韓樂 (小西灣廣場)

营业中

休息中

味道ok 正常一般餐廳而價錢相對都合理分量比其他餐廳都多3分1環境間隔都舒適 座位比較多 理境較大食物種類好多選擇但服務員態度一般 叫幾次先應我忘記影相 但食物同menu一樣 無太大分別

好耐冇食韓樂。。因為平日遲起身。。呢間好早就冇早餐。。。星期日十點幾去到要拎票等位。但馬上就有位喇。。入到去見到其實都仲有好多位。。係想俾店員作出分流和安排朋友叫左魚柳多士配熱華田魚柳好大塊。。 又熱又脆。。 多士好味我就叫左部隊鍋辣湯麵。。等左差唔多20分鐘先有。。加上冷氣好凍呀。。華田同好立克都等左15分鐘先有。食哂個魚柳餐都未黎。因為廚房唔夠人。。等齊一次先整。。呢間用料好。。連火腿通粉都會加木耳。椰菜。同紅蘿蔔絲但早上繁忙時間真係等好耐。。

之前黎食過下午茶唔錯，諗住屋企冇飯食黎試下個晚餐。叫左溫泉蛋豚肉石鍋飯同墨魚汁活蜆魷魚石鍋烏冬。溫泉蛋豚肉石鍋飯正正常常，不太特別。墨魚汁活蜆魷魚石鍋烏冬好細心，墨魚汁另上，可以按自己口味隨意加減墨魚汁的分量。但係我加左超過半碗，加到都變成湯烏冬都係冇咩味。不過海鮮都頗多。但石鍋加墨魚汁呢個組合真係要小心啲衫同隨身物品。墨魚汁彈到周圍都係黑色一點點，連坐我對面位朋友都中左招。見佢而家做緊甜品半價優惠，叫埋個牛乳奶凍試下。奶凍加朱古力醬或草莓醬都係一個不錯既組合，但兩樣一齊落就會有反效果。奶凍味道麻麻，不推薦。

今日晏咗食早餐，四點幾有啲餓，係小西灣附近見到哩間餐廳，走入去試下。我哋兩個人叫咗三個茶餐。朋友叫咗糖心蛋牛肉飯，用珍珠米，牛肉熱辣辣，份量又夠。正!我就叫咗卡邦尼煙肉扁意粉，味道唔錯，不過唔夠鹹。我哋另外叫咗個半溶肉醬芝士脆炸薯條，哩個正……推介比大家，薯條脆卜卜，加埋啲芝士同肉醬，真係正到暈。茶餐30蚊一客，又有嘢飲送，抵食。雖然呢一間係韓樂，其實另外一間叫意樂一樣有得食，佢哋係姊妹公司。我覺得佢哋嘅餐牌都係差唔多，只不過韓樂多咗啲韓國嘅嘢食。半溶肉醬芝士脆炸薯條

小西灣商場大翻身，食肆全部換晒血咁滯，早餐食得快餐店多，食到厭晒，要去試吓新野。見到有間韓樂，行k-pop路線，裝修都幾型格。早餐都係廿幾三十蚊，平過隔離間大家樂！我點左火腿扁意粉，蒜蓉多士同熱奶茶。$28火腿扁意粉除咗有火腿外，仲有雲耳絲、蘿蔔絲同菜絲，湯底係忌廉雞湯。賣相都幾靚。蒜蓉多士好厚好大塊，蒜蓉牛油搽得幾多，非常惹味！老公點左蕃茄雞肉通粉同凍咖啡 $27凍咖啡質素好高，應該係即磨咖啡，番茄通粉好好味，加＄3可以要蒜蓉多士。合共食咗＄60 ,仲平過快餐店，又唔使自己捧餐，有人serve

不知所為，服務勁差，落單舉手都軟，睇到當睇吾到。早餐只是ㄧ般茶餐廳水平，服務大排檔水準。午餐及晚餐未算吸引，如不介意服務質素的朋友們可一試，但我就吾會再去。但環境尚可，衛生尚可。浪費了整間餐廳。

小西灣韓國食物嘅選擇唔多頭一個月新開張日日夜晚都會排隊見最近熱潮開始漸淡 就去試一試珍珠米炒牛肉一開始食落幾香口但炒飯偏油 朋友覺得有少少鹹少食滋味多食肥膩如果下次食我會叫佢小油韓式炒年糕本身醬汁都係偏鹹但年糕有咬口 唔會一咬即散分量亦好足夠 就咁食一碟都可以當一餐正餐如果師傅可以落少一點醬汁我諗應該冇咁鹹會好食好多由於位於平民區 定價都叫合適唔貴50幾蚊有交易 食厭咗小菜 間唔中都可以嚟食吓 而且店舖位置大就算有排隊都好快

