韓國釜山海鮮鍋

韓式前菜點少得！有波菜同泡菜兩款，食完可以請職員補充。.今次叫咗個二人份嘅韓國海鮮鍋🍲$398辣度可以同職員講，今次叫左少辣～.海鮮款式都好多：有鮑魚、釜山青口、墨魚仔、魷魚、蜆、元貝、蟹、蝦.今次海鮮鍋用嘅蟹比較大隻，佢哋會先煮一煮隻蟹。蟹嘅尺寸都幾大，有少少蟹膏，多多嘅蟹肉！不過最主要都唔係食蟹肉，而係飲蟹係海鮮鍋熬出黎既濃濃蟹湯！🤤啲湯越煲越濃，我地每人至少飲左三碗湯😍.鮑魚兩隻、迷你墨魚六隻、魷魚兩大塊、蝦四隻！煮既時間岩岩好，咬落爽滑彈牙！.蜆肉有八隻，咬落多汁到爆哂汁！而且有好濃既蜆味同咸海水味，保靜新鮮！.扇貝殼手掌咁大，貝柱連埋膏好大好厚！咬落好濃嘅香味而且唔會腥，肉質剛剛好唔會韌。.釜山青口咬落中間既肉都好嫩滑！.海鮮鍋底部仲有海量娃娃菜、金針菇、白蘿蔔，完全吸收哂海鮮湯既精華！.我地仲叫多左半隻柚子蜜糖炸雞$128，想試下韓國小食既質素！結果發現佢地既炸雞真係即叫即炸，仲要逐件逐件上炸粉，唔似出面有啲急凍炸雞既咁厚粉，而且入面啲肉係維持好嫩滑多汁！👍🏻最後$579食到咁多海鮮加炸雞真係食到好滿足😭😭

見佢新開又有海鮮鍋諗住試吓舖頭細細，餸菜款式唔係特別多，應該主打海鮮鍋叫咗一個二人份海鮮鍋，同埋一個海鮮煎餅海鮮鍋真係幾好食，湯底唔係特別濃，但係好飲海鮮鍋啲海鮮都幾新鮮，隻蟹都幾鮮甜！配埋個韓式公仔麵，幾好！仲送咗炸魚皮，中途可以加湯海鮮煎餅就還好，比較淡味，蔥味唔太突出小店招呼好好，不時睇吓你有冇需要，又冇特別限時限刻，可以方便傾偈。老闆都好好客，會逐台過去傾幾句偈，睇得出用心經營下次有機會試埋佢個炸雞

收工同朋友喺銅鑼灣搵食，發現謝斐道呢間樓上韓料店，試咗佢哋嘅釜山海鮮鍋（$398/小）🦀雖然鋪頭細細但幾有韓式大排檔風情，最驚喜係個鯷魚湯底真係幾足料～ 🍲 鯷魚湯底 啲湯飲落幾清甜，海帶同鯷魚嘅鮮味平衡得幾好，唔會過鹹。特別欣賞佢哋會提醒客人先飲湯再食料，飲啖鮮甜嘅熱湯作為一餐嘅開始真係唔錯✨ 🦪 海鮮配料 原隻蟹雖然唔算好大隻但幾新鮮，鮑魚彈牙冇雪藏味，蝦同魷魚就正常發揮。最抵讚係個湯越滾越出味，最後落埋金菇同菜索晒湯汁好正！ 💡 以呢個價錢嚟講份量合理（2個人share啱啱好），湯底確實有驚喜。雖然海鮮未算頂級但夠新鮮，如果想喺鬧市食個暖胃海鮮鍋，呢度係個唔錯選擇～

