華。食物：味道單一服務：侍應都忙着處理外賣訂單，忘記堂食的食客。侍應談天聲音較大。

我常常和Honey在新蒲崗覓食，有很多食肆，都試過了，今天就到了Korean Canteen 。舖頭是企理乾淨的，價錢也正常，和同區的午市套餐差不多。但我很認同，開飯網其中一位寫食評的飯友的標題：「唔係難食，但又唔係好食」。Honey叫A餐 $67他選擇了雞。所謂雞，只有一堆紅色醬，和幾片乾乾的雞 。雖然前菜、泡菜是室溫的，我當然明白。但是，這個紅紅的雞醬，也是涼的。只有飯是有溫度……真的不好吃。我叫C餐 $62石頭鍋飯還好，因為石頭鍋夠熱，把所有材料都「煎」熱了。石頭鍋飯一般。我們叫蜜糖薑茶(@+$3)稀稀的……同版的Openrice飯友寫：「唔係難食但真係唔好食」……贊同。

想避開人群，所以十二點便去搵食，行過幾間都沒有特別感覺，見到這間韓式餐廳，望入去簡單企理便直接入去。.餐牌也頗多選擇，有午市套餐，原來所謂套餐是不包飲品，幸好都只是加$2，除了汽水、果汁等還有細蜆肉海帶湯揀。除午餐外，還有其他食品。韓式雜菜炒粉絲 (牛肉) $58 (3.5分).這個粉絲除了牛肉外，也可選雞🐔、豬🐷、鴨胸🦆、素🥬。素會平8蚊 (即$50)，粉絲沒有韓國粉絲那種彈牙感，味道還是可以的，牛肉量一般，不會太肥，總體還🆗，我給3.5分。那支辣醬我就好欣賞💖💖細蜆肉海帶湯是另加 $2，味道略鹹了少許，好處是勝在海帶，多吃蔬菜纖維🥬身體好💪我埋單時不知是否早，😎有九折，$58炒粉絲，加$2海帶湯，共$60, 九折後$54. .總結:✅食物選擇多✅環境感覺舒服🆗味道還可以🆗以地點、味道來說，價錢一般，不貴，同時也不是特別平

未寫過食評嘅我，真係第一次嬲到要搵返個密碼嚟寫，呢間鋪頭離哂譜，做唔切外賣order又接，7:04打去叫外賣，有問清楚幾耐先有，因為喺附近唔想等太耐，同埋唔想個仔太夜食，咁佢講好話20分鐘就得，咁好，就照落單啦，問咗幾次會唔會因為叫炸雞而要等耐d, 又話有分別，跟住等嚟等去，7:30都未有，一直只係話就得就得，我真係得佢條命呀，🤬🤬🤬🤬🤬最終要7:50先攞到外賣。頂佢，要等咁耐，我搵間野食都食咗啦。除咗我地，我見仲有位等餐去送貨嘅人兄都非常嬲，即係間鋪完全做唔切啦😡😡😡😡😡😡呢間野，完全要black list, 永不錄用😤😤😤😤

住依區真係冇乜韓國野食行過見到依間 疫情關係又冇乜人 都係走咗入去其實都成日試伏 依間真係唔掂🙈✨泡菜豆腐湯 hk$68佢一用碗上唔係鍋嗰陣我已經知衰咗....湯嘅味道 好似食港式西餐嘅羅宋湯咁另外辣度方面 唔知係咪我食得太辣 我係再叫佢俾辣椒粉 落完我都唔夠辣早知 食最唔會錯得離譜嘅雜錦拌飯算P.S. 炸醬麵嘅味道都奇怪 麵底係好似上海拉麵

Home Office嘅時間，全家都係屋企，冇人想換衫出街買餸，冇人想換衫出街食飯，所以我哋就過住我哋叫外賣嘅生活。今次搞搞新意思，食吓韓國嘢，我超鍾意炒粉絲，所以我當然冇意見。今次試吓呢間Korean canteen，其實一直都未見過間舖頭，但就叫過外賣試吓，叫過兩次，一次我揀咗鴨胸肉炒粉絲，一次揀咗牛肉炒粉絲。我不嬲都唔太鍾意食鴨，但唔知點解覺得鴨胸肉跟粉絲超級正，好好味。但第二次牛肉炒粉絲有少少失望，唔知係咪因為外賣盒嘅緣故，粉絲好似一舊野咁係個盒入面，而唔係一條條嘅質地，但overall個牛肉都唔錯。

4點幾覺得有d肚餓於是入咗去試下，可一不會再，叫咗個肥牛炒雜菜，個冬粉有陣唔知咩怪味，好似係up味，於是我朋友同店員講，佢哋話呢個係正常嘅，我哋所有貨係韓國直送，老闆親自飛過去韓國同廠商拎貨，可能係你哋食唔慣，韓國正宗係甘，喂大佬你唔好吹水嗱，我唔係咪去過韓國，當地都唔會有d甘嘅味， 或者你近近哋出去，尖沙咀韓國街食嘅都冇呢啲未， 我心諗你哋係畀人呃定係你哋啲貨存放唔好， 搵個自圓其說嘅方法呢，我就不得而知，我只知道呢間嘢做生意唔老實，老實講唔介意你貴啲，但係做生意真係唔可以唔老實😂😂

食物與相片不符$136個炸雞倒不如食KFC一心想來食過韓國野，水準不但係港式，而且可能冇咩人，個廚房一路煮一路唱歌食客被迫聽歌It’s so disappointed that the fried chicken is chicken chop that was so thin that it’s even worse than 茶餐廳。Besides , there was loud music from the kitchen that the customer were forced to listen.