這餐廳原來同「百分百餐廳」係同一集團的，難怪食物的 presentation 有點似曾相識。第一次嚟，當然點些最基本的試吓先啦，A餐唔該 😉。食物質素方面：▶️火腿通粉上有些新鮮蔬菜，夠健康 ✔▶️通粉爽口，我喜歡✔▶️多士可選蒜蓉多士或牛油多士，夠彈性 ✔▶️即磨咖啡 ok▶️美中不足是「流心溫泉蛋」其實只是流黃的荷包蛋。餐廳地方乾淨，有大量卡位，坐得舒服。服務方面亦好好。今時今日，這$30 的早餐有晒交待了。

食左第三次 服務都係咁差 不論平日或假日都一樣忍無可忍地 第一次為open rice 寫食評有位員工，我話 麻煩要一個淨炸薯條 唔要芝士，佢黑晒面問我 即係要乜野薯條？其實我講得有問題定員工無心聽？問拎碗仔 等到啲野黎齊都未有碗 叫左兩次都無黎，以為忙 我唔介意自己去拎先發現一班員工係出菜位傾計見到我先問我有咩幫到我！嗌三杯野飲 黎左兩杯 第三杯係吹左5次足足遲左37分鐘！品質無問題！ 不過麻煩改善下啲態度同服務囉食物品質還好，98食到牛扒都算唔錯。

見到果名叫韓樂，同埋舖頭出面放左唔少韓國食品，唔洗問都知入面係食韓國野啦🇰🇷🤭入到去D環境又幾靚咁啵個環境完全唔似食韓國野😂但你會見到每一枱都總有一個食緊石頭鍋飯呢到特別在就算你唔想食炸雞石頭鍋飯呢D，湯烏冬，焗飯意粉，意大利飯都有點都有款岩食掛👏🏻一大班人食野就係可以叫唔同既野大家每樣試D😌叫左個韓式烤雞炒粉絲重麻油味，都可以接受唔差但如果有埋韓式辣醬應該仲更加惹味之後野菌烤雞忌廉扁意粉好一般🙊冇特別忌廉好稀所以唔會膩👏🏻👏🏻👏🏻呢個石頭飯一望到已經覺得幾唔錯，好豐富下喎好夠熱，而且有好多脆卜卜飯焦唔掛得知咁多人叫芝士焗豬扒飯都幾大碟下，焗飯都係穩陣之選黑松露意大利飯一黎到好大陣黑松露味啊不過一睇就知太多汁啦🤦🏻‍♀️之後再黎個邪惡芝士年糕加個魔鬼芝士一口牛D芝士好水nel nel咁D牛柳粒好韌啊....最後再叫左個炸芝士一凍左就拉唔到絲嫁啦所以要襯熱食.唔係就變食橡筋整體價錢同食物質素成正比諗唔到食咩可以試下

這間韓樂在小西灣廣場算是新開的，裝修比較靚，餐廳門口有一邊就售賣一些韓國食品。地方都幾大，但d枱就比較細張，而且枱與枱之間都很貼，傾計就真係好唔方便。餐廳都以石頭鍋為主，似普通餐廳多過韓式餐廳。食物選擇亦不算多。鹽和胡椒用樽裝着，比較特別兩個人原本一個order牛扒，一個order石頭鍋試試，點之連叫兩款石頭鍋都話無，算吧……，揀揀下都是叫咗兩個扒餐。牛扒叫7成熟，份量不算多，賣相好靚。一個黑椒汁另一個跟蒜茸汁。薯條炸得比較乾，蕃茄完全不新鮮，無蕃茄味及乾身，蕃茄面就放上芝士。最無喱頭有兜泡菜。講返主角，件扒不是太新鮮，無咩牛肉味，而且拍到d肉質好鬆散好淋。不過就抵食，一試無防檸檬茶偏淡，但都可接受價錢並不算貴，$98食到個牛扒，以這個價錢大家不要要求太高服務方面就有部分員工麻麻，隔離枱見到d扒幾靚都想試試，但發覺個餐牌的價錢是$118，門口大Banner是$98，問個女職員，佢只望望，哦……一聲就行開咗，做佢自己的工作

