韓樂 (海之戀商場)

营业中

休息中

經過荃灣海之戀商場諗住搵地方食晚飯行到入去見到有呢間裝修似茶餐廳嘅韓式料理見餐牌上食物款式都比一般多嚟到韓式餐廳當然要試試石頭鍋飯😋今次我哋叫左3個餐分別係：👉「溫泉蛋牛肉石頭鍋珍珠飯」+蝶豆花新鮮冷壓檸檬茶特飲🥤熱辣辣嘅石頭鍋珍珠飯，珍珠飯比較乾身左少少，有辣同唔辣嘅醬汁一起撈埋食，層次比較豐富，溫泉蛋亦都慢慢流出蛋汁，食落更加滿足！👉「黑松露煙肉野菌忌廉扁意粉」+芒果蘆薈雪碧呢個味道比較清淡，中規中矩，黑松露唔夠豐富，令到沒有什麼特別。扁意粉口感沒有那麼好，如果改用返一般意粉或天使麪會更加好！但杯芒果蘆薈雪碧就好有驚喜，味道不錯很清爽👍👉「西冷牛扒配薯菜」+ 凍鮮柚新鮮冷壓檸檬蜜茶牛扒肉質尚可粉嫩嫩的，味道都唔錯👍不過嫌送到嚟唔夠熱，薯條改用粗薯條會更加好。呢杯檸檬蜜茶都好好飲～不錯！餐廳環境尚算寬敞，空間感也充足食物質素以這個價錢來說也性價比高👍

海之戀商場地下的韓樂是我經常去的餐廳。他們的凍檸茶是我的最愛。不同於一般的凍檸茶，店家將檸檬肉打碎並均勻地散落在整杯茶中，不使用檸檬片或檸檬核。這種做法使得茶的味道更加均衡，檸檬的風味更為濃郁。喝下去非常清爽，絕對是夏日的最佳選擇。 韓樂的野味豚肉湯麵也很值得推薦。湯底有點像拉麵的豚肉湯底，非常濃郁。韓式豚肉微辣，非常開胃，讓人難以忘懷。配上鹵水蛋，味道更加完美，令人垂涎欲滴。 整體來說，韓樂的價格平民貼地，食物質素也不錯。如果你正在尋找價格實惠而又美味的餐廳，韓樂絕對是一個不錯的選擇。

地址一荃灣海之戀商場店舖名稱— Momoku環境/設施一環境乾淨，地方闊落特色一早餐有邪惡芝士辛辣麵人均價格-＄50-$70評分-8/10今日剛剛跑完青山公路，去咗荃灣運動場沖涼，經過呢幾間舖頭門口，突然間俾佢個辛辣麵吸引咗，所以決定一試，真係冇令我失望，真係用心諗面做湯底同埋面底，所以令咬後非常之豐富鋪頭位置非常之方便，同埋大，座位都非常之豐富，鋪頭係用QR code落單所以非常之方便，咁當然係因為新樓面嘅吸引所以我嗌咗個雜錦辛辣麵食物方面，剛剛跑完個步，梗係食返多啲嘢補充體力，所以叫咗佢個邪惡辛辣麵，首先身裏面最緊要個湯底，佢真係用咗辛辣麵，唔係呃人的，棉質同辛辣麵係一模一樣，呢個真係一個重點，當然我有好多配菜例如有大塊嘅午餐肉，蛋，菜，腸仔，芝士，所以令到呢碗麵非常非常非常之邪惡惹味

嚟過好多次韓樂，貪佢方便就腳、價格實惠。佢杯檸茶冇檸檬我理解，但有時杯檸茶成杯都係一粒粒，就令人唔多開胃，但係問職員係冇用㗎，佢會話你知佢哋啲檸茶係咁希望可以改善啦

「韓樂」:今晚去咗荃灣西分店食晚餐，我哋見到好多人都叫火山排骨🌋，我哋都見好吸引，所以我哋都叫左一份。另外再加左芝士醬炸雞飯。火山排骨🌕🌕🌕🌖🌑賣相幾吸引😍味道幾好😋又有洋蔥同薯仔肉質整得適中🤩易咬。芝士醬炸雞飯🌕🌕🌕🌖🌑炸雞幾脆😍味道唔錯👍🏻芝士味夠濃🧀🧀又可以拉絲整體嚟講唔錯👍🏻 如果食物溫度可以再熱啲就好🥵

