雲家小鍋米線 (安寧大廈)

营业中

休息中

今日黎食近期大熱既雲家米線，開左店係元朗啦🎉即係黎試試先叫左個通菜+豬耳 小鍋米線 🍜 - 小辣有點嚇人既份量，通菜給的份量像山一樣高，太佛心了！豬耳的份量也很多，豬耳脆口彈牙，沒有蘇味，可見師傅處理方法很用心。湯底不算辣，建議食辣朋友可叫中辣，呢到小辣= 譚仔10小😂 小食：墨魚頭 同金錢肚米線配料份量大，估唔到小食都好勁，墨魚頭係個個都點既小食，彈牙又大件，佢個自家調味更係一絕👍🏻 金錢肚 好軟淋，小小辣，惹味😍因為太飽既關係，最後打包左金錢肚番屋企食。另一碗肥牛米線 ，友人都話唔錯，但佢最愛係小食

今日專登入元朗探個朋友，佢帶咗我嚟食呢間喺佢心目中top 3之內嘅米線店，宜家都成為咗我心目中嘅top 3！😆👅墨魚頭，腩肉，蘿蔔酸辣米線呢度餸嘅份量多到嚇死人🤯墨魚頭爽口，但個人認為有少少雪味，我覺得還好～蘿蔔就好夠淋好清甜，浸左係個湯一陣索晒個湯底好好食😋腩肉微辣，肥瘦適中完全唔韌👍湯底酸辣度適中，唔會過鹹，米線都唔會太淋👍👅金錢肚，腐竹，螺旋草酸辣米線呢個係朋友叫嘅，我唔係特別鍾意食金錢肚都覺得呢度嘅金錢肚好好食😮 又入味又腍😋👅麻辣豬耳 好大碟！豬耳好大嚿😂爽口，個人認為有啲偏辣，不過幾惹味👅芥蘭生熟爽脆度剛剛好👍👍但有少少乾，如果多番啲油會好啲😅#荃灣美食 #米線推介 #雲南米線 #酸辣米線 #雲家小鍋米線 #荃灣 #小鍋米線 #荃灣米線

今日去開元朗朋友介紹咗雲家米線幾好食所以佢買咗幾碗外賣返屋企試下第一碗我哋叫咗小鍋米線酸辣（中辣）+豬大腸 +雞翼尖 +墨魚頭 +魚腐 佢個中辣好惹味豬大腸亦都洗得好乾淨冇臭味墨魚頭好爽甜，有驚喜第二碗係小鍋米線酸辣（小辣） +魚肉春卷 +腩肉 +豬肚 +魚腐個腩肉好入味，一條條咁好有咬口索埋個湯汁咁食，一流豬肚十分爽口，同個酸辣好夾第三碗就魚肉春卷米線+雲吞 （唔辣）原來唔辣嘅都幾好食如果唔食得辣，咁樣叫都可以佢個雲吞係菜肉雲吞味道不會太鹹魚肉春卷爽口彈牙總括嚟講，三碗米線嘅麵質都煮得岩岩好不會過淋下次要去試吓其他餸先仲要試埋個麻辣湯底😍

外賣咗碗雲家米線同幾個餸，真係抵到爛，份量巨大，招牌雲家米線大碗到可以兩三個人分黎食。兩個大碗裝滿，米線湯底分開放。湯底今次要唔辣，但都好濃味，有好多酸菜同料，味道有深度又唔算油膩。米線幼身爽彈又掛湯，好正。重點係麵同餸嘅比例一比一，真係好多餸！配料包括：大大量腐竹、雞絲、螺旋草、芽菜、酸菜、韮菜、蔥、芫茜，仲有入味炆冬菇、滷水雞翼、彈牙魚春卷、香煎腸仔！淨係食餸都飽。仲手多多加咗$11 腩肉，真係大方到癲咗，加幾蚊俾成十塊，仲要塊塊厚肉入味，食肉獸唔好錯過。難得做外賣仔，當然要加幾個招牌小食，涼拌墨魚頭爽口新，而且處理得好又唔韌，生剁蒜加秘製辣油撈勻，好惹味。秘製豬頸肉，大大片，多汁，肉味醃得恰到好處，燒得香，有配泰式甜辣醬，非常高質素，屋企人大讚。醬拌皮蛋，個人最愛！個醬調得超級好食，有混合剁蒜、醬油同埋少少辣汁，用上黃金皮蛋，味道比黑色皮蛋更溫和，更配合特調醬汁，差啲成兜俾我食晒。

