雲川 米線．紅薯粉 (貝爾特酒店)

营业中

休息中

雲川燒以前有串燒架，近年佢既米線越嚟越出名，就專心做米線，改埋名叫雲川了。全部分店都係屯門，名乎其實係一間屬於屯門人既米線啊!🤩雖然有好多foodie/YouTuber已經介紹過，但係我地發現大多數人都只係叫佢既麻/酸辣米線，所以作為雲川燒資深fans(利申食左5年😳)表示：佢既豬骨湯先係最屈機啊‼️我地第一次食嗰陣，見台台碗米線都紅卜卜咁，都以為大多數人都係叫麻/酸辣米線啦😧點知有個唔太食辣既朋友叫左豬骨湯，就完全顛覆左我地對豬骨湯既認知......1. 豬骨湯米、豬頸肉 ($43連熱飲) 🌟4.5/5分雲川燒既豬骨湯都紅卜卜架(豬骨湯正常乜唔係白色架咩-_-) 湯底係超級惹味😍呢個形容詞suppose唔係拎黎形容豬骨湯＠＠ 但佢既豬骨湯有大量既辣肉碎、酸菜，味道好豐富😳甜中帶好微好微既辣，令人忍唔住一啖接一啖!👍🏻嗚🥺其實我地都鐘意食辣，不過食左一次豬骨就返唔到轉頭了T_T另一個重點：豬頸肉‼️女朋友其實唔太食豬，但佢每次去到都叫-V- 燒得好香，甜甜地又係好惹味!🤤👍🏻有時我地仲會忍唔住單叫豬頸肉做小食... 2. 鮮魚湯、花枝丸 ($41連熱飲) 🌟4/5分魚湯就係認知中既魚湯了😂

呢間米線店係朋友介紹我黎食，酸辣、麻辣米線都有，更特別嘅係有豬骨同魚湯米線，不過魚湯米線似乎唔係成日有定係太受歡迎太快賣哂，朋友都試過幾次黎係無魚湯；今次我就叫左豬骨湯，湯底比較清，只有好少嘅辣味，平時都係間唔時先會食一次米線，始終係d濃味野，成日食都驚食得多個胃會頂唔順，有豬骨湯都真係幾好😆無咁有罪惡感，同埋無其他米線店咁多味精，朋友每次都會飲埋個湯，食完都唔會話好口渴，我本身就唔太好湯，所以只係飲左幾啖啫，都無覺得好口渴。

今次WFH想食米線時都一定會食呢間，今次係第4次嚟食。個酸辣湯好好味，唔會過酸，因為本人怕太酸，而中辣就剛剛好！只係揀左一個餸豬頸肉，但份量好足夠。另外加左份麻辣青瓜同鹽酥雞軟骨，味道不過不失，但係可能因為三樣嘢都比較熱氣，所以第二日有少少喉嚨痛，建議大家唔好學我咁樣，一次過叫三樣咁熱氣嘅嘢。另外朋友叫咗豬骨湯底，我試咗一啖，覺得味道比較淡，唔算好特別。所以相信我下次都會再繼續食返酸辣湯底。提提大家中午時間會好多人食，想唔使排隊就早啲嚟！

碼頭終於有多間米線選擇平時經過就好多人排隊啦味道就唔知得唔得！今日叫個豬排麻辣米線外賣無分湯，拎到番屋企，米線淋左d味道都ok, 但麻辣就唔夠麻，下次叫中辣豬扒夠晒淋，好味

雲川 於屯門開左4間分店盈豐，美樂，紅橋同工廠區4間小弟都有去過，全部一樣味道，厲害無論湯底，米線份量，味精等等元素都一樣就算麥當勞咁多分店，食物出品都會有分別當初係盈豐開舖時，已經見佢交貨黎既湯底係一包一包味精包，仲記得第一次係魚湯湯底返到屋企口渴到飲左幾杯水老實話，有邊間米線舖真係會有煲開既湯底？屯門黎講，應該得返3至4間老店舖先有再講份量，一個下午茶兩餸加杯凍飲要50蚊一位既真係有點兒貴食完好似冇食過野，如果要加底又貴多10蚊……貢丸味道幾好鴨胸 味道似午餐肉，食得多好油膩腩肉 太多軟骨，唔掂豬大腸 爽口有肥膏，一流總括來說，一個月食一次 半次還可以始終價錢略貴 同 味精太多屯門米線舖黎講算係稍為遜色了

