青葉日本料理 (已結業)

上星期同朋友第一次去呢到食.但d野好唔得, d野食來o個時賣相不吸引, 野食種類好少, 刺身好似雪佐好耐咁, 彊硬的><\" sushi更加唔得, 三文魚子壽司上的三文魚子得三,四粒, 賣相非常唔得.唔會再去食.

上星期去mk間分店... 刺身麻麻，三文魚冇味, 最好係甜蝦，但只屬一般水平.. 但齋鮑魚比其他同類餐廳難食.個豬軟骨煲打邊爐唔錯既，入面好多料想"塞"飽你.我唔知係咪我地衰，tick 壽司一款最多兩件，d壽司包得勁求其，賣相不吸引. 其他野ok la, 都係咁..$138呢個都算公價，係mk都算ok la.. 但去遠d比呢個價可能質素會好d，款色多d.

個日我地一行7個人去食,朋友生日,佢有半價。我地叫左勁多野,張張紙所有野都tick晒,仲要7-19份,勁多野黎左,飽到想嘔,超抵食ge又真係。不過,我個friend食食下三文魚壽司發現有條骨係度= =what's going on?? 抵還抵,收買人命咩= =除左呢樣,其他都okay ge,放題就唔好咁高要求,但求食飽就算啦。入面有個waitress都幾nice,成日同我地傾計,唔錯。不過,下次有機會都未必會再去,三文魚有骨= =

早幾年到旺角青葉覺得幾好,亦會介紹d friend去試！但係而家有人請我都唔到呀~ d食差得緊要, 魚生cut得好細又醜樣仲要唔新鮮, 魚子壽司d魚子竟然得幾粒，我將兩件d魚子加埋都係cover 唔到d飯, 帶子壽司仲攪笑,d帶子好dry~仲要係夾硬cut一半,露哂下底舊飯出！又話有火,點後竟然一普通牛肉, 我問個懶懶閒侍應, 佢竟然話:係呀,依個係火咖, 不過同你整熟埋之嘛！真係吹脹+ O咀！大佬~ 咁古寒咪鬼做放題啦~ 生意好竟然越來越差, 真cheap爆！

入面D 野食都幾OK.不過D 野段件/塊ORDER而唔係段碟計好似雞左D ...不過目的都係唔想浪費-.-.個價錢都算合理...服務好好...

去之前黎呢度睇評語，講到好似好差咁聖誕假期搵左一晚同四個朋友上左去食，九點半後入座九折水準係意料之外，幾多野食揀WOR！有刺身，壽司同熟食我地一致認為野食唔錯幾好味，唔係其他食評講到咁差呀！值得一讚既係服務態度，員工真係好有禮貌，仲幫我地影相添下次我會再去:]

　　上次去完五月花之後，今次就去左１７樓既青葉一試，一坐低,我同老婆叫左ｄ刺生食，壽司．真係唔叫好過叫，魚生又腥，好似過左期咁，一ｄ都唔新鮮，ｄ炸野．．咬落口一舊粉咁，完全唔知自己食緊咩，ｄ炸粉太多，又多油！壽司o的飯又做得唔夠實，一夾即散！早知既話去返樓下１５樓間五月花食好過，不過值得一讚既係ｄ甜品，都算唔錯，ｄ服務都幾好！最後最不幸既係食完返到屋企肚痾，唔通食物中毒！？

同親愛ge老婆食左幾次五月花今日走去試下青葉...九點半去到, 等左一陣就入得首輪點了炸蝦天婦羅, 三文魚生各12件值得一讚係佢地真係黎足12件味道也算不錯第二輪叫左手卷, 炸蠔手卷入面混左芥辣....炸蠔..黎到個陣係暖ge..炸粉亦可以用「特別」去形容...所以最後到係叫返最安全ge魚生..e間d野食唔可以用唔好味黎形容..睇你揀咩黎食law...但咁ge價錢我寧願去五月花law相信都5會再黎

2小時真係2小時!食完想坐下都唔得,佢會提你夠鐘交枱!但d野生野都ok,算唔錯,不過唔會話好大件,d炸野就個炸蝦好好食,炸蠔就好粉,整體都抵食!都無misscall,但有d野就上得比較慢,環境就比較迫!

