韓正屋韓國料理 (海壩街)

营业中

休息中

今日朋友帶咗去一間韓式餐廳，價錢非常親民🧀芝士排骨 $168-淋上韓式BBQ醬嘅燒排骨底部全部都係芝士 都仲未夠 再喺面頭灑上芝士碎 完全比芝士包圍嘅排骨可以做到拉絲嘅感覺 芝士味夠鹹香 排骨肉多⚪️海鮮純豆腐湯 $62-韓式大醬嘅湯底 加入豆腐 魷魚鬚 青口 蜆 等海鮮 熱得嚟又夠辣 惹味🐓韓式煎雞翼 $35-雞翼幾好食 味道有少少似普通豉油🥬涼拌菠菜 $15-菠菜加入少少麻油 涼拌幾香口總括嚟講，味道唔錯，價錢相當抵食👍🏻👍🏻

.上星期同老公去荃灣食韓國菜 今次由係荃灣返工既老公帶我去食好西🤣呢間韓菜餐廳已經開左好多年架啦 一直係平民高質飯堂當日天氣有啲凍 叫返個部隊鍋試下韓式小碟既酸海帶非常好食 開胃之後再叫左一碟獨食😋爽口得黎個味好正另外叫左辣年糕 加左魚糕一齊炒 煙煙韌韌好惹味到主菜 部隊鍋啦！🍲佢係2人餐 配2杯飲品部隊鍋揀左泡菜湯底 配芝士烏冬 份量2個人都嫌多🤣有勁多料餃子 廚師腸 厚切餐肉 魚糕 豆腐 金菇等等芝士加落部隊鍋入面絕對係世一🥹烏冬索晒湯底非常正😋厚切餐肉好大件 啖啖肉 滿足晒～食完暖粒粒非常溫暖呢冬天一定要叫呢個🫶🏻

夜晚過嚟韓正屋食韓國菜， 啲餸菜大大份，價錢又平民化。叫咗個韓式芝士蛋捲， 上面落咗甜芥末醬同埋茄汁，紅紅黃黃梅花間中好靚。 蛋捲咬落鬆軟有蛋香 。芝士煙韌，拉絲狀態唔錯，但味道比較淡， 容易畀醬汁蓋個味道。魚糕串用紫菜湯載住上枱， 魚糕保持暖身， 彈牙入味。 梨子汁雖然係罐裝飲品， 但裏面有少量果肉， 飲落有少少似冰糖燉雪梨嗰種味道， 幾潤喉。最後嘅韓式炒粉絲大大碟，佢個份量完全夠兩個人食，上枱嗰刻差啲畀佢嚇親。 粉絲乾身唔油膩，配上少許椰菜，雞蛋絲同木耳， 食落幾爽口。叫咗咁多樣嘢，埋單都係130蚊左右， 真係好抵食。

紫菜包飯，味道唔錯，好平實，入邊有小黃瓜，蘿蔔，雞蛋。甜辣醬炸雞，上枱熱辣辣，啲雞肉都算滑，甜辣醬酸酸甜甜，唔辣。韓式雞蛋捲，啲蛋煎到仲有少少蛋漿流出來，有流心效果，不過少啲茄汁會好啲。海鮮煎餅，配料有魷魚，蜆同埋韭菜，多啲會仲好。韓式炸醬麵，個麵有少少似上海麵，炸醬甜甜哋，都好多，夠撈成個麵。人蔘雞湯隻雞入邊有糯米，人蔘味都幾濃，個人覺得呢個雞湯好好飲，可以撈到成碗飯，而且仲有少少胡椒味，雞都幾大隻。

去開荃灣同朋友交收，食埋晚飯先返屋企，朋友介紹食呢間韓式家庭料，佢話大份夾抵食。天氣太熱，朋友叫個韓式蕎麥水冷麵，湯底酸酸涼涼，令人開胃，d麵仲爽口彈牙，唔係痴埋一舊，自己係屋企整永遠整唔到呢個口感。食韓國菜，點少得牛肉石鍋拌飯，石鍋拌飯一上枱滋滋聲，仲整到飯焦，脆トト好正，撈埋多種菜嘅配料，口感好豐富。食個鐵板燒牛肋骨肉都好味，燒到好香，好juicy有油份但肉質不會過份油膩，好味。我自己因為想食辣，所以叫咗個辣豆腐湯，好多料同醒胃，佢跟埋個飯俾你。整體味道好滿意，份量大大份，又美味，超抵食，大食積嘅我地唔怕食唔飽呀。

就像一個韓式街坊飯堂🏠食物種類非常多，而且有唔同嘅套餐啱晒一家大細嚟食，價錢仲非常親民。食韓國嘢我必點韓式壽司！估唔到一份有成10舊壽司，最後食唔晒😂我哋另外叫咗一份海鮮豆腐湯同鐵板牛仔骨原來兩樣都各跟一碗飯😂😂牛仔骨好香口，肥膏部份唔算多肉質都唔錯，撈飯一流！海鮮豆腐湯味道偏淡，係有屋企健康嘅味道🤣另外點仲有幾碟韓式前菜，最鍾意食大豆芽菜！前菜要自己另外俾錢，我覺得佢其他食物都算抵食另外加錢要前菜都可接受。

