影片
以上资料只供参考，请与餐厅确认详情
相关文章
同巴士迷朋友入东涌行下，东荟城坚系多人，餐厅又贵，以为7楼有food court执到宝，殊不知好多人好难揾位。我拣咗呢间韩国屋，见到好多女子帮衬。由于未食过，为求稳阵，就叫咗：1号 韩式紫菜饭卷便当 $82$82喺东涌可能算平，个份量都叫OK，有几样野：。紫菜饭卷：翻热了。。无骨炸鸡：估唔到都有几旧肉食下，酸酸甜甜又几开胃。。炒粉丝：有饭又有面，有多一款野可以咬下。。粟米沙律。汤：仲有碗汤仔比你湿下个口，感恩。呢个餐算系咁，都叫有几款野食，只要抱住食快餐的心态就可以啦。食完就走，周围睇野。
继续阅读
东荟城名店仓人流不算很多，但一上到food court就人头涌涌。看来大家都比较想帮衬性价比高的food court。行了一个圈，见到很多人吃韩式铁板餐，我又加入一份！铁板大大份，一半是牛肉一半是泡菜，好丰富～味道不错，价钱可以接受！
继续阅读
叫左3样野牛肉韩式粉丝韩式炸鸡（辣味＋酱油味，各半）炸紫菜粉丝卷本身唔嘥野，正正常常都会清碟。见到我剩低咁多就知咩事。。。牛肉韩式粉丝味道够嘅，牛肉好碎，无乜几多旧，粉丝断得7788。韩式炸鸡室温，唔脆，层皮硬嘅，D肉几干，食左两旧已经唔想夹第3旧。炸紫菜粉丝卷算系最正常，脆嘅，几好味，记住要点汁。得呢碟系有意欲食晒，两粒星系比呢碟野嘅。试完一次，唔会再拣呢间。
继续阅读
第一次食韩国部队锅，所以唔识比较好坏。一见到它，感觉份觉够。一大盘的锅，内有年糕、唔健康的肠仔、邪恶的午餐肉、韩国拉面同大量的菜。第一眼感觉，颜色唔多吸引，唔知系咪我叫少辣。汤色清，尝一口，没有特别。面，我本身唔钟意淋的，所以落单话要爽啲，都唔差，但自己煮的更合口感。初尝几口面都不错，感觉芝士味且香。年糕都有五件，没有不正常，烟靭适中。肠仔因分件，我估有一条。餐肉切得比如期的厚，而家有不少件，足够矣。豆腐也滑滑的。因为有不少椰菜，所以也足够饱。下次或许试其他好了。
继续阅读
相信好多人都见过/食过呢间韩国菜🇰🇷佢系大部份的Food Court都有咁见天气未暖得哂 食番次暖下胃先见佢个石锅好吸引 所以叫咗个韩式泡菜豆腐海鲜锅🥘 叫完之后佢会有一个牌仔俾你当个牌仔响红灯同震嘅时候你就可以出去攞成个过程都几快，唔使10分钟 而且拎上手嘅时候成个锅仲系沸腾紧🔥啱晒𠮶啲怕唔够热嘅朋友👍🏼佢跟餐会有一个白饭🍚成个锅整体调味，非常足够 唔会话特别咸或者辣 即使怕辣嘅朋友都可以叫黎食！！佢个锅虽然系用软豆腐 不过豆香都足够🫘而且海鲜嘅份量都唔少 有几只蚬 两只青口 两只虾 同埋少少急冻鱿鱼圈 以70几蚊黎讲尚算可以😌🥘🥘🥘🥘🥘🥘🥘🥘🥘地理 8/10环境 7/10味道 7/10服务 7/10🥘🥘🥘🥘🥘🥘🥘🥘🥘
继续阅读