雲桂香米線專門店 (已結業)

突然好想食米线见到呢间就嗌个外卖食啦，钟意食酸辣米线尤其食d肉碎，次次都会忍唔住饮多小小汤，咁我就嗌左小锅米线中辣鱼腐猪软骨，点知一打开，油到...我呆左，一啖汤都饮唔到，无可避免地每啖粉同肉碎都食到一大堆辣椒片同辣椒'杍'，𩠌又唔系俾得多，猪软骨系散晒，无完整一旧，鱼腐其实系鱼蛋，唔系'索'汤果只鱼腐，极无奈，我未食过小锅米线系会油到呢个地步......谂紧佢系咪俾错汤底我，但2样𩠌系俾岩嫁波，其实成个面系油到唔好食，我谂我以后都唔会食呢间了，好可怕，45蚊食一大碗油，多谢晒！…查看更多

今日女神唔得闲，我自己周围行，我一条友唔使食咁贵，平平哋食碗米线就搞掂。咁多间米线我就偏偏唔钟意食三哥唔知点解，钟意食呢间黄底蓝色字嘅桂林米线。一般我都系食小锅米线，而家有得拣好多款辣。猪腩肉原来都几好味，不过份量就少咗啲，望落去有两三片。切到好薄好薄，入口一阵风咁已经冇晒。几钟意佢有啲芽菜。味道都OK！不过啲汤就唔够浓郁，酸菜唔够多，下次记得要嗌多啲，似话可以加多d d 份量唔使加钱。米线就中规中矩弹牙嘅！虽然话唔系好辣，但应该好重味精，所以都要支豆浆中和下。…查看更多

米线系近呢十年最受欢迎嘅食店之一。我食过好多唔同舖头既米线，最钟意都系去呢间。唔系因为佢既食物特别出色，只系我觉得坐得最舒服。因为地点嘅关系，呢间云桂香比起系大街既米线舖人流较少，似乎咩时候去都唔洗等位。我一个人想静静地hea吓，食吓嘢就会去呢间。呢度嘅阿姐招呼唔算热情，不过唔会太差，都好有礼貌，而且上菜好快。有时都担心佢地客太少好难维持到，希望佢地会KEEP住有客啦。今晚气温突然下降，食辣嘢就最啱。我平时一般食腩肉再加一款蔬菜嘅酸辣米线。今日就叫咗鸡丝生菜。唔知系咪心理作用，我总系觉得呢间啲𩠌系多啲 (仲有配菜都多)。我食过其他米线舖，要辣又要加一蚊，啲𩠌又劲少。(不过可能系我先入为主) 或者大家可以睇相自己判断吓。好多人都觉得食米线好油，呢个感觉一啲都无错。因为米线本身既酸辣度系由调好既调味料份量决定，越辣的话辣油份量可能会好多，加再上好似我咁钟意食腩肉就劲肥喇。咁既系减紧肥唔可以约朋友去米线舖？！咁又唔一定，大家可以叫清汤米线，配鸡丝加一款蔬菜就最少卡路理，如果唔钟意鸡丝，丸类/鱼腐都可以考虑。…查看更多

我之前都系叫"中辣 多酸"因为呢间野中辣大辣劲辣都冇乜分别但大辣就油啲 冇辣左 所以食中辣点知佢今次中辣都劲油 油成吋厚😑味道系好既 够酸 但真系愈食愈油😂浪费quota 嬲😤…查看更多

今日中午order左外卖，店在繁忙时段可能太忙多左单，最后外卖发现漏左几样野食，打返电话返去反映，店员非常有耐性同礼貌佢地话可以补送返俾我地，已经同佢讲左系九龙站，店员都无话怕远，最终补送左返黎，真系一间信守承诺的店铺…查看更多