韓舍 (已結業)

對上一次比食評係2011年。今日有感而發再寫食評是由於此餐廳的服務態度好差，要在此舒發吓才能下一啖氣。1.食物衞生情度有所保留，因為我見隔離張檯有人將食剩未燒過的食物拿回原處而沒有被任何侍應發現。2.抽風系統唔合格，全餐廳煙霧迷漫，雙眼感到很不舒服(嗱嗱地)。3.由於抽風做得唔好，場內地板油淋淋，行得快啲都怕跌親。4.食物質素一般，熟食食物係凍的，都有少量食物是好食的如雞翼，羊排及甜品。5. $188 一位/90 分鐘， 很有問題，根本就唔夠時收比人燒嚟食，第一，個爐塊鐵板要五分鐘才熱，燒熟食物都要5-10 分鐘啦，又要燒又要食，燒唔夠幾轉就夠鐘啦，最慘就係連拿食物既位置係餐廳既最入面，一來一回都要幾分鐘，仲要行回來時要小心撞到兩邊檯既人，浪費很多時間。第二，我食左50 分鐘侍應就拿張單來要埋單，ok我都沒有問題。還有時間當然繼續燒繼續食，但到最後15 分鐘侍應已經不斷叫你交檯及收你檯上的食物及配料。

聽朋友介紹話韓舍好抵食，所以今日就約Friend去個度gathering。 入到門口就見到有個人像同我地打招呼，下次大家等位既時候，可以同佢影下相。 韓舍有好多野食選擇，除左一般既韓燒外，仲有中餐，壽司，甜品，餐湯，小吃。實有樣野岩你地食。 雞腎，雞翼，牛肉粒，牛仔骨都好好食，經過奄制既食物係特別好食，香口入未，而且完全食吾到怪味，值得試。 另外，我地兩個都鐘意食燒金沙骨，芝士腸，腸仔，仲有不得不食既燒大脾菇，勁香口，其實燒蔬菜都好好食，大家不妨一試。 如果大家怕熱氣，都可以食中菜，呢度真係粥粉面飯都有得食，同屋人黎食都好適合。 叧外，呢到D小食都好值得食。芝士焗薯丸真係得既至愛，香脆可口，有濃濃既芝士味，芝士控既朋友吾可以錯過啦。另外呢個雞翼尖都好有特式，加入左中國食材，帶有少少中藥味，相信屋企人都應該鐘意食。 呢度仲有一個迷理水巴，有乳酪汁同荔枝汁飲，酸酸甜甜，好開胃，仲有汽水茶，再吾係自己沖coffee 飲都得。 吃飽飽，當然黎食甜品，真係有驚親，無諗過呢度D甜品咁多選擇，除左蛋糕，果凍，生果同雪糕。呢度仲可以玩抄雪糕，DIY格仔餅同綿花糖，好好玩呀。不過大家玩抄雪糕時俾D力先得

今晚同四位朋友食晚餐、原本訂了1900hrs，我1900hrs到了，因有兩位未到，所以取了登記未入座，大門口櫃枱職員話可hold 10分鐘，但後來又叫我們照入座，食到2110hrs為止，但2050hrs已被關爐，未到2100hrs，其間店員車輪轉咁催走，足足被催了三次，我們說之前話食到2110hrs，但職員聲稱查証過冇講過，而且態度極差。食物一般，環境擠迫、坐卡位出入不方便，走廊取食物經常碰撞，離開時等lift等了15分鐘，原因整座大廈很多食店，lift很難應付，如果火警更潛在危險，不能疏導人群！冇下次！

今晚與一位大胃王食飯，就跟他去了他的飯堂 - 旺角韓舍創興可算是自助餐/放題集中地，常常出外用餐的朋友總會吃過這裡的一兩家。今次這家又有新體驗，因為內裡格局很fusion，像是燒肉+酒店熱烹甜品+日式放題區的混合版。很像酒店自助餐的格局顏色煲的威力，還未吃也覺得像是不錯比起肉類區，蔬菜區更有亮點，五顏六色的蔬菜任君選擇，燒肉時也要記得燒菜! 重點: 平時十多元一串的燒菠蘿，現在任食!日式區 冷盤不錯，有凍蝦和青口是一大驚喜爐具蠻新，燒了兩小時也不用換燒盤，另外這家店的新式抽油煙機不是平常韓式燒肉店的那種粗吸管，不會阻擋視線，可以好好燒好好跟對面好友好好聊天。魚生讚位: 即叫即切，之前新聞說預先切的不好嘛，看著廚師切時多了一份安心多野玩之燒八爪魚，我就吃了職員幫我燒的，大大粒八爪魚在裡面啊! 還有可自製韓式炒年糕~可玩的還有炒雪糕、棉花糖機、軟雪糕機甜品都有十多二十款讓大家選擇，比一般放題多很很很很多! 根據平日去甜品店的經驗，我弄了個POP雪糕+芝士蛋糕~炒雪糕是我的第一次，原來捲成一卷卷的也不是容易... 食物質素不錯，款式多，玩的機多，價錢也不貴，裝修新坐得舒適，所以值得推介!

