84
8
4
以上资料只供参考，请与餐厅确认详情
食家推介
九龍城是香港一處美食臨林的地方，除了有「小曼谷」之稱，還有不同類型的特式食肆，包括潮州菜館、甜品店和麵包店。不計佔多數的潮州菜，很少人會把中式食肆與九龍城串連起來。感覺上，九龍城沒有一種有號召力的「大排檔」和「小炒皇」能吸引食客的注意，因而忽略了筆者介紹的這家低調中菜館。鄰近九龍城廣場附近的「雷公子」是一家有內涵的中菜館：晚上主打游水海鮮，以傳統粵式清蒸、蔥煀和避風塘等經典手法處理，店內設小型活海鮮櫃養活海鮮，確保吃到最鮮的即宰即煮海上鮮。如門外毛筆字寫下有意思的對聯：「欲嚐海上鮮，莫惜腰間錢」。本來只在晚市營業到深宵（最後下單時間11點），店家表示最近有鑒深宵人流較少的關係，提前了營業時間到中午，在午間供應「小菜套餐」和「炒粉麵飯」，價錢定在$40-$48。是日雖然是公眾假期（清明節），店家亦有供應午市套餐。不肯定降低了價錢有沒有降低質量，筆者和家人從價錢看來也覺得一試無壞。1時30分來到，無需等位，筆者留意到店內兩檯6人桌單點及已吃畢海鮮菜式，準備離去。筆者和家人是日無意吃海鮮，打算先試試較實惠的午市套餐，包括多頁的選擇，最令筆者感興趣的是生炒排骨。看著餐廳牆上所拍攝的照片，筆者感覺到店家的小菜應該有一定質素。還沒點餐，例湯先來！@0@ 是日例湯是蓮藕煲鱆魚湯。喝了一口，已感到一絲感動！足料的例湯加入了鱆魚和豬展去煲，在鹽調味後，已嚐得出濃濃的鮮味！加上，筆者對味精有敏感，對例湯沒加任何味精表示十分滿意：）推薦指數：5/5最後，筆者和家人點選了三客小菜套餐，包括生炒排骨（$48）、粟米斑塊（$48）和紅燒豆腐（$48）一客。先上桌的是紅燒豆腐，本來媽媽點了薑蔥煀魚腩，但爸爸堅持點一客素食，料不及豆腐如此美味！從沒有吃過紅燒豆腐的靈魂--豆腐是炸成脆口，再紅炆的！脆卜卜的豆腐更是炆得入味，沾上蠔油和醬油調製的醬汁，咸中帶甜，佐飯一流！更別看少豆腐下的小白菜和草菇，曾作走油處理，亦見鑊氣！推薦指數：5/5然後上桌的是筆者和爸爸的至愛--生炒排骨。生炒排骨稱得上出色，外層炸好後，得迅速在甜酸汁翻炒，才能保有一定脆度，而醬汁也要做得酸甜和味，埋芡後不能過稀過杰，影響食感。店家所作正乎合以上要求，排骨炸得外脆而內裡鬆化，芡汁更是酸甜開胃！而且，配料的菠蘿份量不少（筆者至愛），又適當下了少許新鮮辣椒，一點辣勁豐富了醬汁味道。推薦指數：5/5最後上桌的粟米斑塊亦做得出色！炸漿調得好，較易「出水」的魚塊亦炸得外層微脆，內裡多汁。淋上粟米汁後，脆度較低是意料中事，但炸得不好，魚肉便會失去沾上咸脆的外層，醬汁也無法裹在醬汁表面。而店家的粟米汁稀杰調得剛好，也加了點蛋花，美味好看，而且像坊間粟米汁重手地下了雞粉，味道過咸。推薦指數：5/5店家的白飯煲得軟熟，也不會過濕！唯一的批評則落在餐飲熱奶菜身上。選用了黑白淡奶，奶香也淹蓋不了茶身的苦澀味道。苦味壓制了回甘的感覺，是有點失色。推薦指數：2/5綜合餐廳的環境寬敞，服務友善，粵式小菜味道亦見高水準，而且價格定位合理，絕對是值得推薦給大家的價廉物美之選。雖然筆者打分不算十分苛刻，但給予滿分卻是非常罕見，大家以後到九龍城的話，又多一處地方選擇了。最後，要提醒大家店家只收現金，可先提取足夠現金才前來吃飯。
继续阅读
