靠得住粥麵小館 (克街)

营业中

休息中

食完甜品食正餐, 想食碗魚粥, 0黎到一直同佢無緣的呢度試試. 左睇右睇, 叫了碗拆肉泥鯭粥 ($25), 加碟呢度的鎮店之寶 -- 白灼鯇魚皮 ($35).先0黎泥鯭粥, 勁大碗... 粥底好綿, 煲到杰撻撻的, 帶點魚湯的清甜, 無人造味精, 加埋配料(唔少拆了出來的鮮甜泥鯭肉, 大量蔥花及生菜絲), 味道清而不寡, 亦完全唔使落胡椒粉的, 好食!白灼鯇魚皮就比粥更正 -- 似海蜇頭咁爽口, 配上蔥, 薑及花生蘸上蒸魚豉油 (?) 一齊食, 十分惹味, 食唔停口! 絕對值 5 分, 值得試試!環境光猛乾淨, 仲有電視睇奧運開幕, 哈哈; 招呼好好, 店主 (?) 及阿姐們個個都好友善好好禮貌, 幾有人情味的一間店, 感覺良好.埋單 $60, 抵食. 叫自己做「靠得住」, 果然無改錯名. 下次食魚腩豬潤粥!

24 Jul 2008 晚諗住唔係咁舒服不如去食o下粥啦。搵到呢間似係新式粥舖就識識。兩個人叫o左鯪魚球粥、北菇抄麵、北菇鷄絲魚湯+啜啜麵、油菜 (揀西生菜)個粥就唔覺同 openrice 開飯介紹中話用魚湯餚製；係普通白粥，白到見到米花o添。應該要搵大排檔老手教教路。鯪魚球都叫不過不失。北菇抄麵就真係有北菇絲(有牙菜)，但就分得好明顯o下咁上。麵就發得大"林"(一般都係咁，記望不大)；而且唔夠熱，唔番抄都用微波爐叮叮佢先o丫！北菇鷄絲魚湯叫最得，但飲落應該都落o左少少味精！算係呢晚叫得最好o既一個。啜啜麵就真係極唔掂，本來想穩陣試米線，但個店員推介話啜啜麵係手打同埋似日本拉麵；結果中招。鹼水味奇大、一 D 味都冇又唔夠爽 (用咁多鹼水應該點都爽一陣掛)。油菜咁普通都會有生「金秀」色，揀揀先啦；再唔係用"淥"啜啜麵 D 水 (含鹼水) o黎"淥"包佢冇生「金秀」色，唔明個廚師係真唔識定假唔識o架！總結：以粥做主打就真係唔得，反而個魚湯都重過得去。其他普通o野都跟跟啦，記住收費唔係平喎！係唔係要幫襯再貴 D o既種類先會好 D 呢？

靠得住ah! 自從喜貼街五龍摺埋之後, 佢算係灣仔幾okgei粥 鋪粥底夠味不過唔係好綿, d料就幾新鮮鹹肉糉真係幾好, 唔太鹹, 又有好香綠豆味... 不錯俾個笑la

一定要講佢地個"拆肉"泥鯭粥呀, 點解佢地要做"拆肉", 而唔做全條"泥鯭粥呢, 一試過佢地的泥鯭粥便知道, 泥鯭粥的所謂泥鯭肉, 雖然未到霉既階段, 但咬落淋謝謝, 好明顯放雪櫃隔夜, 只要係愛吃泥鯭人士都食得出, 基本上, 市場上大部份有泥鯭粥供應的粥鋪都係全條架啦, 買唔晒就要掉啦, 攪些甚麼"拆肉"... 明顯就係鏗成本啦, 另外, 叫了碟魚皮, 算是好味, 與其他平價粥鋪無異, 但價錢貴了一節...

我叫開係泥猛粥或豬潤粥，搭一兩隻糉食，無論粥定糉都好好味，尤其係隻糉唔膩o岩o岩好，d女士都受落~!!不過我承認我唔太願意入去食，咁係因為老板成日(明明冇需要都)叫d客調 木台，好騰出空間比新客人，同一個客可以調兩三次，我明白你個場旺要整多d空間容納新客，但我覺得d已經坐左o係度既客人唔受到尊重(人地食緊熱粥滿頭大汗，你仲好意思叫人調位?)，彷彿老板認為"有咁平咁好味既粥食，你地d客調幾次 木台 都好應該"對打算前往本食店既人既建議 : 不建議情侶黎此店，除左因為光線太光猛冇情調，成日調位會令到男士覺得好冇面

阿媽病了，要吃粥，於是拺了這間。粥雖然綿，但很咸，豬潤粥，勉強吃了。泥鯭粥咸到卑，頂唔順，叫伙記加些沒味的白粥，但仍很咸。不落味精，卻落加倍多的鹽，一樣難食。這個時候，想有杯水飲下，但那麽貴的粥店，水都無杯。那些伙記阿嬸，太盡責了，時常check住我們有沒有叫野食，叫少Ｄ，又問幾次還有沒有，還有沒有，很煩。貼錢買難受。之後，我們很快埋單，去了吃雲吞麵。

