影片
一入到去已经闻到一阵毛巾馊味筷子筒，酱料器皿，枱面，墙上都有污渍其实见到呢个环境已经唔开胃但入咗去冇得走就硬食餐牌嘅𩠌名系谂得几有心思但食物质素普通我去埋单俾钱嘅时候见到职员收走污糟嘅碗同杯但佢唔系将啲杯碗拎入厨房或者后栏而系将佢哋放喺入口隔离嘅筲箕度我见到当时已经积聚咗一大堆污糟嘅杯碗碟唔知要储到几时先洗客人要对住呢堆污糟杯碗碟嚟食嘢呢个亦可能系令到成间舖有浸馊味嘅原因呢间铺啱啱新开嘅时候评价几好装修特别但点解而家会变成咁？系咪转左手？一般食肆最基本嘅卫生要求都做唔到我一定唔会再去
继续阅读
一入到去已经闻到up臭毛巾既味，地下好滑。坐系左边既枱，右边望住厨房入面垃圾桶。一坐低就有冷气机滴水滴落头，唯有坐近墙边避开滴水位置。叫左两碗面，食落得几样野系正常。萝白全旧系渣，猪红有阵味，饺子个心唔热，粟米墨鱼饼个心系雪柜拎出黎果种冰冻，我谂系微波炉叮返热就算，但未热得透。绝对唔会有下次，menu系有d趣，但系食物环境真系好差。员工帮手处理个墨鱼饼都好甩漏又记错第二枱客又误会我地要过第二份。真系无下次，好难相信有好评。
继续阅读
疫情三年一直食开这家，都有啲感情。从门口的「制度坏左」牌，到墙上「食咩自己拣，自由嘅感觉」，再到店入面播啲歌，情怀有目共睹。最近质素越来越差。今次米线加蟹柳，蟹柳中间是冻的，找服务员服务员说你在自己汤里涮下就可。Excuse me？你份蟹柳中间冻，根本没煮彻底妳话在自己汤入面涮下就可？讲完这句服务员先叫厨房煮一份新蟹柳出来。讲真，听完服务员句话加上通关后店入面越来越多播嘅大妈曲再加上摆入左嘅牌，再望返墙上「食咩自己拣，自由嘅感觉」，我觉得是一种讽刺。
继续阅读
以前好中意食这间车仔面，河粉好新鲜，𩠌份数合理。近哩3个月都少左食，因为𩠌的份量越来越少。猪颈肉得3块越切越薄，蟹籽丸只是普通打边炉的急冻丸，不是贵食材都只得2粒。猪红的调味较以前咸，整体比以前差左。希望以后有改善
继续阅读
牛腩硬到咬唔郁，叫了2碗面，1碗俾2只鸡翼，1碗得1只…啲汁又唔系熬制，全部都系味精，好咸服务态度就还好，不过外卖自取系等得有啲耐隔离街𠮶间车仔面有3只，又好食好多……
继续阅读