影片
以上资料只供参考，请与餐厅确认详情
今日我去咗屋企附近一间有名嘅面包店，佢哋嘅面包新鲜出炉，创意十足，尤其系最新推出嘅开心果面包系列，实在令人垂涎欲滴！每一款面包和蛋挞都展现出无比的创意和用心。店内仲有各式各样嘅特别蛋挞，花样繁多，选择令人眼花缭乱。环境方面，店内卫生保持得非常好，店员亦都十分有礼貌，细心周到，令我感受到宾至如归的温暖。我感到非常开心🥰🥰，买咗好多美味嘅面包同蛋挞，准备同屋企人一齐享用。我买咗❤️麻糬蛋挞，🧡千层酥皮挞，💚开心果扭纹包，💚开心果脆脆，🧡芝士火腿可颂牛角包，🧡芝士培根牛角包，💚开心果流心菠萝包，🧡芝士箭猪包。1. **麻糬蛋挞**：外皮酥脆，内馅滑嫩，麻糬的Q弹口感与香浓的蛋奶酱完美交融，口感丰富。2. **千层酥皮挞**：层层分明的酥皮，口感轻盈，内馅甜美，吃一口就能感受到幸福的滋味。3. **开心果扭纹包**：外酥内软，香浓的开心果馅料，在每一口都食出浓郁的坚果味道，令人陶醉。4. **开心果脆脆**：面上有脆脆。裹著香甜的开心果奶油，咬下去瞬间感受到香脆的口感和丰富的味道。5. **芝士火腿可颂牛角包**：牛角酥皮可颂内包裹著浓郁的芝士和咸香的火腿，口感层次丰富，简直是早餐的完美选择。6. **芝士培根牛角包**：外酥内软，培根的咸香与芝士的浓郁交织，非常松软，我最钟意。7. **开心果流心菠萝包**：外皮酥脆，内馅流心的开心果酱，带来意想不到的惊喜，口感丰富，满满嘅开心滋味。8. **芝士箭猪包**：可爱的造型，内馅充满浓郁的芝士，咸香十足，带来满满的幸福感。如果你喺荃湾附近，记得去试下呢间面包店，绝对唔会失望！
继续阅读
最近去荃湾行山，行山前过嚟买啲面包当个简单的lunch同行山snacks,经过商场见到有间几靓同日系风嘅面包店，面包款式都几精致同多，有个位仲可以见到师父喺度整面包，几得意我哋五个人都买咗唔少嘅面包1. 菠萝包点少得叫菠萝包，家人至爱，外皮松脆，入面柔软香甜2. 开心果菠萝包菠萝包都未系特别，开心果菠萝包真系第一次食。呢个菠萝包好有惊喜，上面嘅脆皮配上开心果仁好脆，亦都充满着满满嘅开心果味，最特别系入边仲有开心果酱，口感好正，值得不断encore3. 开心果可颂呢款又系另一款经典之选，我觉得舖头嘅开心果全部都好唔错，可颂正常，好松脆，上面有好多嘅开心果cream，超甜超好味。好match croissant咸咸地嘅味道。4. 士多啤梨忌廉可颂呢款卖相好靓，不过个人冇咁钟意呢一款。个cream甜甜甜地咁，冇话太特别，我觉得都系开心果好食啲5. 抹茶红豆包呢款都好唔错呀，成个包咬落都好松软，入边有红豆都真系食落几surprise，不过抹茶味可以再重啲6. 开心果扭纹包（我嘅最爱！）呢款开心果扭纹包绝对系我嘅心头好！外层嘅扭纹设计唔单止靓同特别，内里更包住令人惊喜嘅开心果酱，上面亦有好多开心果粒，成个扭纹包都好大个，绝对够饱，又好味又抵食7. 芝士箭猪包呢款包嘅造型好cute,佢个包真系整到好似箭猪一层一层咁😂😂😂芝士嘅咸香与面包嘅甜味match👍8. 焦糖忌廉可颂个人觉得呢个反而有啲太甜，但钟意焦糖同埋甜嘅朋友呢个你应该会钟意，其实口感唔错，但系甜度我觉得太浓店嘅环境个氛围同颜色都日系风，同埋有大大个墙上面嘅字写住面包嘅面粉系用日本制造的，唔怪得咬落咁松软。我问店员有咩推介，佢话佢哋呢度最受欢迎嘅系开心果嘅面包，而最后试完自己都系最钟意开心果嘅