今日同事推薦食這間韓國家庭式料理，韓式海鮮火鍋，海鮮非常新鮮，蝦、蟹、魷魚、鮑魚….湯頭非常鮮甜，我們還加了韓國麵，最後不想浪費美味的湯頭所以要求店主給了一碗白飯及一隻雞蛋、我們先加一點清水減低鹹度、再把白飯放入湯內、再加上一個生的雞蛋拌勻（好像在日本吃火鍋後的最後拌飯一樣）白飯完全吸收晒湯的精華、大家都吃得非常滿足！另外點了一份柚子炸雞、外脆內軟，看得出店主用心的烹調！店員還送上一份新鮮即做的炸魚皮、也是驚喜之一、夾到嘴裏魚皮，仍是暖暖的！加上店內的家庭式氣氛、店員的禮貌招呼！今晚的晚飯令大家滿滿飽腹！心情愉快！💕支持用心小店，一定要推薦給朋友！💕

呢間主打韓國釜山海鮮嘅餐廳，個二人海鮮鍋真係抵食又足料！湯底用新鮮海帶同鯷魚熬，完全冇落味精，飲落清甜自然，完全唔會口渴。 🐟 鮮味湯底個湯底真係一絕，海帶同鯷魚嘅鮮味好突出，仲帶少少海洋嘅鹹香。煮海鮮之前飲啖湯，已經覺得好舒服。 🦐 豐富海鮮海鮮種類包括： - 鮮蟹：蟹肉飽滿，蟹膏濃郁 - 大蝦：爽口彈牙，蝦頭仲有膏 - 魷魚：彈牙新鮮- 八爪魚仔：細細隻但好有嚼勁 - 蜆：粒粒都開口，完全冇沙 呢個海鮮鍋絕對係海鮮愛好者必試，湯底鮮甜、海鮮種類多，兩個人分享啱啱好🤙🏻

呢間店同樓下蟹仙係一齊嘅，海鮮鍋入面嘅蟹好好食，其他海鮮都OK正常 。鯷魚湯底好鮮甜，攤凍咗飲一樣咁好飲，師傅話咁樣可以證明係冇味精 。湯可以無限添加，最後我地加咗個即食麵落去吸啲湯嚟食炸雞係即叫即炸，師傅堅持唔可以炸定，食落的確係有分別 。揀咗柚子蜜味，好食唔膩 。兩個人叫咗一個海鮮鍋同半隻炸雞，連埋啤酒加一埋單先$6xx，呢個質素喺銅鑼灣嚟講算係好抵食 。難得香港仲有用心做食物嘅舖頭，值得俾個機會試下 。

太耐冇去過韓國，朋友吃過推介，性價比高，之前做蒸氣海鮮石鍋的分拆出來的分店 韓國海鮮鍋，今日去試一試😋😋柚子蜂蜜炸雞，雖然不夠韓國那些炸雞脆口，但雞肉嫩滑，不油膩，配埋柚子醬，帶出雞肉鮮味😋😋😋釜山海鮮鍋，因為姨媽唔食得辣，我哋點咗不辣，鮮魚湯底好鮮甜😋 再用好多海鮮一齊煲，個湯都飲咗幾碗四人餐超多海鮮，隻蟹超多膏😍😍仲有鮑魚，蝦，青口，扇貝，魷魚，丸，菜食晒海鮮，點咗個韓國辛辣麵，呢個真係一流🤩，鮮魚湯底入晒辛辣麵，麵質煙韌，魚湯底鮮甜

