青葉日本料理 (已結業)

其實佢一開始做放題o既時候, 我已經有去過, 初初唔係咁多放題選擇, 佢都叫做ok o既, 因為話晒都係日本野任食, 刺身o個d都有得任食, 百幾蚊, 都叫抵食啦~! 不過d刺身成日都結左冰, 仲要唔多款式, 有時落左單,佢冇黎又唔出聲, 追d侍應勁多次都冇理到, 結果到走喇, 都食唔到, 最慘就係2-3個人去, 佢次次黎o既野, 都係是但用個唔知咩豉油碟放一兩件食物就拎過黎, 賣相好唔得!!令到你都唔想再叫多次, 初初都諗住都過左咁耐, 以為都有所改善啦, 點知上兩個星期去, 仲差左tim, 因為人多左, 你落單冇人理, 叫左d野冇黎, 你再點, 都係唔黎, 刺身仲少款左, 壽司又鬆散左, 熱野又唔熱, 唉~~我一定唔會再去!!!

今晚首次到青葉食,驚無位於是book定0630pm,去到見地方闊落與之間有足夠空間唔會太迫,去過幾間放題食過,呢間真係坐得最舒服。坐低首先點刺身先,三文魚、赤貝、鮑魚片、甘蝦算新鮮出得幾快,不過三文魚好似有陣生抽味怪怪地。天婦羅即叫即整時間比較耐,麵粉真係幾多。到壽司,飯唔夠實一夾就散,試埋個地獄湯烏冬一人份量細細碗好,不過一都唔辣但幾好味,刺身叫過幾轉份量寫幾多黎幾多唔會少,但係三文魚就細件,火鍋同手卷無試,其他小食一般,服務員落單同收碟幾快,埋單仲快,不過笑容欠奉！由於有張coupon埋單兩人共$236,如正價收$138整體講可以一試。

唔多覺.又幾個月沒同班老友去青葉食囉.而家d魚生同壽司.真係唔多好食.都係之前個四眼仔藍師父好野.對客有好人.我叫野.唔洗1分鐘我叫咩比咩我.唔知佢去左邊樹做耶.而家我走去面對面up幾號都叫我等陣.一等就起碼10分鐘.吹帳.d侍應個個都木口木面.叫都唔多想理.仲有d廚房野食.差左好多. 真係多加注意了.唔係走回頭路. 希望下次教會d老友再去.唔好咁樣囉. 只是小小意見.看完就算了. 多加努力!!! 加油!! 都吃了好幾年.不想青業走大久保的路. 熟客字.........

幾得最初的青葉和現在相比,各方面的確明顯退步了...但本人抱著比較的心態,去過很多間同形式的放題日本食店....始終都係覺得青葉最好...希望青葉未來唔好不進則退,KEEP住進步,至少也要保住現有水平

我上次食過,算OK!!但我星期二食完,就可能要再考慮下喇,因為嗰日我同朋友去食,諗住唔會太多人,但我要等成個鐘先有位,我問佢哋有冇得快D,佢只有無奈咁同我講冇,可惡!!!雖然佢哋有解釋要BOOKING先會快D有,唉!!我哋係突然想食....,不過,最唔開心就係裡面D侍應,有個綠色衫既女侍應,黑口黑面,又冇禮貌,可能係JUNIOR,不過要見人就唔好咁啦,大部份食物都小左........,我諗有好多野要再改善.....

大家見到張相有好多珍珠貝，原因好簡單，因為無帶子la ！但佢明明有帶子做帶子壽司但又無得刺身，cheap 左好多！d 野食更加唔使講，連燒牛扒都幾靭。清酒煮蜆又無(是日問題?)，天婦羅又勁油。同以前真係無得比！至於服務都唔使講，日式放題10樣野黎6-7樣都算係咁，永遠都唔會有得解決，化曬。以前食到大半時間都飽曬，e+ 食完都唔多夠飽，足見佢地上菜慢左幾多。當然，野食差左、少左食慾都有關係ge。

日期: 30th July上OPENRICE, 見咁多笑, so 去try6pm 去食, 冇嘜人唔使等位.好多野都有叫藜食…. 三文魚..等…等..加洲手卷: 我咁大個女都未食過咁差的手卷, -d 紫菜唔爽!-有2舊五毫子大的唔知mango定咩…. 幾條超thin青瓜絲….幾粒蟹子d 飯都好唔得, Sashimi三文魚係好過叫三文魚壽司~ 新鮮d! 但都可以切到一舊舊成舊LEGO! 佩服! 奇境!吞拿魚壽司都OK!飲品方面都唔掂又冇tissue, 要你去問先有有個Waitress 態度又唔好在蝦tempura, 佢\送左條頭髮俾我!!!! -_- =點解可以炸埋條頭髮嫁!!條頭髮同隻蝦差唔多長, 初時仲以為係蝦腸!好在平時入口前會睇清楚先話晒一分$一分貨~ 但$138 呢個價都唔平! 我去間好d, 乾淨d gei唔好!我唔要求d咩! 但至少似番d樣!