好耐冇見嘅朋友返嚟香港話好掂掛雲家小鍋米線，作為米線控嘅我當然一齊去食啦！元朗分店唔使排隊，可能下午茶關係，店內格局雖小，但五臟俱全 。我點咗「腩肉墨魚頭小鍋米線」（$59）🫣腩肉好腍，唔會柴 。墨魚頭彈牙爽口，必點！蘿蔔都好入味，好腍 。當然，湯底都冇得輸🥹非常濃郁，配料香口，飲完唔會勁頸渴 。最緊要叫杯凍檸茶！😙 咁先爽！ 下午茶跟餐+$3 。

今日收工同朋友嚟到元朗食米線舖面唔大 位置唔算多 7點幾嚟到 都等咗15分鐘先入得食緊嘅同事都keep住有人等位同埋嗌外賣豬軟骨小鍋米線 $47揀咗麻辣 小小辣湯底帶少少辣 食落無咁悶麻味就唔係好重 overall正正常常啦 無話好特別豬軟骨都有好幾舊 但就有啲柴有啲乾薯粉夠晒煙韌涼拌墨魚頭 $47依到嘅名物真係名不虛傳係好爽口嘅墨魚頭加埋大量嘅蒜 🧄食落幾惹味 口感同味道都唔錯 又係幾好食下次應該會再為咗個墨魚頭 再嚟依到

元朗小鍋米線必食💕🦥👍🏻在米線界具人氣之雲家米線，元朗也有分店呀！小鍋米線、小窩紅薯粉，均可自選不同的食材，湯底可選酸辣或麻辣，辣度設有勁辣、大、中、小辣、小小辣、BB辣和唔辣，而湯底配料包括有芽菜、酸菜、韭菜、蔥、芫荽。食材相當豐富，份量十足，非常抵吃，性價比極高！雞絲螺旋藻米線，另外追加了$11的豬軟骨，超大碗！超豐富！非常滿足！雞絲勁多！螺旋藻也是勁多！簡直大滿足！另外一碗點了小窩米線，食材追加了豬大腸、豬軟骨、腩肉和炸醬，選了有辣的會有辣豬肉碎，麻辣程度選了中辣，很過癮！同樣地，食材份量超滿足！份量爆棚！此外，小食方面也是相當吸引，必點推介，涼拌墨魚頭！超彈牙又新鮮，非常惹味，必叫！

好掛住雲家嘅小鍋米線，佢哋湯底可以自選辣度，推薦食小辣以上，入面嘅豬肉碎同埋酸菜都好好食小鍋米線 (雲吞，蘿蔔，墨魚丸) 今次叫咗三個餸，即係大滿足，湯底酸酸辣辣好惹味，蘿蔔索哂湯汁好好味，酸辣湯底味道濃厚，入面仲有好多芽菜同酸菜，好豐富！米線口感滑溜好味涼拌墨魚頭 必點嘅小食，口感爽口彈牙，蒜味香濃，份量都好多秘製豬頸肉豬頸肉好厚切，肉質同樣爽彈，點埋甜酸醬更酸酸辣辣好惹味炸雞翼一份有四隻，外皮整得香脆，雞翼又多肉汁yummy