作為一個成日去韓國掃街嘅食家，今次喺香港發現一間隱世韓式海鮮鍋專門店，由湯底到配料都忠於釜山風味，仲要性價比超高！重點係佢哋嘅海鮮新鮮到癲，仲有即叫即炸嘅蜂蜜柚子炸雞，絕對係近期最驚喜嘅韓食體驗。等我同大家逐樣拆解—— 🙌🏻主角登場：韓式海鮮鍋（鮮味大爆發！）一上枱就聞到濃郁嘅海鮮香氣！銅鍋裏面鋪滿海蝦、新鮮鮑魚、奄仔蟹、沙白、韓式墨魚仔、魚餅，仲有高麗菜同金菇菜墊底，份量足夠2-3人食。最搶鏡一定係爆膏奄仔蟹，蟹蓋一揭，金黃色蟹膏多到瀉出嚟，蟹肉鮮甜得嚟帶淡淡海水味，蘸少少韓式辣醬更加惹味！ 帶子大大粒，好鮮甜！海蝦亦都爽口鮮甜！沙白鮮甜，而且冇沙！墨魚仔都好Q彈！ 🙌🏻邪惡配菜：韓國炸雞（蜂蜜柚子味，即叫即炸！）講到韓式美食，點可以少得炸雞？呢度嘅蜂蜜柚子炸雞絕對係必點！雞件即叫即炸，外皮酥脆到不得了，咬落去咔嚓一聲，入面嘅雞肉依然嫩滑多汁。秘製醬汁用韓國柚子蜜調製，甜中帶微微酸香，完美中和炸雞嘅油膩感，真係食到停唔到口！ 👍🏻開胃小食：韓式三碟（海帶、泡菜、酸蘿蔔）食之前，先嚟三碟經典韓式小食醒醒胃！韓式海帶酸甜爽口，帶少少麻油香；傳統泡菜發酵得剛剛好，辣度適中，仲有微微

作為一個長期追蹤韓國美食嘅老饕，今次終於喺香港搵到一間極具釜山風味嘅韓式海鮮火鍋店！由食材新鮮度到湯底層次，甚至連伴碟小食都充滿驚喜，絕對係近期最值得推介嘅韓食熱點。而且餐廳位置非常方便，位於銅鑼灣，距離地鐵站只係2分鐘嘅路程，非常容易搵到！食完仲可以去附近飲嘢！💯鎮店之寶：韓國釜山海鮮鍋一上枱就震撼全場！傳統巨型銅鍋鋪滿奄仔蟹、鮮鮑魚、海蝦、青口、大硯、原隻魷魚，視覺效果滿分。重點係所有海鮮都係每日都係新鮮送到，絕對唔會係隔夜貨，尤其係奄仔蟹，揭開蟹蓋見到金黃爆膏，蟹肉鮮甜帶淡淡海水味，蘸少少韓式辣醬更提鮮；鮮鮑魚口感爽脆唔韌，完全冇雪藏味！ 湯底用鯷魚熬製，初飲微辣帶甜，隨住海鮮精華滲入，中後段湯頭變得濃郁醇厚，最後加份韓式拉麵收尾，吸盡湯汁精華，完美！ 💡 必食Tips：建議先飲半碗原湯！💯邪惡小食：韓國燒魚皮坊間魚皮多數得鹹蛋黃或麻辣味，呢度嘅韓式燒魚皮卻玩出驚喜，魚皮厚切且炸得通透，佐酒一流！最驚喜係放涼後依然脆口，證明油溫控制得宜，絕對係全港數一數二嘅高質魚皮。 💯清新之選：韓國柚子蜂蜜炸雞（甜酸解膩）怕韓式炸雞太膩？呢道嘅柚子蜂蜜炸雞就係完美平衡！雞件即叫即炸，外皮

味道唔錯，海鮮，配料，韓式小菜味道不錯，尤其海鮮鍋湯頭有心思，而且免費加湯。個人認為係有心機既韓國菜餐廳。價錢上，係銅鑼灣算係中規中矩，性價比高。建議二人叫一個細既海鮮鍋，再搭配一兩款韓式小菜。然後可以叫下酒，一班人嘻嘻哈哈。暫時鋪頭仲係試業，都希望有其他人黎試下，俾下意見。我今次叫左韓國釜山海鮮鍋，豚肉粉絲，柚子炸雞，牛肉煎餅，魚糕炒年糕。4人用餐，絕對夠飽，大食既可加個韓式拉麵，索埋d湯，真心唔錯

