韓樂 (利東商場一期)

营业中

休息中

這間連鎖餐廳屬於標準化經營，食物質素屬於「不過不失」：雞肉菜式全部都是預先煮熟後加醬汁，味道和賣相都較為普通，沒有驚喜但亦不算失望，適合追求穩定口味的顧客。服務方面，餐廳採用自助式點餐和自助裝水，顧客需要自行掃碼落單及取用水，基本上與一般快餐店無異，這也是現時不少連鎖餐廳為了節省人手和提升效率而採用的營運模式。雖然這種自助方式能夠縮短等候時間，提升流程便捷度，但對於期望有侍應招呼的顧客來說，體驗相對冷淡。值得一提的是，餐廳環境寬敞，座位舒適，這一點為整體用餐體驗加分。綜合而言，這間餐廳適合對食物和服務沒有太高要求、重視用餐空間的顧客，但若追求個性化服務或精緻菜式，則未必會感到滿意。韓樂 (鴨脷洲)鴨脷洲利東邨道5號利東商場一期2樓L-201A號舖

利東邨韓樂分店，算是利東小區絕無謹有的外國特式餐廳，為居民提供耳目一新的菜餚，但提供未達上平之服務。餐廳早市主打港人習以為常的公仔麵配搭主食及煎蛋，亦有提供大份魚柳扒類及三明治為要點的款式早餐。午、晚市則以韓國菜式為題的菜式，正如文章開頭提及，餐廳菜式以韓國為主題，價錢亦相比坊間韓式餐廳較為親民，亦都深腺本區不少居民愛戴。但遺憾餐廳的服務，由開業至今亦未能提供令人感合格之服務水平，不時於店鋪內，或是小區社交平台專頁均有居民提出漏單的情況，最近亦有鄰桌於QR code 點餐，公仔麵配搭豬扒、雞扒主食再轉雞蛋款式，最後卻換來雙蛋麵的情況，而服務員更跟該食客爭論是否下錯單之問題。 坦白說，食客下單的QR code 系統理應跟店員敏用的系統截然不同，以食客方便理解及使用前提設計，理應不會有以上情況發生，事實相當耐人尋味。但餐廳分店經常發現食客有不良體驗，相信因人手問題有關，不難發現餐廳經常更換人手，最近亦多了掛P 牌的服務員，希望餐廳公司亦會多注重員工培訓及福利等事項，改善員工服務，為食客帶來更好的飲食體驗。總結：食物款式、價錢以及餐廳環境亦十分滿意，遺漏單錯單情況頻繁發生，服務由開業至今尚未

韓樂食過幾次，之前試過佢d石頭鍋飯都唔錯。今次試下新野，公司三文治就食得多，有芝士嘅就真係未試過。芝士控又邊可以錯過呢。一如既往，公司三文治等得耐d係正常嘅，黎到嘅時候，個賣相就已經覺得好值得等，無論係個芝士公司三文治，定係個薯條，都好好食。佢個薯條同M字果間好唔同，我鐘意li個口感多d。

12月份約咗好友聚會，考慮要入輪椅。試試韓樂，不錯選擇。地點ok，食物質素佳，服務都幾好，最緊要平。😅3個人食到好飽要打包，都係四百鬆埋單走人，下次有機會再來。👏👏👏

好多次買早餐外賣都漏野，加通心粉就漏通心粉，豬肉粉絲就漏豬肉，都算啦，最後一次買3份扒餐，3份多士都冇左，餐具就比筷子，落返去問佢拿返，個疑似經理既物體居然同我講要叉你唔同佢地伙記講，怪返我轉頭，ok真正冇下次

下午茶時間來到新裝修完的利東商場，內裡有間韓式連鎖店，當中下午茶選擇豐富，由主食、麵飯到牛角包、西多、炸雞都應有盡有，滿足各位顧客所需！輕量芝麻烤雞炒珍珠飯 $43韓式炒飯好香濃配料，黑白芝麻、蔥花、粟米、洋蔥等配料炒起黎味道特別出眾，加上炸雞嫩滑口感，以及珍珠米細粒爽勁既咬口，出色！凍特濃即磨咖啡 (+$3)即磨咖啡豆味都特別香濃淳滑，熱飲唔洗錢，凍飲加3蚊！最具特色係環境裝修，復古啡牆加上大大貨櫃等裝修，坐得舒適！

今日買早餐比漏碗通粉仲要兩份餐具都冇比試過食韓國粉絲外賣2碗變烏冬又試過比漏餐肉比漏牛角包😮‍💨今日冇比通粉瀨廚房出餐嗰個,出得慢甘其實吾係跟單執餐咩？關廚房咩事最後一次幫襯

真係好多人去咗旅行，雖然話假期但香港仔大街都唔係好多人行，食吓韓式下午茶囉🥢牛肉糖心蛋飯：作為韓式窩仔飯唔夠熱，牛肉細細件，所以無話「鞋」口。+$12有柚子蜜糖雞翼2隻，甜甜哋ok喇+升級嘅冷壓檸檬茶**下午茶來講都算可接受🍴半溶芝士肉醬意粉：可能鐵鑊所以夠熱，芝士跟意粉比例上算多+$8柚子檸檬梳打，酸酸地幾開胃食物中規中矩，唔算好食，但又唔算難食，味道跟韓式係對不上的，但填飽個肚咪算囉，我諗都係做街坊生意

