韓舍 (已結業)

最近約老朋出黎聚聚，近MK 附近食,因為韓舍坐得幾好 環境都唔錯所以再黎多次。 呢間韓舍屬於韓燒類型， 好似自助餐要自己出去拎。韓舍放題有刺身三文魚,壽司三文魚厚切啖啖肉，好有咬口八爪魚刺身好大塊， 好烟um個質感又滑。牛仔骨肉質非常鬆軟，一入口即溶！雞翼肉嫩離骨很香口。豚肉厚度剛好,肉嫩好快有得食 D肉夠入味,燒完依然好有肉汁.最好既系甜品多，蛋糕幾款仲有布丁，o者哩.

之前食過覺得唔錯，又多熟食選擇，甜品方面都唔錯，又有自製夾餅，棉花糖咁，不過近來食覺得佢地hea做，首先啲刺身質數差之餘仲要只可攞一次，熟食同生食物都之前質素爭好多皮，都係果句以佢收既價錢，想食刺身我不如食日式放題，想食韓燒我不如食漢x,致死原因我覺得係佢質素真係好差，祝佢好運。

/*這不是食評,請批核員仔細閱讀清楚*/第一次幫襯呢間野，野食質素中下，與價錢不成正比.但最差不過於魚生侍應服務太差/第一次拎魚生,因看不清楚魚的顔色所以叫錯左吞拿魚,但待應竟一面囂張話:你睇清楚有無吞拿魚，咪係lor無arma太串了.態度太惡劣。好似得罪了佢來受氣。建議大家三思

boxing day 約左一大班中學同學去食韓舍 book左位 早左5分鐘到 一去到就有位 但現場等位既人好多 (7:30 p.m.)一入到去既感覺 係比較大煙 之後坐耐左都有時feel到醃眼  呢樣扣分！食物種類都多燒物方面 見到下面評論提及過 無既羊扒 牛仔骨都有 （可能因價錢關係？今餐食左228 再加一）醃得大概都夠味道 而火既強度係可以自行調度 唔洗驚唔夠猛 冇好似下面講到要10-15分鐘燒一塊肉咁誇張我地大概食左1個鐘既時候 都已經飽到7788  連刺身方面 佢會有時一兩樣轉下：有三文魚、八爪魚、希靈魚、鯛魚、蟹柳棒 其他海鮮方面 有凍蝦 凍螺 青口 細細舊既蟹甜品種類豐富～（可參考其他食評圖）而且仲有棉花糖機、炒雪糕機、格仔餅（味道有：綠茶、原味、strawberry）  格仔餅味道唔錯！沙律新鮮 醬汁種類多飲品汽水種類有4－5種 更加有水！而且有 好立克 等等（其他即沖飲料總共3樣），沙冰機 至於 服務人員方面 態度友善 勤快收碗碟  

星期一，一家四口兩大兩小的光顧這店，1700-1830時段。大人只需$108，小童$78，另收加一。但可以用開飯啦$100優惠卷，抵！燒物方面以這價錢都不錯，豬牛雞魚丸腎菜蔬等等都不乏，只是肉類醃得略鹹，不要期望有貴價野，如羊肉或羊扒。熱盤有炸春卷、咖哩角、魚丸等都熱辣辣的。還有豬腳薑、炒飯、煮鴨，味道都很好，阿仔還讚飯香要添飯：）冷盤有凍蝦和青口，凍蝦都爽的。這裡不乏刺身，特別是三文魚，都算厚切。特別要讚，而且極為滿足的是，這裡的甜品。種類多，味道正。一杯杯的不同味道布甸、奶凍、桂花糕、不同口味的蛋糕。。。太正了若只計價錢及小孩的口味作比較，這裡是不錯的。

其實已經吃過幾次韓舍，但這次是第一次在十點半以後才進場。真的不知道究竟是我太晚來才覺得食材不太好，還是這家的水準真的有下降了肉類方面，選擇好像少了一點，特別是我平常會吃的牛仔骨竟然失蹤了～之不過牛肉片和牛粒都醃得入味，只好多吃這些吧雞呢也還滿嫩，這種厚度燒起來還滿快熟還拿了一塊羊架，就沒什麼羶味，這樣子好不好吃就見仁見智了期間拿了一點炸物，大多都涼掉了⋯不過有個麵包顆粒包裹的蝦丸算不錯吃冷盤類大概放了一個世紀吧！哪敢吃不過魚生櫃臺的還是敢拿，就用來治嘴饞，不能苛求肉質鮮甜乜乜乜當然到了十一點上下你想食都無得食到了熱盤，隨便拿了葡汁菜蔬和意式肉丸。原來意式肉丸=茄汁魚蛋，長知識了吃到尾聲的時候，我拿了燒烤必吃的東西豬腩肉、豬大腸和魷魚很可惜，豬腩肉燒到哪一個脆度，始終油香欠奉豬大腸啦⋯我咬了一口就吐出來，那種內臟的羶臭還在，大腸耶～洗不乾淨感覺就像是吃X魷魚是繼牛仔骨以後的必吃食材，混了疑似蝦醬的味道，就是愛鹹香了～但這張圖片太有梗了～最後甜點呢⋯⋯是不會有任何期待，所以臨走前我只是不停吃間間舖頭never fail的木槺布甸加一之後每人$173。裝潢是不錯位子也非常寬敞，但回到食材就⋯