It was a group gathering in Kowloon City, and we all were excited because we can invite the Chef to recommend the shop's special in this dinner.Everyone was welcome with a bowl of home-made soup... A lot of the dishes are newly created here... combining the old and traditional way of cooking with the new taste... a lot of expectation, and finally all are met... Deep fried shrimp is not new to most, but here we can really enjoy the fresh taste and crispy shrimp meat.. I even ate the shell, as the mixing was so nice.The next one is the Spicy Fish, with limited bone inside, and I thought it might be too hot... but in fact, not too bad... can take it.The sweet duck pot is another surprising dish here... as we can really taste the meat, tender and with a bit of sweet sauce on top... the Chef said that there are not that many people will take so much herb and time to marinate it before cooking, so that it's a very time consuming dish to offer to the customer with heart.The BBQ pork rib is nice too... not the BBQ sauce, but was in Chinese style, much better than the US style as it is crispy, it's rich in meat taste and nottoo dry... And my favourite is this Pork Hand... quite chewy in the middle, but crispy on the skin... although it's a bit filling, but I took almost 6-7 pieces alone myself...
继续阅读
近排去得最多一定係最唔就我腳嘅九龍城，到底個土瓜灣站幾時完工今次相約朋友去探訪雷公子，選這店是友人食過好食再推介一坐下侍應先放下靚湯，湯夠熱~而味道係紅蘿蔔、粟米跟馬蹄的清潤湯水，前菜仲有蕎頭跟花生因為叫了好多惹味餸菜，所以啤啤佢，好鍾意餐廳用戰鬥碗果種視覺上痛快暢飲感覺，其實佢之前個靚湯都用上雞公碗及匙羹，近年又興起懷舊風吧<秘製燒豬肋骨> $198 肋骨燒到兩邊金黃微焦，面頭仲有芝麻，肉質實在但又夠哂Juicy，而佢個秘製燒醬汁都好好惹味<籠仔荷葉蒸北寄貝> $168原隻北寄貝去蒸，食落鮮甜味更重，而且仲有荷葉香，每隻都好大隻飽滿<海鹽手插蝦> $198蝦被錫紙包住，一拆開香氣撲鼻，蝦殼都沾滿海鹽，賣相跟味道有啲似古法鹽焗，蝦好新鮮夠爽口，一串一串咁食好方便<古法客家碌鴨> $138/半隻呢個煲真係不得了，鴨身沾滿濃濃的醬汁，咬下就知炆得剛好，夠哂入味之餘，仲食到實肉與軟腍之間<立體3D芥蘭> $128芥蘭葉有輕微走油，所以好脆口，上面係用醬汁炒過嘅肉碎，鹹香味比較重，所以可用附帶嘅生菜一起食
