雲貴川

营业中

休息中

一直有幫襯開， 以前喜歡佢雞湯湯底好入味，好甜，米線不會索湯，不太淋，有咬口。口水雞真的好好食，夠麻，夠香，入味。可惜店舖收銀態度很差，疫情期間員工逼人同其他陌生人坐埋一齊，但係明明其他地方仲有位。眼見店內客人越來越少，我由以前堂食改為寧願叫外賣程式，俾貴啲，都不想堂食被迫同陌生人坐埋一枱，及不想看到收銀哥哥的嘴臉。都只是希望可以食一樣味道嘅米線及口水雞。怎料，今天再次光顧，今次外賣自取，見到店內空無一人，收銀哥哥服務態度突然好起來，老闆唔見咗，多了個後生仔在煮麵，老闆娘仍在。叫了一個口水雞，以及一個兩餸米線，5分鐘內打開來食，嘩，好多米線，但我最喜歡嘅雞湯底，居然縮咗水，好似變咗撈米線嘅汁，千辛萬苦，掘到最底，撥開淋晒嘅米線，得返少少嘅雞湯，味道與以前完全不同，完全沒有以前雞湯嘅味道，淡得可憐，又唔夠辣度，以前嘅辣度，而家已經沒有了。口水雞係幸存者，味道依然，同事仲話隻雞靚仔左。

佐敦唔知食咩好見到條巷仔入面有間米線諗住米線一定冇伏啦.. 點知.. 叫左雞翼豬耳米線酸辣米線 小辣湯底除左有陣辣味仲唔知點解臭臭地豬耳係白烚完擺落去.. 冇味但佢有比好多雞翼有兩隻.. 正常既米線就係硬既 岩岩好熟咁值得讚既係.. 份量好多抱住唔想浪費食物既心想食埋碗野但就真係… 好難食食剩咁多我真係食唔到落去啦

上次食完之後 食過返尋味🤣照舊食個雞翼薯粉 麻酸辣不過今次加咗炸醬 老闆娘介紹話薯粉加左炸醬會好食啲發現原來加左之後係好食咗好多炸醬同個薯粉真係好夾 😋😋跟住仲有個麻酸真係好正個口麻麻地又酸個種感覺真係好過癮😋跟住我食完之後就走啦點知個員工叫停我話比我知我留低左個手機 哇個下幾感動呀立即去拎返 然後不斷講唔該晒🤣所以我就覺得佢地好有人情味因為佢哋大可以唔講由得我走之後賣咗我部手機 所以實在太好人啦😄有機會 下次帶多啲朋友嚟食😋😋值得推介👍🏻👍🏻

剛剛中午係雲貴川買外賣，外賣整好左就橫風橫雨所以我地就同老闆娘講話我地都係留係店度食個老闆娘聽完又好似冇乜野，由我地開始食外賣本身份量就少，無論薯粉、生菜同肉都好少而且佢地比個薯粉仲要係全部碎晒後來我地食到一半個老闆娘無啦啦話要收我地一人2蚊🤷🏻‍♀️因為堂食外賣🤷🏻‍♀️🤷🏻‍♀️於是我話上次我黎食佢地收多左我一個餸嘅錢我都冇出聲(一個餸都7, 8蚊)宜家出面落大雨又冇客入黎都趕我地走佢係唔比我地食就一開始講而唔係我地食左一半先講另外有食客食完出去一兩分鐘發現落大雨都走番入店裡面坐但係都唔趕人地走最後我地都係逼於無奈冒住雨走左我仲要係大住個肚9個半月呢間係佐敦嘅雲貴川，真心好冇人情味外賣嘅份量亦都偷工減料極度差評

近期想食米線，喺附近發現咗這間米線。叫咗餐牌上麻酸湯底。真係好正!超正^^夠麻又夠辣~~叫咗魚蛋和腐竹。魚蛋好爽口好彈牙，是白魚蛋😍但係腐竹就硬咗少少。我朋友就叫咗腩肉&肥牛，腩肉唔夠香， 但腩肉 脂肪 入口融化ge， 肥牛就普普通通， 但有口感ge~都接受到嘅， 值得驚喜就係個湯底，好有雞湯味。不過值得改善真係腐竹，一定是平價腐竹。米線分量剛剛好，食完都夠飽😊。重點再次贊一下佢嘅湯底。真係做到有（麻)口感嘅湯底😋。米線質感唔錯唔會太腍~亦都唔會太硬。吸到湯底嘅濃味。

住附近酒店，又比男友老點食唯記上海面好七難食又熱又呼氣！所以自己一條友搵米線，買外賣食，就嚟到呢間，叫左碗咩麻辣四小辣雞肉牛肉米線，份量多，湯好飲，牛肉嫩，但係，鷄肉超級無敵勁細塊又鞋又有渣。比起景霖真係無得輸！不過佢開到咁夜又真係無得揀

放工經過雲貴川，見疫情好轉就去食返過雞翼竹笙3小辣麻米線，可能太耐無食，一食就覺得有驚喜，炸醬都好惹味，值得一讚既係餸既分量依然十分抵食，湯底都無以前咁咸。同老闆娘閒聊既時候得知原來之前好多人投訴過個湯底太咸，老闆娘改良過湯底同辣既咸度。唔怪得無咁口渴，食其他米線鋪，試過太咸就同老闆講，結果得到既答案都係愈辣就愈咸，因為麻會令人覺得咸d, 而家先知其實唔係，可以自行調節，佢地麻辣都係老闆娘自己調配出黎。走時仲叫個口水雞拎走比屋企人食， 自己都試左啖， 芝麻同辣味都幾香，最緊要係唔會食完要狂飲水，下次去會食口水雞。👍🏻👍🏻