雖然個名叫韓樂，但其實食物款式較西式，例如係牛角包、意粉，其中早餐好抵食，有個大既牛角包，仲有一大堆蘑菇炒蛋，仲沙津菜，下午茶好特別既有個芝士薯條，芝士係用個鐵板上，所以係溶溶狀態！

應該都係集團式經營餐廳，今次呢間係韓國菜午市個石頭飯好食，今次午市就order食呢個溫泉蛋車打芝士焗豬扒飯 + 凍好立克 $57+$3（凍飲）爆多芝士，份量大，起碼有三碗飯份量幾吸引，好味呀！另外order個（下午茶）芝士公司三文治配薯條 + 熱奶茶 $52 上枱個刻，賣相吸引，但係個三文治內餡就感覺有啲hea上面既芝士汁同餐牌不附，食落有啲似千島醬甘，唔係幾芝士不過薯條熱又脆兩份餐兩個人食，飽到晚飯都唔想食，薯條都食唔哂，份量相當大，幾抵食

今日接近12點行到去利東商場。想去試下食韓式野，上到一樓啊諗住入去呢間韓樂餐廳食啦，未坐落去的時候，就由於店內部分座位冷氣太大要求換位。其紋身女服務員話唔會為我哋要求而轉位。最後我們沒有理會自己轉位。其實食物水準一般。但係服務態度真是不敢恭維。希望嗰個紋身女店員自己檢討一下。。。。。。。。。。。。。。。。。。。。。。。。。。。。。 。。。。。。。。。。。。。。。。。。。。。。。。。。。。。。

用app叫自取外賣 叫左個韓式炸雞豬骨濃湯烏冬個所謂既豬骨濃湯 完全冇味同用滾水淥烏冬完全冇分別明顯個湯係奶白色既 亦有油浮面 但就冇味我嘗試下幫佢諗下點解會冇味咁其實如果啲湯有用水溝淡左味 或者其他原因啦你大可以唔接張單姐 因為已經唔係第一次係咁 已經試過幾次 今次真係頂唔緊 廚房係咪冇同場面既溝通真係太嬲 要上黎寫下 話聲比各位街坊知亦都有試過打電話去投訴D啊姐態度麻麻 仲問’咁你想點啊‘真心有啲火滾我唯有當佢話語技巧唔好啦真係人都顛🤪

今日咁岩去開利東，見到有間平平地既韓國菜～就入左去入到去見到個menu, 就知原來係itamama 個個集團. 價錢算幾平.Lunch 叫左呢個石頭鍋溫泉蛋豚肉飯，份量對女仔黎講好大. $64包野飲. 但坦白講味道一般. 可能係個醬一般. 如果有bbq醬就好啦～豬肉都有幾塊. 好彩配菜夠多 有菠菜芽菜泡菜同隻蛋～朋友叫左牛肉石鍋飯，就冇好多配菜. 好似仲有八爪魚🐙 但都係冇配菜.. 下次再試下其他野食. 去到最後先發現原來間野幾多分店

今晚諗住食韓國菜，見附近有這間餐廳，就是一下。嗌咗三樣都好正路嘅食物，包括溫泉蛋·牛肉·珍珠飯、韓式泡菜海鮮炒年糕、海鮮香蔥煎餅。諗住正正常常冇咩機會出錯，點知三樣餸裏面有兩樣都唔係好滿意。第一個就係石頭鍋飯，外賣都預咗佢冇飯焦，呢個都可以接受，但圖文不符，原來張圖上面有埋菠菜芽菜同泡菜，點知一打開只係得牛肉，一堆蔥粒，同蘿蔔粒，睇返以前啲食評，原來都有人經歷同我一樣嘅嘢。似乎真係偷工減料喎。而醬汁唔係傳統嘅韓式辣醬，而係啲酸甜醬，簡單來講所有飯盒裏面嘅嘢都冇味包括有牛肉。要靠撈汁先至加咗啲味。牛肉比較多肥膏，唔係好食得落口。另外就係海鮮香蔥煎餅，個盒仔大，點知裏面打開好細，而且個餅好厚身。我印象中煎餅唔係應該薄薄嘅咩⋯⋯又唔脆，裏面好濕，好多粉團，而且都冇乜味道。又去靠點汁。最覺得接受到就係韓式泡菜海鮮炒年糕，泡菜同海鮮嘅份量都算多。味道都算係最正常嘅。總括嚟講價錢佢唔算好平，性價比好低，即使想食韓國嘢，都唔會推介。

新開咗一排已經聽過好多劣評琴晚勇士上身真係聞名不如一試以後都唔會再一次咖哩雞唔香得個辣求其幾粒炸雞粒加埋三舊唔熟嘅薯仔😓真係相都唔想影價錢：貴(比附近餐廳貴20-30%雖然唔同類型，不過住宅你想做商業區價錢，好明顯都係錯晒！）味道：十分劣（得個辣，薯仔唔熟，求其一兜類似咖哩汁嘅啡色野，唔講以為🤮）分量：少得可憐（三至四粒炸雞‘粒’，六十幾蚊係商業區就可能正常，但住宅區就你諗你）綜合：咁嘅時候都唔比心機去做，唔好浪費租金啦！