再早啲嘅抗疾时期，因为见到某旅游App有卖「靓妈黄金肠粉」嘅优惠卷，买一送一套餐优惠($28有虾米肠同火鸭丝肠)好似好抵食咁👍，于是就买咗嚟做午餐～。小店几近地铁站，但同时亦喺垃圾站对面...🙈。中午时份，有唔少人帮衬，我哋都要等两三个人先买到。我哋仲见住个后生师傅仔即场喺到整添，制作需时哦。不过佢无乜礼貌，唔睬人😒！小店主打肠粉，但同时亦有卖腌尖面，个名好过瘾咁😝。价钱属中等水平，不过我发现佢长期都有同唔同App做合作优惠，想悭番几蚊可以留意下。佢喺收银处有个好隐蔽嘅牌写住买肠粉有加配优惠，即系悭几蚊食埋腌尖面。我觉得佢好衰啰，有优惠但又收收埋埋，咁不如唔好做🤭。为食嘅我俩叫咗三份肠粉、一个面同一串烧卖，好似真系有啲多🙈。葱花虾米黄金肠粉($25)，呢个系套餐预设咗嘅项目，如果任拣就一定唔会嗌。因为🍤虾米肠本身就同斋肠冇乜分别。黄金肠粉嘅造型的确同普通肠粉唔同，因为系蛋黄色的，但食落我食唔出有咩特别，反而米香欠奉😐。再者，佢系似广州𠮶只皱纹肠粉，所以亦都唔滑。香茜火鸭丝黄金肠粉($29)，如果要比较嘅话，佢稍为好过虾米肠少少。之但系所谓嘅火鸭丝份量真系少得可怜😅，摄牙罅都唔够；而且太细条肉，食唔出好唔好味。但留意番芫荽味都几浓。脆脆黄金肠粉($29)，呢个系限量供应，本身冇谂住叫嘅，不过同事话好特别、好想试埋。出奇地呢款肠粉确系几有惊喜😋，因为肠粉入面包住嘅系越南春卷，咬落真系好脆，个组合几夹又够饱。但建议唔好摆太耐，否则春卷淋咗就唔系𠮶回事。麻辣腌尖面(加配价$12)，面食好似有得拣大细份量，加配嘅就系细。腌尖面实情系刀削面，味道正正常常啦，🌶麻辣味唔太辣，易入口嘅，冇记错的话面上面加咗唔少蒜粒脆脆同芝士粉。虽然肠粉饱肚，但我都系嫌面量较少。手作香菇烧卖($13/4粒)，呢个我认为系可以省略唔嗌，又细粒又肥，加上连佢系咪猪肉烧卖都唔系好食得出，因为冇乜味👎🏻。总括嚟讲，我觉得佢嘅黄金肠粉系噱头嘢，个样整色整水、够晒特别，亦都几啱打卡，但食落味道就非常一般，口味偏淡，就算落咗豉油都系咁话🙊。一份肠粉份量唔少，当午餐食男仔都勉强够的。如果以优惠价计算，就值得一试。正价不了，你会失望。但如果你真系仍然要试，就试脆脆黄金肠粉啦！…查看更多
见佢加$12可以要个面，所以就叫咗个细嘅麻辣腌尖面，我就觉得份量啱啱好，而且佢个麻辣只系少少辣，好啱我口味！之后仲叫咗个蒸烧卖，呢个味道就一般啦，不过$13有四粒都几抵食:)香港真系好需要多啲呢啲小店卖下啲特色小食，所以一定要继续嚟支持吓！
