韓家韓國料理 (已結業)

睇完早場，去試下呢間的炸雞放題。店仔細細，去到都有7/8成滿。星期日係呢啲工廠區都有咁多人，真係估佢唔到。入到食店，得一個服務員（可能係老闆），顧住低頭做野，都無人理叫左幾次先有反應。。。帶我地去最邊的位坐低，枱都未抹乾淨我地兩個人，叫左3款雞（甜辣，柚子，香蒜）同兩款沙律。仲有泡菜煎餅。先講沙律。。。份糧足，材料新鮮。韓式嗰個辣辣地，幾好味炸雞每款有6件，一共18件。佢啲雞係大嚿的，唔似韓國食嗰啲細細嚿。所以18件雞，我地都食淨2件。甜辣嗰款都唔係好辣嗰啲，我接受到。蒜香就食唔到太重的蒜味。柚子最推介，因為感覺無咁膩！雞炒得好脆，嫩滑，唔“鞋”。可惜太飽，真係K.O.唔到泡菜煎餅佢啲泡菜唔知係咪酸泡菜而唔係辣泡菜，個煎餅係酸味，完全無辣味的而且啲粉太稀，所以口感有少少爛pad pad

放工食呢間，都頗有韓國風味的餐廳。無論 setting 同佈置，都同韓國好似。温泉蛋凱薩沙律 $68首先食沙律，温泉蛋係點晴之作，蛋黃半熟狀態，好香好滑。然後係一大盤新鮮的沙律菜，配上碎碎芝士粉，份量算大，夠三人 share 。韓式炸雞 （甜辣）$78半份都幾多吓，有成六至七件。有五款醬汁可以選擇，分別係柚子蜜糖、牛油蜜糖、醬油香蒜、甜辣同埋芝士香草。我地揀左最傳統的甜辣醬，醬汁完全包圍了成件炸雞，食吓食吓都幾辣架，唔辣得的朋友請注意。韓式牛肋骨湯$78又係好大碗，滿到瀉，上枱時候仲滾住，超驚喜。牛湯夠清，牛肋有牛味又唔韌，唯獨蘿蔔唔夠入味啫。但個湯送飯係一流，好有韓國的風味。韓式烤牛肉飯$72多配料，又炒得好香，洋蔥炒過之後好甜，多飯夠飽肚。柚子梳打 $20 & 柚子蜜 $15

我在觀塘「中海日升中心」樓下，食完一個港式食店的下午茶茶餐之後，晚上就在「中海日升中心」的一樓位置，光顧一間平民化的韓國菜餐廳，餐廳的名稱叫做「韓家韓國料理」。「韓家韓國料理」的店舖面積雖然不算很大，但是「韓家韓國料理」奇就奇在店舖內竟然還有一部電視機，電視機的擺放角色沒有直接面向樓面，卻是朝向食店店外的商場通道，播放類似新聞台的新聞短訊息。另一方面，我發現這間「韓家韓國料理」，原來在晚上時間，會搞類似日式放題料理的任食套餐，主要是在限定時間裡面，可以任叫「韓家韓國料理」的炸雞菜式，可惜我對炸雞放題興趣不大。因為「韓家韓國料理」的炸雞放題料理，偏偏就不能夠點飯粒食品，例如韓國辣炒雞肉飯、炒飯、拌飯等等的韓國飯。所以我沒有選擇「韓家韓國料理」的炸雞放題，只選擇單點食品。我選擇了「韓家韓國料理」餐牌裡面的「辣炒雞肉飯」，因為我估計「韓家韓國料理」裡面的「辣炒雞肉」，很有可能是我在韓國都曾經嘗試過的美食「春川炒辣雞」。另一方面，我見到「韓家韓國料理」餐牌裡面，也有提供類似韓國雪奶冰的甜品，甜品的名稱叫做「韓家招牌韓冰」，可惜「韓家韓國料理」的侍應又說機器故障，提供不了「韓家招牌韓冰」甜品。結