最近開咗韓式餐廳，上Openrice睇過食物都好吸引，朋友試過話幾好食所以試吓地鏄好靚我入去櫃面攞晚餐Menu睇，得兩版咁少嘅？！問店員她好有禮貌咁回應我：哦唔係仲有呢D，隨即遞上另一本比我，睇完點餐，叫咗咖哩手工牛腩珍珠飯、卡邦尼煙肉炒年糕、意式蕃茄焗豬扒飯同香辣鮮蝦炒粉絲外賣，收錢嘅員工都好有禮貌話外賣要收多一蚊盒錢。我坐喺近門口嘅櫈到等外賣，一路見到企收銀嘅員工，見到有人客入店就問Hello幾多位呀？跟著就安排客人入坐，有人客要落單，黑色制服員工舉手往人客身旁問有咩幫到你？係仲爭你一個海鮮煎餅，即使用handfree通知廚房追單之類，唔好意思要你等.......等外賣大約20分鐘，眼見店員有禮嘅服務，覺得要為佢哋平反，真心覺得呢間分店員工有禮開餐喇咖哩手工牛腩珍珠飯～好好食，咖哩香牛腩”淋”香辣鮮蝦炒粉絲～蝦新鮮爽口，小小辣好開胃卡邦尼煙肉炒年糕～ok意式蕃茄焗豬扒珍珠飯～普通不過可以再試其他嘢

又貴又唔好食，員工非常沒禮貌。等位，到號未齊人不能入座，等到人齊後，叫位的人說下一張到我們，到了下一張，又不叫我們。詢問叫位的員工，回應亦不客氣不禮貌，似呼喝程度回應，亦不聽客人意見，態度什差落單員工亦沒禮貌，亦沒有耐性，沒有聽好叫什麼，也沒有提午餐有餐飲，食物味道亦一般又貴又唔好食，之前晚餐去過，牛扒叫8 成熟，賬單亦寫8 成熟，來的是5 成熟，還有大量血水滲出。混亂，混賬，員工沒溝通，絕對不會再去。

今日係第二次去，餐牌有太多選擇，而且食物質素唔錯，咁嘅價錢，值得一試再試魔鬼拉絲芝士條～上次賣哂，今次特登為佢而嚟，果然冇令我失望，好味，但唔係好夠熱，所以拉絲唔係拉得好勁蒜香煙肉豬骨湯烏冬～食得出烏冬唔係平價貨，係彈牙嗰隻，只係我個人覺得湯底太咸啫😅香草忌廉鮮蜆煙肉扁意粉～意粉煮得剛好，唔會太軟身，忌廉汁又唔會太稀攪到好似湯咁，味道都好好👍🏻重有重有，佢哋嘅即磨咖啡我個人覺得好啱我口味，平日盡量少飲咖啡嘅我都忍唔住要飲番杯😝其實小西灣好少有好好味嘅餐廳，呢間可以令我短時間幫襯兩次，因為食物質素唔錯之餘，環境又舒適，價錢都算平，埋單前已經諗定下次要試邊款食物喇，希望佢哋可以一路保持水準喇，加油💪🏻

今日黎開小西灣就試下le間新野！雖然佢第一個食評唔好，但新開總有甩漏！都畀個機會黎試下！去到禁飛等位，有位坐住等，同埋都好快就有位坐，而且有bb櫈～唔錯！佢午餐都有勁多選擇，我映哂出黎了，同埋小食都唔少呀！我地本身想試泡菜牛肉炒珍珠飯，不過驚辣阿女唔岩食就變左叫石頭飯，佢汁醬另上自己加幾好，可以自己依自己口味黎加，撈埋都幾好味，石頭飯最正係食到尾d飯都仲係熱既！份量又算多！野菜牛肉炒烏冬就等左段時間都未上，飯食哂都未黎，一問侍應就好快上了偏咸左d,老公唔太like,而阿女唔算太岩食，我覺得還可以啦，但下次唔會再食我諗Le 個魔鬼芝士一口炸雞係menu度係推介的！忍唔住要試下！芝士勁多，拉哂絲，味道唔會太咸、如pizza 芝士較多會更好食（圖中偏白既芝士）但要襯熱食，凍左會較遜色，岩哂芝士控既朋友下次想試韓式炸雞，佢仲有好多飯麵睇落好正！真心想試哂佢地～～～熱飲唔加錢，罐裝飲品加三蚊，可接受！