韓樂 (MOKO新世紀廣場)

营业中

休息中

作為大眾化而且性價比高嘅韓國餐廳，韓樂一定有份.ᐟ‪.ᐟ🍚 煎蛋豚肉石頭鍋珍珠飯 配油麻香汁＋韓風香辣汁，好香.ᐟ‪.ᐟ而且有唔少配料，夠熱夠惹味◝☆ 重點係有飯焦⸝⸝‪⸝♡晚市都只係需要 $67 .ᐟ‪ 仲要包埋嘢飲，性價比超高🙂‍↕️

廚房煮出來嘅食物越嚟越差，根本有冇可能一件多士攞出來一個溫度都沒有，一碗麵全部係生嘅，要求去換過俾我，成碗就係攞返一碗淨面出來叫我自己將所有東西移過去另外一個碗度，咁嘅服務態度有冇可能再發生，永遠總係見到廚房啲人喺裏面自己喺度食嘢煮出嚟嘅食物就完全不像樣，要等候嘅時間都唔需要講啦，速度很慢，速度慢質素差價錢亦都唔相宜相信咁嘅競爭力應該好難持續落去都唔係想去投訴，但係因為唔係都唔係一次半次嘅事，希望佢哋會有改善嘅空間

門口放了餐牌，食物圖片都ok，價錢比快餐店貴少少。叫了三文魚石頭鍋飯（$67）+凍柚子薏米水（$8）鍋飯如同飯名一樣，只是多了十幾粒粟米，連一條菜絲、蘿蔔絲都無！我見隔離枱那鍋飯是有啲菜及蘿蔔。我只係叫走蔥，所以連配菜都走埋？ 仲有那兩碟醬汁，應該係豉油及燒汁，侍應話一辣一唔辣，但我一啲都食唔到辣味！石頭鍋飯唔係要配辣醬嗎？ 原來佢哋係無韓式辣醬的。韓式餐廳，連最基本的韓式辣醬都無，只有辣椒油，仲要係用外賣袋仔袋住的，真係笑死人

炒什菜-粉絲還粉絲，椰菜同肉怖上面，粉絲黐埋一舊，又完全冇用韓式醬汁炒牛肉石鍋飯-完全冇韓式醃嘅泡菜，又冇韓式辣醬，真係未食過咁差嘅韓餐醃菠菜-係超級超級鹹，同埋唔知點解會有啲啡色嘅醬汁唔會再有下次，亦都會同身邊嘅朋友講唔好試

餐廳個價位都定係比較親民嘅價格，好處就係比普通人可以平價食嗰韓國餐，體驗下整體都係快餐嘅感覺，呢個係個下午茶餐$5x-$6x包一個迷你嘅牛肉鍋飯，如果你話味道呢我就覺得麻麻咁，但係呢個價錢來講，都算抵食仲有杯飲品同埋都唔算太多人，可以自己一個坐四人枱，咁都算舒適同埋，餐廳都有播咗啲韓文歌，都算有誠意最緊要餐廳喺個商場內，交通方便，附近又近地鐵。如果一時諗唔到食乜嘢食呢個好過食food court😆😆

行完街想坐底食晚飯，見到呢間不用等位，見佢係食韓國野，於是試試。間鋪入面有幾張枱有客人食緊野，於是我坐低並用數碼點餐，見好多款已經話售罄，其實本身選擇已經唔多，叫左個八爪魚芝士焗飯，諗住應該ok卦。點知呢盆野唔知想點，八爪魚冇味，仲有少少腥，啲飯嘅醬汁正常，好彩有一舊椰菜花同埋一片甘筍食下，全個飯最好食就係面頭焗嗰啲芝士，因為行得太攰，又肚餓，所以食咗1/3飯，成為65蚊。唔好怪人點解北上搵食，65蚊，早知去食KFC!

🤮🤮🤮🤮🤮🤮🤮🤮🤢🤢🤢🤢🤢🤢🤢難食到爆！服務員態度好似踩到屎咁臭，唔知嘅仲以為我又同佢有咩仇。鍋芝士似嘔吐物！懷疑係咪真係有人嘔咗，唔單止食落去嗰下有嘔吐味，一分鐘之後仲會返出來陣令人作嘔嘅味道！！！薯條等咗二十分鐘，食飽晒先上，仲以為會好好食，炸得比個碟仲硬，炸魚柳嘅皮係肉嘅兩倍厚，總之以後唔會再來。踩雷踩雷踩雷！！！🤮🤮🤮🤮🤮😶😶😶