前些時候和朋友來到位於彌敦道593至601號創興廣場9樓的韓舍旺角分店。這裡的晚市烤肉 + 酒店式自助餐，和坊間一般放題、韓燒一樣，都是不同時段入座，價錢不同。我們到達後，由於客人甚多，等候了約15分鐘才有位子。店員安排我們坐在卡位，韓舍的環境不錯，裝潢漂亮，而且很大很舒適，坐得非常舒服。另外，每個燒烤爐上均裝有獨立抽風爐，把燒烤的油煙抽走，享受食物時不會煙霧瀰漫。而放食物的吧檯位於餐廳正中央，方便顧客選取食物。韓舍的食物種類很多，Mr.Cuisine最喜歡的肉食是牛柳粒、雞中翼和豬頸肉。牛柳粒醃得不錯，非常入味，還放了適量黑椒，燒後香噴噴的，還有很多肉汁。而雞中翼的味道較平淡，加上我的燒烤技術未達到爐火純青的境界，無法燒出金黃色的雞翼。豬頸肉不錯，味道濃郁，肉質結實。至於吧檯旁有刺身供應，每人每次可拿取四件刺身。我選了三文魚刺身，刺身切得頗厚，也很新鮮清甜。除肉食外，Mr.Cuisine也吃了些營養豐富的蕃薯，這裡的蕃薯都是小小一顆的，蕃薯烤了後很香口，剛好一口一粒。最後，當然是甜品環節，我拿了些朱古力布朗尼和三款口味的布甸。朱古力布朗尼帶濃郁的朱古力香，質感稠密，少許甜膩。而布甸，

朋友隨意選左呢間，老實講見佢book左，唔係唔好意思出聲都唔黎。首先，個爐發熱部分真系好喺細，都算，發熱嘅地方都係唔熱嘅，煎一塊扒要接近10-15分鐘，放題等到個個都冇癮，有咩用呢。。。還有，其實真係會有問題，我好肯定有人會心急食嘅，然而又唔夠熱，咁樣係會有健康問題，我建議大家免得過都唔好去。仲有，肉類係好咸，估計因為去得慢，所以要比多d鹽“業”住佢唔會咁快壞。熟食方面，炒飯炒面，我地就係食呢d充飢，幾諷刺呢。冇乜味，而且凍凍地，鑊氣，就梗係唔會有，難食過茶餐廳。刺身，估計因為個個都冇得食，超多人排之餘，每次只能夠攞兩塊，好似乞食咁。而且質素都唔係好，有雪味。甜品選擇算多，有各式布墊仲有棉花糖。不過其實我黎韓燒定甜品呢？我食甜品應該唔需要2百幾一位吧？

最近假期多， 約老朋出黎聚聚，近返工附近食啦。上次都黎過韓舍，因為覺很坐得幾好，以附近放題黎講其實算闊， 環境都唔錯，光猛， 所以再黎多次啦。呢間放題係屬於韓燒類型， 要自己出去拎野食， 感覺就好似自助餐，當然無酒店咁high class la.而家就簡單介紹下啲食物啦。放題不能少的刺身三文魚壽司bar可以簡既刺身數量少左啲，而且仲有限4塊但係佢既質素又的確比其他好其中有三文魚啖啖肉， 好有咬口同魚香，而且係仲厚切，good good.而八爪魚刺身， 就大塊既， 好烟um,每啖都好似有海水滲出黎。三文魚壽司都ok la ....不過件三文魚就薄左d 韓燒方面， 都好多選擇，全部都淹曬，包括有雞翅，牛肉，豬扒。。。。應該係我廚藝了得， 我燒既雞腎，又爽口， 又彈牙， 咬到嗦嗦聲；仲有雞翅都好大仔，肉質好， 保留質感同入味汁仲有啲凍盤海鮮， 凍盤好開胃，好新鮮。甜品款式好多， 女仔好鍾意，我就鐘意佢個奶凍 好creamy口感 加埋淡淡既奶油香，美好既1餐。

韓舍晚餐一向又平又好食，今次轉戰旺角午市，50元一位加一都是55一位，只是少了燒烤和刺身，但即使有刺身午市都不是任食，加上有二個老人家，他們都吃得不多。一貫水準，但這個價錢，在旺角邊到那到?

