霞飛路 (已結業)

前幾天和媽媽到維園的工展會，但原來首日要到下午五時才開，於是到就在附近的此店吃下午茶。雖然銅鑼灣人山人海，但此店卻異常地寧靜。點了個high tea set，有魚子燻蛋、火腿三文治、果撻、桂花糕、炸蝦餃、义燒酥、春卷及餃子湯，款式真的十分多。西式的點心，包括三文治及果撻就做得比較失色，其他中式的就較有水準，尤其是魚子燻蛋，有濃濃的煙燻香，而蛋黃仍是末熟的，加上黑色及橙色魚子，單是賣相經己十分吸引。

有live band, 靚環境, 食物普通, 價錢貴.

The price is reasonable and some dishes are nice. However, if you don't like live music, it may not suit you.

20051113 3pm為o左好好咁報答男友對我做了一些好事~所以星期日就請佢去食個靚tea。下午去了老銅霞飛路，比我想像中平得多，環境十分之《胭脂水粉》，聽著國語老歌，透過落地大玻璃看見維園的綠樹，呷一口香片，感覺laid-back 到爆，o的o野居然亦OK好食，過了一個非常舒服的星期天。由上至下：英式多士‧魚子煙燻蛋/ 叉燒酥‧煎糯米糕‧炸蝦餃/ 灌湯餃/ 法式燉蛋‧(影唔到o既)桂花糕，$148 for two未連加一

Me and three of my friends went to this restaurant on a Friday night. At first we feel the atmosphere is quite good, got live band etc..but after being treated by their "service", we swear we will never revisit this restaurant again.When we went there, there were no seats available yet so we just sit by the bar. Me and my friend ordered 2 drinks. After we got the table, we ordered food and while we are waiting, we asked a waitress whether we can have some glasses of water. The waitress is ni

食物整體上相當有水準，而且當中有不少是有心思之作:1. 醉雞$75: 雞肉滑，而且很入味。2. 香辣銀條$48: 口感似芽菜，不太辣，幾特別。3. 四喜烤夫$65: OK4. 魚子燻蛋(加大半份)$65: 皮蛋很滑，加上魚子，味道和口感都不錯。5. 蒜燒牛面頰$138: 牛肉軟滑，有些似牛腩。很入味，但又不太咸。6. 荔枝元蹄$150: 很滑，很入味。7. 豆酥帶子豆腐$98: 蒸帶子豆腐上有許多豆蓉，唔錯。8. 砂鍋津白$120: 待應自動分一碗碗上，味道OK。9. 上海湯年糕$48: 年糕"淋"得來也煙"un"，有水準。10. 馬蹄桂花糕$28: 清清地，不會太甜，唔錯。11. 高力豆沙(加大半份)$56: 正常，沒有什麼特別。

和友人行街食飯，正商量去哪兒食晚飯，忽然友人提出去霞飛路。其實我一直好想去，就這樣決定了晚飯地點。餐廳晚市開六時，但五時半已讓我們內進。餐廳佈置舊上海和西式fusion版，室內場角位置更有小舞台，想信晚上來這兒飲野會有現場樂隧伴奏。可惜餐廳面積尚少，若坐無虛席時，會挺擠迫。時間尚早，吃晚飯的人未到，差不多包廳，所以好清淨。可以好清楚聽到悠悠的歌曲，是張愛玲《傾城之戀》的時代吧！好有懷舊感覺。我們點了「花雕醉雞」，一上枱，便聞到陣陣花雕味，白色小碗裏盛著數件雞件，深啡色的花雕酒，杏色的雞件上洒了數粒紅色的杞子。賣相都算可以。冰涼的雞件吃下有很香的酒味，甜甜的，挺好味。元蹄一般都很大隻，人少又想食便吃得元蹄又不能吃其他茶餚，魚與熊掌不能兼得。可這裏的「荔枝小元蹄」，兩至三個人份量，侍應說已經過特別處理，所以吃下不會油膩膩，不過都幾飽肚。味道不俗，汁香濃、肉質很腍而沒有渣。最好吃的，我認為是「豆酥帶子蒸豆腐」，豆酥是黃豆碎粒加蒜蓉粒，炒香放在帶子豆腐上，帶子鮮甜，豆腐不是用玉子豆腐，而是用布包豆腐，所以好滑好軟，配合豆酥一起，口感一流，濃淡適中。縱然豆酥用油炒香，但配合清清的帶子和豆腐正好中

平時行過時覺得環境不錯，打算找一天試試，於是和老公選擇在這裏慶祝結婚周年記念。地方相當雅致，有老上海的懷舊情調，露台位模仿上海的石庫門房子，雖然不能和上海新天地的正宗石庫門比較，但以香港來說算是頗有特色。在等老公的時候order了一杯霜凍桂花陳，賣相如冰凍margarita，飲落香甜有桂花味，感覺如酒釀丸子思樂冰，很有趣。看到二人套餐有我喜愛的燻蛋和干燒明，就決定order。冷盤有蒜泥白肉、油海哲頭、魚子燻蛋，全部位上。蒜泥白肉好唔得，肉有雪味，個汁只吃到蒜蓉和醬油味，單調。海哲頭爽脆，可惜有沙。燻蛋做得有心思，半邊燻蛋上再放半邊去黃鵪鶉蛋白，填上紅黑兩色魚子，賣相不錯，但略嫌花巧，其實我只要半邊燻蛋就滿足了。燻蛋軟硬適中，香味四溢，但偏淡，可能是為配合稍咸的魚子。再來是紅燒干貝翅，湯底夠味，翅的份量不多但翅針頗粗，口感不錯，但這道羹其實不屬上海菜。然後是干燒明，也是位上。明很大隻，新鮮，有膏，個汁非常精彩，濃厚帶微辣，和董家菜有得揮。跟著是烤牛面頰，炸得夠焦，香味濃，牛肉軟糯香滑，入口即溶，如果個汁可以深色D，個獻薄D，感覺會更地道。最後是火腿津白，津白切得太大，好彩我地係兩公婆，不