真係勁難食🤢未試過有米線可以做到咁差，咁hea！湯底一啲味都冇，淡茂茂，我已經係叫酸辣湯底！啲豬腸好似比漂白水漂過嚟咁，好白，無味的，雖然入面啲脂肪同埋污糟野 係有清理晒！唔會再食第二次，永遠Back list！真心差！👎🏿原諒我食到一半先影，其實我平時好少寫食評的！呢間真係差到我要警惕其他人，唔好食🤮

好評，平時都食開堂食，今次嗌咗個外賣拎走，一樣唔錯。 今日外賣嗌咗：竹笙雞翼炸醬麵。行陣士多買零食，隔咗半個鐘先拎到番去，摸落個碗仲係暖既，打開蓋撲面而來一陣熱煙 係混合住炸醬麵既香味！！淨係呢點已經加曬分！ 事關之前試過其他餐廳嗌個西炒飯，番到屋企個盒已經受唔到熱，熱到變曬形！ 但今次呢碗米線裝住熱湯，都完全冇問題，從外賣盛器外型睇，有波浪流線形，個款似係特別貴果啲款，外賣果一蚊雞係比得值既！ 起筷，竹笙爽口，米線彈牙，掂。而我最愛既雞翼應該浸咗太耐湯既關係有啲淋，平時堂食好食啲，應該嗌肥牛就冇呢個問題了，整體十分滿意

這間店雖然我很少來，但都斷斷續續光顧了有十年，只因這裡比同區附近的餐廳較平，附近又没有這類湯薯粉、米線。直至今次再來用餐，衛生和服務態度實在強差人意，令我覺得不得不寫下是次經歷平日下午茶時間來到，點了一碗酸辣紅薯粉跟豬扒。 酸辣湯底酸度較突出，辣度都是辣但相對上被酸味搶去風頭，只是聞到已經覺得很惹味。薯粉有少許粗度，不是那款幼身波浪型的那款，這裡的薯粉有少許咬口，又不會很難咬斷，吸收了湯又酸又辣很過癮。豬扒的份量不少，連骨大大塊，不過質地較硬難咬一點，味道亦應該因雪藏了很久而較淡不突出。如果對食物要求不高、預算有限，都可以選擇這裡；不過以下的用餐經歷大概會讓很多人卻步...去到我食完碗麵，看看底部還有没有剩下薯粉時，發現有些不尋常的東西在漂浮...大事不妙，我在碗裡發現一條蟲，是完完整整的一條蟲！那一刻都不知道該說甚麼，整碗麵食完才見到它，也就是它也浸在此很久了，真的令我很無奈都食完了，只好結帳的時候告訴店員，誰知更是換來令人無語的態度我告訴店員碗麵有蟲，他的回應竟然是「嗯」的一聲，當下我呆了一下，跟他說不如去看一下，我就轉身走去本身用餐的位置，再轉身打算告訴他時，竟然發現他一動也不動

有日行過見到呢間米線舖 就入咗去試吓啦叫咗個雞翼米線 同 一份口水雞 叫咗個微辣黎試吓 雞翼都唔錯仲要有3隻 個口水雞就幾好食 出面好少有呢個味道 出面啲口水雞多數有落花生 唔太好食 而價錢方面又唔算貴又唔係平不過不失啦環境普普通通嘅米線舖格局無咩特別不過下次可以再試

簡單說，食物沒味道，不乾淨，態度超差，去是浪費時間金錢。工作人員男的超沒禮，要客人向他送上手付錢，簡直不知所謂。女的完全沒服務，清潔工作亦完全不做，完全是一間沒有優點的店。沒必要的話不用幫襯這店，完全垃圾。

多好食都不想再去，去到餐廳點餐基本上餐廳各職員的態度劃一不好，因為老闆服務差，坐在收銀的4眼仔服務更差，去了多年終於爆炸，味道就算有多好，只是服務做得不好就不想再去，送飲品，店內態度不好就沒意義……《 上樑不正下樑歪》

當食麻辣薯粉食到流唒汗既時候，諗住叫個四眼侍應要杯水。叫既時候仲會點下頭，等左一陣，以為佢唔記得左記再叫多次啦。 佢完全無反應，當聽唔到。再嗌第三次.. 過多陣叫第四次，成碗面都食完，佢都當聽唔到！我就問佢依到係咪無水提供，佢竟然大大聲鬧返我哋轉頭「我好忙呀！」其實你好忙都可以回應一下，叫我地等等又好，話唔好意思忙緊都好，起碼同我地講你聽到。聽到扮聽唔到，其實都幾唔尊重食客同極無禮貌。其實之前也幫襯過好幾次，但真的以後不會再幫襯，對顧客無禮，食物再好味都無用。

喺佐敦放工 夜晚嘅時候同朋友食晚餐嚟咗雲貴川食米線 我就叫左二小辣酸辣紅薯粉配料就叫咗香腸 $31大大碗呢間米線嘅特別之處就係佢嘅腸仔唔係用平時嘅芝士腸而係用大大條嘅廚師腸二小辣都唔算話太辣 紅薯粉浸左湯汁之後食落去好過癮😊