40
34
33
以上资料只供参考，请与餐厅确认详情
招牌菜
相关文章
食物種類少, 特別係sushi !!一間食日本菜既餐廳簡直難以想像得咁少sushi簡 服務質素欠佳,skip o左我幾次ORDER 囉! 搞到唔知落唔落多次單好~飲品得個名,唔多特別~而且魚生唔見得太新鮮。唔會再去呢間
继续阅读
噚日女朋友生日，夜晚接完佢收工去o左裕民坊間青葉日本料理食放題。因為之前已經 Book o左位，所以唔使等，即入座。果時係 18︰45 左右 (19︰00 前入座免加一)，門口已經有幾個人o係度等緊位。但係行到入去，人又真係唔算多喎。Waiter 指o左我o地兩個去右手邊指牆o既檯度。唯一有少少唔好o既係一張六人檯佢分成兩 part，中間就放兩個爐。俾兩 pair 客人座，即係好似下圖咁，搞到有 D 搭檯 feel~ ｜（Ｏ） （Ｏ）牆｜－－－－－－｜走 ｜ ｜爐｜ ｜邊｜－－－－－－｜廊 ｜（Ｏ） （Ｏ）一埋位，當然睇睇 Order 紙有咩揀啦﹗可以揀o既款雖然唔算太多，但係都可以話係較大路o既o野，都夠滿足我o既要求。例如有︰三文魚、吞拿魚、希靈魚、鱆紅魚、八爪魚、魷魚、北寄背o既刺身、海老 (蝦) 、蕃薯、茄子o既天婦羅、幾款手握手卷、壽司、迷你冷麵、迷你魚生飯、仲有 D 二人份量o既細煱等等。飲品方面就得汽水同埋另外兩款凍飲同兩款熱飲揀o者﹗好落單喇，因為睇過之前網友o既食評，落單時女朋友已經自動波咁將所有刺身數量 mark up 一倍，填 20 件刺身，真係好似網友所講咁o黎得 10 件左右，填 10 件就俾 5 件﹗另外亦陸續叫o左 D 天婦羅、冷麵、魚生飯等等。D o野食o既質素都 OK，刺身食落算新鮮， keep 住凍，唔腥﹗海老天婦羅味道好好，但係叫o左三轉，其中有一轉唔知係唔係失o左手，粉漿多o左 D﹗但有一樣唔多掂o既就係冷麵喇﹗麵唔冷 (室溫o既…)，汁唔多，無味﹗至於 Waiter o既服務態度我又覺得 OK 喎，有網友話 D Waiter 好似唔優做咁，但係噚晚所見，可能客人唔算多，Waiter 們都好好服務喎，笑容十足﹗特別係有位著西裝，應該係部長或者經理o既男人﹗每次落單收單都笑住講多謝晒~值得讚讚﹗最後，埋單每位 $139 (我19︰00入座，免加一)，已經捧住個肥返屋企~
继续阅读
日記 9月1日 晴今日係我女朋友既生日,因為貪方便唔想離開觀塘就可以食日本野,我選擇左近期人氣急屎既青葉料理,上幾個月未減價果時食過一次.$15x果時食物雖然差,份量小我都覺得冇乜所謂,所以今次繼續去份量- 叫4舊壽司就黎2舊 叫20塊三文魚頂多比10塊 p.s.去到青葉你會發覺你開始係食緊天婦羅任食 而唔係食魚生!食物 - 食物種類小之有小..食黎食去都係o的cheap野,貴小小既都冇..壽司飯係熱既..同某低價任食壽司名店冇分別,壽司上面果o的魚生都係同低價果間一樣咁薄!員工態度 - 我自問都唔算係眼闊肚扎,貪心既人士,我女朋友叫左一個四國地獄烏冬,因為實生太生同太硬,所以唔要,轉頭叫左第2個四國地獄拉麵,頂..點知有個肥肥地短頭電髮既侍應走過黎好大聲咁話:頭先你以經掉左個烏冬!唔該唔好浪費食物!我心諗!我以家叫左成枱野食唔食咩?係咪我叫隻雞翼.你比舊炭我,我都要吞落肚?服務 - 侍應十問九唔應.我去廁所果時重聽到一o的恐怖既野.."話說本身點刺身叫十給一,大概係有客人不繼落單及投訴,本人行經刺身枱時聽到以下對答..w=侍應c=壽司師父w:26號比足小小c=又係佢?w=係呀!想未飽!c2=咁今次佢實飽!c1+2+3=哈哈哈!.......叫野食唔比足..人地想叫多o的姐..呢o的說話好乜囉..你想加料咩?好想同呢間野個老闆講,你寫139一個人,我寫20塊三文魚,你比10塊薄切?我埋單比30蚊得唔得?做乜比張員工 - 不懂禮貌,本身客係主人..但係呢間野好似變左佢係主人.更加好似比左40蚊去某名店食低價壽司+坐監咁..先生你舊飯未食!要罰十蚊一舊!果種壓力一樣囉..除非佢繼續減價!減到天天都109!或改返好似以前咁!再幫o的員工上下服務態度改進班!如果唔係我都唔會再光顧貴店!
继续阅读
是但同男朋友２年半紀念日 就去左青葉 之前朋友話不錯 就去試下啦食7點前 因為唔洗收加一 幾好呀 一去到 點左 二十塊3文魚 因為食放題都系一心食呢d咖姐點知 點20塊佢黎得5塊囉-_- 咩事? 都算啦 之後見咁小再寫多次呢次寫10塊點知又系黎6塊 呢間系咪連二文魚都唔想俾人食= =?同埋d 三文魚超涷 好似食緊冰 同埋勁薄 我要一次過2塊一起食唔知點解呢? 不過都幾好味既串燒類 真系好小款呀 好似得3.4款 第一次見放題咁小款d串燒又燒得一d都唔juicy 好失敗 卷物 有個沙拉船幾好味 加番小小分 三文魚芝士卷都唔錯天掃羅 勁難頂 咬極都咬唔開 仲要好厚粉 材料又唔新鮮茄子變左黑仔咖囉 蝦就ok啦 連炸野都做得咁差最後送個 垃圾甜品 食都唔想食 ( poster又話送日式甜品 點知原來呢件野 呃人)總結: 食過就算 139一d都唔抵食 冇樣野食完我系想再食-v-不過服務 環境都唔錯既
继续阅读
姨媽8月16號生日 (前6日或後6日!!!)夠4個就生日果個半價夠8個就生日果個免費一行11個人去食!前果日book左房!食7點前 實數$139/人一去到佢就話已經整緊個刺身盆一黎個刺身盆 個個都已經餓鬼投胎般搶食每款刺身都好新鮮好好味!叫左好多次...已經開始食到飽一飽-0-個肚漲到其他野都唔太食到-0-之後係咁叫野~刺身 壽司 火鍋 拉麵 前菜 等等壽司飯夾起黎唔散 good!火鍋叫左個蕃茄湯底我淨係食左d肥牛 ok啦~~但媽同埋親戚們就話個湯唔錯燒鯖魚 表姐話不錯! 姨媽幾鍾意個叉燒拉麵魷魚好味辣辣地叫左超多天婦羅.......d天婦羅個粉好厚 同埋好油 應改善雞串燒 可以唔食 好乾真真 冇汁既-0-叫得太多炸野 食到之後爆瘡/"\一人多食就覺得唔夠時間食如果多人可以比多少少時間 你話幾好呢~$139/人係咁食刺身都值啦~~
继续阅读