青葉日本料理 (已結業)

和朋友慶祝生日,一行7人...9:00勻樓下集合大廈部Lift超細,只可容納9人,要等2部Lift才可上齊人....出面門口一出人山人海,我一個星期訂位,都要等15分鐘等候進場下單出野食好慢,要經常跟蹤....食物選擇一般,不太新鮮,剌身更係...最好味係金菇肥牛卷和天婦羅,其他食物味道一般...$148+10% 2個鐘任食,都唔知食左d??....

17.30 walk in有好多位,等埋fd,兩個人先入去,之後reception個人話我地有個優惠價$128+10%,17:30前走就得,如果唔係就138+10%,咁我就話一陣先決定la,佢竟然唔比,要人一定要即刻決定…….都唔知係咪想趕客,人地未食過你間野鬼知d野黎得快唔快咩…..之後講野食魚生我叫左三文魚,吞拿, 馬都貝,都靈魚,sweet蝦,佢地既size真係細到…1)三文魚,,無味有根,2*3+薄明顯下價野即無肥皂果d位..2)吞拿同時無味size同三文一樣味道較酸3)馬都貝味道可以,但唔太鮮,但都爽口4)都靈魚,味道唔錯,但都係太細舊,未食真d味就食完5)sweet蝦,味都係唔錯,但個size比鉛筆重要幼少少即係全部都好細件熟食方面1)串燒,:呢間得好少款…我以前食郎田多好多我叫左個雞軟骨都唔錯,唔會太咸雞串ok la唔會話勁好味雞翼,我無食我個fd食左,佢話勁咸….車厘茄唔錯,d鹽唔會太多帶返個味出黎,唔錯2)金菇肥牛卷 Good,個汁唔錯,唔太咸好味3)天婦羅又係好味,唔多講4)凍豆腐:都係我fd食,佢話無咩味,bad5)蝦子沙律:我fd叫,我望落去無咩沙律汁,我fd食

今天晚上約左幾個舊同學出嚟食生日飯,一早訂左這裏,這裏是分時段收費及訂枱的,訂枱只可以在7:00或9:00,任食兩小時,生日果位可以半價,其餘的時間則要walk in.本來今日都驚同學佢地未必可以準時到,都諗住自己上去攞飛架,仕應差唔多七時打嚟confirm booking,話hold枱只hold5分鐘,我們在等車立的時候仕應又打嚟問我地係邊,好彩我話等緊車立佢都等埋我地,不過果時還未知walk in原來好難的,我地上到去,成個門口都係人,我地訂左位所以可以即刻安排入座,我聽到前面的一對男友攞飛要等到8:30pm.沒有諗過閒日的時間都會咁多人等位.我們三個先到,環境都好迫的,已full晒.食物都幾多選擇,我地馬上揀左些一齊食啊.有刺身,天婦羅,火鍋,壽司,手卷,甜品,飲品,炸物,串燒,餐前冷盤等.食物好快就嚟,刺身都算新鮮,賣相都好吸引,三文魚好味,八爪魚好爽口,蝦好味,有些螺片,帶子都好爽口呀.火鍋都好味及大鍋的,有牛肉,粟米,娃娃菜,菇,蘿白,豆腐,金菇,冬菇,魚片等,我地前後叫左兩款唔同既鍋,湯底唔同但配料則一樣,味道都好ok呀.炸嘢一般啦,個賣相麻麻地同埋唔係熱辣辣的呀.串燒

上星期去過，淨係等位都一個鐘有多。個大堂迫到呢，行都行唔到，好焗，好嘈，好多年輕人囉。入座後感覺好一點，服務都算勤快。我見好多食評都讚，真係完全唔明？佢既刺身超薄，有雪味冇鮮味，只有甜蝦好少少，當然又係你寫十件，明漏單比五件你啦。至於炸物，好大舊，用左好多炸粉，熱氣之餘又整飽你。咁多選擇，當然總有幾款會好食，好似牛油栗米、雞軟骨串，但都係超簡單，好難整得難食既野。另叫左個牛肉火鍋，入面都係d 好 hea 既野，大家樂火鍋船仲好！飲品方面，全部都係不同味道既梳打，一定冇果味，加左色素既汽水囉。任食＝填飽個肚，完全唔追求品質嗎？差唔多二百蚊一個人，寧願去食普通的日本料理店，起碼食物唔會咁求其。出到去就算唔係食放題，散叫，每個人除返咪又係二百蚊左右。

彈：6點拎位佢有位都唔比你入! 點解? 因為佢要賺埋你7點之後加一!!搞到等成45分鐘先有得食!食物款式唔多! 卷物壽司甜品款好少!冇海膽手卷!搵笨!讚:你追佢order佢真係會比返你~所以唔會溜單!食物大部部份都好好味!佢d野食咁好味~令我都想食多次! 不過一定會Book到7點前的位我就甘心啦! 哈哈!

