雲桂香米線專門店

营业中

休息中

今天中午行經兆萬中心附近有啲肚餓,望見對面有米線食,於是過去試下。望完餐牌後叫了小鍋米線要酸辣配腩肉蘿蔔及菜心,之前未幫襯過,估唔到幾好食。米線彈牙,湯底好味,用酸菜煮的酸辣湯正~

因為朋友食過呢間，話價錢平之餘味道仲唔錯，咁我地今次就趁舊同學聚會去食呢間，其實我夜晚就中意食飯飽肚啲，不過既然佢講到好似好好味咁咪試下囉~~~我記得個晚我地7:30 左右到，都已經近滿座。啲阿姐好快咁收哂枱，咁我地終於可以入座了~~同其他米線店差唔多，random 咁揀配料，有兩款米線揀，小鍋米線同上湯米線，小鍋貴$2，其實我自己覺得差唔多，兩個分別唔大。而每款配菜加$6，款式都ok多，但普通嘢黎，好似雲吞，牛丸貢丸之類，btw我個fd推介腩肉。我就揀左小鍋米線($22)，加炸醬及芝士丸再加一杯熱菊花蜜。我覺得加$6得兩粒芝士丸真係好不智，硬掘堀咁個兩粒丸，一般好食姐。而炸醬賣相幾令仲要有一個小碟另上，不過當我倒哂落米線到，啲汁落哂啲湯到既時候，就變成一堆再也普通不過既瘦肉，不過有小小辣，唔錯。其實食完呢個都幾飽，杯菊花蜜甜左啲，但岩我口味。埋單我呢個$34。bte睇你點簡，因為呢到有好多小食同配料，一唔小心就會好貴(≧∇≦)

專注雲桂香很久了，只因為他家的重慶酸辣粉是我食過這麼多間最好食的一間。因為本人口味較重，所以中意食辣。加上酸辣粉是從小愛食的食物之一，家中親戚有四川人，小時候在四川試過的勁道彈牙的酸辣粉念念不忘。在香港試過許多家米線，可惜不是超級市場買來的粉作數就是軟軟綿綿沒有口感。雲桂香酸味不濃，辣味正好。是次點了重慶酸辣粉小辣，加豬軟骨，豬大腸和通菜。豬軟骨柔軟入味。豬大腸應該只是市場入貨，沒有太多特色。但最值得推薦的還是粉本身，彈牙，入味，不綿軟，像極了小時候在四川食過的酸辣粉。贊！芽菜和榨菜也是湯底好味的條件之一。

被隔鄰的佳記超劣的招呼後，忽然想起這兒有過橋米線，於是便決定來這兒吃。本人叫了”冬蟲草花淍湯雞肉米線，話，好好味的雞肉，好滑呀，而湯好香酒味，但米線卻不夠爽，硬些就更加好吃！此處的服務態度不錯，沒有其他人說的這麼差！下一次我會和媽媽來吃過橋米線！

晚上十一點到達旺角急急醫肚~食友人最愛之粉線~選了 "肥牛粉線"後....食了 20% 覺得奇奇怪怪~~明明係 米白色 的米線, 點解係 淺黃色的麵條?!由於湯底都有一定既油 & 有顏色湯料, 本以為是湯把麵條染色, 再細心試味 & 質感, 驚覺 2 碗 (我 + 友人的) 都是 意大利粉!!!!!!! (本人 LUNCH 先食完炒意粉 ~ 對呢個顏色特別深刻!)叫了店內唯一的 '黑色制服' 員工 店員小姐來問究竟~內容大致如下:我: 點解你地比碗意粉我呀? 店員: 無理由. 我地成間公司都唔會有意粉. 我: 意粉同米線係有好大分別. 你自己睇清楚!結果, 佢叫我比一小份佢試試.試完之後, 佢自己走左入廚房, 拎左另一堆米線出黎比我地.同我碗入邊既完全不同!不論長短, 顏色 & 質感都係兩回事.佢後來吹水話: 可能我地廚師比左乾食既米線你.我: 我明明叫湯米線, 你地比乾米線我?店員: 咁可能咁夜已經賣晒. 唔好意思....我: 我明明叫湯米線, 無你地咪出聲囉, 做乜亂咁比 D 野我地食? 店員: 不如幫你換過碗米線...我: 唔知喇.到左呢一刻, 真係仲敢比佢換?! 我想有正正常