雲家小鍋米線 米線關注組同埋米紙都介紹既雲家小鍋米線即叫即煮！湯底濃郁又香！今次叫外賣返去食🥡🥢小鍋米線 酸辣、麻辣 （大、中、小辣可供選擇）芽菜、酸菜、韭菜、芫荽～叫辣更有豬肉碎叫左麻辣湯微辣！湯底好香！米線煮到好入味加配餸～每日限量 - 腩肉 、肥牛、豆卜、豬軟骨材料份量足🤝抵食又好味啊！🥢涼拌墨魚頭 墨魚配上秘製蒜蓉醬入口彈牙帶點微辣🥢麻辣金錢肚 金錢肚好入味！麻辣香愈食愈惹味抵食又足料👍🏻好味米線之選雲家小鍋米線 ～元朗荃灣都有分店📍元朗馬田路20-30B號安寧大廈地下2號舖📍荃灣沙咀道328號328廣場地下G01舖

[✨元朗雲家小鍋米線· 街坊世一米線]#元朗 #雲家小鍋米線 #米線🥢豬扒小鍋米線 $48豬扒大大塊，肥瘦適中，咬落去仲有滿滿嘅肉汁，好正😜米線可以揀酸辣，麻辣or清湯，份量足，軟硬程度岩岩好，口感豐富，水準幾高！🥢豬頸肉小鍋米線 $50豬頸肉都係厚切嘅，肉質嫩滑爽彈，必試！🥢炸雞中翼 (四隻) $32雞翼啖啖肉，配上泰式辣醬，惹味又開胃。🥢麻辣金錢肚 $48足料金錢肚，軟腍得嚟又唔會切到散捜捜，整得又入味，幾好食。🥤凍檸檬可樂/凍檸檬七喜 跟餐+$11————————♡♡♡♡♡♡————————✨總結區內數一數二高CP值嘅米線餐廳，份量同味道都係一流！無論係米線本身定小食水準都好出色🥰💗📍雲家小鍋米線🏠元朗馬田路20-30B號安寧大廈地下2號舖 #jmhkfoodie #hkfoodie #hkeat #hkeats #hkfood #hkig #hkgirl #food #hkfooddaily #hkfoodblogger #hongkongfood #hongkongfoodie #852food #香港美食 #香港食評 #香港餐廳 #為食港女 #元朗 #元朗美食 #元朗好去處

食過荃灣店，很美味，今日來到元朗，要等位都要再嘗點了豬頸肉小窩米線，必食的凉拌墨魚頭，加一杯凍檸茶米線份量足，好多豬頸肉，最緊要個麻辣汁吊住喉嚨的感覺一流！凉拌墨魚頭之所以必食，係因為好有口感同埋好新鮮，我又鍾意食乾蒜，再加上特製嘅涼拌汁，一啖墨魚頭響個口入邊，層次感極度豐富，咁又簡單好味嘅一餐，作為一個獨男，簡簡單單，夫復何求呢？

元朗米線控必食由荃灣開分店開到嚟元朗依然都係人頭湧湧，夜晚都要等一陣先有位～小鍋紅薯粉 麻辣小辣$36豬軟骨 +$11豬軟骨Q彈入味 配埋其他配料好似酸菜等等都幾大份幾抵食豬頸肉小鍋米線 麻辣中辣 $50豬頸肉帶有少少油香同蜜糖嘅甜味 仲要冇燶邊 外脆內軟幾好食！麻辣小鍋湯底就較多肉碎，口感層次入口都好正～金菇+$9 蘿蔔+$7金菇都有一大注唯獨蘿蔔有少少偏硬 要自己浸一浸再食會好啲入味啲～特色小食 涼拌墨魚頭 $47呢個超級推介！墨魚頭上面鋪滿晒一大堆蒜蓉！蒜香味十足，墨魚頭都好爽口，足料抵食！雲家小鍋米線 (安寧大廈) (元朗)元朗馬田路20-30B號安寧大廈地下2號舖