6.30前都仲有D位.本來係唔使等位,不過因為另一半還未到,又怕只得2個鐘,驚佢唔夠時間食,由有位變等位. 因為比飛時有話到7.15-7.30才有位,等另一半黎到我就先買野,佢等位,輪到輪到佢等到7.30先帶你入座.一坐底當然立即點吃,刺身係我呢個星期最想食,所以都點多D,其他點2人份去試,落單後好快就有野食,刺身食落都唔錯.算新鮮.金菇牛肉都好食.跟著再落單,D伙計唔會當你透明,好快有人會埋黎幫你落單.到最後埋單時,會俾2杯雪榚,但我唔鐘意食雲呢拿味,叫伙計拎返去,點知轉頭個伙計拎左杯朱古力味俾我,有點感動.佢可以唔理我架.除左紅豆沙太甜,其他食品都OK. 我會再去食.

同事farewell，看青葉評語不錯，就選了這間，即日打去book不到位，沒想到平日都full booking，侍應說要兩日前book位，不過有三分一的座位是給walk-in的客人，我們六點前去到有位，而且$138平些。食物款式尚多，都是一般放題有的食物，如刺身、壽司、手卷、燒物、鍋物、炸物、沙律、甜品、飲品。刺身：款式多，三文魚厚切，但本人不吃三文魚。赤貝好爽口，又鮮味。希靈魚口感好特別，必試！難得連甜蝦的size夠粗大，又鮮甜。碟底放著冰，可保持溫度。壽司：整得幾靚，飯夠紮實但不硬，飯面上的刺身夠大件，蟹子亦裝得滿滿的。較吸引的是芝士卷，淡淡的芝士味，不會很漏，好好味，必食。燒物：極力推介金菇牛肉卷，大大片牛肉包著金菇，塗滿燒汁，令人回味無窮。燒翠肉瓜亦是必食，超好味！雞翼都不錯。鍋物：好像打邊爐，一大鍋，我們試了兩款。一款辣豚肉鍋，味道和樣子都像泡菜鍋，頗辣，內有豚肉片（好肥，一片豚肉有一半是肥肉，要留意）、黃芽白、豆腐、粟米、金菇。另一款是牛乳鍋，湯底完全不覺得有牛乳，很平凡，裡面的材料跟豬肉鍋一樣，只是豚肉片變了肥牛片，同樣一片牛肉有一半是肥肉。整體來說鍋物麻麻地，可以不試。

由於有朋友仔生日..所以搵下有邊間野好食.睇下d食評,有d又話好又d又話吾好..最尾都係揀佐呢間,哈哈..前1日book枱都話full晒所以我地早小小去果間野度..我地差吾多6點鐘去,大半間都已經full lu.我地7點半走人,所以原本$138->$118,我地總共有5個人,生日果個半價~~講佐咁耐講下d野食.. 刺身~三文魚大大塊,又厚切 新鮮~~ 天婦羅~蝦好好味~~夠爽~壽司~比我地平時出去食果d size比較細,味道都算吾錯雞串,雞翼果d都吾錯~但係主角始終都係刺身估吾到呢個價錢都有清酒,啤酒果d飲~~而且落單快~上菜都好快~~未食晒就已經係咁上菜好有效率!最尾仲送埋雪糕添~~總括黎講~呢間係好抵食,野食吾錯既地方!!

朋友生日一早book左位但都要等因為朋友未到我地想入去坐先個reception態度好差 問多兩句佢以為我地唔入去坐最後等到朋友泥到先入去坐雖然我知道果道好旺但我book得位就一定會到架啦其實之前食過觀塘間分店覺得好食先介紹d朋友泥食如果唔係觀塘重建執左都唔會泥旺角同人逼啦.....之後朋友個妹妹一睇就知係小朋友又要人地食食下出去度高真係麻煩 service方面既唯一好處係d野食出得快三文魚仍然係我地既主打(香港人淨係識食三文魚)熱野都唔錯但最正都係啤酒同清酒任飲(之前冇留意成日都係叫果d果汁梳打)甜品有雪糕(又係之前唔知)成班朋友開開心心食一餐都唔錯!

星期一放工同左幾個同事食飯有同事建議食放題 咁就行左去兆萬個頭原本有同事建議食 x月x但是我吃過了一次...非常難吃...最後就食呢間青葉開始時乜都點d食咁啦食到天婦羅蝦 真係驚為天人 真係好好食炸粉好少 outlook個size就係隻蝦size完全唔似其他放題 睇落大大隻..食落去隻蝦 好似牙籤咁幼除左天婦羅蝦之外,天婦羅茄子也很好吃 外面乾,內裏還好好多汁仲有好多好吃的,像金菇肥牛,豬軟骨 等等......最難令人相信是放題的地方..是麒麟啤任飲好滿足的一晚,好久沒吃到那麼飽 另:點解openrice要限制upload 相得1mb....

