青越 (已結業)

今日同男朋友齊齊放假，難得平日可以一齊食lunch，我地去左青越食lunch。睇完餐牌，我揀左青越雞絲扎肉撈檬配熱檸水，佢就揀左法式牛柳粒紅飯配熱咖啡。青越雞絲扎肉撈檬，枱上有一樽魚露俾你任落去撈。夏天好岩食撈檬，好清新。呢間撈檬份量好多，雞絲都唔少，仲有扎肉。雖然味道唔算好好食，但都夠飽。法式牛柳粒紅飯同想像中差好遠，上碟係中式牛柳粒配西炒飯。好彩牛柳粒夠腍，味道唔算難食。呢個名真係好誤導人，令我地以為係紅米飯，而且又貴，當自己黑仔。

由於今日要去西貢玩水上活動要消耗好多體力，所以諗住食飽啲先，咁啱嚟到呢間餐廳見到佢哋個早餐竟然有飯食，咁就一於去試吓啦。一開頭以為$36有飯食應該好細碟啦，點知又唔係喎，同平時啲午餐嘅份量差唔多喎😍所以我臨走嘅時候都見到有啲喺附近返工嘅人過嚟呢度，襯佢早餐完之前外賣個飯走。-貴妃雞飯配熱咖啡雖然有一部份雞肉比條生菜遮住咗，但你都見到個份量都幾多，用嚟填飽個肚係一個唔錯嘅選擇。不過好味嘅程度就真係一般啦，啲雞肉唔算好滑但又唔會好鞋，中規中矩啦。可惜個甜豉油做得好差，個豉油一啲都唔甜仲要好鹹添。所以最後都係配姜蓉食。餐廳環境唔錯嘅，如果坐窗邊仲可以望到風景添，食物方面，早餐有飯食真係好特別，如果大家想填飽個肚的話呢間餐廳係一個唔錯嘅選擇。

成日放假都要搵下午茶食😋今次搵到呢間下午茶多選擇又低食喎，平均$40個餐青越超級沙律好多煙三文魚太妃焦糖法式花樣吐司好味😋杯內面啲脆脆好夾👍🏻越式滴漏咖啡好濃啡味玫瑰乳酪梳打好清新，有淡淡既玫瑰味👍🏻

🍙等待時間：一個假日既中午11:30到，冇咩人，直入。🍔室內環境：環境幾舒適，靠窗有大片開揚馬路商場景。🍰服務質素：正常。🔺用餐簡評：心血來潮想食越南野，行到坑口，就試試佢既越式牛肉河再加一杯熱滴漏咖啡😚首先河粉既湯底都可以既，但唔算特別正，而個牛肉質素就好普通，冇咩味，整個河食落真係麻麻既感覺，我個人唔多滿意。杯咖啡同樣只有其形沒有其神，無好飲既感覺，有好大進步空間。🔹總括來講：一間越店，佢既河唔可以冇好味感覺，中下。

岩岩開個陣 食過唔錯前幾晚同屋企人再去食、味道差左好多咁金邊粉帶點中式感覺、番茄🍅牛肋煲配蒜蓉包 又係麻麻地 d汁呢 味道唔係好又杰撻撻 形容唔到，好似好多粉打hin 🤦🏻‍♀️ 海南雞飯 個雞係暖既（呢個我唔識，因為平時食都係室溫）反而最就係個蠔仔雞蛋 🥚 蠔唔算大隻 但整體最好係佢 唔會再食佢

因為太久沒有食越南野，所以路過見到就行入去，如果不是安排就坐在最入的卡位，真的不知道原來全是落地玻璃設計，很光猛，又可以👀街境，視覺享受完全不一樣！泰妃雞河粉大大碗河粉（如果改為米粉，可能可以容易KO),最驚喜的是竟然有差不多1/4隻雞食了表面的泰妃雞後，發現原來尚有全隻雞翼,所以非常🈵️足！安南雞絲扎肉檬粉有四片扎肉的雞絲檬粉，口感上比不上泰妃雞，但都ok!如果飲凍野要加$8，所以決定以6折的優惠order 了一杯宇治金時，感覺上抵一點😅

好唔好食見仁見智，但食食下竟然有架倒廚房垃圾嘅車泊在枱前！清潔工人還施施然從廚房逐袋黑膠袋垃圾像餐前表演般大大力擲入車！又用界刀割紙皮，還要拿出一份三文治坐下享用，由得垃圾手推車停在我面前。終於攪到我連杯帶早餐搬到遠離垃圾車位置。一句話……冇下次。

點了一個青越火車頭河和黑糖珍珠奶茶，珍奶尚可接受，但d粉咸到嘔，牛肉、牛展、雞絲靱到一個點，最吊詭係果二粒丸入面仲凍但冇味，食咗一半已經頂唔順放棄🤢 價錢$97，都可以接受，但應該唔會再試