星期日係旺角, 行街行到9點幾都未食飯, 就去左食米線.唔係有人帶住, 我都唔知係樓上有間米線店.入到去, D裝修都係黑色木枱之類, 有好多位.***個MENU幾簡單, 不過種類算OK多, 不過唔及我係銅鑼灣某一間既多, 人地賣埋飯, 而且有D有鮑片既米線(SET好哂D配料, 個客好似無得選).***米線:我好鐘意食D丸,特別係有野係入面果D,依間野D爆醬丸都OK.不過, 依D野可能都係人地外面整好交黎比佢地,所以質素差不多.所以, 個湯底可能係間米線店最重要既地方,我依個係SOUR & SPICY既湯底,我覺得岩岩好. 雖然都食到我面都紅哂, 流哂汗同鼻水,不過, 又係自己選既,所以唯有飲多2啖凍飲.好SPICY, 我唔知我朋友叫既係咩湯底, 不過真係好SPICY.唔敢試.***野飲:我叫左杯薄荷凍飲, 岩岩好, 解到少少SPICY咁,佢有D甜甜地, 不過薄荷味都好重下,幾鐘意杯野.我朋友叫左杯凍檸茶.

本店的服務員態度超級差，叫個服務員黎點送，距點1下就走去做也，我哋再叫一個服務員『肥婆』黎，態度仲極衰，叫距點d也，好似我哋激親距甘，對我哋發爛咋，叫距來，距就超級大聲講“咩事啊？”態度超級囂張，有串喔！對此店冇話可說！

之前已同fd食過一次再一次同bf去食。。食物黎講真係好好味，我叫左小鍋米線加餸，湯底ok！所以覺得成碗野都唔差！關鍵係咁ge價錢大大碗超抵食！我本身食量算大都剩好多！可以打包回家又一餐^_^但服務就算好差，入面d啊姐相處不和諧但在店內大大聲吵就真係好滋擾客人！個落單啊姐廣東話唔好，我地已很耐性慢慢同佢落order但佢重要皺晒眉頭好似怨我地咁lo！好唔耐煩咁！期間食緊野兩次加筷子，啊姐無講過唔好意思就成隻手跨越張台黎加！格肋底差d店到我bf塊面，重要啤返我bf。搞到成餐飯好唔愉快！但基於食物原因我會再黎因為真係唔差兼好抵食！試過夜晚臨收鋪黎食到佢地關門無晒客都唔會趕我地走，任我地坐到走，靜d舒服好多好過d啊姐吵黎吵去！

變左名ge雲南桂林米線野食味道無問題同其他分店差唔多 水準不錯但服務態度真係差差差!由於平時食開普通米線對"紅薯粉"又有d興趣,咪問個人紅薯粉同qq薯粉有咩分別囉點知呀姐勁寸咁話"睇下相咪知囉,紅薯粉咪紅色囉,你睇點先好嗌啦"嘩...果刻即係炆一炆我話咁紅薯粉啦咁佢又勁寸咁話"仲有冇呀,唔洗要餸架"黎麵果陣又大大力放上台搞到瀉晒味道幾好都假今時今日咁ge服務態度,邊得架.