琴晚同老公拍拖去食飯，佢話好耐未食過韓國燒烤，聽朋友講話旺角依間韓舍幾好，就book位試下，去到坐底，d枱櫈都幾寬，行出去食物自助區兜過圈，wow~從未去過一間韓國燒烤放題咁多野食，烤肉區款式多，另外，仲有刺身、壽司、炸物、熱盤、小食、甜品、任飲清酒區～刺身區有七款刺身選擇，但每次最多攞3款，做得幾好就係佢地將d刺身放喺個有冰既碗到，保持新鮮，非常貼心～烤肉味道不錯～尤其是辣雞翼去到食熱食區，我order左一件炸蝦手卷，有亮點，我冇諗過員工係即時將隻蝦放入炸爐炸，然後再整手卷，比手卷我時隻蝦係熱辣辣，好味仲有d驚喜之處，有得自炒年糕、自炒雪糕、自製章魚小丸子～好過癮，自己未試過整過，好好玩～～依間韓燒可以encore~~

韓舍聽就聽得多，食就真係未食過，尋晚收工好想食韓燒，就搵埋男朋友一齊去試試佢。去到都9點半，所以唔使等位就入左去坐。同普通韓燒唔同係佢好貼心地真係有夾燒肉食嘅生菜同泡菜個d配料比埋您，唔係間間有，唔錯。一開始食個沙津先😎然後食韓燒當然就大量肉類啦，佢肉類都有幾多選擇佢有好多肉揀之外，佢仲有三文魚燒，可以試試佢，菠蘿串都有，我覺得都幾驚喜，加上佢d肉係都幾好食！係肉類嘅旁邊，有d炸物之類嘅野，大板燒都有。仲有個芝麻醬蟹籽玉子豆腐，呢個幾啱我👍行過少少有刺身櫃，我叫左三文魚同蟹棒，佢d三文魚係厚切，蟹棒都ok，係韓燒到食到呢個質素算非常好！除左刺身仲有d壽司，有d熟食選擇幾好。跟著我男朋友見到有得自己整章魚小丸子，佢又話要試試佢。佢有埋指示教點整，所以我男朋友覺得自己都幾成功。小丸子隔離仲有炒年糕，我地已經飽飽就冇食到。跟著就到甜品啦！！！😍佢係有超級多款甜品有豆腐花，自己炒雪糕都仲得，唔想炒隔離有d普通自己整一球球嘅雪糕。我自己仲整左個棉花糖，好有成功感！格仔餅都有得整😂食埋個爆谷🍿當然唔少得最基本個d甜品，佢係有兩個呢d櫃嘅款，我覺得幾貼心，細細件咁。埋單每人二百蚊唔使，又有得試下自己

今日同朋友食左韓燒+酒店自助餐，咁108@1都好似幾抵食，點知韓燒得about 10款嘅肉，而且全部喺出面買都好平（已調味嗰啲）嘅嗰隻雞、豬同牛粒😤而酒店自助餐就好多中餐，雖然好少款😑😑😑啲甜品都算ok啦，有蛋糕仔、兩款糕、棉花糖、好假嘅雲呢吶雪糕🙂真心失望😡以后都未必去😣😣差差差差评差差评差差差评差差评差差评差评评差差评差差评差差评差差差差评差差评差差评评差差评差差评差差评差差评差差评差差评差差评。

垃圾 ！ 好多嘢食完冇得refill, 特別食最後果批，冇嘢食 ！ 若喺食肉獸就ok ! 因其他嘢就冇得加添，好似荳腐花，朱古力味雪糕就好快冇 ！當我同服務員講，他們當唱歌 ! 最後埋單結賬再投訴，就同我死拗話有再添 ! 本人好記得一開始入座，直至走都冇人再添或換過荳腐花和雪糕 ！所以本人下次執到錢都唔會再去 ！

