靠得住粥麵小館 (奧海城二期)

营业中

休息中

今日午餐時間同友人經過奧海城，見E間餐廳唔使點排隊，睇完menu都覺得OK於是決定試試佢。 點知餐廳full咗，不過好彩等咗5分鐘左右，好快就入得去啦！睇完Menu有幾樣嘢都想食，最後我決定叫陳皮鴨腿湯飯配凍薏米水，友人就叫咗雲吞麵配蘿蔔糕。好快脆嘢食就到 侍應上陳皮鴨腿湯飯我覺得有驚喜㗎，個碗大過我塊面，飯量非常可觀。野食到左就唔等啦趁熱食，講講個湯先個湯夠味又唔會太鹹，有陳皮絲可惜陳皮味就唔係太出，另外有幾嚿冬瓜又有幾粒菇咁湯不過不失 。講完湯就緊係要講埋主角鴨腿，鴨腿用筷子輕輕一夾 骨肉分離，我滿懷期待咬落去，入口同我想像有啲出入，鴨肉偏鞋有啲韌，我諗可能E個位先係咁姐，夾第二個位再試下先，都係鞋鞋地，不過最後我都食晒，肚餓ma。友人叫嘅雲吞麵蘿蔔糕，啲面係偏幼偏淋，蘿蔔糕比較粉。不過上餐時好特別，侍應分別攞來一壺湯同一碗面，上枱前先倒湯落面到，我諗係想啲面唔好浸係湯到太耐變淋，係細心位，加分最後杯薏米水好有驚喜！！係薑味薏米水！！細細薑絲撈埋多多薏米，味道拿捏得啱啱好，薑味足薏米足又唔辛辣，叫野飲非常推薦佢。

真係好嬲，所以一定要發表下！由於下午飯好晏先食，所以到晚上都唔肚餓，諗住近近地食少少嘢，免得半夜肚餓，點知就中伏了，今晚一家四口去了這間靠唔住的粥麵店食，我們4人各自order了自己想食的食物，一碗普通到不得了的豬潤粥要$70幾蚊，味道只一般，而老公order的星洲炒米細碟到好似下午茶餐咁就收$100，其中亞仔order了杯豆漿，個職員求其放低就算，老公諗住遞番俾阿仔嘅時候，唔小心倒瀉了，搞到自己一身都係豆漿，全部餐廳職員見到咁嘅情況，連一句問候或幫忙都冇，老公反而因為倒瀉杯豆漿落地下，仲同佢哋講咗聲唔好意思，但職員嘅態度實在太差，見到咁嘅情況，不單止沒有話換過杯豆漿或者話使唔使幫手，冇晒紙巾又唔會幫我哋換紙巾，之後亞仔諗住order番杯豆漿，職員即刻話冇晒豆漿，驚死我哋問佢攞過杯咁，老公碟星洲炒米就裝滿晒豆漿，職員見到當睇唔到咁問候一句都冇，更加唔會話換過碟俾我哋！😡😡😡😡😡老公搞到一身一褲都濕晒，即刻冇晒心機食嘢，馬上就先行離開，去到櫃檯埋單時候，買單的阿姐，看到所有情況連一句多謝幫襯都冇，激到老公死！老公同我講要即時要backlist呢間餐廳，今時今日咁嘅服務態度，嘢食又唔好食，

過完聖誕，家中長輩建議食返一餐清清地既午餐，俾腸胃休息一下。所以就黎到米芝連食店「靠得住」雖然食粥好似會健康D，不過都係心癢揀左無咁健康既食物——登登登登，就係秘製牛腩撈麵 配咸肉粽盛惠 $74牛腩撈麵份量好大，不過D牛腩就不過不失，D 肉都唔算實，但冇咩米芝連級數的驚喜。至於咸肉粽，都幾豐富，有一小件腩肉、綠豆、咸蛋。撈埋鼓油，味道剛好好，配上清淡口味的牛腩撈麵，咸肉粽成功將成個午餐的滿足度大大提升了

