韓松園 (已搬遷) 新店位置

之前食過兩次，第一次食左炸醬麵，但發現不太岩我口味，而家都忘記左影相第二次專門食部隊火鍋，兩個人食真係好夠食，我地冇加額外野食，都差點食唔哂，又好足料，味道都好好，自此都幾喜歡食此類火鍋今次一行四人點左年糕，好味 黎到一定要叫，而味道都夾得好好，仲有韓式魚糕做配料，推介呀👍仲有鐵板牛肉，牛肉數量好多，絕對多過大排檔，價錢都不是貴，但香味不及鐵板辣味既雞肉，個人較喜歡鐵板雞肉。韓國壽司，壽司少飯多料，食落不會話太飽，不知道是否限量供應，因為第一次黎食果陣話賣哂，今次終於食到，味道都不錯，很容易接受！推介！韓式餃子入面有類似粉絲的，都好好味！地道既韓食一定要叫既！推介！海鮮煎餅，食左第二次，好足料，會有飽腹既感覺，但都可以一試呀！岩岩煎出來好香口！推介！題外話：最好平日去，星期六日一定多人等位，如果有大枱就更不用說，很不幸我每次去都有大枱，要等約一個鐘先入得去食，好彩門口都有膠櫈比人坐

在本月初，因去元朗等男友下班，無意中找到這食店。去到驚覺門前人龍長長又多人，皆因店子空間細。幸而等位的人多數未齊人，或是有人不耐煩走了，所以很幸運的等了五分鐘不到便有位了。店內坐位不多，雖然有點擠，但替我們下單的是老闆本人，聽口音猜出他是韓國人，加上食物有水準亦有份量，對這小店充滿好感。 我們兩人各點了鐵板辣雞肉及鐵板辣豬肉，兩款均配飯一碗。大大碟好香，辣醬不辣但食到底部稍稍多油，香口惹味跟白飯是絕配。還有大量鮮甜洋蔥，正合我愛洋蔥的口味。價錢絕對街坊價合理，加一服務費折合都不過一百幾十，又夠飽肚，非常化算好味又滿足的一餐！

元朗雞地有間細細間嘅韓食，口俾唔錯，於是去試一試。😁鋪內乾淨，而且有二個待應+老闆娘，服務唔錯。我無點套餐，散叫泡菜朱肉豆腐煲及海鮮薄餅。 海鮮薄餅，好香好有口感，而且唔油膩。 泡菜朱肉豆腐煲，好嘢味，將湯撈飯更佳，不過唔食得辣要點少辣。晚餐每人$60，抵👍👍👍

呢排興韓風 所以吹左我去揾韓食就近近地過左黎7個人一行人 都等左一段時間 可能因為太細 所以要就其他人走先有位叫左好多野食 又炒年糕 人參雞 部隊鍋 燒牛骨海鮮餅 ...叫左好多 而份量又唔太大 都算係飽 但好開胃呀個部隊喎會送拉面 年糕芝士 食到咁上下 就放拉面 再放芝士 就可以撈面 都幾好食！但有啲咸 因為放左芝士下次可以再食過 其他就 有個湯幾清 好入味而且伙記都好親切 好快手 讚

上年曾經試過這間韓食店，那時覺得不錯，已經不停地向男友說想再來這裡用餐，不過每次經過都有很多人等位，所以每次都吃不到。難得今次和朋友聚餐，對方又願意等和有興趣試食，所以便再來這間我覺得是元朗最好吃我韓食店了。今次和朋友等了約30分鍾。因為我們想試的東西都不在套餐裡，所以我們這天並沒有叫套餐。紫菜包飯，這個不過不失。不過因為我本身很喜歡吃這類卷物，所以下次都會再叫的。這個泡菜煎餅，我覺得不太好吃，自從早前在尖沙咀的7080吃過它們的泡菜煎餅後，便找不到比那裡更好吃的煎餅了。牛仔骨，朋友說在網上看到人說牛仔骨很好吃，所以我們也叫了來試，果然很不錯，不會太"un"，也很入味。雞翼，沒有什麼特色，下次不用再叫也可以，除非你真我很想吃雞翼。近日看了很多韓劇，看到劇中的人物在吃炸醬面，令到我都想吃，所以今次也叫了炸醬面，不過令我有點失望，最大的原因是它的面質，和我想像中的有很大出入，我想用公仔面應該會好些，不過下次應該不會再叫了。地方很窄，不是坐得很舒服，不過食物的味道還是不錯，所以下次都會再來的。