继续阅读
跟朋友嚟荃湾玩，见到Citywalk二期间面包司主打系用日本面粉整面包，朋友食过都推介。款式真几多、面包仲大大个添。啲面包真系大过我手掌，但系价钱就好实惠，我分咗几个系列：🍞开心果系列：1️⃣开心果菠萝包菠萝包焗得表面酥脆，仲有焗过嘅开心果粒，入面仲有新鲜既开心果酱，一啲都唔甜。2️⃣开心果扭纹包开心果粒既份量一啲都唔小，面包松软而厚实，要分开两餐食先得。3️⃣鲜奶球$20有6个，好重嘅奶香味。🍞麻糬系列：4️⃣麻糬酥皮蛋挞蛋挞就食得多，加咗麻糬粒嘅口感真系好特别。酥皮皮脆口，牛油味香浓，麻糬口感Q弹软糯，推介👍🏼5️⃣麻糬菠萝包啱啱出炉，真系特别松脆饱满。仲好惊喜入面好多麻糬粒。🍞大size系列6️⃣蝶豆花水果包用蝶豆花嚟上色，仲有干果，干果份量比想像中多，面包咬落好松软。7️⃣紫薯包唔止食面包，真系有旧紫薯向包入面。🥐牛角包系列：8️⃣海盐焦糖可颂海盐洒咗向表面两只角，中间就铺咗焦糖，咸甜交融都几特别；啱啱出炉，真系特别酥脆。
继续阅读
我系面包控应该系人都知，面包舖时常都见到我嘅踪影，而且每次都会买好多🤣，今日路过荃新天地二期一门町市场内的「面包司 」好喜欢佢嘅外观，开放式设计一眼睇晒有啲咩面包，之后就见到大大只字写住「日本面粉使用」，我就系最崇日，即刻冲入去睇吓有咩买先 🍞比我再见到做面包工场仲喺埋店舖里面，师傅埋头苦干制作面包，我个人认为这些小店嘅面包一定好食，这里虽然地方细细，面包款式都几多种类，而且卖相好吸引😋我最钟意嘅牛角包，咸咸甜甜口味有好多款，我系偏好咸的口味 ，所以三款全部比我买晒，分别系「黑椒培根可颂」、「芝士火腿可颂」和「蒜香牛角包」口感好酥脆充满牛油香，超钟意食，跟住见到有一款「芝士箭猪包」，睇见佢对眼咁乞人憎🤣，就想食咗佢落肚，口感软熟又咸香，店员仲推介咗一款人气大热「开心果脆脆包」仍然食到粒粒开心果碎口感超丰富，另外仲买咗一啲我日常食开嘅法包、蒜蓉多士等等，喜欢食面包嘅你绝对唔可以错过，包你喺度买到好多款心头好😋😋
继续阅读
🥐 Croissant 可颂：3个可颂 各有特色, 系甜品同面包嘅混合体, 一啖咬下, 外层酥脆, 质地蓬松, 内里柔软, 而牛油味刚刚好！1️⃣海盐焦糖可颂, 焦糖味浓, 海盐不太突出2️⃣开心果可颂, 有开心果味, 正！3️⃣焦糖布丁可颂, 也好味!🍞 面包：4️⃣抹茶红豆包抹茶味浓💚, 红豆蓉味道突出同埋美味, 两者互相配衬, 显出各自优点, very yummy！5️⃣黑糖麻薯包好啱钟意饮黑糖珍珠奶茶🧋嘅人, 因为无论味道同埋口感都好似😆6️⃣芝士箭猪包造型可爱, 芝士馅料十分之多. 7️⃣开心果纽纹包面头个开心果粒 十分香浓, 真系想问问有冇焗开心果仁卖😆🍰 Cut Cake 蛋糕：8️⃣蓝莓芝士饼9️⃣咸味焦糖芝士饼2款芝士饼 口感软熟, 而我比较喜欢 咸味焦糖芝士饼, 上层系芝士, 跟住系一层焦糖, 底层饼底. 入口焦糖味浓, 慢慢透出淡淡的咸味.食材系采用日本面粉店舖 明亮 干净 企理职员 友善 有耐性地点系荃新天地 第二期 地下近荃湾西 港铁站（exit D）杨屋道市政大厦对面（即系以前杨屋道街市）
继续阅读
您可能会有兴趣的...