今日同朋友第一次黎食,6:30pm入席食2小時,食左好多刺身,串燒,甜品,飲品..個人覺得甘蝦刺身最好味..其次係火炙芝士三文魚卷..雞軟骨串燒都唔錯..但雞翼就鹹左d..甜品方便有芝麻糊,啫喱,涼粉生果有西瓜又飲左熱柑桔,凍利賓納,凍青檸梳打..最好味都係利賓納..每人$138..但我可能腸胃唔好../ d涼粉污槽?..食完就肚痾

２９／１２（六）服務員的服務態度不錯～無食火鍋～因為我個ｆｄ之前食過話不太好～主打食刺身～不錯～食咗好多甜蝦～ｈａｈａ～飲品大家一致認同熱柑桔好飲～不過酸咗少少～另外蝦＋金瓜天婦羅都不錯～唔會好似ｄ鋪頭咁沾了很厚的粉～值得一讚～但吉列蠔入面有好多黑色的汁液～很噁心．．．因為咁啱有fd生日～所以大家將佢既半價優惠ｓｈａｒｅ咗～如果唔係原價應該係＄１４８（七時前入席）如果假日食最好ｂｋ位～如果唔係可能要等半小時至九個字

一班同學想在聖誕來一個聚餐原本想去金田但一個星期前打去訂位已經爆滿所以選擇了青葉當晚9:30去到等了一會已經可以入座地方尚算寬敞坐得幾舒服一坐低當然是瘋狂地點菜第一輪點了很多東西但有一位侍應姐姐行了過來問我們要不要火煱 咁佢話有得送我地都來者不拒我們點了的食物很快便到了刺身除了三文魚及赤貝不太新鮮之外其他都可以接受壽司我只吃了芝士三文魚卷呢個味道不錯炸物就不敢恭維只吃到炸粉團=.= 雞翼參差不齊飲品任點但選擇不多火煱的牛肉係呢餐最好食的東西食左2個鐘好似無乜漏單埋單每位$138

今日一班中學friend一齊gathering~簡左d度食138任食2hrs7前/21:30後都有9折,即係免加一已經唔係第一次黎,環境頗大,服務姐姐照舊係e2位仲係幫我地影相壽司,手卷係指定的必然食物又叫左個火鍋,佢地狂叫牛肉食,的確係明智之選其餘仲有金菇,豆腐咁E度d野飲品係任飲ge,不過選擇少左d...豬頸肉mama,凍豆腐只有star食,唔知好無食?炸物唔多脆,一舊粉咁,壽司赤貝,魷魚ok,三文魚唔係咁新鮮,涼粉正!我仲叫左2碗添,仲有果物同啫喱不過果物叫左3個y黎得2個,仲要得西瓜今次只係漏左1次單,好抵讚!!!

琴晚男朋友仔生日, 話要食日本野,要有天婦羅,要有魚生,又要唔貴(佢怕我亂洗錢,所以要唔貴).咁我第一時間諗起青葉,食過幾次都ok. 起碼質素好過大久保.我地6點半左右去到,無乜人,坐o係角落位,都幾好,d waitor服務都唔錯,好醒目試走埋黎睇下你有乜需要,自動自覺加水,有好多野都好好食,可能我地早去,d野點完好快就到,仲要熱辣辣.好評之作1. 關東煮----雖然唔似真正既關東煮,但係辣辣地,幾好味.2. 天婦羅翠肉瓜---男友話好juice,又幾香口.3. 燒雞翼----我既至愛,加少少七味粉食,正!!!4. 炸墨魚餅----好好味,新鮮炸起,食落口都無好油既感覺劣評之作1. 卷物----卷壽司個師傅功力唔到家,第一次食卷物d飯可以鬆到一夾就散.2. 燒三文魚頭----食唔到有魚味,only成口都油.3. 帶子壽司----d飯都還可以,但隻帶子好細同無味.總括而言,可以再幫襯.唯獨壽司方面仍有好大既改善空間.

第2次去食,差過第1次好多。d魚生唔新鮮,叫十樣野又只上了4樣,冇2個鐘就叫人走.....係d服務好d law...