第一次同朋友一齊食，我點左個韓國牛肉便當，好抵，45蚊，好多料，好大碟，有飯，炒牛肉，魚乾，泡菜，蔬菜，食到好飽，正 :-)而我的朋友a,佢點左海帶海鮮湯泡飯，一見到就嚇一跳，收38蚊，份量少又齋，得湯同飯，個湯仲要得少少肉片，海帶粒，硯肉，超唔抵。佢食完e個飯之後仲要出去買左唔少野食，可見e個餐唔岩一d比較大食的朋友 :-(而我的朋友b,佢點左個泡菜炒飯，以下是佢的分享：幾好味，味道唔太濃，辣辣地酸酸地，適合一d口味冇禁重的朋友，而且加左隻蛋在上面，增加左少少口感。第一啖覺得好好味，但食下食下就覺得個飯好普通 :|總括而言，e間店的食物係一分錢一份貨，爭幾蚊的飯，配料和份量可以好唔同

aug 09 & dec 03, 13.......共叫咗 :1) 炒雜菜水晶粉絲 (hk$33)-呢個清淡到無味.......必定要+枱上嘅辣醬..........咁先有番味道-佢個辣醬幾好味...........不過都幾辣..........所以我+少少就夠晒2) c套餐 (hk$219)-套餐喺好抵食i) 小食-有泡菜,大豆芽之類ii) 人蔘雞湯-隻雞都幾大隻.........裡面釀咗糯米添-很足料-個湯嘅人蔘味溫和..........都唔算油.........清甜自然-味道ok的iii) 鐵板燒牛肉-趁熱食還好.......1凍咗少少.........d肉變得有點乾實-味道喺惹味嘅~~~~~iv) 石頭雜錦豬肉飯-有幾款石頭鍋飯揀.........除咗海鮮嗰款.........我哋揀咗豬-豬肉微辣.........都喺少少乾身-1般啦v) 飲品-包2杯飲品3) 炆牛肋骨煲 (hk$108)-第2次嚟late lunch-包1杯熱飲同1個白飯-我揀咗熱蜂蜜紅棗茶..........紅棗味溫和.........甜度適中.........都幾好飲喎-原來佢個牛肋骨煲喺清湯底.....

已經唔係第一次嚟食...今次帶埋媽媽同細妹嚟試...星期五晚6點半去到...竟然要等位?! 真係犀利~ 好彩等o左一陣就有位...今次有三個人...叫o左個二人餐再加煎餅~ 小食o既泡菜拼盆先到~ 呢度d泡白菜係甜甜地但係好辣的!!! 正!!!中間o個隻好似金針菜...質感有d硬...但係都幾好味~ 蘿白就係最淡味的~ 之後就到泡菜餃子~ 唔覺有泡菜...而且一d都唔辣...但係就好脆口好好味~ 韓式煎餅係我嚟呢度必食之一~ 佢比起平時食o既煎餅煙韌~ 而且個邊煎得好脆~ 正~ 豬肉石鍋飯又係至愛之一~ 今次整到一底完全o既飯焦俾媽媽食~ 呵呵~ 重頭戲鐵板牛仔骨最後先到~ wa!!! 真係好香呀!!! 切就真係好易切~ 一入口...wa~ 唔係平時食o既黑椒味...但係都好入味呀...真係唔知佢點整!!! 而且d肉又好林好易咬~ 唔怪之得次次嚟食都見到有人order啦!!! 下次要帶埋老公嚟試先得!!! 哈哈~ 