午餐叫咗碟時菜排骨炒河，等了二十分鐘，跟了一次單，終於有得食。第一啖咬落去排骨是涷的，河粉也只算是暖，跟職員反映，唸住轉過第二樣食物，職員二話不說問都唔問就拿去微波爐叮翻熱。仲要叮完忘記了跟返，又呆等10分鐘，我要食微波爐食品去7-11啦！交待一聲都冇，完全冇同人溝通嘅意圖，完全不知所喟！近兩次幫襯都有不愉快經驗，絕對冇下次！職員培訓絕對有問題，或者根本係炒散，不要再浪費商場鋪位了，建議快D執咗佢！

點了lunch set水晶雞好似一直缺貨個菜飯是很微很微溫獅子頭夠熱但淋得滯口感好怪，同有d鹹伴碟既菜直情係凍既豆漿都是很微很微溫唔計獅子頭，全部野都唔係熱食得有點辛苦，好怪話晒唔係食日本野🤣之前外賣自取味道退步不少想不到堂食都是退步了很多要自助落單，有得揀少鹹少油，飲品叫起，但完全沒有理會的😅

之前因為晚市六點前先可以堂食，所以慣咗食下午茶，今日就去咗靠得住，佢嘅下午茶都算抵食，今次叫咗一個廈門炒米，加咗薏米水，同埋牛肉魚片粥，加腸粉，味道不過不失，仍然有一貫水準，不過廈門炒米就冇佢星洲炒米咁出色，有少少油，至於粥底就仍然鮮甜，唔錯！😋

作為街坊，靠得住嘅粥品係附近同類型嘅食店，最有質素，最靠得住嘅。因為疫情關係，今年是第一次幫襯。外賣下午茶餐，一個粥品+炒麵。炒麵都還可以，偏油同份量比以往少。但其實不知不覺一年間，價錢已加咗超過30%,但份量仲少咗。雞粥就完全出事！以往雞粥會濃杰，但今日睇相已知，稀如稀粥水。之前雞粥會有較靚嘅部位，如雞翼，雞背。今次全碗都係雞胸，又鞋又硬！碗粥稀得嚟好濃味，而味道係無雞味，只得咸味同味精。我希望呢次唔好嘅經驗係因為外賣，短期內會再去堂食一次。若果情況依舊，以後只好避免食粥了。

原來晚上有得堂食 係一件咁開心既事😂好掛著佢既杏汁豬肺湯 自己煲就要搞一大餐 都係去鋪頭飲最方便 😋 啱晒我Lee d 懶人 好味😋我同老公叫左2個晚餐小菜 試下新野酸菜魚 另一個就點左個蠔仔餅 由於怕太辣 所以酸菜魚走左辣 但即刻唔好味 怪怪地咁🤦🏼‍♀️🤦🏼‍♀️ 又唔夠酸 下次要試返個原味 蠔仔餅 就一般啦 有小小腥蘋果茶又係我掛著Lee度既原因 好小見有Lee個味選 好香 但要等一陣先斟出嚟 咁先有蘋果香味 下次要試埋佢既菊花茶 😁

疫症底下好多餐廳都冇開，想食個tea，見呢間餐廳人少少着決定食個粥清清腸胃。貴過一粥麵但係味道同份量都差唔多。冇咩特別comment，唯一幾欣賞佢粥可以自己選擇傑啲或者稀啲。 腸粉滑嘅不過份量唔多。 要特別注意呢度要額外收茶錢，所以係連水都唔會有得飲。 食完行前啲先發現有一間抵食啲嘅，我覺得可以考慮吓另外一間。

想搵吓奧海城附近有冇啲咩好食嘅中餐見到有一間叫做靠得住嘅小菜貌似應該本身係食粥嘅，但我就試咗佢嘅晚餐小菜！ 又幾好食喎！食咗唔止一次，而每次都有叫爐魚，因為蒸得好好，新鮮，冇咩骨得來又好滑！試埋佢嘅南乳齋同埋芋頭煲，前者幾好食，後者就略嫌有少少”漏”，但係都係好送飯嘅菜式😙