上星期又去新蒲崗試新野見到Korean Canteen就想食韓國菜 我地兩個人叫左紫菜包飯同辣泡菜芝士豚肉飯紫菜包飯味道好正宗👍🏻成日都覺得韓國既紫菜包飯好神奇唔需要點醬但已經好好味🤣辣泡菜芝士豚肉飯份量一睇就知好足夠啦🤣🤣啲芝士撈埋啖啖都拉絲咁 好邪惡但好好味😍粒粒飯都充滿醬汁配合泡菜適當既辣度 加埋芝士同豚肉 口感豐富中意食韓國菜既一定要試下👍🏻👍🏻.晚餐黎講價錢都算親民包小菜、海帶湯、主菜同飲品味道都唔錯而且算大份，兩個人試兩個菜都好夠飽👍🏻

星期六晚陪大小姐跳完舞後，就響新蒲崗搵嘢食啦！本來想去Mikiki食壽司🍣，咁啱見到對面馬路有間招牌顏色係Tiffany Blue的韓國菜，就膽粗粗入咗去試一試😜佢哋嘅Set Dinner Menu真係好得意呀😎係用手寫架⋯⋯嗯，禾心諗咁樣應該係容易啲更改餐牌啦🤔Set Dinner 都有七至八款嘅選擇💟我哋選咗1.)韓式泡菜芝士石鍋雞飯上枱熱辣辣，撲鼻而來嘅泡菜香味加埋芝士真係好香😋食落去仲有飯焦添脆卜卜👍🏻2.)炸雞配牛肉飯卷牛肉飯卷好足料啊✋🏻✋🏻紫菜新鮮啱啱好唔會韌👍🏻如果個炸雞係即炸就好啦😢因為食嘅時候暖暖哋吾夠熱😝😝配餐飲品方面：我哋就選擇咗熱柚子蜜*(Set Dinner 配昆布湯+飲品）

韓國菜店雖然開到成行成市，但食韓國菜我會都係揀返呢間新蒲崗既餐廳。個人認為呢度既食物質素真係高、菜式較精緻，已經食過幾次但食極唔厭！兩個人叫左個海鮮豆腐鍋，非常之足料！半煲都係青口、蜆、蝦，微辛湯底亦好惹味，更重要係豆腐鍋會跟個麵，而個麵會另上，食果陣麵條自然非常彈牙！

行完MIKIKI突然好想食韓國菜，見到對面有間就諗住試試。假期夜晚去食，都只係得2枱客人，店員俾咗本menu，入面夾住咗一張手寫的晚餐menu，感覺店主都幾隨心，轉menu可以寫過張叫咗炸雞同炸醬麵，等咗10分鐘左右就上菜。炸醬麵味道正宗，麵質彈牙，炸醬份量同料都好足，加咗豆腐乾、洋蔥粒、肉粒同黃瓜絲，每啖口感都好豐富。炸雞香脆，肉質滑，不過炸粉好多，感覺一半都係炸粉賣相 4/5口感 3/5味道 3/5番食率 3/5

話說，係新莆崗返工咁耐，都5發現有間韓國餐廳，今日經過見無乜人又5洗等位，就諗住入去試下！🤦🏿‍♂️一入到去，有陣up味，好似5太通風，anyway，最後叫左一個下午茶餐，韓式炸雞烏冬加$2有杯蘋果汁，盛為$48 咁ge質素確實係貴左d，烏冬5係靚野，配料只有一些生菜加半粒全熟烚蛋，炸雞只係普通炸雞，KFC都好食過佢，無醬調味，冇落任何調味粉， 其實係另一角度來講都叫做清淡的炸雞😂😂😂大家如果去都5好叫烏冬，真係好5掂！ 不過其他菜式就未試過，亦都5會再去，私試伏嘅嘢就交比其他人啦😎😂😂😂

極度需要改善，拌飯有陣怪味，好似洗潔精+漂白水溝出黎既味，好似一個唔識煮野食既人煮出黎一樣，我未試過出街食到咁既味道既野，不是針對，真人真事，請盡快改善啦唔該。

新蒲崗開左間韓國野，都幾開心，因為間唔中都想食下韓國野呢間個價格都幾親民，顧客都唔算多，就算一個人堂飯堂坐下都唔尷尬xd黎食過幾次，每次都會叫手卷，韓式手卷同牛肉手卷都整得幾好食，40-50左右，比起其他韓國餐廳算抵牛肉軟淋小肥，入口好滿足！xd 石鍋飯就一般啲，佢個鍋應該燒得太熱了，幾次一上枱冇耐，都有唔少飯粒熱到變左黑晒，其他餐廳都冇試過咁。。。呢part真係要努力下，如果唔係就算想食都唔敢再叫