平時好少食韓國菜，今日黎到荃灣經過呢間韓正屋，入面差唔多坐滿人，就決定如同朋友試下係唔係真係咁好食😛〈泡菜豆腐牛肉湯（辣）〉夠晒熱辣辣，牛肉同豆腐嘅份量都好多，仲有金菇，翠玉瓜等等，好足料。湯底微辣，撈飯食幾開胃。〈韓式炒粉絲〉粉絲口感彈牙帶點煙韌，味道調得剛好，唔會太鹹亦唔會太油膩。〈韓式煎雞翼〉煎雞翼不過不失，雞翼size算大隻，表面煎得微微金黃，味道調得好有家的感覺。〈韓式炸雞〉炸粉唔厚，外皮炸得好香脆。食炸雞最怕就係雞肉會好老，但呢度嘅炸雞幾有驚喜，肉質唔會好乾，炸完仍然嫩滑。再淋上韓式甜辣醬，幾惹味。〈韓式炒年糕（辣）〉年糕嘅口感軟糯，味道微辣帶酸。飲品方面我地仲叫左凍人蔘茶同柚子梳打水，非常清涼解渴。👍🏻總括嚟講呢度嘅晚餐性價比都幾高，餐廳環境亦幾舒服，黎荃灣食飯又多個好選擇。

今日約左朋友仔S飯聚，雖然我地係同一個地方返工，但好少夾到時間見面！今次我地去左公司附近—荃灣嘅韓正屋飯聚！由於朋友仔S on diet 中，最尾我地叫左一個二人套餐 $228炆牛肋骨煲冇落味精好鮮嘅嘅味道、牛肉鮮嫩，同埋原來呢個係跟碗飯！韓式煎泡菜餅(辣)朋友仔S指名要叫嘅，啖啖泡菜又煎到好香口！石頭傳統雜錦雞肉飯，好足料雞肉夠滑，而且個飯有少少飯焦！跟餐飲品方面，朋友仔S飲走甜少冰嘅凍檸檬水而我就飲蜂蜜紅棗茶！呢餐平平地又幾抵食啵，我聞到隔離枱個人蔘雞湯好香，下次可以試下！

第一次食，覺得一般啦。薄對韓國野麻麻地。好多評論都話呢個好食佢如果唔加辣醬，系無味既。加辣醬又太濃味。唔知點解要加呢兩種茶同瓜豆芽又麻麻地。飯量算多，但系冇味有咩用。正常啦唔夠脆口，軟。都正常。佢會送個海帶湯。系出前一丁調味料整成既。唔好飲。蘋果梳打又太淡味。

呢排有消費劵 大家都努力去消費喺荃灣海壩街有間正宗嘅韓國 🇰🇷韓正屋！ 越夜越多人七點幾就坐爆曬留意到呢度有幾款二人套餐都非常抵食 $258 有3款主菜 送前菜同凍熱飲品兩杯 前菜有泡菜同埋海帶 平時要每樣$15但係呢個餐就送埋俾你 非常開胃同埋消滯首先有我最鍾意食嘅鐵板燒牛仔骨好耐冇食啦 上枱嘅時候吱吱渣渣 3件都大大件 剪開食有成9件 每件都好好食 諗起以前嘅黑椒牛仔骨 而家越來越少食到 非常難得 想飲個湯呢度仲有海鮮純豆腐湯 佢係有啲辣 但係又唔會辣到食唔到 裏面有少少海鮮 包括蝦同青口等等用嚟送白飯一流 再加埋一個石鍋傳統豬肉飯 有翠玉瓜生雞蛋 同埋豬肉一齊撈埋 令我非常滿足最後飲品叫咗個柚子梳打同埋薑茶都可以凍飲呢