本來約了朋友仔一起做GYM，消耗大量卡路里後，再去韓松園食韓式晚飯食到飽為止! 怎知，世事往往都沒那麼順利、如意的! 友人話佢好多野要搞，約我三點做GYM，點知，我家的HKBN WIFI上不到網，真係激死! 要約師傅維修，星期日的下午，我要如同坐牢般在家等候! 友人話既然係咁，改為約4點，後來又話，約5點，之後又改做6點!! 有一分鐘，我心內開始懷疑您會好似上次咁臨時放我飛機!! 係最關頭話嚟唔到! 最後，友人也有現身，不過，我們沒時間做GYM就直接去食個Heavy Dinner~ 一早知道韓松園客人特多，想不用等位就最好6時到達小店! 但我們到達時已經6:20PM，還有一張2人枱，真是太好彩了! 要知道我最怕就是等位，我會因為要等位而是但去一間不用等位的店子吃飯的! 餐廳有很多2人套餐的，相對於半年前光顧時，各套餐都漲了價，今次我們決定點A餐，價錢由半年前的$176加到今日的$189，加幅達7.4%，漲幅驚人!! 但這價錢仍然是合理的.  套餐A包括: 鐵板燒蜜汁牛仔骨、煎韓式泡菜餃子(8隻)、牛肉石鍋飯及餐飲. 先送上前菜，包括泡菜，蘿蔔絲及金針(??)，泡菜爽口又夠辣，正; 蘿蔔

上網睇到有不唔錯既評語,所以特別來試下睇到餐廳資料話有得訂枱,點知打去時職員話"我地呢度無得book枱架!"咁唔緊要,反正平日去,都應該唔使點等7點左右去到,前面有2枱客,等左15分鐘,都正常我地2個人,叫左個二人餐($199)有牛肋骨煲,煎海鮮蔥餅,石鍋飯,2杯飲品首先上前菜,有3款:泡菜,蘿蔔絲同埋蕨菜原本對個泡菜好有期待,但一食就好失望d泡菜醃得唔入味,感覺就好似係白灼完d菜再加上泡菜汁另外蘿蔔絲同蕨菜都係淡茂茂另外一個前菜-菠菜呢個就少少偏咸,但偏咸都唔緊要最慘係咬唔開,好韌,咬極都咬唔斷跟住到既係飲品,我地叫左凍柚子茶同凍紅棗茶(跟餐唔使加錢)其實2杯野d色淡到分唔出邊杯係柚子茶,邊杯係紅棗茶一飲就真係如我所料,淡到好似飲水咁煎海鮮蔥餅-好少料,基本上有一半係得個餅底而個汁只係普通豉油...上枱時已經唔熱,係暖暖地,所以好快變凍,凍左好難食牛肋骨煲-有4-5件既牛肉,大大件,但d肉"鞋"同唔夠腍,唔好食...湯底略甜,配菜有紅蘿蔔,白蘿蔔和冬菇蘿蔔吸左湯既味道,好腍牛肉石鍋飯-3款石鍋飯得牛肉唔辣(而跟餐唔俾揀海鮮)好多生菜絲,青瓜絲等,牛肉都唔少,但有筋個飯偏乾無味,落左辣