今天去奧海城靠得住下午茶，两個多月前來光顧，雲吞麵，豬軟骨麵，猪手麵下午茶餐都是36元，還附送豉油皇炒麵，混醬腸粉和油菜三選一。今日看到下午茶價目表，上述麵餐雲吞麵為47元，猪軟骨和猪手麵為45元，另收三元茶費，沒有任何服務仍要加一服務費！(奧海城大部份餐廳下午茶沒有加一服務費)我點了45元的猪軟骨麵和混醬腸粉，沒有開茶。結帳時發現帳單內麵食和腸粉是分列計算的，猪軟骨麵仍然是以前的36元，腸粉是9元，共計45元(剛好是價目表上價錢) ，另加一服務費4.5元,實收50元！加價是店家的商業決定， 作為消費者本來不應置喙，但不解的是，店家短期內下午茶加價25%-30%，在加價幅度榮登全港食店之冠，真係飛擒大咬！此文主要是不平則鳴，請太興集團主持人三思。

平時間唔中都會同老公食呢間，未必呢間分店，因為佢都鍾意食，中式/港式，比較清淡，我都覺得多選擇。而外賣自取，我都係試過幾次，但次次都要等15分鐘或以上，對上班一族來講真係略嫌有點耐......今次仲要等足15分鐘都未有，都係要經過催單後先有，眼見都冇咩外賣單 (堂食都唔少人嘅)奉勸各位趕時間就唔好叫呢間，一係就先叫外賣，再行街/處理其他事項，先返轉頭取餐。講返野食，我今日都有點失望。因為好想食菜飯，之前試過呢間都幾好味，今日對菜飯特別失望，感覺唔入味，唔夾，似係飯同菜分開住嘅感覺。不過酥炸排骨就有驚喜！炸得外脆內滑，仲有好多件食剩，食唔晒另外想反映一下，set lunch價錢比同區同款食物略貴一點，$6x-$7x 包熱飲 (話包豆漿，但凍豆漿都要+$3)$5x/set 會合理一點，in terms of food and service quality~ 以上純屬個人此意見

突然想吃鹹肉粽，就想起這家馳名鹹肉糭的米芝蓮粥麵店。點了鹹肉糭，還點了一個午市套餐，榨菜豆腐蒸鯇魚腩菜飯，連飲品一杯。鹹肉糭送上，糯米很很柔軟，內裏的餡料有豬肉和鹹蛋黃，味道不錯，但又不至於令人一吃難忘，而且這粽太細隻，以$32來說，有點貴。至於榨菜豆腐蒸鯇魚腩，味道比較清淡，幸好有榨菜添味，否則真的要加點醬油。魚腩也比較細塊，加上豆腐，尚算足夠拌飯吃。飲品選了凍豆漿，凍飲要加$3，豆漿有點過甜。以往我上常來吃鮮雞粥，味道鮮美，還有這店的混醬腸粉，也很好吃，下次還是點上述兩種食物較好。

這店曾多次獲米芝蓮推介，以往常來，最愛吃它的粥和混醬腸粉，一年多沒來，這次和朋友同來，就作點新嘗試。金銀蒜粉絲蒸開邊蝦：蝦的份量不少，肉質爽彈，有點鮮味，而且廚子在蝦的上面鋪滿了金銀蒜和梅菜，更添美味，不過廚子的油也行得太狠了，吃的時候已覺得挺油膩的，吃完更有飽滯的感覺，若油下得少一點，反而更好吃，也更健康。剩鳳城水餃：這個不好吃，首先餃子皮不夠薄，而且餃子皮把內饀包得死死實實的，口感欠佳，內饀也太乾，味道又不突出，下次一定不會再點。牛腩撈麵：這撈麵有驚喜，牛腩份量很多，煮得軟，味道亦很好，麵沒有鹼水味，好吃。到這店光顧，店員會問要不要茶，若要茶，一壺好像是$6，不貴，不過若不想喝茶，也可說不要，侍應會改為給顧客一壺水，不另收費。

晚餐去左靠得住，但完全靠唔住。。。叫左最出名的 "豬潤帶子"粥，咸到一個點，同佢反應，佢話所有粥都系咁。 唔單止我地投訴，隔離枱雞粥都嘈佢。 九肚魚，見佢之前成日賣晒，稔住一試，點知勁多油，立立令。味道ok的，但相信茶餐廳都有依個質素水晶雞，算ok,但份量太少，粥連雞要$92+9.2茄子魚，恕我講一句，垃圾茶位$3 的蘋果茶，竟然系全晚餐最好的"餸". 2 個人，埋單連加一$300. 老實講，我食其他野好過，其實現時抗疫價，食西餐都夠