20170406(星期四)，友人相約共進午餐，我建議的地點被反對，友人建議韓舍，之前已光顧過一次，已知食物水平一般，其實也不太想再去，但以$58任飲任食作招徠，友人又相當喜歡到此用餐，我也志在相聚，此行不為食物而來，就此成行。門口有趣的公仔，有多種用餐方式以供選擇，我們選的是$58已包加一服務費的免燒烤放題，限時一小時三十分鐘。當天有不少中學生和長者，相信這個便宜的價錢有一定程度的吸引力，除此之外，當天看到中學生DIY棉花糖、PANCAKE、爆米花，算是又有得吃又有得玩。免燒烤午餐，顧名思義不會烤肉，但還是有不同款式的食物可供選擇。熟食類:個人只推介麻辣派對，名字特別，其實食材也是一般的魚蛋、紅腸、香腸和雞翼尖等，但麻辣味弄得不錯。壽司/冷麵類雪糕/部份甜品我的選擇蟹粥，賣相好像很吸引，味道只是一般，蟹是水水的，還有一點點怪味。每款食物我也是取一件為單位，全部食物味道普通不過。朋友的選擇有燒賣，南乳炸雞肉、餃子、泡菜、麻辣派對、豆腐、長通粉等等，壽司款式不多，有卷物提供，記得當時友人說她在家做的冷麵比這裏的好吃。另外有汽水機和咖啡任飲。埋單: $116--食物款式不少，但味道普通，比較

食放題最開心就係可以任你揀，自己鍾意食咩就夾乜嘢，食幾多夾幾多，咪做大哂鬼👻 今次同朋友就嚟咗韓舍食韓燒放題！🍢🍣🍰 星期一至五，晚市放題，只要係8點45分前入座，成人價格每位$188🤓我地就book左晚上7點3，由於時間尚早，當時都未係好多人，之後慢慢就開始多人，所以建議大家穩陣啲都係book左枱先。🍖🍗🥓佢哋嘅食物種類真係超多！例如原味雞翼、香辣雞翼、牛仔骨、羊扒、雞腎、豬梅肉、豬腩片等等。個人個得雞翼、牛仔骨、雞腎都好好味！😛🥒🍆🌽另外蔬菜嘅選擇都唔少架，粟米、茄子、車厘茄、青瓜、冬菇、青椒、翠玉瓜、四季豆。。。當然獅子狗同芝士腸梗係唔少得啦😆😆😆仲有菠蘿、秋刀魚同魷魚添！不過燒菠蘿真心正🍍好甜！🍘炸物方面有咖啡沙翁、炸紫薯、福袋、香蕉卷😍我想推介佢嘅香蕉卷🍌平時我唔係好鐘意食香蕉，但今次食左香蕉卷，覺得好好味😋係會有想encore既衝動🤣外皮炸得夠脆，個餡咬落煙煙韌韌咁，仲有好香嘅香蕉味👍🏻👍🏻不過最好玩嘅都係可以自製小丸子、韓式年糕、炒雪糕同棉花糖👩🏻‍🍳材料同做法佢都放哂係枱，所以餡料放幾多都可以由大家去控制👏🏻但由於製作需時，為咗慳時間，朋友整緊小丸子嘅時候我就整炒年糕😼

好掛住韓國嘅烤肉！！！但又未出糧，只好慳慳地同朋友去食任食韓燒啦😋今次係第二次食呢間韓燒，之前食過覺得幾多選擇，啱晒有眼闊肚窄嘅我。幾款泡菜配料～幾意外係有生菜提供，可以比我包住啲肉嚟食😍呢到有好多熟食提供，例如韓式辣雞、年糕、三文魚湯等。仲有蝦同青口，都幾新鮮😁呢到仲放咗有好多機比人自制野食，例如有炒雪糕、整小丸子等。多款炸物，不過睇落好油膩，所以無試到。各款壽司，有酒店自助餐嘅感覺。而且味道唔錯👍🏻刺身，每次限拎8件，可以排完又排😂大量肉類選擇，不過大部都係豬同雞。豬有好多唔同嘅部位，例如：豬頸肉、豬排等～而雞肉係雞柳為主，但就醃成唔同味，有咖哩、韓國韓醬、香辣、原味等～個人覺得雞肉最正，全部都醃得好入味，而且幾嫩！😍牛柳粒都唔錯！燒到啱啱好，不過就有少少雪味。海鮮同蔬菜類，選擇都幾多！自己揀，慢慢燒😝壽司同韓式辣雞都幾好味～甜品方面有超多選擇～我覺得最好食係綠菜紅豆麻糬😋好煙韌，食咗三粒，好滿足😂👍🏻整體嚟講食物選擇好多，可以話係半酒店自助餐放題，不過食物質素有改善嘅空間。特別係熟食方面，部分款式味道有待改善。但好係好在可以自己試下整下雪糕、窩夫等✨

