韓味大媽

营业中

休息中

今日叫咗份韓式紫菜捲飯外賣，真係好正呀！一打開包裝，就見到紫菜捲飯整齊咁排喺盒入面，賣相十分吸引。紫菜捲飯外層嘅紫菜韌性十足，入面嘅米飯粒粒分明，咬落去軟糯又帶啲韌度。配料都好豐富，有牛肉、蛋絲、青瓜、紅蘿蔔絲等，各種食材嘅口感同味道相互交融，牛肉嘅肉香、蛋絲嘅嫩滑、青瓜同紅蘿蔔絲嘅清爽，再加上紫菜嘅鹹香，層次感超豐富。份量都幾足，食完都好飽。如果平時唔知食咩，呢份韓式紫菜捲飯絕對係個好選擇，推薦大家試下！

2022年6月4日星星六的午餐，都是離不開安泰邨街市的食店🤣，在安泰邨商場經過扶手電梯後，左邊近消防通道的位置，有一間很街坊的韓食店。小店早期還有用上八爪魚🐙製作的海鮮丸子，現時由韓劇《魷魚遊戲》🔼⏹️⭕中的椪糖遊戲，在限時內成功把圖案挑出的姜糖餅所取代。當天午餐選了紫菜牛肉飯團，而且牛肉製作成牛肉碎包裹著米飯裡面🙂🙂，而且每一件非常大件，需要慢慢咀嚼。當天還有選了盒少量裝的泡菜，泡菜非常爽口。而且我還有給予沖涼🧽🧼🧴🪣🚿🛁海綿給姨姨們沖涼🤣，作防疫用品。

試左呢間甜辣炸雞，烤牛肉卷同埋酸蘿蔔！價錢真係好抵，味道同係韓國食到既一樣！依加疫情，飛唔到去韓國，真係要搵間正宗韓國小店食！甜辣炸雞（8件）雖然我係外賣拎翻屋企食，但翻到屋企個甜辣炸雞仲係好脆好熱！！店鋪真係收到order即炸，唔係放左好耐淋晒個種！烤牛肉卷好足料，牛肉好好味！飯又唔會太多，材料比飯多～好抵食！酸蘿蔔酸度岩岩好，配炸雞真係一流呀！

估唔到街市入面會有一間由韓國夫婦開嘅小食店。雖然細細間，但係都多選擇同價錢都幾抵食，絕對係街坊價。🥰🥰今次試左辣豬肉飯卷、炒年糕同埋炸雞。飯卷不過不失，炒年糕同埋炸雞就強烈推薦。炒年糕入面有加埋魚糕，味道有迎合香港人口味，唔會話好辣，年糕仲係煙煙韌韌，一份$38，平時lunch 諗唔到食咩，叫一份一定會飽。😋😋😋甜辣炸雞一定要試，佢係即叫即炸，拎到返屋企，仲熱辣辣，外脆內軟，雞肉仲有汁👍🏻👍🏻👍🏻，$32有4件

之前經外賣App試過水準出乎意料地 高所以特登行去再買來食原來係正宗韓國阿豬媽開嘅佢好似聽得明少少廣東話。今次外賣咗以下幾樣：1. 韓式甜辣炸雞真心推薦呢樣，好好味平時最怕D雞炸到又乾又硬呢個少少脆加埋甜醬就冧冧哋啱晒我呢啲唔鐘意𡁻勁耐嘅人有4件 / 8 件 揀大大舊要兩個盒先裝得哂8件味道好過好多連鎖 韓國餐廳推薦推薦..2. 炒年糕味道唔錯可惜對我來講有D辣食得辣嘅人應該會鍾意食3. 甜炒魚仔甜甜地 平均水準以上嘅味道份量好多 塞滿哂一個盒仔可以當口立濕咁慢慢梅～4. 酸蘿蔔 $18本身好鍾意食酸蘿蔔，酸酸甜甜每次都食晒成盒，呢個又係十分推薦，超出水準，前菜來講 又係份量超多，同Aeon 超市買 差不多味道但人哋差不多份量都要$50。5. 泡菜煎餅最遲食呢樣 ，唔知道係咪焗到冧哂，就係一般泡菜煎餅嘅味道。6. 烤雞肉蓋飯太飽無食到，但聽講味道少甜 都唔錯7. 韓式炒粉絲好多配料同粉絲又係偏甜，比平時食嘅粉絲嗰啲粗身，無咁易夾斷哂，鍾意食韓國菜嘅人推介值得可以一下總括依然，性價比高嘅隱世小店，平時好少寫食評，希望呢間千祈唔好俾人埋沒咗

今日去咗附近探親戚，聽聞安泰街市裡面開咗間韓式小店，而我自己又好鍾意食韓國嘢，所以經過就幫襯一吓。😄鋪頭位置唔算起眼，有幾張枱放喺旁邊，可以方便街坊堂食，而我今次選擇外賣返親戚屋企食。真心好想試佢哋嘅炸雞，埋單唔駛100蚊就已經有8件炸雞同一大盒嘅韓國粉絲……好抵食呢！我哋叫咗甜酸同原味炸雞，兩款都整得好味又夠熱，外脆內軟仲好Juicy, 而炒粉絲亦加咗好多配料一齊炒，真心抵食兼值得推介嘅小店嚟！😋💕

叫左個甜辣炸雞8件（$60），即叫即炸，酸蘿蔔要另外買（$12）份量都幾多幾地道既味道，外脆內Juicy，不過似雞球/雞塊多過雞件，如果可以做有骨雞件就更好喇～貴啲都唔緊要～

柯打外賣雞肉蓋飯，泡菜煎餅，醬蓮藕，大甜辣炸雞～樣樣都好味，雞肉蓋飯唔落辣椒醬都好好食，醬蓮藕又唔會太鹹，不過煎餅真係唔適合外賣拎走…焗一焗就變得好冧…好感唔好食，炸雞超大嚿～肉質唔乾，甜辣醬屬於偏甜，辣味唔多覺，口感讚～

估唔到屋邨街市內竟然有間正宗韓國小店，係韓國夫妻開既餐廳，推介紫菜包飯，韓式粉絲，韓式煎蛋捲，同韓國旅行食既味道一樣，正宗既韓式風味 已經幫襯左3次，味道仲係一如既往好味，價錢親民👏