韓一石頭鍋豆腐鍋專門店 (已結業)

是次晚餐: 四人set dinner (2 个) 及 炸鸡 (一碟).整体食物算唔错, 炸鸡都唔会炸到很干, 有肉汁. 泡菜饼香口. 炒米丝较咸.石头锅饭都几香. 泡菜汤好辣 ( 但...唔够香)  …查看更多

今日轻松D，可以过九龙城食LUNCH。由土瓜湾行过去，大约15分钟左右。呢间嘢系同事介绍，我地得两个人坐卡位岩岩好。款式都系常见个D，所以无点犹豫就择左生姜牛肉饭，餐饮叫左热咖啡提一提神。佢用铁板盛起D菜同牛肉，甘就可以保持住温度同有烧焦既效果。个餐整体有D油，但味道OK。牛肉吾会太韧，反而有D松软。去到吾洗排队，但入面既位系FULL哂，所以黎食，可能要排一阵。…查看更多

很久没有食韩国菜，家人提议去九龙城食，满心期待。订左七点，准时到。因为天气太热，一坐下就觉得无冷气，侍应小姐放下餐牌就离开等左十分钟，坐位上方冷气突然开放，原来一早目无表情（好似本人欠佢好多钱咁）嘅侍应小姐系听到，只系无示意收到。跟住点菜我哋点左一份套餐，纯豆腐海鲜汤，一份厚切五花腩、一个蔬菜篮。首先上前菜，一见到已知今晚餐饭危危乎，唔荒好食。连韩菜最基本嘅泡菜都咸到苦嘅😨😱之后所点嘅菜陆续送上,更大镬😩首先系一味得油但无味嘅炸酱面，之后炒什菜咸到苦，入唔到口，豆腐汤只系用百福豆腐，虾又霉，蚬又䗌，成碗汤除左䗌味，乜味都无薯仔排骨汤更过份，只有羗味五花腩同蔬菜篮系原材料，无须加工，所以还可以。总括嚟讲，未食过啲咁超劲难食嘅嘢😡😡😡😡😡😡😡免费都一定唔会再去，太过份，毫无诚意经营嘅餐厅…查看更多

同事放工后决定一试韩一, 坐大玻璃窗隔离风景望大马路, 坐位舒服!服务生劲有笑容, 不时帮我地加水!ORDER左炒粉丝,煎饼,排骨薯仔锅, 芝麻雪糕!超级推介煎饼! 够热够脆! 芝麻雪糕都好正, 唔太甜有香浓芝麻味!粉丝弹牙, 薯仔锅入味, 总体所有食物既水准唔低.值得一提, 前菜够多, 款又多, 蜜豆同薯仔最得我心, 而韩国国菜- 泡菜都好好味!唔太辣!顺手再提餐厅衞生唔错, 连TOLIET.. 都系..去九龙城食得多泰国野又或者系其他地方等得太耐, 绝对推介E间餐厅一试!…查看更多

朋友话想食韩国菜, 我之前听朋友讲九龙城韩一唔错, 今次聚会就黎韩一试试啦, 反正大家都未食过...入到去见格局同平时韩国菜好似有d唔同, 佢好光猛,简约装修,带点韩国色彩,入到去好舒服,我地坐楼下, 佢坐位系好似一格格咁间开, 好似一间间独立既小房咁, 几钟意个环境, 同朋友倾计都好似有个小小私人空间咁,几好...佢度可以韩烧,不过我地今次食韩菜先, 好几样野都想食,又唔敢叫太多食唔晒, 四个女仔..最后叫左一个二人餐同加两样野食...二人餐有前菜, 炒春雨, 豆腐锅, 石锅饭,饮品同甜品...其实佢都有好几款餐拣...我地再加左煎饼同薯仔排骨锅...泡菜有十小碟, 每样都试少少, 觉得个紫色薯蓉最好食, 薯条都好爽口新鲜, 仲有菜心,茄子,豆腐都ok, 唔会太浓...清清地开开胃先...主打紧系要试试个传统豆腐锅, 入面有泡菜,豆腐同猪柳片, 先饮个汤, 少少辣,相信就算唔食辣都会接受到, 有泡菜带少少酸, 有少少似冬阴公味,几讨好, 豆腐热辣辣又滑, 猪柳片都系新鲜的, 唔错丫...份量都够我地四个食...石头锅饭都系食韩国野必食啦, 我地拣左鸡肉, 排得好整齐, 有萝卜丝,木耳丝,鸡柳,大豆芽咁...待应姐姐帮我地将酱料同新鲜鸡蛋捞埋, 捞下捞下..热辣辣香喷喷..闻到已经好想快d食...仲有d饭焦...正...味道刚好, 仲食到有少少姜味系入面,香口,加埋饭焦脆脆地,唔错呀...炒春雨, 好奇系咩黎?原来即系炒粉丝, 我地正想食, 个餐入有更加好啦, 本身系用牛肉炒,因为我地少食牛,佢可以比我地改猪肉,good...入面有韩国粉丝,芹菜同木耳丝...都还可以,可以炒返干身少少, 可能我唔爱芹菜,唔落芹菜会更好...香葱煎饼,都系我喜爱既韩菜一款, 叫左个细, 切开六件, 一黎见个样煎得几靓, 食落唔太油腻,脆脆,又有葱香,够香口, 赞!排骨薯仔锅, 有碗饭跟,排骨食落都系新鲜的, 燘得够淋同入味, 食落唔会散开晒,唔错, 薯仔大旧,都入味,好味, 赞!我地觉得份量岩岩好, 加上有甜品系芝麻雪糕, 唔知咩牌子呢? 个芝麻雪糕好似特别香浓, 唔太甜, 几好几好...饮品除左汽水可以拣之外都仲有柚子蜜,红枣蜜果d拣...大家都觉得今餐唔错, 价钱合理,黎到九龙城唔一定食泰国野,食韩国野都估唔到有惊喜, 值得一去 :)…查看更多