第四次來到韓舍，這裡比其他自助餐形式的韓燒乾淨，少油煙，還有就是我最喜歡就是這裡的甜品。估唔到韓燒都有凍青口和蝦食，海鮮肉質結實，冇急凍/雪味，正! 熱食除了咖喱，炒菜，炆肉外，還有不少炸物，溫度暖暖的，應該已炸好一般時間，也不夠脆。 有不少新鮮蔬菜，推介燒椒。生肉都有很多選擇，有醃或冇醃製的都很好，最喜歡的是牛肉，肉質鬆軟，其次是雞肉，燒好後點上韓式辣醬，用生菜包住食，減低熱氣感和罪惡感，亦可平衡一下菜和肉比例。除了兩個甜品凍櫃外，還有一個蛋糕corner, 雖然一開頭說我最喜歡是這裡的甜品，但今次就令我有點失望啦，只有朱古力mousse cake的濃郁朱古力味令我想一再encore，其他的就一般般，不值一提

今次因為朋友gathering ，所以選擇韓舍🍢因為本身訂咗位，所以就五洗等位，因為係攞野食果時見到勁多人等，訂位係明智選擇😂✔️韓舍同其他韓燒店最五同係有自助餐既海鮮🐚，一堆甜品🍰🍦，但肉類選擇比較少，不過都夠1.豬扒我覺得係咁多款入面最好，因為燒完都重係好滑，而且調味都調得幾好，五會太鹹🍖2.辣味雞翼呢款雞翼既調味真係好辣，韓國辣醬既味道，食落又有少少甜，不得不試👍🏼3.海鮮🐚佢有翡翠螺，蝦，青口呢三款。蝦就一般，但五霉。青口就無試。但翡翠螺係完美，真係有自助餐既味道，而且都幾新鮮，加上佢一無就即刻補番，效率高📈4.飲品有一般既有氣飲品，茉莉花茶，玫瑰花茶。呢兩款花茶可以五洗飲，因為都幾甜同埋比冰沖淡哂，五好飲👎🏻坐位都幾好，五會太迫，但坐大台會方便d因為比較近食物同坐得舒服d時間得兩個鐘，未可試全部食物，但佢會係半小時前提醒下你，服務五錯Ps.i forgot to get a picture 😭sorry

6：45 到達，也滿座了，還好訂了位。 肥美的三文魚。這個比起其他燒肉放題店，的確不錯，上面抽煙的效果也很好。一直燒也沒焦~~~(暫時沒有)很多肉類可以選擇，不過味道好像差不多?? 烤波羅應該算時燒烤的重點吧@@(個人上很推薦) 吸引食慾的色澤。 吾客氣啦~~~飽滿度80%好吧，再來果然也是肥美的三文魚 果然這邊，甜品是主角的傳聞是真的，比起其他放題店，實在好太多，差太遠了。

之前食過元朗， 今次試下旺角店啦，好彩book左位，如果唔係有排等~環境同食物都沒令我失望,講下個環境先啦，我本身好注重乾淨，佢個乾淨程度都好滿意佢無論個燒烤爐定係擺食物既地方都好乾淨。 而且，佢既裝飾都幾特別。到講下食物，真係勁多食物，肉類就一定多架啦，但連三文魚腩同金沙骨都有! 佢連疏菜好似栗米同冬姑都有，仲有紅腸之類，每樣食少少都飽!!講埋質素,佢既肉真係幾多汁，又唔UN，好正!D醃料味道幾岩我,唔太淡，又唔係太濃! 食到濟濟地，再燒下栗米之類係好enjoy! D肉加埋其他疏菜味道更加好食!仲有壽司 佢款式當然少D啦，整得幾好味又新鮮，整體又唔差。最後， 至於甜品方面， 都有幾多款色，細細件幾別緻， 又唔太甜， 味道唔錯。真係成間 野都令人留低唔錯印象，價錢唔算貴，可以一試。

真係永遠唔會再去呢間餐廳…開呢個户口就係為咗比呢間野差評 真係伏到冇得再伏！！一開頭係嗰棟大廈搵一間食嘅，但一間就唔做午市，一間就食午市都要$200幾，所以就見呢間幾靚，幾si正，又未試過就諗住試吓。 睇落幾乾淨，出面個景都好靚跟住就出去令野食，點知佢唔知係咪午市特別少選擇，生肉得10幾樣野揀，種要我平時最鍾意燒嘅牛肉只有一樣！只有牛肉片，冇牛柳，冇牛柳粒，冇牛仔骨，乜都冇，叫我食乜鬼！！ 啲牛肉片種要點燒都好韌，燒細舊先好少少…而海鮮只有一樣，咖喱魷魚，又韌又唔新鮮。燒蔬菜就好少少，食落ok，但種類不多，脆玉瓜都冇。 間野咁樣自己標榜嘅，咁既然韓燒啲野咁難食，咁我expect佢buffet嗰part會做好少少…但原來我咁諗係超錯嘅！ 佢有4款炸物放出黎，四樣（咖喱角，麥樂雞，春卷，薯條）都暖暖地，佢地啲味，貌相，質素同你係超市雪櫃買番黎再翻熱嘅係一樣……點解可以整依啲野出黎比人食，嗰舊類似麥樂雞嘅我都寧願食McDonald都唔食佢！熟食都有幾多野揀，個人就少食開，只試了魚香茄子，味道不錯。但隔離嘅牌蒸點心亦吸引咗我目光，點知佢原來只係你樓下轉角小食店有賣嘅魚肉燒賣only.