韓風 (已結業)

今日去行駱駝漆行街, 駱駝漆真係好多野行,而且價值都比較合宜,而且仲有好多係OUTLET既價錢,的確係好鍾意行。今日行行下想食韓國野,咁啱6樓就開左新既韓國野,仲有唔同既小食同飲品, 韓國當然係想食下炸雞既,佢既韓式炸雞比較特別,係用雞翼同雞槌既,咬落去都啖啖肉,而且係即叫即做,好夠香口,同埋佢既醬都好吸引,如果外賣可以番屋企焗番熱佢。韓風有唔同既小食,有泡菜、燒雞泡魚干、燒牛舌、多春魚等,如果肚餓仲可以叫定食食,有烤牛肉飯仲有日式飯同拉麵、同埋日式魚生飯、海膽飯。

今日去咗觀塘開駱駝漆大廈shopping ，第三座除咗有好多凍肉店，廚具店之外，仲有一些食店。韓風就係一間商店+食店2合1 嘅舖頭。本身諗住入去行吓，驚喜地比我發覺有售香港較少買到的希臘紅白酒，仲有好多韓式米酒燒酒。餐廳入邊有卡位可以俾你坐低食嘢，牆上面嘅餐牌好似都有唔少選擇，不過我一心諗住行完街買嘢返屋企食，就買咗10件韓式炸雞。一支韓國乳酸米酒，紅白酒啤酒等等。介紹返佢個韓國炸雞， $80有10件。韓國炸雞嚟講都算抵食，餐廳老闆話覺得香港人唔係好食得辣，所以就冇用調味醬預先混合先至炸，改為調味醬料另上，遷就唔同口味嘅人。我覺得呢個想法都幾好，因為我自己食韓國炸雞，有時都會覺得啲醬料太多同埋太甜。炸雞返到屋企仲熱辣辣，外脆內軟，質素唔錯，配埋韓國米酒，好有韓feel。老闆介紹呢一支乳酸菌韓國米酒，味道唔錯，唔太甜酸酸地，好適合女仔。啤酒係清爽類型，唔太濃味，好適合夏天同埋配炸雞。店舖買滿$500可以做會員有九折。舖頭老闆同埋老闆娘都好nice，買嘢嘅客人好多，佢都會細心介紹產品，等緊炸雞嗰陣又成日叫我坐，好有小店嘅人情味。

一間絕對值得推薦及支持嘅本土小商户🤗 店主堅持炸雞即叫即炸, (等候時間10分鐘左右好合理) 食落確實脆卜卜, 熱辣辣 😋而且唔覺油膩, Like 👍 至於肉質, 因為都係雞中翼及雞鎚, 所以份外嫩滑. 醬汁都有好幾種選擇, 韓式經典甜辣醬唔少得, 但如果唔食辣, 亦可揀蜜糖芥末醬, 或者蛋黃醬, 茄汁, 應該都可滿足大部份人嘅口味. 店內亦有韓國暢銷啤酒Terra 售賣, 有時睇韓劇都見到嗰隻啤酒, 但香港市面唔多見有賣. 既然呢度有, 叫開炸雞冇理由唔配埋呢隻韓國啤酒嘅 😁 咁先有韓國feel 嘛🤩. 1份4件嘅炸雞, 當1人份量嘅輕食啱啱好. 店主話如果有聚餐 / party / 到會, 可以有優惠及提供其他小食, 飲品 🥳

今日嚟到觀塘駱駝漆大廈搵食，疫情咁多年，都冇去過韓國，韓國炸雞有幾出色，我諗大家都知，不過呢度有樣嘢好好，就係炸雞可以比你自己Mix唔同嘅醬，有招牌甜辣醬，蛋黃醬，茄汁等等，炸雞香脆而不油，仲要係即叫即炸，嚟到熱辣辣，配埋啤酒絕對一流，食完炸雞仲可以喺側邊買韓國食品，紫菜，公仔麵，罐頭食品等等，飲品，包括真露，米酒等等，店員好好服務好Nice好好傾，另外仲有韓式醃製燒肉，可以外賣返屋企同屋企人韓燒，簡直係雙重享受。