坑口有几家越式料理，因为比较近住处所以只试了这家～装修风格偏西式，大概是因为除了越菜还有cafe吧，和东南亚的其他重香料重口菜式不同，越式菜肴很清淡，蔬菜更是喜欢生食～在这家体验了两顿，一顿晚餐一顿早餐，先说晚餐吧：不喜欢主食所以点了个沙爹牛肉锅，牛肉和配料很足因此汤汁都快溢出来了，吃完菜再下公仔面，1个人吃得很饱！唯一缺憾的是煮到后面汤汁非常的咸，这也是火锅的通病了吧。再说说早餐：点了份三文鱼沙拉配法式软包，价格不便宜要HK$67，但是分量也是足……结果就是3个面包最多只能完成1半，三文鱼吃完后剩下的一大盘沙拉也只能放弃。整体口味感觉没有在越南吃的清淡，菜单等方面照顾了香港本地的口味所以有点像‘港越mix’。

平時幾鐘意行東港城貪佢多食肆，放假路過呢間「青越亭」環境望落唔錯，人流都幾多所以就試吓，點知都係失望而回🤦🏻‍♂️-午餐時段叫左《青越火車頭河粉》，有齊豬肉丸、牛𦟌、牛肉、扎肉、雞絲，味道普普通通食落唔會驚艷到非食不可，但可以維持生命夠大份，男人都夠飽肚😅！《順化三寶撈檬》就有齊豬扒、雞翼、扎肉，但撈檬就話凍嘅啫，點估到豬扒同雞翼都係凍冰冰😟，食落好乾爭爭應該係擺左好耐☹️，唯一要讚嘅係扎肉口感唔錯𥚃面有豬皮粒😋，飲品要加價錢都偏高，好似普通凍奶茶+$8，比較特色嘅飲品就按餐牌六折，下次都係試吓其他餐廳😂

開張初期食過晚餐，印象麻麻，今日試下食tea,有驚喜。呢間下午2:00就有tea.絕對可以當late lunch,好啱我。叫左個“煙三文魚，炒旦，酸忌廉配多士伴野菜蕃茄，及熱咖啡。個咖啡好得，奶同咖啡混得剛好。啲野菜係越色，唔係凍冰冰，酸甜度又剛好。個多士鬆化，旦熱熱地，三文魚温度咸度和旦，包配得好好。可以再來。

放假最佳節目就是食，吃完午餐不久又來青越吃下午茶，哈哈!青越位於將軍澳坑口Gateway商場裏面一樓。這裏有全日的越南湯粉及下午茶餐，可以加錢配搭飲品及小食。我們叫了一個香茅豬扒河粉，沙茶牛肉麵配炒蛋和牛油多士。香茅豬扒切件炸得香脆，惹味送粉吃，不錯。沙茶味道不太濃，清清地，適合喜歡清淡之人。牛肉數量可以麵是公仔麵牛油多士夠香有牛油香味，配炒蛋吃不錯。這裏座位也不少近落地玻璃窗處更可以望窗外景觀，感覺開揚舒服。

買外賣返屋企，撈檬粉諗住無死啦，汁勁咸囉...香茅豬扒又薄又乾望到都唔想食，牛油雞翼完全冇牛油味同炸雞冇任何分別價錢又貴，一定唔會再食，爽腩河叫做正常架喇，但唔可以叫好味囉，

呢間餐廳有出面睇裝修得好靚，而且又有一個賣埋飲品嘅地方，望落好吸引，就決定試吓佢哋嘅早餐。我哋叫咗一份野菌炒蛋配蒜蓉多士，而且加咗錢叫多個果醬丹麥酥同埋腸仔一條，個價錢都只不過係30幾蚊，而且炒蛋味超龍，絕對冇偷工減料，配埋野菌跟多士食簡直係一流。另外仲叫咗個雞絲餐肉越式番茄濃湯米粉，而且加咗個炒蛋，一樣都係30幾蚊，但係食咗好多嘢，個番茄濃湯好足料，而且配埋薯仔，就好似蕃茄薯仔湯一樣，而且雞絲較多，食到啖啖面都配雞絲，真係大滿足。每份早餐仲跟一杯嘢飲，用呢個價錢食到呢個質素，完全係超正，下次一定會再食多一次。👍👍仲有呢間餐廳嘅侍應都好快手，上菜時間夠快，唔駛等好耐已經有得食，而且環境夠清靜，就好似Cafe一樣。

無論食物同服務都唔合格。靑越大蜆肉碎湯檬，蜆肉完全冇鮮味，就算簡單的泰國椰菜炒菜苗都完全唔掂，得個鹹，菜炒過頭完全唔爽脆，水汪汪，越南咖啡又唔夠熱，如果想賺取亞洲萬里通里數，就要小心，因為我們叫了一杯特價的越南咖啡，就拒絕了我們賺里數，全張單都不能，我們要求分開單俾錢都唔可以，我個人覺得被欺騙，雖然只是少少錢，但是今時今日這樣做生意實在不行