今日天朗氣清, 於是師傅就繼續展開克街之旅第四站, 而今次嘅目的地就係呢間食店! 本以為冇咩機會黎呢間食店, 因師傅一向覺得粥水呢類食品係頂唔到肚餓, 加上昨晨一役後更加對粥類食品提唔起興趣, 但奈何師傅病倒, 唯有以粥渡日, 所以就黎呢間食店順便試下佢得唔得!入到去, 店內地方唔算大, 師傅一條友正想埋去卡位之際, 有位好友善嘅哥仔就問師傅幾位, 於是師傅就豎起一隻手指示意, 而佢就帶師傅去另一邊坐! 師傅心想咁樣都好正常, 冇道理一個人坐四個人嘅位! 坐底後, 就梗係睇下有咩好食啦, 睇左好耐師傅都未決定, 但呢度嘅伙計從未有催促半句, 態度非常之好!最後師傅柯打左一碗豬腰豬潤粥, 再加一隻咸肉糭! 等左一陣咸肉糭就到, 之後碗豬腰豬潤粥到黎埋! 師傅第一時間試下個粥先, 粥底真係好香好綿, 冇味精, 好正; 再夾起件豬腰, 發覺幾大件下, 放入口仍然爽口, 口感一流, 少少韌嘅感覺都冇, 正; 而豬潤亦幾大件下, 入口鬆軟, 又唔老又唔鞋, 掂呀!然後師傅再試下隻咸肉糭, 咸肉糭嘅體積比預其中細, 而糯米同綠豆份量啱啱好, 食起上黎覺得好鬆軟, 有”化”呢個感覺, 而蛋黃都幾靚,

一家也很喜歡吃糭，是端午節的必備節目。以往媽子總會包上好多的糉子，吃完蒸的吃煎的再吃炸的，很開心。由舊年開始，就要吃出面的糭了，水準當然不及以往的好，但有得吃，總好過無，誰叫自己來不及去學？在這裡買了好幾隻鹼水糉及鹹肉糭，每隻15蚊，幾便宜的。鹼水糭太腍身，上了滾水已經是腍得拿不住的。鹼水份量下得剛好，不澀口而又軟熟，下了蓮蓉餡，甜美，加上楓葉糖漿，不錯；鹹肉糭的糯米及綠豆的份量也是剛好，吃起來鬆軟。蛋黃紅紅的，靚得出油，比不少的名店更好。肉夠肥，糉自然香，道理簡單之至。細細隻的，一人一隻，份量恰可。我覺得是幾合心意的。

我叫左個豬潤雞絲粥 $38, 朋友叫左個雞絲粥 $28。都真係幾貴架, 不過好好食, 得閒食下都好既。d豬潤冇上面果幅相咁大舊, 都係薄既, 咬落去好彈牙勁唔實在咁以為仲生, 原來熟晒喎都!! d雞絲係估唔到既彈牙!!!! 係勁彈牙!! haha可能食得正野少, 係我食過最彈牙既雞-v- 粥底好香好綿, 食完真係唔多覺口渴! 呢個質素$38都值既。會再食!星期四8點半又冇乜人喎, 勁多位, 2個人可以坐卡位。可能d呀姐態度唔算好好啦諗耐d都有面色睇, 不過都可以既, 係佢recommend我食豬潤雞絲粥的!! 話menu冇喎!!環境都好乾淨, 呀姐會o係張檯下面既drawer拎chopsticks同餐巾出黎!

與友人到銅鑼灣閒逛,心血來潮想吃碗熱騰騰的粥,一於來這邊探探虛實,看看"靠得住"是否真的如此靠得住自問對魚類粥品著實沒什麼興趣,要了碗手撕雞粥($28),友人則要了皮蛋瘦($28),另加一碟菜心($12)分著吃該店的效率什高,兩碗不消5分鐘便雙雙呈上雞粥沒有被手絲雞弄到油光滿面,靚靚仔仔的粥底夠綿,粥身足料夠濃,雞亦有雞味少量味精是一定有的,但吃完也沒有很渴,收貨友人亦對他的皮蛋瘦感到滿意如果粥底能下多點生菜便更好了有機會的話會再來來到灣仔想吃碗像樣點的粥,這裡是個不錯的選擇

自從舊舖搬左新舖之后都好未有幫襯過, 今日咁岩係openrice度見到呢間野于是今日就去呢度食lunch, 叫左個泥猛粥 + 咸肉稷 依然都係咁靠得住, 咸肉稷 入面粒粒米都精形通透加上大大粒咸旦黃好味到不得了…

有一日要到灣仔處理一些私務，之前有些空檔。在寒風下，肚子總覺得空空的。一想，便來了這裡。入到店內，叫了一碗魚腩粥。等了一會便來了。熱騰騰的粥，蒸汽一直升上來。吃一口粥，鮮甜的粥底，配上新鮮的魚腩，感覺很溫暖。附上的豉油，裡面有薑蔥，跟魚腩一起吃，十分美味。在寒冬下能吃到這種幸福的感覺，應該感到慶幸。

Every once in a while, I come back to have congee. We went to have dinner today again.I like the fact that they don't use MSG to make soup. Their 猪潤is always thick and delicious.Eel congee with eels that are fresh and cooked right.Glutinous rice tamale that makes you feel homely.They maybe slightly more expensive than average congee shop, but the extra that we paid for are compensated by its quality.

店內寫明沒有用味精但我吃完好口渴令我好懷疑泥鯭粥似乎唔係泥鯭肉

之前買過一客爽脘魚皮，$35.00！！！回公司打開............以我估計，佢個鋪位起碼要陸拾捌萬玖仟陸佰伍拾壹個叁毫半租一個月，如果唔係，無理由價錢同份量完全不成正比？！