之前食過一次米線..味道ok..諗住再去試多次啦..點知....叫左個qq麵啦~一黎到我見到佢賣相唔吸引都試左一條..點知一食落去唔係人食既..有浸又臭又叔既味..我估係個湯底問題啦..之後問d人可唔可以換米線..點知條友..一口話唔得..話落左單喎...咁好囉..既然你間餐廳唔著重客人既話..食落去無意思..當堂成碗唔食..還返比你地..當30幾蚊飲杯野囉!等個廁所就10分鐘都有人係入面..想點呀?到埋單個時..sev個條友就話咩qq麵唔好食咩..虛假我就同講...好難食囉..叔既點食呀?佢就話好多人叫qq麵..佢自己都試下先..嘩..收錢個陣先講呢d野..叫你換個陣就一句唔得..真係食完一肚氣咁走..飽哂!真係第1次咁浪費d錢同食物..以後無機會再黎..大大失望!!/_\

重慶酸辣細薯粉 +木耳絲 +菜芯配料包括有酸菜,花生, 蔥, 芫茜, 炸菜等對重慶式酸辣粉不算陌生，可是這一碗有點自創風格，酸辣味又不足薯粉不是傳統重慶酸辣粉的薯粉，或者這是薯粉貨源不足之故，湯不是酸辣的，只是湯上加了酸辣醬令其湯有點酸辣加餸要木耳絲，木耳絲爽其他配料一般，不過不失

呢度o的酸辣粉同弼街街邊賣果檔的一樣味，我本身鍾意食辣，叫左個中小辣都OK辣加埋腩肉、豬大腸、豬潤等配料勁正以前去呢間，只係食米線，而家多個選擇。 39蚊落樓~~連凍奶茶

一入到其實環境唔錯呀,而且無咩人, 靜靜地幾適合我地傾計,其實我好鐘意食大埔個間分店,因為食過幾次都幾滿意,但原來旺角水準比較差呢我叫左重慶酸辣粉($20)+金菇($4)+腩肉($4)+金桔梳打($8)首先我叫中辣, 但得少少辣,我個朋友叫小辣, 但話一d辣都無,而且d酸辣粉又未煮"林", 所以感覺麻麻,d湯個味又唔濃~最好笑係個女廁,一入去發覺好大陣油煙味,搞到我都唔敢打開個口, 覺得一打開會好想咳, 哈哈

睇完驚動了愛情.....9點幾就去左搵野食!!本來諗住去UA 附近間雲南食米線...但好似成日都食~~所以就轉去金太朗食...去到先發現仲未有HAPPY HOUR~~就走左去留上間雲桂香!!!都係普住食完一餐就算~~點知唔係WO......e間個腩肉拍得住另一間!!!而且仲有個16蚊米線比你選~~好抵食staff 好好...我地不停問佢野...佢都照答我地~~~下次應該會試佢過"窩"...$48 好似好大份量咁!!!我食左$20~~~食唔晒~好full!!

最近天氣潮濕,放工後已不想再流連人多的地方,於旺角買完東西後只想盡快回家嘆冷氣, 抬頭一望看見這裡原來開了一間樓上米線,心想橫豎胃口麻麻連吃晚飯也提不起勁,就來點辣也好!麻辣青瓜----入口涼快爽脆,只是調味做得不麻不辣有點咸.炸雲吞----極厚皮雲吞及萬年油味道!入口一點也不脆,只有韌的感覺.到米線上檯才知原來是與放湯的一模一樣!小鍋米線----配料選了腩肉、豬紅、蘿蔔、雲吞要中麻辣.來到上檯見到份量極大碗,已知遠遠超出自己食量,沒可能吃得完.湯底是有辣味但原全沒有麻,只吃到酸味!米線煮得太淋,來不及吃面層那堆得如山的配料下面的米線已開始變糊,腩肉切成長條薄片形狀,味咸肉質粗嚡.雲吞內餡料估計應是白菜豬肉(看/吃都分不清),豬紅、蘿蔔問題不大,味道甚至還比某些車仔麵店來得好.如果同一價錢下,大大碗吃不完味道麻麻,還是份量適中吃完回味?我揀後者.