這間之前在荃灣有吃過的，覺得味道挺不錯，想不到在元朗開了分店，就來試試有沒有失準了！小鍋米線／紅薯粉（３２元／３６元）味道選了小辣，吃起來不算太辣，而且是酸辣口味的，所以特別開胃。湯汁亦非常濃郁，有大量的肉碎，芽菜，韭菜，蔥和莞茜，跟米線和紅薯粉一起吃會有不同的口感！兩種麵條都各有口感，米線爽滑，紅薯粉軟糯又非常吸湯！其他配料我們吃了有牛腩，豬大腸，豬扒和雲吞，其中牛腩和豬大腸挺有驚喜的。牛腩軟爛又有肉香。豬大腸給得挺多，而且有大腸頭的部份。豬扒超厚切，挺大塊。涼拌墨魚頭（４７元）這個挺有名的，很多人都會叫的一款小吃，份量挺多，用上大量的蒜蓉和辣椒油來調味，吃起來蒜香味十足，又辣又惹味的！墨魚頭又特別爽滑彈牙！秘製豬頸肉（４８元）性價比挺高的，給的份量挺多，煎得表面金黃香脆，內裡還是很嫩和彈性，配上泰式甜辣醬，更開胃！

荃灣呢間人氣米線，抵食又好食到街知巷聞原來元朗都有分店㗎喎，人就冇荃灣咁多，不過入咗嚟冇耐，都不停有人入嚟外賣同堂食上次喺荃灣食過佢地嘅豬頸肉，真係神級，今次試吓配米線食會點？豬頸肉好厚切，仲係好爽彈酸辣米線好吸味，啖啖香口雞絲螺旋草米線都好似好招牌，一上菜果然feel到咩料勁爆多料囉，螺旋草堆成山咁雞絲都好正，索晒麻辣汁好香口呀涼拌墨魚頭好少見，一碟份量好多，冇揸流攤喎！嚿嚿肉好滑好彈牙，好好嚼口，沾滿辣油，好滿足嘅一碟小食炸春卷原來係好似越南嘅網紋春卷，一碟有五條，炸到勁脆一條都幾大卷，點醋食正好解油膩又開胃跟米線加$8就有杯凍飲，胃弟好養生咗嗌咗杯走甜檸茶，一樣好有茶香特飲就$11，先篤爛鹹檸，再倒七喜，檸香無限爆發

大隻仔今次覓食嘅店舖就係💥 雲家小鍋米線（元朗安寧大廈） 💥大隻仔今次介紹呢間餐廳非常有名氣，荃灣米線大比拼Top 3 永遠都會見到呢間餐廳名字，就係「雲家小鍋米線」，原來「雲家」係元朗有分店，仲要冇咁多人，唔想排隊一個鐘先食到「雲家小鍋米線」，元朗分店係一個好好嘅選擇，位置就係元朗體育館附近。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般/正常1⭐️ 差味道 ⭐️⭐️⭐️⭐️抵食 ⭐️⭐️⭐️⭐️⭐️服務 ⭐️⭐️⭐️⭐️環境 ⭐️⭐️⭐️⭐️加一服務費 ❎⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 秘製豬頸肉 $48 鎮店之寶，超級好食，看似普通，咬一啖，滿口油香，做到外脆內軟，帶少少蜜糖甜味，豬頸肉夠爽口，經高溫油炸過後，有少少蕉香，非常好食，超級推介秘製豬頸肉。🔥 涼拌墨魚頭 $47墨魚頭夠爽口，配上大量蒜蓉，非常滋味。🔥 麻辣金錢肚 $48麻辣金錢肚份量好多，而且係薄切，所以好入味，金錢肚軟腍，麻辣味道突出，幾好食。🔥 小鍋米線 $32 （麻辣/小小辣）加配炸醬 $11豬軟骨 $11豬大腸 $11咸檸七 $11麻辣小小辣小鍋米線，份量好多，係大隻仔暫時食過份量最多嘅米線店，米線不會太腍，湯底唔會太過強