昨天有朋友帶我來到這裏食午餐 ，看看餐牌 有很多 午飯的套餐可選擇， 價錢非常非常合理。我叫了一個流心蛋加菜湯粉絲，再加數件炸雞，再送一杯咖啡或茶或汽水， 也只是60多元。 這碗粉絲非常大碗，其實可以兩個人食，我一個人也無法全部食哂！我朋友便叫了一個 韓式雜扒餐，同樣食不晒， 因為不想浪費食物，我們便打包好了！ 如果在港島區一定冇可能食到這些又平又好味的午餐。 味道也可以，份量大 ，一定夠食！ 可以畀一個讚！ 其實香港也有非常好食， 又不太貴的餐廳。 幾好呀！

呢間餐廳價錢算優惠而且又可以食到石鍋飯石鍋牛肉拌飯 68 石鍋非常熱，端上來的時候滋滋聲，聞到超香，調味比較入味，偏甜鹹口，放既醬汁不是辣醬而類似油醋蒜汁，但是整體味道都幾好，鍋巴也很香，石鍋飯剛好很燙，小心進食，容易燙到手一口炸雞烏冬面，53 到左下午茶菜單，下午菜單比較細份但份量還可以唔算太小， 烏冬味道不錯，湯底是好喝，偏清淡，配上炸雞唔錯。 炸雞是涼的，但是能吃起來味道還不錯，雞肉口感挺嫩，炸的外皮也沒有軟掉。 因為石鍋飯剛好很燙，乾脆直接加到石鍋裡，熱一會兒剛好能吃。

朋友約係旺角 Moko 商場食嘢，我早咗到行行吓見到間叫韓樂，睇咗個出面 Menu 幾好咁就入去食 🤪我叫咗個八爪魚炒年糕，味道幾正少少甜，少少辣，好滋味，但份量好似少咗啲咁，男士可能未必夠飽，建議可以再叫多個小食！ 朋友就叫個「温泉蛋牛肉石頭鍋珍珠飯配韓風配香辣汁」，上枱好夠熱，幾多配料好食。 另叫咗韓式飲品，凍特配奶茶及蝶豆花檸檬茶，幾特別嘅紫色檸茶帶有少少花香味😊繁忙時間比較多人等位，有時舉手侍應都冇理會，服務方面可以改善一下🥹

嚟開Moko，又係下午茶時間自然就會走去韓樂價錢吸引，又不收加一🔅豚肉温泉蛋飯 $42🔅新鮮冷壓檸檬茶 +$3用石鍋盤載，不過飯只係微温所以唔會有脆卜卜飯焦吉穿温泉蛋後蛋漿緩緩流岀混合kimchi醬汁後香噴噴不過豚肉只係三、四小片，份量略為少冷壓檸檬茶好啱小編口味，檸檬非常香清新少甜，感覺健康啲

牛肉未做熟 完全是粉色生肉 同職員講過後只話sry 未同廚房或其他任何職員反饋 牛肉炒飯菜品中有生肉是ok的吗？？？翻面過來整片都是完全未熟的粉紅色 已切成薄片炒的情況下到底是怎麼樣才會生到這種程度就能裝盤上桌

今日諗住同班friend去過生日，食完之後超級drama，返到屋企又痾又嘔，唔好話我玻璃胃，我喺其他地方都係嗌類似嘅嘢食（炸雞、薯條、石鍋拌飯）。環境又唔係話好乾淨，味道一般般，衛生就唔使講啦……服務都幾有趣下，來之前打過電話問可唔可以帶蛋糕，我哋都願意比切餅費（其實個蛋糕唔使切），而對方都同意咗；去到之後就話唔可以食。本人榮獲第一次腸胃炎，建議食環處查下😅😅

環境：地理位置於旺角新世紀廣場，地鐵旺角東站一出就到，係一個大型嘅商場，除咗食飯都有好多嘢行，因為連近歲晚想去買年花，行到攰見到有間意樂就入左去由於我去嗰日平日都好多人，基本上大家都坐得比較逼，但係餐廳就勝在乾淨企理，上菜速度快焗豬扒飯：首先份量大份，上到枱嘅時候都係熱辣辣，芝士醬汁都好多，豬扒好細心已經剪開一嚿嚿，總體嚟講都算唔錯石鍋飯：都係上到枱係熱辣辣，好食嘢味，飯粒粒分明有咬口，唔會太乾身或太濕柚子雞翼好食，皮外脆內軟，重點而家出街食好少有咁大隻雞翼

行moko見到韓樂餐牌有石頭鍋飯食，午餐就揀左佢。餐廳以掃 QR Code點餐，最後揀左温泉蛋豚肉石頭鍋珍珠飯，$68。飯上桌時熱辣辣，好適合冬天凍冰冰日子食。飯配有2種醬汁趁熱淋上飯上，配料入面配有泡菜，撈匀吃好惹味。珍珠米係我至愛，比較乾身可以食到少少飯焦飲品選配新鮮冷壓熱檸檬水，唔駛拮檸檬都幾方便。