本來是因為經過附近，收到這宣傳單張而被吸引，剛好想吃炸雞，所以決定上去看看。原來是一間小店，座位不算多。除了任食，原來還有套餐，因為我們除炸雞外更想吃其他，所以最後決定還是點套餐。每人都有一份前菜。晚市優惠二人套裝 $2682人餐的韓式牛油果沙律份量不少，材料也新鮮，就是牛油果有點生。雜菜煎餅煎得很香，口感不會太軟或太硬，中間也不沒有粉糊漿口的感覺。湯可以選豬牛雞肉或雜菜，想多吃點菜便要了雜菜。嫩豆腐湯本來跟白飯，但因為餐牌沒寫，我們也點了其他食物，所以請店員收回好了。超級大碗極多豆腐極多菜，韓式辣醬的味道恰到好處，不會太鹹太辣。烤肉飯也可選豬牛雞肉，我們要了牛肉。韓式烤牛肉飯一樣肉多菜多飯也多，味道也不錯。無骨韓式炸雞(柚子蜜糖味)半份 $78當然不會錯過炸雞，原來半份也不算少。柚子蜜糖醬味道甜甜蜜蜜的，炸雞的炸粉不會太厚，外層鬆脆，內裡雞肉嫩滑，無骨啖啖肉很好吃。韓式炒粉絲雞蛋卷 $78雖然賣相一般，但味道很不錯，蛋不會太老，中間夾著煙韌有彈性的粉絲，口感特別。跟餐餐飲可以點這些，沒那麼悶。總括而言，這裡也算大件夾抵食，上面份量根本足夠3個人吃，我們吃到肚皮幾乎撐爆呢。

我不嬲唔食辣，但朋友話今日去食韓國菜，朋友帶了我去觀塘這間店坐低後，我地考慮左好耐叫餐定炸雞任食，兩樣也很吸引結果叫了二人餐，因為覺得應該已經好夠食，頭盤揀左豆腐麻醬沙律，豆腐很多，個人建議不應撈太均因為我唔食辣，揀左雜菜煎餅，外脆內軟，味道有點似茶樓d煎薄餅韓式牛肉炒粉絲，超好味，值得推介，粉絲煙韌得黎完全熟透，不硬，而且非常入味，牛肉量多，而且大大塊肉類揀了半份韓式炸雞配香濃芝士汁，雞炸得非常好味，酥脆，而且配了大量芝麻，有芝麻香，而且芝士汁是淡淡的，不會蓋過雞的原味，添了點點的芝士味另叫了一份煎蛋卷，蛋香，特意將蛋黃與蛋白有點分開，外表更靚飲品我哋叫左一瓶蜂蜜柚子茶，很濃，底部有近4cm的柚子，每次倒再攪拌令味可以更濃，但仍清甜這個韓式雪糕超讚雪糕本身奶味香濃，而且比一般的雪糕黏，有點像gelato，而且加了紅豆和黃豆粉，味道同口感更佳

今日特登去觀塘睇「勁揪體」字型展覽，點知10分鐘就睇完，之後行完海濱就去揾野食，經過中海日升中心就揀左呢間食韓國菜~前菜有3款，泡菜，薯仔同芽菜~泡菜不太辣，酸酸味味好開胃，薯仔最好食，好甜~點左韓式烤牛肉配生菜，牛肉未食已經聞到好香，生菜size適中，包住牛肉，撈埋蒜蓉，韓國辣醬同檸檬汁，感覺好fresh~食韓國菜點可以唔叫炸雞，揀左柚子蜜糖味~炸雞無骨，啖啖肉，柚子味濃郁，但又不會太甜~最後，韓式牛肋骨湯真係好鮮甜，真材實料，有蛋絲，洋蔥，蘿蔔，金針菇，牛肋骨仲有好多塊~飲品方面，叫左生薑蜜，夠薑味又夠辣~柚子蜜就正常味道~

好耐冇食韓國野啦，早前聽朋友介紹有間平靚正嘅韓國菜，叫做韓家。位於觀塘駿業街，都幾近地鐵站，夠晒方便！餐廳面積唔算太大，所以座位之間嘅距離比較近晚市二人套餐$329就包晒沙律、煎餅、湯飯、肉類等等，幾抵食，所以我地都叫咗呢個餐三色前菜先來咗個韓式三色前菜，分別有芽菜、辣泡菜同埋薯仔粒，調味都幾充足所以有少少鹹，泡菜嘅辣度都幾夠韓式牛油果沙律翠綠爽脆嘅羅馬生菜面上加左青瓜片、車厘茄、牛油果、紫菜碎、沙律醬同韓式辣醬，造成一個色彩繽紛，口感豐富嘅健康沙律！熟透的牛油果大大舊，新鮮又軟滑！雜菜煎餅內裏嘅雜菜有紅蘿蔔絲、洋蔥絲同蔥花等等，麵粉比重都幾高，所以食落口感比較實淨。而因為沒有加太多調味，所以煎餅本身味道比較淡，要點埋韓式辣醬食先夠味。這個雜菜煎餅令我有點失望韓式炸雞(半份)傳統甜辣汁半份炸雞嘅份量都幾多，有7-8大舊！炸粉皮唔算好厚，食落啖啖肉，雞肉都幾嫩口！甜辣汁好美味，辣度唔算好高，使到炸雞更加好味道牛肋骨湯配白飯熱呼呼的牛肋骨湯材料好豐盛呀，除咗有幾大塊牛肋骨，仲有蘿蔔片、雞蛋絲、洋蔥片等等，湯底都幾清甜！牛肋骨肉都幾多，牛肉味幾香濃，可惜肉質有點韌同鞋口韓式雞蛋卷雞蛋卷已經貼