我自己係英國讀書, 係英國真係無啖好食. 今年返來,女朋友都一齊來, 她係bbc, 所以未係香港話點食過. 咁我就梗係要帶她去食d正野. 咁她係我"梳擺"下都變到好鍾意食日本野.咁我突然諗起青葉就帶她去食下. 我自己對上一次係兩年前去食. 今次去一樣都係好正 . 首先講等位, 我知道青葉一定多人等,就8:30pm去拎位. 跟住就係西洋菜街行下, 上返去個陣8:55pm, 9:01pm入座,perfect~!! 一個人$150唔洗食到想嘔.咁講下d食物quality, salmon sashimi 切得比以前厚,而且都好fresh. 比兩年前好左既係而家有埋tuna sashimi, 不過就無salmon咁新鮮, 但我都覺得合格.天婦羅蝦ok正,唔多粉,蝦又夠大隻. (之前就食過係附近個間壽司店,d蝦細隻都震,真係好附近個間)豬軟骨正!!火鍋正!! 不過兩個人食有d多, 四個人就perfect.甜蝦真係好甜好好食!!海膽手卷d海膽好少.....希靈魚刺身好味!!udon細碗得黎好食又啱啱好!green apple soda掂!我都聽過人講話d牛仔骨唔好食,所以無試到,不過既然食日本野就

同朋友去食飯,大家都忘記訂位=.=!!唉,等左好耐,不過好彩門口姐姐幫我哋安排,佢好好人o家^^,入到去,同上次d食物唔同(個鍋超大呀)d天婦羅好正,有個金菇牛肉卷都好好味,但就濃左d,d剌身就得好小,又唔黎=.=叫左好多次都冇單.......我哋成8個人,次次都得5~6塊.....唉!!不過你叫d哥哥仔幫你追,就可以快d,仲有佢哋都好有禮貌,仲會同你有講有笑^0^唔錯,但係好似d野食全部都比較濃味,好難食得多d囉.....總括來說都ok啦

四個大食怪出黎食飯當然要揀放題啦一坐低，就叫左廿件三文魚，十件吞拿魚，十件希靈，十件八爪魚，仲有赤貝，馬刀貝，鱆紅魚，甜蝦各十件唔洗一分鐘比我地擦哂三文魚幾好，切得比上次食厚身左，我反而唔太中意，不過都鮮甜啦吞拿魚，不太新鮮，比左好多粒狀既我地希靈魚，麻麻地，好細一塊，大塊D會過癮D其他都叫做OK，甜蝦真係幾鮮甜最奇怪係竟然冇墨魚刺身跟住叫左好多野，蝦天婦羅粉唔厚，蝦肉夠足料，仲好脆燒雞軟骨比較細粒，大排檔既好食D吧有個醬汁煮既豬軟骨都幾好食，可惜寫個2字同寫個4字佢都係黎一碟仔最抵莫過於清酒任飲不過出餐算慢，唔會食到停唔到口又有漏單現象不過D員工都算好態度雖然爆哂場仲會同我地講笑今次第二次食都覺得幾好第日想食日本野都應該會再黎呢間

食物份量少, 出食物時間超慢, 部份員工服務態度惡劣﹐ 仲經常漏單!!!劣：牛仔骨.... 咬唔開的是日糖水 (紅豆沙) ..... 得d 糖+水味魚生飯...d 飯硬既~三文魚子壽司....d 魚子勁鯹七味雞翼....得個鹹字 優：飲品 (青蘋果+菠蘿) ....牛油粟米....gd!!!

之前去過觀塘既青葉一次, 食物質素差, 份量少, 出食物的時間又長, 員工服務態度又劣 真係去過一次都怕左, 無下次, 但今次係朋友既生日, 佢地已經 book 左位, 所以無選擇之下就去左旺角呢間, 但當我知道去青葉食, 已經不抱任何希望, 只當是跟朋友聚個會罷了由於我們是訂了檯的, 所以去到不用等, 直接入座就是了, 吸收了上次的經驗..所以一坐低就即時落單, 但落單不久, 己有人送上食物, 而且是份量充足兼新鮮熱辣的哦!!! 三文魚刺身非常新鮮,但不夠肥美, 而希靈魚刺身,就 超好味!!! 熟食方面,鹽燒雞翼 & 雞軟骨味道適中, 脆得黎又唔咸 牛油粟米勁好味, 我食左 3 舊 大蝦天婦羅都很新鮮, 唔會食到一口炸粉, 而且蝦都唔算細隻不得不提的是一位肥哥哥侍應, 由於我們驚落左單又 cut 份量, 所以我們一開始都填了很誇張的食物數量, 到中段我們開始覺得飽, 那肥哥哥竟主動跟我們說暫時幫我們停單, 真的再有想食的..他會再幫我們下單, 真的要 "讚" !!!!