今晚難得同好耐冇見朋友撐枱腳因為就佢近就去左荃灣西《海之戀》商場睇下有咩好食啦～朋友見有呢間韓樂佢話係旺角食過ok咁我見都好似ok就入左呢間星期日7點幾等一陣就有位～之後朋友叫左牛肉石鍋飯而我本來想入部隊鍋辛辣麵但咁早賣晒唯有試過芝士雞扒燴飯～小食就叫左韓式醬炸雞同叫左藍蝶花梳打～炸雞先上試下正常ok既係唔夠熱但$38呢個份量都唔會挑剔佢啦😂～之後上埋石鍋牛肉飯份量ok丫夠熱牛肉又多女仔食一定食唔晒男仔食就剛剛好見個樣幾靚仔試左一口都ok啵唔錯$64呢個真係抵食～之後我果份雞扒燴飯都黎味道正常芝士就普通唔係拉芝果隻感覺普通冇特別反而相對下石鍋飯出色抵食好多～杯藍蝶花冇咩氣咁什果偏少麻麻地～整體價錢平既 石鍋飯ok

今日lunch決定試下呢間位於海之戀商場地下嘅韓國餐廳。呢間嘅lunch set價錢大概係50-70嘅範圍，種類好多，只係lunch 都有成本menu，亦有不同嘅特飲可以加配，所以我嘅選擇困難症又出現了。入到去可以自己用QR Code落單，方便快捷。我同朋友分別叫咗：🍴 韓式芝麻燒汁焗雞扒飯 $55🍴 溫泉蛋 牛肉 石頭鍋珍珠飯 $66 而我哋加配咗特飲：蘋果可樂 (+$8)，芒果蘆薈雪碧 (+$8)但我嘅石鍋飯嚟到先發現，原來每碗嘅配菜係唔同嘅，原來要叫豚肉先會有我最想食嘅泡菜同波菜。所以大家記得睇清楚張圖啊。味道就正常，個底嘅飯焦非常好食，配上提供嘅兩種醬汁，好難會唔好食～不過食完見到鍋底真係有好多油，食到底會每啖都比較油膩。不過我認為衛生狀況可以更好，坐低嘅時候張枱仲有麵包碎同未抹乾淨。我嘅石鍋飯汁一移動，張枱即刻充滿啡色嘅醬汁，代表啲汁漏出嚟而容器底部冇抹乾淨。但店員都有禮貌同願意幫忙的。

下午茶係平，但係沒有用心去做出品。但係食真心差👎🏽豚肉炒烏冬，豚肉沒有煎香，烏冬亦不是炒，全碟嘢係濕嘅。感覺啲豚肉好肥，如果沒有煎香過係唔好食。另外用好多生蒜頭去炒。另外一個係炒飯亦都係濕唔乾身唔好食。👎🏽另外有一個骷髏咕嚕肉，不過不失，但係醬料太過濃味。最好飲係檸檬茶👍🏾因為佢唔係用一片片檸檬，佢係用新鮮已榨汁好檸檬🍋。

經過海之戀 見到呢間韓國餐廳唔係話特別食傳統韓國泡菜既野仲有pizza薯條 見好似有d特別道入左去試叫左芝士炸薯條呢個其實好細心 薯條芝士分開上自己中意點幾多芝士都得不過好快凍所以硬 要趁熱食溫泉蛋牛肉石頭煱珍珠飯中意佢用珍珠米 所以每粒都好有口感加上溫泉蛋 唔會太dry🤍

位於海之戀既韓式餐廳，環境就似普通茶餐廳咁正正常常，食物款式都多，我試左個韓式炒粉絲，覺得比較煙靭，同埋有d粉絲黐埋一舊炒得麻麻地，不過味道夠濃還可以，另外叫左個部隊鍋，味道普通！