性價比極高既韓菜。今朝一起身就好想食紫菜飯團，見到有好多好評既韓菜唔多，但呢間係好評top 3，所以黎試，店鋪裝修好普通，客人亦唔多，午市選擇亦唔多，但因為好肚餓既關係，我同男朋友分別叫左韓式炒粉絲，部隊鍋，甜辣味同柚子蜜炸雞仲有泡茶煎餅！部隊鍋好辣但好食，男友隻眼發左光。炸雞都好食好脆唔肥膩，而且，泡菜煎餅都好好食。我覺得我下次會再黎

平日放工想同幾個同事食餐飯, 於是就係附近搵間韓國餐廳坐吓 😎 幸好係平日, 唔需要等位就可以有野食😊嘩! 雖然店鋪唔大, 係餐牌算好多選擇🤩嫩豆腐湯 (豬) 配白飯天氣凍有啲熱湯係最好, 熱騰騰少少辣, 裡面仲有啲豬肉, 而且豆腐仲係滑架😍泡菜煎餅泡菜餅份量唔算多, 配個醬汁剛剛好😋韓式炒粉絲雞蛋卷雞蛋卷真係值得推介! 由於係即整, 裡面仲有蛋汁, 一啲都唔乾😊 好 juicy 😊 而且裡面真材實料, 餡料充足 😎傳統甜辣味牛油蜜糖味無骨韓式炸雞 (傳統甜辣味 / 牛油蜜糖味)炸雞有五款口味, 今次叫兩種試下先傳統甜辣味 - 最鍾意反而係傳統口味, 少少辣更開胃😍😍牛油蜜糖味 - 牛油好香, 蜜糖仲好甜 so sweet ☺☺無骨炸雞炸粉一啲都唔厚, 而且仲啖啖肉, yummy😋😋韓式飯卷傳統飯卷一啖一件, 哈哈 好快食晒😄蜜桃味燒酒燒酒口味特別多, 下次試吓其他先🤩🤩🤩BTW 原來仲有90分鐘任食炸雞, 下次要試晒任食, 咁就可以試晒五種口味喇! 👍👍👍

位於觀塘鬧市中,位置極為便利, 方便返工一族，裝修都好有心思,富有現代裝飾, 經常播放韓國mtv室內寬敞,環境優美。餐牌比較清澈,主打韓國主菜及小食亦有很多二人套餐，再加上各式海鮮，更加錦上添花1.牛油果沙律:牛油果特別肥美,配上獨有的番茄,生菜及其它配菜,令人食慾大增, 食指大動。同碟嘅沙律，有菜又有小番茄及洋蔥，整體感覺好精神。健康又不油膩。可以解到泡菜煎蛋嘅微微油膩感，GOOD！2. 泡菜煎餅。顧名思義就是，我很喜歡的泡菜跟雞蛋一起煎，這些都是過年及冬天韓國流行的食物。3. 炒雞肉飯鮮嫩的雞肉加上獨有醬汁，炒出來份外金香。4. 鹽燒三層肉配生菜。這些獨有的三層肉配上生菜 其他餐廳很少吃得到。飲品叫咗一杯熱柚子蜂蜜，但比較甜。這個聖誕必須一試。綜合以上所述,這家餐廳的korean菜式非常正宗,跟我以前在濟州島吃的一樣,尤其主打kimchi。我連機票都可以慳返。😘😘

呢個真係岩哂喜愛食韓國炸雞既朋友仔，今次介紹觀塘有炸雞放題，都係百幾蚊咋，我地先散叫一次試下味道。係商場既一樓成層都有好多唔同既餐廳，簡簡單單用上左白色既設計同埋外面貼左好多好得意既圖案，入面播住左韓國既歌曲。韓國餐廳當然有前菜，泡菜夠入味夠辣、薯仔甜甜地幾好食有一整舊都有啲係壓左做蓉幾特別，食下食下就等主食到。食炸野前當然要清一清新下先，《韓式牛油味沙律》($68)份量都唔少蔬菜幾新鮮，伴上有益牛油果同香口紫菜，加上沙律汁同韓式醬做前菜。今次叫左半份已經有六七隻大大隻，《無骨韓式炸雞》($78)揀左柚子蜜糖味，咬落個皮好脆身同好熱辣辣，入面雞肉都仲好嫩滑。凍冰冰緊係要整番個湯飲下，《韓式牛肋骨湯》($78)牛肋骨唔會太韌身，湯頭清清地加上蘿蔔同蛋絲撈飯飯暖笠笠。黑媽媽既《韓式炸醬麵》($68)，份量真係好大兜，成兜都係熱辣辣撈勻食，咸味幾重同有好多料係度撈埋。店名：韓家韓國料理地址：觀塘駿業街56號中海日升中心1樓G號舖餐牌:

lee 2日好想食韓式炸雞，尋日去另一間食過止唔到隱，今日送完件係中海逸升附近，search下OR見韓家就係中海逸升，即刻去食個下午茶。我叫左炸雞拼沙律仲有幾舊年糕要左甜辣汁(另外有柚子汁)，炸雞除左甜辣汁仲有少少蜜糖芥末汁加埋芝麻，雞件炸得酥脆裡面有汁，熱辣辣好好味，沙律係生菜加日式芝麻醬，沙律夠凍生菜夠新鮮清脆。甜辣醬年糕煙煙韌韌都好味餐飲要左生薑蜜，我覺得太甜薑味唔夠。下次係觀塘想食炸雞都會再黎食下午茶

週六同好姊妹喺觀塘apm行街, 行行下大家都有啲肚餓, 當然apm咁多人好難喺入面同人爭位坐, 如是者我哋就行過兩條街, 寧願喺觀塘附近工業大廈搵食, 今次食嗰間餐廳叫做韓家， 喺駿業街中海日昇中心。餐廳地方唔算十分大，勝在樓底高， 都算坐得舒服 。 裝修唔算十分華麗， 正如其名「家」-- 的 格局。至於食物方面， 也如餐廳的名字，都是韓式「家」常菜。韓式烤肉飯， 可以配牛肉豬肉雞肉或雜菜我們叫了牛肉 ，其實係韓式洋蔥牛肉飯， 洋蔥味道鮮甜， 牛肉分量也頗多， 白飯一大碗， 眼見鄰座的男士也吃得很飽。嫩豆腐湯， 同樣可以配牛肉豬肉雞肉或雜菜同樣地我們也是叫牛肉， 豆腐吃得出非常滑， 另外湯頭裏面也配以大量雜菜，有洋蔥紅蘿蔔泡菜等等， 唯一美中不足的是， 可能是辣椒醬的關係， 湯頭比較多油， 但隔起佢就可以了。另外我們還加錢吃了少少小食韓式甜辣味炸雞十八元有三大嚿， 新鮮炸起熱辣辣， 味道沒有想像中的辣， 很對胃口呢。韓式泡菜煎餅即叫即煎， 外皮煎得香口， 15元有四大塊， 比單叫一碟真的便宜很多。韓式柚子蜜糖味炸雞同樣也是十八元有三大塊最欣賞這裏的炸雞是原塊生炸， 沒有哪些脆卜卜的外衣

今天收工，約咗朋友去觀塘食飯，朋友想食韓國野，炸雞，飲啤酒。。。忽然想起，今日同事介紹咗呢間”韓家”，今晚就等我去試試先！餐牌上食品不算太多，有湯有飯，仲有2人餐，4人餐，都足夠我地去選擇！由於我地都係打算吹下水，飲下嘢，所以我地都以小食為主韓式雞蛋卷 $78雞蛋夠厚身，有飽肚感！無骨韓式炸雞 （牛油蜜糖味）半隻 $78蜜糖中加上了柚子，味道很好韓式烤肉配生菜（豬）$ 98豬肉半肥瘦，不太油，唔怕肥生菜新鮮乾淨，水份足

觀塘除左有大型商場入面既食肆，仲有超多樓上小店，今日我地黎到呢間專賣韓國餐廳既食店一試！入到去坐底驚見有住食炸雞套餐但我地兩個都好熱氣所以冇叫呢個set😂二人套餐相對好多選擇，所以我地叫左呢個set沙律幾新鮮，豆腐切到大大舊，加埋芝麻醬感覺好fresh好健康前菜有泡菜芽菜同青瓜，泡菜幾辣，但好快就冇左辣味幾好韓國粉絲都ok豬肉幾稔粉絲幾香，如果可以少啲肥肉就更好菜都有好大著柚子蜜糖炸雞半份都有好多舊，啖啖肉皮幾脆柚子蜜糖味都入到啲肉泡菜煎餅似係落左茄汁去煎所以會有啲酸酸地既味，好香脆，幾開胃柚子蜜真係有啲柚子粒係度紅棗蜜唔太甜，感覺滋潤成餐我最鐘意就係個雪糕，有麻糬粉佈係雲尼拿雪糕上面再加埋紅豆，如果佢有埋啲煙韌麻糬係裡面就perfect喇😭