一間細細兼不太起眼的韓國餐廳, 竟然是一間有非一般美味食品而又有內涵的地方!!!  也成為了我的新寵餐廳!!!!    這間韓松園內的食物充滿真正韓國風味, 非常地道!  令我覺得真的至身於韓國裏!!!! 前菜: 味道清淡, 不太濃烈, 但吃到各前菜的本身鮮味!!!!  泡菜也是無得頂!!!  完全不同在街外買的泡菜, 它辣中帶清香菜味, 也不會太咸和酸!  吃了送的一小碟, 要另外點了一碟泡菜.  才可滿足!!!!   點了一個二人餐$178. 有鐵板牛仔骨, 煎泡菜餃, 和一碗石碢飯. 我們要了牛肉石碢飯!!!  另外加了一客海鮮薄餅!  牛仔骨熱辣辣上枱, 真的興奮!!!  牛肉嫩滑和醃得入味!!!  牛肉味也重!  相當不錯!!!  泡菜餃子香脆, 餡料少辣!!!  非常香口!!!  牛肉石碢飯也很有特色和美味!!!  石碢超熱, 所以D飯焦超香脆!!!  食到最尾, D飯都仲係好熱!!!  這個非常適合冬天食!!!  牛肉大大件又多蔬菜, 加埋韓式撈飯辣醬, 真的美味到上天!!! 海鮮薄餅外脆內軟, 海鮮又夠多和口感爽!!!  韮菜又香!!!!  最重要係$30幾蚊有一大碟

　　放工後到元朗覓食，皆因元朗的橫街小巷藏著不少美食。元朗的食店多是店子細細小小的，環境可能較狹窄擠迫，但食物的質素絕不馬虎，而且價錢亦相宜。　　沿路一直左看看右看看後，最終選了一間家庭式的韓國菜，有兩位妹妹幫忙落單、上菜等。　　餐牌裡有套餐，份量和價錢合理，但我們還想留肚吃其他，所以就只點最有興趣的兩款食品好了。

四個女仔都喜歡吃韓國菜，於是一試韓松園。我常去韓國，很開心在元朗找到有水準的韓國菜。我經常去食韓國菜，很多尖沙咀的都比不上這間，而且價錢十分合理，我們叫了五碟菜，都只用了$250，埋單時，我以為他們計算錯了，食物分量很多，十分滿意！

酷愛韓菜的我家住屯門, 喜見元朗有韓國料理店名字聽起來也對版, 便來一試, 可是與想像有落差是日光顧午市, 點了牛肉包飯、韓式喬麥冷麵、另點泡菜大豆芽、蘿蔔絲牛肉包飯用醬汁稍稍煮過, 微甜, 肉質和食味一般韓式喬麥冷麵令人失望, 最大敗筆是暖的, 也沒有喬麥爽身的特性, 黏糊糊的。而泡菜、飲品只屬一般服務麻麻結論是, 試過便算吃韓國料理, 還是出尖沙咀吧

小妹自從到過韓國旅遊後便深深愛上這個國家不論風景、文化、食物小妹也一一愛上和好姊妹計劃十月底再到韓國放鬆身心這段時間，就先到韓食店一解對韓國既思念吧！發展迅速的元朗慕起了不同種類的食肆當然當中包括了韓食店 - 韓松園自從雞地附近相繼發展Yoho Town後本身一條寧靜偏僻的街道漸漸變成食街，在這，你能找到不同國家，不同風味的食肆韓松園就位於這兒，在食街的盡頭幸好，老爸一早先來攞位，不然恐怕要等上三十分鐘店子小小的，能容納大約廿來多人因為地方淺窄，基本上你能聽到隔鄰客人的談話內容一到來小妹便點了冰凍蜂蜜紅棗茶以解渴紅棗茶紅棗味道不太濃，甜甜的和爸爸二人把餐牌左揭右番待媽媽到來便一口氣叫了七款食物份量是四人的，可是衛斯里因上班而要在四十分鐘後才出現1. 泡菜2. 韓式壽司3. 韓式辣醬炒年糕4. 煎韓式泡菜餃子5. 煎海鮮蔥餅6. 鐵板燒辣豬肉7. 雞肉石頭鍋飯1. 泡菜因為我們不是點餐，所以不包泡菜，而小妹超愛泡菜所以單點了！只是$5，太便宜了！泡菜最先出場，紅卜卜的樣子，很是吸引！小妹和為食爸爸急不及待夾進口裏舌尖與泡菜觸碰的一刻，小妹哭了太辣，連平時嗜辣的爸爸也禁不著道出「很辣」但愛