係朋友介紹之下，發現左呢間餐廳，對麻辣湯都有番咁上下要求既我就一於試下佢先！餐廳都相當企理衛生，有別於一般雲南米線舖，叫左個麻辣中辣湯底，再加豬頸肉同醬爆丸，平時都算食得辣既我覺得中辣唔係幾夠辣但湯底就相當好味！仲要比左勁多豬頸肉，唔似得其他餐廳得個幾條，係我食過最好味既豬頸肉！大家都一定要試下呀！食得辣嘅朋友可以試吓大辣添！

野食穩陣既，但其實收得50幾蚊碗米線，餸可以俾多少少！好似一餸花支丸為例，一碗面得3粒丸。俾多粒都唔過份啦。希望寫完依個評有改善啦...👍🏻環境ok ge,工廠區方邊附近做野d人

我去附近吃甜點，看到雲川燒我很喜歡，很久了沒吃了，我朋友的話很好。我強烈推薦它。豬頸肉，蘑菇，辛辣地瓜粉麻辣湯很美味，湯裡塞滿了細條土豆粉，食物很好，豬肉頸肉很美味，然後切成條。它很小，但很好吃。檸檬草豬排螺旋藻酸辣米粉價錢：$ 49它叫作螺旋藻，很脆，很脆，很多，浸在湯裡，很好，很大，但是太肉質了。

我係無辣不歡既人，之前食開酸辣或麻辣都會叫大辣佢呢間既辣米線好有層次，有落肉碎，酸菜咁；唔係慘仔咁剩係得味精味。之後有次胃唔舒服，叫左個魚湯米線，超好味，之後係咁密密叫黎食，魚湯好濃，唔知係咪開湯粉出黎啦，但個味唔似，似自己煎魚滾湯既好味版，飲完唔口乾，我次次飲晒，攪到飲唔落餐飲。有次見到湯有薑片，可能真係魚湯黎既。鍾意食豬大腸，但同魚湯唔夾，豬大腸既滷水汁溝落去好怪😵😵😵魚角花枝丸菜肉餃，味道一般般，係韭菜豬肉餡，比較鬆散，但係手工餃，無用冷凍餃黎hea人。但最好唔好只有一定配野飲既餐，魚湯飲晒真係飲唔落。辣米線少飲湯先飲得落杯凍檸茶有時真係幾full場，如果開係屯市一定要排隊食

小妹為一名極重口味人士所以對於米線其實都非常偏愛最近發現雲川開左間新鋪都幾就腳於是就成為咗呢排既開飯熱點碗米線$41包一個餸朋友叫左煙鴨胸我叫左豬扒朋友話個煙鴨胸都幾好食啖啖肉我個豬扒都幾大塊食落仲真係食到香茅香味很不錯!之前仲試過雞翼D雞翼又係勁大隻感覺抵食🤩至於個湯底之前試過麻辣感覺無乜特別朋友話個酸辣好出色所以今次我都轉投酸辣既懷抱😂果然無令人失望!夠酸夠辣 好濃味重點係食完之後無話好口渴唔洗快感過後超難受🙊個米線亦唔會煮得太淋尚算有咬口朋友仲叫左個拍黃瓜基本上佢次次都會叫🤣佢話好入味喎我都試左一嚿係幾好食嘅不過我就覺得有D貴份量偏少😕總括返整體米線好出色新店亦坐得幾舒服應該會繼續經常幫襯😆

之前新開冇耐食嘅，味道還可以，見生意好好，成日都full晒，排哂隊。豬骨湯底不錯，奶白色湯底，幾濃郁。我鐘意佢地個貢丸，味濃又彈牙，唔錯唔錯。同埋佢地個韭菜餃都好味，幾大粒

唔鍾意食辣嘅我仲係川味既我都會食特別想讚下啲間既漿爆魚丸，一咬開好多湯汁同魚汁，好好正湯底都好鮮甜，我就比較鍾意食佢嘅麻辣湯底❤️覺得好過癮好夠味大家一定要試吓

今日都係諗唔到食乜，終於都係食雲川！叫咗去嘅特色米線！！！！嘩！真係好好食！個湯好濃郁！香茅豬扒加螺旋草走聰，唔要辣！因為唔夠食所以加多個麵底！但係唔係好抵囉！因為佢都越嚟越貴！但係始終真係好好食你仲可以飲佢杯茶！我嗌少冰！ 佢比好多冰啊！不過都好好飲！我都會再繼續去食！