⭐今日專程早啲收工等老公放工拍拖食晚飯🍽 今晚食蒸海鮮🦀🦞 夠曬健康 地點好方便🚆好近銅鑼灣地鐵站🍷餐廳好多卡位 坐得好舒服 非常放鬆寫意🥰呢度啲海鮮十分經貴 係每日由老闆親自挑選嘅 全部係飛機貨 新鮮抵港 好多都係野生 夠曬新鮮罕有 今日點咗個🍤?有共十款嘅海鮮鍋韓國釜山海鮮鍋 🦀🦞🌟罕有野生膏仔蟹 好多膏非常鮮甜蟹 🦀啲膏好新鮮甘香 隻蟹亦都好鮮甜 大隻多肉🌟台灣九孔鮑魚非常新鮮 啖啖肉🦪🌟大西洋野生青口 夠曬鹹香味 好新鮮 好有海水味🌟野生日本深海白刀貝 極之罕有 非常清甜又大隻好鮮美🌟加拿大野生海虎蝦 好大隻 好鮮甜 非常新鮮彈牙🌟韓國釜山珍珠蠔 鮮味濃沃 好味好鮮甜 好甘香🌟大元貝元貝好鮮甜大隻 蒸到一啲都唔銀🌟有機蔬菜 🥬 🌽🥒夠曬健康 綠色蔬菜好好食店員服務親切 🦪🦞🦀食得好開心 氣氛好好💕 試到咁多唔同嘅海鮮真係非常享受 下次一定會再呢🩷

性價比極高 d野食好新鮮 個湯好好味 😋食得辣既朋友 一定要叫辣 果個味道好上頭 好正佢地個前菜 泡菜都唔錯 仲叫左佢地既芝士味炸雞 3個人食埋都係$789真係呢個價錢呢個質素去邊度搵！

在打開鍋蓋的瞬間，便撲鼻而來濃郁的海味，鮮蝦、螃蟹及貝類色澤鮮亮，令人垂涎欲滴。品嘗海鮮的同時，湯汁鮮甜可口，韓國廚師掌廚，湯底可選擇辛辣，既保留了韓國的地道風味，又不過於重口味。蝦肉彈牙，咬下去清甜可口，整隻螃蟹肉質滑嫩，味道濃郁，幾乎不需任何調味料便已美味無比。各式貝類如扇貝、青口及蜆，每一口都是海鮮的精華，肉質厚實。鍋中還添加了吸收了湯底精華的蔬菜，讓口感更加鮮甜。再加入韓國麵，完全感受到韓國既味道

呢間韓國海鮮鍋，真係好正！😍一入去好有韓國feel，服務員都好友善。鍋底用咗新鮮海鮮高湯，味道鮮美，仲有少少辣味，啖啖都係海味。服務員話係韓國師傳親自下廚。好有心思。海鮮方面，大蝦、鮑魚同蟹都好正，蝦肉彈牙，仲帶甜味，真係好味到不得了！鍋裡面仲有好多時蔬，其他海鮮！最吸引係蟹，蟹肉鮮甜，肉質滑嫩，啖啖都充滿海鮮的鮮味。蟹煮得剛好，湯底吸收咗蟹的鮮香，令整個鍋更加美味。每次撥開蟹殼，白嫩的蟹肉就會露出來，蟹膏又夠多！最正係可以自己選擇辣定唔辣！食完之後，肚子滿滿，心情都好好。總之，呢間韓國海鮮鍋真係性價比高，特別適合同朋友一齊去，邊食邊傾計，仲有酒飲，又好坐！絕對係一個開心的晚餐選擇！下次一定再來！

平時都會行開銅鑼灣。今日就見到應該係新開既（因為好似仲執緊個地方）韓國菜。價錢唔算貴（今時今日黎講性價比算高）。$398一個海鮮鍋。真係足料。個蟹真係不得不大讚。但其他海鮮都一D唔差。包括鮑魚，虎蝦，帶子，青口，大蜆，墨魚等。。。款款鮮甜。加上左韓式既辣味。真係連湯都可以飲哂。之後加左個紫菜飯同牛肉餅。其實已經好滿足。仲有好多野都想試。雖然暫時見到就唔多野食。但應該都要黎多幾次先試得哂D野。呢度絕對係可以返轉頭既餐廳。