继续阅读
九龍城其實吾止泰菜 早排同朋友入左去食串燒大排檔 非常惹味好食 超乎左我地一行3人既想像~ 環境好貼地 卻處處有驚喜用上雞公碗及匙羹 更有香港style 無論佢有無落味精都好 一坐低就熱湯奉上就是窩心 而且個湯好重粟米同馬蹄味 好有家既感覺仲有蕎頭作開場 食住等是常識吧朋友出主意點左幾道菜 首先係海鹽手插蝦 $198一揭開就好香 大概係焗住佢泥整啲海鹽啊調味料啲香氣一併散出吧~成隻蝦都沾滿左海鹽 食落其實好有避風塘個隻味道 但咬走啲殼時啲味道會帶走左 所以入面個蝦就淨番鮮味 可以話係兩食囉 加上串燒形式上就更方便秘製燒豬肋骨 $198 一睇落就知好夠味 個人本身勁愛乾燒ribs 依種就係啦 外面有佢地既秘製汁 吸晒~ 實既肉質 但都依然有肉汁 愈嚼愈美味 條條都好大條 啲肉都不少 吾會骨太粗而得幾啖肉籠仔蒸北寄貝 $168除左肉海鮮都要不少得 所以要多一款海鮮 平時食北寄貝都係配壽司多 中菜台都一樣有的喔 就甘蒸更能保持鮮味脹卜卜啊 入面全是海水 但我就覺得咸左啲~但朋友就好受落 就等佢地KO吧古法客家碌鴨 半隻 $138一上枱 勁香 就係家裡炆鴨既香氣 平時食雞煲就多啦 今次鴨煲沒想到的正~ 個醬底濃稠 亦煲到啲鴨變晒味 就係全煲一體啦 入面就係蓮藕呢 我最愛 依度半隻鴨 3人食就剛好了 食食下感覺個醬味道有啲五香八角味 吾怪得好正啦~ 而我最愛係佢既鴨肉 吾會韌 嫩嫩的 好正 朋友仲話啲醬撈飯就正了立體3D芥蘭 $128依道菜個名好盞鬼 就好似生菜包甘樣 其中仲有啲係芥蘭既菜葉炸過既 小小香脆 加上啲肉碎有醬油味咸香 連埋生菜加左啲清新感覺這樣就可以送入口中啦食甘惹味既菜就同朋友飲番2杯 佢地仲有戰鬥碗添 好有FEEL啊碗底仲有飲勝個勝字~人均$300 但食得好快樂 好滿足 食撐了行出個門口 就比上酒樓更正~
继续阅读
做冬前夕，book咗呢間好出名嘅餐廳試吓。喺門口已經有幾個水缸，放滿蟹啦蝦啦等生猛海鮮，雖然係咁，但異常乾淨喎！蘿蔔湯非常清甜，唔似有味精，但點解飲落似薯仔湯多啲嘅？海鹽手插蝦 ($198)一打開錫紙已經香到不得了，錫紙包住大概20隻用竹籤吉住嘅海蝦，下面全部都係炸蒜，救命啊！先用滾油炸咗啲蝦，再用蒜頭辣椒起鑊，放返啲蝦落去加燒酒，再加勁多香料一齊炒，唔怪得香口得咁緊要啦！非常鮮甜，肉質新鮮唔梅，啲殼仲係非常脆，搣都唔洗搣，就咁就食得。好有避風塘風味，少少辣但又非常惹味，就算我唔鍾意食蝦，都忍唔住食咗2隻！再夾啲炸蒜撈飯，哇！！！！！薑蔥筒蠔 ($258)一上菜，哇好正喎！啲火係咁燒係咁燒，香到不得了！有大概6隻好似手板咁大嘅蠔，平時嗰啲煮完之後會縮細，但呢啲蠔完全好似冇縮過咁樣，超級肥美，勁吸引！雖然係熟晒，但外脆內軟，入面仲非常軟綿，口感激好！肥美到其實食一兩舊都已經有啲飽！立體3D芥蘭 ($128)心諗菜點樣3D呀？但好似幾得意咁，於是叫個試吓！可配蒜蓉包或生菜包，咁就梗係要蒜蓉包啦唔係要諗嘛？！原來芥蘭莖係炒嘅，啲菜葉就拆晒出嚟炸，好似川椒葉，超級有創意！唔講我真係以為係川椒葉呀！上面嗰啲就係肉碎，真係非常有新意，放啲喺蒜蓉包一齊食口感激好！秘製燒豬肋骨 ($198)賣相好吸引，雖然外表燶燶哋，哈哈但其實入口超柔軟，食落絕對唔係又燶又鞋咁嘅口感，肉味濃郁，仲有少少蜜糖嘅香。但冇諗過份量會咁太大，食唔晒要拎返屋企了餐廳嘅另一邊仲有個自助充電區，每部電話都有自己嘅格仔，可以鎖住，咁就夠晒安全啦！真係好體貼嘅設計呀！大廚將啲好似好簡單嘅菜整成咁有創意咁色香味俱全，真係好值得欣賞！而且價錢好合理，材料又新鮮，真係會令人想再返嚟試其他餸！
继续阅读