最近大家都在看哪一部韓劇呢? 惡鬼? 今生也請多指教? 還是較早之前的黑暗榮耀? 追劇是大家的生活寄託，光看韓劇也不夠，也要吃吃韓式料理過過癮，最近朋友發現韓正屋韓國料理超多韓食，韓迷對此沒有抵抗力呢。炎熱的天氣裡，最適合來點微辣開胃的芝士排骨，芝士控必嚐。剛上桌時趁熱攪拌芝士的畫面超療癒，芝士拉絲牽到外太空去，加入韓國特調辣椒醬燉煮入味的排骨，再淋上邪惡又濃郁的芝士瀑布，隨著芝士的流動好不吸睛，入口噴香的好芝味，讓人一吃就停不下來。牛肉紫菜卷那逼人的芝麻油香氣，真的讓人很難抗拒，韓正屋韓國料理牛肉紫菜卷裡頭給得不少蔬菜，所以整體口味蠻清爽的。至於牛肉算是紫菜卷所有配料中口味比較重的，搭配上其他食材剛剛好，我是女生，我覺得女生吃牛肉紫菜卷絕對有飽足感。韓式炸雞應該是韓正屋韓國料理的招，幾乎每桌必點，我們也跟大家點來吃，外層色澤金黃的韓式炸雞淋上韓式甜辣醬，視覺味覺都很滿足。大塊的韓式炸雞均是雞腿肉部位，炸粉不會厚，炸到外酥內嫩又多汁，香甜辣再加上起司鹹香滋味，令人讚不絕口，大推。炆牛肋骨煲選用牛肋骨、紅蘿蔔、白蘿蔔一起熬煮，牛肋骨吃起來肉質扎實，肉嫩好啃，肉汁豐沛，牛肋骨骨頭不多，肉多

路經荃灣探朋友，見到有間韓food就入去試吓。兩個人唔太餓，就先叫咗個頭頁推介嘅無骨豬手，豬手肉好完整，無碎濕濕上碟。包肉嘅菜都好新鮮，連埋蒜片同醬料個味好夾，肉質唔韌但又有𡁻頭另外叫咗個辣炒年糕，味道夠濃夠辣，不過同朋友傾偈傾耐咗，凍咗就真係好煙韌嘞另外叫咗個韓式海鮮煎餅，海鮮都算足料，味道比較清淡，配埋個醬咸咸辣辣，如果個餅可以再煎燶多啲啲就非常正嘞飲品都係叫咗罐裝嘅韓式飲品，價錢都親民嘅，如果午餐轉飲就加六蚊

今日和朋友往荃灣韓正屋食韓國晚餐,我們點了沙律配炸餃子配芥末沙律醬,韓式煎雞翼,鐵板燒牛肉,配韓式炸雞和凍蜂蜜生薑茶,鐵板燒雙拼和咖啡沙冰,沙律食落新鮮爽口,配上芥末醬食落開胃,餃子炸得金黄香脆,韓式煎雞翼肉質鮮嫩香脆,鐵板燒牛肉肉味香濃,白飯軟綿,韓式炸雞我們跟餐加25元,炸雞有四件,炸得金黃,食落啖啖肉,佐酒一流,鐵板雙拼點了朱肉和雞肉,朱肉肉質軟腍帶點微辣,雞肉肉質美味,最後咖啡沙冰味道香濃,口感滿足,餐廳座位闊落舒適,食物美味,份量十足,食了一頓美味韓國晚餐

韓正屋韓國料理 - 荃灣📍荃灣海壩街22-32號華達樓地下E號舖係附近返工既朋友，介紹左呢間餐廳。6點幾去到坐滿9成，好彩咁岩唔使等。 一睇menu選擇多之餘，價錢仲好大眾化。小店用QR code落單，好方便。人參雞湯 - $120人蔘雞湯係跟飯既，份量非常足夠。雞係全隻，入面樣咗糯米、栗子同冬菇等。湯底非常清甜，帶點人蔘回甘，仲有紅棗等等藥材，感覺好補。佢仲會比一小兜仔黑椒鹽，加埋上去味道更有層次。韓式部隊拉麵(辣）- $50拉麵排得好靚，入面配料都非常多，有午餐肉、金菇、司華力腸、雞蛋、廚師腸，雖然啲嘢睇落邪惡， 但就係呢啲先最好食。湯底方面唔會太辣，配上煙韌蛋牙嘅韓國麵，三兩啖就食晒。韓式芝士蛋卷 - $62 韓餐嘅蛋卷，不嬲都好吸引，佢哋會加啲拉斯嘅芝士，出面嘅蛋卷又做到甜甜地鹹鹹地，外面仲配搭一啲蕃茄汁同沙律醬，好開胃。魚糕串- $10落餐嘅時候，見到有得加魚糕串，仲要$10好抵。呢度嘅魚糕串好煙靭，湯底唔會太重味精，就算魚糕吸晒啲湯，都唔會口渴。韓國梨子汁/韓國白提子汁 - $12呢啲韓國罐裝飲品，簡直係韓餐必備。雖然味道會甜少少，但佢入面有水果粒粒，口感好豐富，配埋重口味

有一次open rice比我發現左呢間韓國餐廳，本身自己就好鍾意食韓國野，就諗住一試，呢到好近香車街街市，呢條路都有唔少餐廳，去到大概等左10分鐘位，但店員說環齊人先入得，咁好啦等埋朋友先，入到去發現佢啲野食定價都好平，3個人叫左好多野食，我比較推薦既係佢既紫菜包飯同海鮮煎餅，2個真係好好味，又平，辣泡菜飯就一般，同出面既差唔多質素，不過不失，最尾埋單3個人都好似食左200幾左右真係好抵食，食物種類又多，下次會再黎