日期：2007年7月28日晚上七點零鐘，唔知食咩好，條街又熱到爆，男友提意食日本野，見兆萬有一間日本buffet，咁就上去試下喇！等咗十五分鐘就有位，可以任飲任食兩個鐘．壽司黎講，就係ｄ飯散晒，唔夠鈣．刺身（鮑片，榮螺片，三文魚）：都唔錯，厚厚地既一片，幾有咬感．Tempura：多粉咗ｄ，okey．麵豉湯：好飲哩．酒煮蜆：唔錯．小食：雞軟骨，豬頸肉，螺肉，蟹子沙律．軟腳蟹好唔掂．飲品：青檸梳打，delicious．某位女待應，真係有ｄ問題，問佢野，佢好似聽唔到咁，仲係度傻笑．另一位就唔識得講唔該，無ｄ禮貌！！！

發生了什麼事, 此間店轉了老細嗎? 我7月1日先吃完, 還上來大讚好, 點知我7月22日再去食已經差成咁? 轉了夏之料理, 刺生款式少了, 三紋魚切得一舊舊好似磚頭咁,d野食份量比以前少了, 尤其是中華沙律, 以前半兜, 依家得個幾條!! 其他野食都差了,水準急趺,可以說是難食了好多!何解相差大半個月退步成咁?! 簡直是過份!!! 我很失望!

野食就當然冇板前o個d咁正,但仍算新鮮,頭一round黎野食o個陣都諗,嘩個size咁細嫁,但人都係眼闊肚窄,所以後來反而覺得咁樣幾好,可以試多d ma~138蚊都算幾好嫁喇,d侍應生服務態度都好好,多謝前多謝後,野食都幾快到

從來都未試過吃日本放題可以吃得咁開心的, 不太貴之餘, 仲可以任食到回本為至。刺生新鮮, 環境良好, 服務態度一流, 很少流單同錯單, 出食物的效率又快!最好吃當然首選三紋魚刺生啦(次次我都只少豪食廿多件), 仲有十幾款刺生都好好味好新鮮, 而炸軟殼蟹、鰻魚手卷等等...都是不錯的選擇。星期日至四7點前入座免加一都係$138位, 任食2個鐘, 抵食到爛啦! 吃過2次, 都仍然覺得很值得再去多次, 但一定最好先訂位, 不然有機會連排隊都無得你排!

百幾蚊任食算係咁，但成日漏單，侍應冇反應，但收碟就快過人我寧願去食板前、峰壽司食好過，食到好飽都是每人百幾蚊

這裡食第四次，如果不好吃又怎會encore 咁多次呢。日本野必叫的刺身，已經扣了一截分。全部沒有鮮味的，凍冰凍，那些小帶子更有雪水滲出來。>.<"壽司是可以的，但係佢舊飯好大舊囉。愈近繁忙時間，大舊飯情況就愈嚴重。本來明明見到隔離台的sushi少飯多餸的...鍋物，個豬軟骨鍋物好硬喎d肉....小食係比較ok既~ 最好吃是牛油炒象拔蚌(唔知邊d係象拔蚌)，炒什菜，燒豬軟骨，燒雞軟骨，雞冀等等，飲品而家係任飲，不過居然無熱飲...... 有熱水、有菜蜜就係無熱菜蜜... 事在人為啦甜品都ok, 港式甜品囉。無乜漏單的情況出現，侍應服務一般。因為七點前入座所以有九折即免加一，建議book定位，當日為閒日，即使你六點半已經到，佢都唔俾你入，因為佢reserve左好多位for booking，要等到七點d客放飛機先俾你入。不過就算遲過七點入，只要你七點前拎籌，佢都好似會俾返九折。

食過三次,有兩次都唔使等位(可能我7點入席),,waiter嘅服務態度好好,helpful,有禮貌~d野都上得好快~d野食就不過不失,,刺身都ok新鮮丫~$138算唔錯~有少量漏單,,但係可以接受嘅~

見到大家寫青葉D 食評咁差，我都講番我去食完既感受...我地一行兩人星期五夜晚8點幾上去，諗住要等好耐位，結果10分鐘都唔駛就有位，當時8:30pm。落左單既野食黎得勁快，我地都食得好快，狂風掃落葉咁，基本上我地食完佢就即刻收碟，但不斷再有食物黎到，張table都唔夠位擺；佢冇漏單，我地都冇催過佢黎野，會埋黎加茶& 執野咁，完全冇其他人所寫既問題。食物款式尚算多，品質都還好，以$16x 有咁既質素算係咁，對比「港式韓燒」已經好多了。我地唯一嫌佢淨係得汽水飲& 得幾款糖水，其他都ok。10:30走，我地都食剩左一堆野(因為叫得太多)，不過佢冇加收$30，埋單$326 連加一。如果係追求食物質素既，就梗係去正宗o個D日式料理；若果只係普通食飯，青葉絕對係一個唔錯既選擇。*星期一至四價錢好似係$138； 星期五$148； 晚上7點前& 9點半後埋單會平D。