兩個人無preference之下呢間, 都幾多人, 不過都有位. 吸煙區係出面, 以為會好熱, 原來都係冷氣位, 假outdoor!其實我唔多想諗叫二人餐算數, 但朋友似乎興趣唔大, 唯有求其係餐牌度揀幾款. 有蜜汁火方, 蟹粉小籠包, 奶油津白同煙燻鴨. 有蜜汁火方味道一都唔鮮明, 要甜或鹹都唔係, 無個性! 蟹粉小籠包有四個, 我食唔到有蟹粉味囉, 如果用一般小籠包角度去睇, 都唔錯, 皮薄肉鮮, 仲好多肉汁, 但而家唔係食呢樣咁簡單呀麻....!個煙燻鴨好多肥膏, 好難趙, 基本上食一件已經無再掂, 失敗到暈! 仲有個津白呀, 味道普普通通, 但切得咁大件, 食得狼狽喎, tissue呀, 唔該!!服務方面普通啦, 都幾熱心, 但唔夠細心, 上落級位有時記得提客人但有時就唔記得, 要留意! 又環境都幾舒服, 入面當然比出面有上海feel啦, 不過位都好坐咁囉!估唔到, 我咁唔欣賞呢間舖食物喎!

星期六係赤柱食完個high tea，出返cwb join埋其他食友食dinner，我o地商議去邊度之際，大皇就作出英明決斷，提議o黎呢間。因為即興冇訂，所以門口知客姐姐已聲明我們要8點鐘交。室內環境幽雅，古色古香的感覺，唔係睇menu都知道係高檔食肆。首先上菜是三碟冷盤，煙燻魚-唔夠入味，有幾個食友以為係叉燒、蜜糖脆鱔-味道好夠濃，可惜炸得唔夠脆、醉轉灣-未食已聞到一陣酒香味。其次再上係千層肉，真係一層皮、一層肥、一層肉，每塊都切得好似紙o左薄，所以一定夠入味，而且肥肉個層都唔會有仲肥膩感覺，我都食到。紅燒羊膝-有三大件，又係炆得好夠味，雖然大大件，但係肉質唔會韌，而且只收168幾抵食。百頁小唐菜-小唐茶都幾嫩，味道ok!擔擔面-係我最推介的一樣，湯底好濃夠辣，而麻的程度就一般，可惜麵身夠腍，雖然尚算彈牙，不過唔夠爽口。之後大皇怕大家唔夠食，再order一碟薺菜肉絲炒年榚同鱔糊炒麵，當時差不多都8點了。薺菜肉絲炒年榚-清清地，唔算多油，年榚幾煙韌。炒麵質數唔錯，d鱔糊差不多覆蓋成個麵底。到了8點後，個SM已經問我o地d野上齊未，因為佢其實有客訂o左，因為我o地後加兩碟仲未o黎，佢就幫我

一間食名氣的地方。由於明星效應﹐有D扮o野。但以裝修﹐格調﹐食物種類(蟹粉﹐翅等﹐起碼每樣$200 以上先有交易)﹐都擺明係貴野﹐講求精緻﹐份量當然唔多﹗適合商務宴客﹐如果朋友聚會﹐都要係有特別慶祝果隻﹐因為普普通通既都要每人$300﹐已經無要翅﹐蟹份﹐海鮮。我要了醉雞﹐紅油抄手﹐蟹粉小籠($68 得4隻)﹐津白﹐水煮牛肉﹐加兩個飲品﹐要$600。同樣的食物﹐係紅虎大約$280。所以呢度一試無妨﹐但帶定錢啦!

一直以為開了在銅鑼灣以前Baby Blue 舊址的這家餐廳﹐是與朗豪仿同一名字和集團的﹐因為食過酩霞飛﹐覺得不錯﹐食物有水準﹐於是再來﹐來到看餐牌才發覺原來不是。裡面的裝修以實木和暗色為主﹐模仿中國舊式建築物的風格﹐還分了類似廂房的間隔﹐但是沒有門的﹐我當日就見到張堅庭、鄒世龍等坐在裡面。至於食物﹐叫了醉雞、清抄小棠菜、小籠包和整條魚煲的湯(忘記了名字)。個湯要150元﹐味道不錯﹐但過鹹了一點﹐其他菜色都可以﹐但未算好出色。服務不像之前幾位食家講的那樣差﹐反而我覺得不錯﹐各侍應都殷勤有禮。結賬時我告訴經理我們叫的是清抄小棠菜而不是百頁小棠菜﹐他說下次我們再來請我們喝drink窩。餐廳的一個缺點是所鋪的木地板有問題﹐行起來滋滋作響﹐而且當旁邊有人行過時﹐會震到食飯的人﹐感覺很差。整體上說﹐這家餐廳走高檔路線﹐不少明星和有錢人幫親﹐食物不錯。有食家說食物偏貴﹐那麼我想你不是他們target的人客吧。

以這價錢食這惡劣服務態度,完全不值得去試.我們只叫一般的食物,埋單每人二百多塊錢,有乜理呢個價錢比d咁差服務,個個waiters無禮貌. 真想即時反映我們之不滿,可惜見唔到有意見表提供.

high price goes to decoration of restaurant rather than quality of food. there are other restaurants that offer better food .

food is not bad, but for the price, the portion should be alot bigger so that it doesnt feel so awkard to share. afterall its chinese food ma! for the price, the deco and the service is not good enough. i would rather go to 留園雅敘.