今日同朋友經過一心想食韓燒,，睇完環境&價錢都ok,，就入去試吓，好多肉類選擇，但其他小丸子、炒年糕、炒雪糕都係要自己親手整，有d嘥時間，甜品都多款，都ok的，夠鐘前20分鐘過黎埋單，跟住夠鐘只係想食埋個甜品都仲走嚟趨你兩三次（係每隔半分鐘都唔夠）態度仲要係麻麻。見隔離枱仲有一堆未食完的熟食，已經被趕走了。

韓燒- 雖然本人確實唔太好，最怕食完成身成頭一陣燒烤味🙈🙈🙈 不過偏偏身邊嘅朋友就好喜歡，久唔久食一次都ok 魚生類尚算新鮮食物種類好多，生肉有豬雞牛魚類～熟食同炸物都有唔少，我地主要攞左生肉黎烤，大致上都唔錯，朋友話以前仲多款呀。炸物中嘅阿華田多士，再放番落個爐度加熱，烘到佢脆脆，正！自助小丸子機～ 整都整左一段時間，因為部機過一陣再會自動熄機，加上要排隊⋯ 我覺得自己整得好靚架，每粒都有兩粒章魚，椰菜絲 可惜本身個蛋漿就無乜味， 希望店方以後會調下味啦。玩多過食的我玩完小丸子機玩炒雪糕😂😂前面有張紙講解流程， 旁邊有粟米片同棉花糖等配料～ 仲有個雪糕漿！登登登櫈😎整到懶靚咁拎埋枱比朋友們食，大家都問我粒🍓 同macaroon 邊度黎答案係喺甜品櫃， 哈哈～ 整靚啲大家食嘅心情都好啲，都會覺得好食啲～ 😆😆😆呢餐真係好抵（個人認為） 圍番人頭都係$200 左右，抵食！

放假同老婆行旺角，見未食早餐又差唔多到午餐時間，於是決定去食韓燒放題，入到去見到已經半場滿人，午市價錢算係抵食刺身有三文魚，八爪魚，象拔蚌，希靈魚等，壽司都有5-6款熟食有多款的炸物、菜、雞等等，不過食左少少，主要留肚食燒肉呢度提供的燒物都有唔少選擇，肉類方面有五花腩、雞翼、雞腎、牛脷等等，d汁都算入味多款丸類、芝士腸、紅腸、魷魚蔬菜有南瓜、紫洋蔥、茄子、三色椒、菠蘿、翠玉瓜等等不過抽油系統可以改善下，因為店內一多人d油煙都幾勁下飲品有汽水機，可樂、芬達、雪碧等等，仲有自製的沙冰飲品，選擇都幾多甜品謙選擇都幾多，但有d冇refill，老婆推介焦糖燉蛋、紫薯撻、仲有雪糕最正

晚上，我的朋友和我決定去創興廣場填肚，那裡有很多餐廳，提供價格合理任食食物和飲料我們都喜歡燒烤，所以我們選擇一個韓國餐廳，在韓國創興廣場9樓，供應韓國燒烤和自助餐叫做“韓舍”。餐廳環境非常寬敞。有三個自助餐廳，收費方式如下：第1節：每人下午7點前148元第2節：在8:45 pm之前進入 - 每人178元第3節：晚上8點45分後 - 每人158元*（星期一到星期五 ）* + 10％服務費我們下午七點三十分到達，我們也進入第二節，收費每人178美元。BBQ:雞翅膀，豬肉，短肋骨，豬肚，魷魚，餃子，蘑菇，茄子等肉類，海鮮和蔬菜有30多種。我強烈建議牛肉真美味可口。還可以選擇約10種已烹製的熟食。例如，人參雞湯，紅酒燉牛肉，芥末蜂乳鴨胸肉，咖哩雞，葡萄柚各種蔬菜，新鮮蝦，雞塊，油炸魚等。我建議你嘗試姜中的豬腳薑，這是一種傳統的中國美食，只有很少餐館提供。這個餐廳可能是甜品天堂，因為提供了許多甜點。甚至有許多蛋糕，摩絲，果凍，布丁，冰淇淋，餡餅和奶油布等。我推薦海綿蛋糕在香蕉味和葡萄牙蛋撻。還提供壽司和生魚片。沒有試過，因為我不喜歡吃生肉和海鮮。我看到很多人排隊生魚片，這意味著生魚片的品質應該是