影片
以上资料只供参考，请与餐厅确认详情
放假同屋企人去饮茶🫖呢度几好，环境阔落，而且坐得好舒服🤣🤣🤣🤣最紧要侍应服务几好👍🏻食都食得开心啲🥳🥳🥳🥳食物方面：我哋6个人，叫左超过10样食物，有虾饺、烧卖、叉烧肠、牛肉肠、凤爪、粉果、金钱肚、炒饭、炒米粉、牛肉球😋😋😋虾饺劲大啖虾肉，烧卖又足料😍😍😍凤爪有少少辣，可以接受👍🏻👍🏻👍🏻一定要试炒米粉，炒得够镬气，劲好食，加埋菜同火腿，一个人可以食一碟🤭🤭🤭🤭青叶海鲜酒家 (青山公路 - 新墟段) (屯门)屯门青山公路 - 新墟段199号好胜大厦地舖
继续阅读
屋企附近都冇乜地方岩老人家庆祝生日食饭，唯有揾间酒楼食🤭我今次都系第一次嚟食晚餐，估唔到质素都几好👍🏻👍🏻👍🏻酒楼环境一般，不过都算干净，小朋友老人家都坐得几舒服，一入到酒楼，经理侍应到招呼得到👍🏻👍🏻坐低之后就准备嗌嘢食今次我哋五个大人，一个小朋友，于是叫咗个四人餐，再加几样小食，买单都系$1100，其实真系好抵食😂😂😂我哋分别叫咗：四人餐包括：有烧鹅，东星斑，花胶粟米羹，菠萝咕噜骨，西兰花炒螺片，仲有糖水送😂😂推荐个粟米羹同西兰花，个粟米羹唔会就咁得啲水，都几足料下，炒西兰花超级入味，好好食👍🏻👍🏻👍🏻东星斑都只系加$30，好大条，啲肉都好好食👍🏻👍🏻菠萝咕噜骨就正常发挥冇乜特别😂😂另外我哋仲加咗一只南乳吊烧鸡，劲香脆，一定要叫🤭🤭全只上，一家人齐齐食😂😂另外一样推介系避风塘炒虾，真系劲有风味，不过都真系好辣，啲虾好食到可以连壳都食埋😂😂之后仲叫咗瑶柱蛋白炒饭，捞埋其他𩠌一齐食，蛋白炒饭好入味，啲炒饭粒粒分明，好有咬口😂😂最后仲叫咗香酥奶皇包，师傅即叫即炸，嚟到热辣辣，入面啲奶黄多到流晒出嚟🤤🤤🤤🤤食嘅时候要小心😂😂😂整体嚟讲比我想像中性价比都几高，人均消费都系$200唔使，值得一试👍🏻👍🏻仲有我哋自己带蛋糕都唔使另外加切蛋糕费，临走嘅时候仲问我哋要唔要糖水😂😂
继续阅读
昨日和呀妈在屯门红桥果边揾酒楼食饭，一向帮衬开果啲执左粒，咁就试下行远少少去青叶食， 住屯门咁耐都未黎过。环境唔大，算干净企理，职员好友善细心。食物正常酒楼价，有啲孖宝几抵食，酒楼细细间但都有海鲜烧味小菜。叫左个龙焗粉丝煲同埋金菇肥牛煲，一黎到瞝碟头好大，两个人食唔哂，龙虾新鲜 食到龙虾鲜味，肥牛煲调味岩岩好，惹味也送到饭。 最后也送糖水。 埋单306 ！唯一无咁好是糖水偏甜左，不过整体性价比不俗，下次也会再来。
继续阅读
我嗌咗碟煎酿茄子，搣开咗之后见到入面啲生粉仲白白净，我请经理帮我整熟啲。佢居然直接用手捏开另一件茄子，话：「呢啲唔系唔熟，就算再整俾你，都系咁架啦！」，黑晒面讲：「你哋食过第二样啦！」之后仲将有油嘅手揩落个枱布度，非常唔卫生，有少少质素嘅人都应该唔会咁样做，仲系饮食业。我同家人当刻O晒咀，首先我哋无讲过话唔要，只系想将面前果碟嘢整熟啲啫，但系个经理非常坚持，唔畀我哋嗌返茄子，最后要改过第二样嘢。因为系孖宝嘅关系，冇乜嘢好拣，焗住食咗个潮州粉果。我地系常客，其他员工都好有礼貌好尽责，唔知呢个经理系咪输左马，攞啲客嚟出气。呢间店已经唔多客，仲要赶客，真系唔识讲。
继续阅读
突然想同老婆饮茶，但红桥酒楼得返呢间！以往曾经听过好多街坊讲，唔好去青叶饮茶结果真系不听老人言，吃亏在眼前！坐底叫左茶后，划埋点心纸！十分钟左右先上点心！期间茶壶冇哂水，冇侍应黎加水，唯有自己出去加！去到加水位，比侍应话返我转头，话唔可以自己加真系厉害 你地唔做野，竟然有资格话我呢d都唔算重点！呢度所谓既点心先系重点....叉烧包，见到个样就想呕，拎上手就痴笠笠....好奇怪，点解个面包皮会咁薄身既...仲薄过肠粉d皮...白里透红好肉酸...老婆食左一啖话好淡好难食...结果成笼冇食到虾饺 其实味道都系一般，但d虾入面旧旧都有肠，深黑色，好影响我胃口食左一旧又系冇食！灌汤饺 系咪玩野，比个铁碗我？我记得以前系大碗唔系用铁... 细碗左都算...唔热，所谓既汤咸到想死...极度怀疑厨师系咪用鸡粉开水...成碗冇食棉花鸡 呢个真系厉害，各包住一旧棉花，1旧鸡胸肉..完全冇其他材料...人地酒楼都会摆火腿，蟹柳或者芋头.... 其实酒楼系咪好穷者...食食下，见到个厨师系厨房走出黎客厅望住我地呢枱死喇...我又唔知佢谂乜...最后一碟大佬，成笼冇食既主角就系...黑椒鲜鱿..... 其实我本身唔会食呢d𩠌...系老婆手多多走去画...老婆摆入口食左一啖，成旧吐返出黎！我问佢咩事...佢话好咸，碟野冻既！我成碟倒哂出黎...哗，个底d鸡粉多到好似唔洗钱老婆口渴到饮左几杯茶先冇事....鬼叫你手多画左呢个点心咩报应丫难怪个厨师会系厨房走出黎望住我地...其实你冇乜资格做厨师，成餐都冇啖好食...咸水角又系空气多...牛肉系唯一满意既点心...烧卖完全唔掂，d肉白到咁...又系味精太重整体黎讲，呢餐250蚊就真系好贵...冇样野好食，连超市买返黎蒸既点心仲好食过佢 卖单时收银个姐姐好似借左聋耳陈只耳....问佢拎张单黎睇睇...讲左3次先肯比，仲要黑面...结果冇收多，亦都冇收少！小弟真系未食过咁差既酒楼，呢间都算系屈机不过唔会再有下次...要我食呢间野我宁愿饿死算...
继续阅读