之前無習慣寫食評，但今次嘅外賣體驗，真係一肚氣，忍唔住要寫。平時都會去韓樂食下午茶，覺得幾抵食。今晚試吓用openrice買炒粉絲比屋企人，點知換來一肚氣。19:45落單，等到20:13問店員有外賣未，佢話未有，唔緊要，因為之前apps落單時，話預計取餐時間係20:15，好，我等，到大約20:20見到有外賣拎出嚟，竟然係另一位遲過我落單嘅客人(我見住佢喺店度落單)，有冇搞錯！我同個店員講，我早過佢落單，個店員話炒嘢要耐啲，明白，但我都等左40分鐘啦，佢仲話用 apps落單，無得cut單，所以無辦法，都唔知咩理由，做唔到炒嘢，咪唔好比人喺apps度order囉，到最後要等到大約20:35至有，總共等咗50分鐘，所以奉勸大家如果用openrice落單喺度買外賣，記住要預45分鐘。

是日與女友晚餐18:33落單但完餐飯完，重差杯咖啡餐廳忙，ok我理解我再額外提兩次餐廳食。ok我理解我手機落單，唔煩你店員，即使我有疑惑但我落單 點名走奶，結果來了一杯沒走奶的咖啡，對普通人來講，照飲就系但我天生對奶敏感，會肚痾。你地忙，我理解但我唔接受一個Hea嘅回應提兩次未有咖啡，來了一杯有奶的即系無望單，講真 韓樂 系樂味嘅 咖啡都ok嘅 ，好多店員都好有禮貌，好好人嘅但「荃灣韓樂」 全程黑面，有次 明明個店員到我搵人，都轉人扮睇唔到，駛唔駛咁，你同人講聲都咁難？「荃灣韓樂」野食系正常 但店員都唔掂，唔會再來，不能接受，你忙我理解，完全了解，但你可以講我知等幾耐，沖一杯咖啡要幾耐，心照啦都半個鐘,唔緊要，但我要嘅系走奶，店員根本無望單，荃灣韓樂嘅然咁忙，嘅然唔差一兩個客話我理解的，所以我同女友同會提身邊的小市民唔來，唔阻你地忙，我唔想入醫，bye

荃灣的大型商場有很多不同種類的餐廳，但我偏愛這間餐廳，因為他的下午茶種類繁多，林林總總10分吸引，而且價錢十分抵食，絕對是我到這個商場的首選🥰下午茶既有飽肚的牛肉溏心蛋飯、鮮茄豬扒飯、八爪魚炒年糕，輕食的有炸魚柳、炸雞髀配薯條、流心芝士多士等今天我叫了芝麻雞炒珍珠飯，炒得非常香，珍珠飯一粒一粒，配了芝蔴濃香雞，好正！👍🏻👍🏻卡邦尼煙肉扁意粉的汁很濃，牛油味香，扁意粉入哂味，煙肉好吃🎉🎉即磨咖啡也不錯，幾香濃。以$40 多元的價錢，有美味的食品和飲品，在今日物價高昂的香港值得推介！👍🏻

呢個集團嘅餐廳我都食均曬，韓樂嘅質素真係唔係好得，但係職員嘅態度非常之好。買咗雞扒芝士焗飯，韓國醬汁炒嘅飯底非常鹹，雞扒炸得干，配埋啲無味嘅紫菜，好難食。但我見好多長者都嚟呢度食，可能因為 服務態度好好。

因為工作關係， 和同事一清早又來到海之戀。 本來沒有打算食早餐， 但是不知為什麼突然10分肚餓。 孤獨美食家上身的我們，在商場地下快速走了一圈， 被這間韓式餐廳的價錢吸引。 如果從價錢角度，真是沒有可以挑剔的。不過從食物味道和質素就有點失望。 我order 左個牛角包，同事則叫了 一份All day Breakfast 和兩杯咖啡。 我的炸魚柳牛角包味道還可以，只是賣相差咗一點。 但同事的  All day Breakfast 大部份都是冰冷味道並不理想， 至於咖啡味道就不予置評！