雲南小鍋米線 (華都商場)

营业中

休息中

天寒地凍入到屯門係市中心落車，原本想去新虛搵食但太大風所以都係係商場搵食穩陣d。行到華都見到好多連所食市個人冇咩興趣於是落左下層見到過橋米線諗都唔諗就同男友入左去坐。我哋一人叫左一碗，分別係過橋米小辣+蛟子+豬勁肉+紅腸。 湯底一流飲左大半碗都唔口渴，蛟子好好好好食勁大粒又多料，豬頸肉還好較un較實唔同外面食嗰d口感。另一碗就紅薯粉撈中辣，真係辣得好過癮d薯粉又好彈牙加埋配菜花生食，正。小食， 麻辣豬耳，味道好正好爽係凍食既。 蒜泥白肉，肉係同豬頸肉嗰個口感一樣，個人較喜愛傳統白肉口感。不過一提既係，佢個白色蒜泥汁真係好正令食物加分。鋪面係小店形式，坐位不多，相對比外面大多連所店我更喜歡小店。撐

屯門米線店一直只知道有三哥/麻酸樂/魚米家,有日在華都揾食店吃午餐，無意中見到雲南小碢米線,之前曾聽同事提過,只是一直不知道在咩位置。呢間店好多人光顧，地方不算好大，環境亦都麻麻,我叫了三餸米線,米線份量都多,米線旳口感好爽口，我忘記了叫店員走酸菜，我不愛吃麻辣同太酸味道湯底,湯底味道不是太啱我的口味，我吃不完米線，小雲南米線係好吃，只是湯底味道太酸,凍檸檬茶亦麻麻 ，茶味唔夠呀，這裡服務就一般，價錢亦不算太貴，埋單49元

在華都商場中層,多數人都只會出沒有自動電梯的兩邊,下層及上層搵吃...所以這間偏隅一角的米線店起初沒有太多人留意,店內位子縱然甚缺,但都可以輕鬆搵到位置,不過隔了數月再次幫襯這店,中午時份人多得要店員額外開位,狹窄的坐位顯得更加狹小!但有樣東西是沒有變的,就是這店的白蘿蔔真的很甜~大方地大大件的切上,愛吃這種甜味的我今次也點了!當然沒有教人失望,至於這類酸辣米線的口味,八九不離十,都是那個味道,酸度辣度都看店方輕重手吧!亦一如坊間可以供人客選擇各種辣程度,走青與否.此店湯底酸度適中柔和,當天我選了少辣,味道恰恰好的!在其他較有名的米線店,可能小辣也能吃得咳嗽大作.豬腩肉滷得入味,切以薄片,個人稍鎌偏向了甜,配菜同吃可能更覺合適!其也車仔麵式配菜,如:墨魚丸等都不過不失!略有微言的,只有那調得較大的冷氣吧.店子麻雀雖少,風口對個正著,凍得要開聲要求店員調高溫度!

放假,但係男朋友仲要返工,特登入到屯門陪佢食飯~係市中心附近想食米線,就諗起呢間之前食過覺得好好食既米線!!入面好多人,預左要搭枱,叫左個小鍋米線,要小辣,加腩肉,大腸同魚腐~我既至愛~~男朋友就叫左紫菜腩肉同墨丸~呢度最好味就係d湯!!d湯本身就有d甜味,加埋少少辣~正呀!!仲有腩肉既辣味~我鍾意食辣就覺得未夠喉~男朋友食唔到辣就嗌曬救命!!每人叫3個餸都係七十幾~好抵食!!下次再入屯門都要食返呢間!!

我叫小辣酸辣豬大腸米線…辣而不酸，豬大腸un了些，米線夠吃，夠彈牙，女友叫中辣蘿蔔南肉酸辣米線…南肉夠香但un了些，蘿蔔最好味，好甜，個日誤打誤撞發現有間米線，都開得幾隱蔽，唔識路都難找，店內好窄，大家會坐得好迫，環境麻麻地，食完就即走，不想逗留。蘿蔔永遠係最好味的，其他配菜唔叫都得。