影片
呢间餐厅食过两次，一次食鱼柳，一次食猪扒，两次都觉得好好食，服务态度又好👍。趁住今日放假试埋佢嘅鸡扒，上次见到人食好似唔错。此外，天水围新北江的铺头又好啱我行。废话少讲，讲返个早餐先，🥩鸡扒大大件斩件上，即做出嚟仲系热辣辣，1️⃣无太油腻，2️⃣又无过咸 ，份量正常一个男人应该好够食，米粉唔会煮到林哂，刚刚好好有口感，至于餐肉同太阳蛋就正常无咩特别。总括嚟讲，41蚊呢个价钱食呢个质素嘅食物性价比算高✔️。不过餐厅始终系一间小店，食客众多，坐得比较迫，好多时都要搭枱。
继续阅读
新北江一直都有一行食肆林立嘅小巷。食早餐我多数会拣面膳，因为早餐抵食大份，食完一份可以饱到晏昼都唔使食。舖头大细比较窄，大部份时间我都系拣外卖，可以慢慢叹。餐牌上面，早餐都有几款唔同嘅配搭，可以俾你拣。同样，下午茶、午市同晚餐嘅选择都十分之多。醒晨套餐 $40跟餐冻饮 加 $2吉列鱼柳 配 太阳蛋/肠仔 通粉鱼柳外面酥脆内软，唔会炸得过熟入面干晒。鱼柳嘅大细仲大过一个手掌，对比起连锁早餐嘅炸鱼柳大一倍有多。通粉可以自己选择其他面食，汤底系浓鸡汤，食过咁多次质素都保持到，偶尔会淡啲。食过北江其他嘅早餐，价钱同味道对比之下都会拣返面膳。
继续阅读
好少去天水围，今次去完白泥睇日落后，被带到嘉湖山庄的新北江商场揾食。第一次来到新北江商场，有点像蓝田汇景商场及葵涌广场，都是平民商场类。有些餐厅很明显地好多人排队等位，但由于玩得又累又饿，随便选间餐厅好了，就选面膳，因见到不少食客都点铁板餐啊！餐汤可选中汤或忌廉汤，忌廉汤奶味较重，不会太粉，有少量蘑菇及鱼柳，味道还好。重量级百搭铁板餐，特选西冷牛扒配一款肉类，选了香煎鸡扒，配洋葱汁及天使面。铁板餐热腾腾的送上，两块扒都好厚身，份量十足！铁板餐伴有薯菜，天使面另外送上，好大碗！稳阵起见的选7成熟，扒的熟度恰好，软稔易咬，又带点肉汁，洋葱汁都好足，够味又不会太咸。$82好抵食！难怪那么多人点铁板餐，绝对是饱肚之选！芝士白汁青口蚬肉意粉，虽然蚬肉及青口都是急冻货，但给的份量都好足。芝士就是在意粉上洒上一堆芝士粉，芝味说不上好浓。冻柠茶的茶底够浓，不会太涩，算是可以。不求食物的美味，只求饱肚抵食的话，面膳都算是吃得过的。
继续阅读
新北江食店多，舖细间同平价钱出晒名，今日成三点黎到呢度都系间间食店爆人，隔离嘅丽江就老冯等位等外卖企晒成条路。见未食过面膳咪试下佢，门口个男人食紧嘅沙律餐几吸引，一于叫佢呢样。下午茶A+B+C自由配撘，加又得唔加又得，拣左A+C都系四十二蚊好平。见佢咁抵食，谂住影定相介绍人食啦，点知出事…嗱，肉酱意粉就预左系煮定个汁煮定嘅意粉，有人叫就笔出黎，个汁无茄味又偏甜，未到话难食嘅。司华力肠沙律其实几有诚意，条肠煎过先啦又唔系比肠片，个沙律几好味添，酱汁甜酸味教得好，青瓜、薯仔、杂果切碎大细均匀，不过食到一半见有条毛脚…唔讲都知系咩啦，估唔到中招啫…唉呀…阿姐话换过碟比我，喂喂，换过碟都系同一盘黎啦，我又唔信即刻切过呀。后来换左炸薯条，即炸热辣辣应该安全嘅。餐饮热柠水，个杯几污糟，可能不锈钢系咁样挂。之后入嚟嘅人继续都系食沙律餐，咁咪出自同一盘沙律真系唔知啦…
继续阅读
🍴重量级百撘铁板餐「特选西冷牛扒拼另外一款自选肉类」($82)点完菜之后首先上左餐汤 当日既餐汤系白汤 味道正常唔会太粉 最惊喜既系入面有唔少既磨菇同鱼块😳牛扒既份量真系几重量级 足足成块铁板咁长 而且都算厚！我地拣左7成熟 可以睇到佢既熟度控制得都几好👍🏻 味道就系港式茶餐厅铁板餐果种扒既味道🤣 虽然佢系西冷 但系都唔算好多筋😌 我地自选既双拼分别系龙脷同吉列猪扒 两款都正常发挥 吉列猪扒既炸粉唔会太厚肉类底下仲有薯条、蕃茄同埋粟米另外仲有碗意粉(亦可以拣饭或者天使面)铁板餐奉送咖啡或茶或糖水无错 跟糖水都系免费既！🤯其实呢间餐厅仲有好多款意粉、焗饭、咖哩等等 价钱都系介乎$47-60 份量都唔少 十分扺食！ 🤑
继续阅读
您可能会有兴趣的...