青青泰國料理

营业中

休息中

希慎廣場係我去銅鑼灣行街嘅一個地標，行完後行返落去時差唔多到食dinner 時間, 見到依間泰菜新開裝修都OK, 所以入去試吓…..初時想叫散叫的，但個侍應推介我哋食二人餐，咁計落去個2人餐又好似抵食d woo 😂，所以揀咗個二人餐，裏面包括六條串燒，有個泰式魚翅，有個肉鬆包生菜和半隻燒雞，但飲品包一杯另外一杯散叫…..個串燒唔錯雞牛豬都ok, 泰式魚翅當然冇去泰國嗰啲咁好食，但係都唔差，另外有啲魚翅食吓；特別係個燒雞，個燒雞應該好似用港式燒排骨來燒得甜甜地幾好味幾特別，啲肉都好嫩….價錢都算中肯，同埋裝修得幾靚，地方都好坐…..

反映我在貴餐廳的用餐經歷，特別是關於甜品的衛生問題。當我在餐廳點了斑斕千層糕時，發現上面有許多黑色點點，這讓我感到非常不安。我立即向服務員反映，卻被告知這並不是問題。隨後，我要求與經理會面，經理才告知我師傅表示今日的甜品存在問題，因此無法為我們補上其他甜品。這種情況讓我對貴餐廳的衛生標準產生了疑慮。此外，在退款過程中，服務員對價格的計算出現錯誤，卻仍堅稱這是假期優惠價格。這讓我感到非常困惑和不滿。 我不明白沒有享用甜品為什麼要給予甜品價錢的+1服務費 ？

銅鑼灣希慎 新開泰國菜 #青青泰國料理上次去 #深圳南山 都已經試過， 估唔到咁快香港都有得食。 泰式串燒好味道，軟殼蟹炸得夠鬆脆，泰式燒雞夠香口，炭燒豬頸肉爽脆仲有大蝦粉絲煲。 記得要試埋佢地嘅 cocktails 只係$88/杯非常實惠， 成枝酒辦上， 唔甜啱曬體重管理。 另外house wine 都係$98/枝， 真係好抵飲！

今次偶然經過銅鑼灣希慎三樓新開張的泰國菜餐廳，入咗去試吓。點咗個馬拉盞豬頸肉炒卷心粉，味道不過不失，熱辣辣幾好食，豬頸肉都算爽口，不過豬頸肉份量可以多返少少飲品方面，試咗個熱唂咕茶，即係朱古力味嘅茶。由於佢係用茶包沖，所以無奶同糖嘅成份，好似幾健康，味道幾特別，唔錯唔錯。同行嘅朋友叫咗燒豬頸肉扎肉檬粉，佢話豬頸肉都燒得幾好食餐廳嘅裝潢都幾靚，地方大有好多位，商場入面嘅餐廳嚟講，價錢算係相宜，值得去試試

其實，下午茶收$78一碟炒河（未計加一），inside an MTR station-connected shopping mall, 合理。但，現場不多於十枱客，廚師應該唔會好忙，碟粉係咪可以熱番啲呢？樓面有禮，環境亦舒適，但一碟只有室溫的炒河，是會讓人想再次光顧的熱情冷卻的。泰式奶茶偏淡，可以輕易獲得香港人對甜(飲)品的最高評價 (“吖又唔係好甜喎”), 融冰後很有君子之交的感覺。希望之後如果再嚟，會有改善。(It turns out that you need to write at least 200 words before you can rate the food, and that's why the last sentence -- 😅 Oops, just figured that they count one letter in English as one word. 早知用英文寫，話咁易就過200 -- 個字母～)

青青泰國料理，離開太古後，重新在銅鑼灣希慎廣場開幕。前幾個星期經過銅鑼灣已經見到圍起身裝修，呢個週末經過銅鑼灣發現已經開幕，一定要試試！試營業期間，有二人套餐和4人套餐，另有單點菜牌。我們選了二人套餐，可以選兩個前菜/沙律，兩個主菜，另加18元有特飲。餐廳環境舒服，餐具類似以前太古的款式，阿仔話有回憶的感覺。飲品吧是開放式廚房，泰國廚師坐鎮。今次選擇的菜式以前在太古都食過，呢次試發現質素進步不少！飲品選了椰糖青檸梳打，加了椰糖味道更豐富，帶出薄荷和青檸的味道。

在銅鑼灣附近做完野，本身諗住去food court食晚飯，搭電梯途中見到呢間餐廳，決定去試一試。餐廳有二人/四人餐選擇，見到餐牌要用原子筆間開俾客人睇，覺得好好笑，仲無寫收加一服務費，感覺有點不老實，不知道餐廳是不是還在試業，希望可以改善。講返食物方面，我點了二人餐，菜式選擇都比較多：首先係馬拉盞炒通菜，作為第一道菜都好開胃。之後就到小食串燒，肉的調味較淡，好可惜再食兩串雞肉發現未熟未熟，即時同職員反映，佢地都及時處理，另外隔離枱其他食客都一樣反映係未熟店主都好好人，補左另一碟燒豬頸肉，肉燒得好脆，漿汁好正之後到主食炒金邊粉，好喜歡蛋絲，好有藝術感本身想食燒魚，好可惜賣哂，唯有叫了菠蘿海鮮炒飯，還有原隻菠蘿當飯後果，好驚喜最後感想，食物份量好足夠，亦都味道十足，希望店方可以改善食物未煮熟的問題