雲南人家風味餐廳 (已結業)

向來喜歡吃雲南米線,知道在新蒲崗得龍附近有間"雲南人家",有一道乾撈米線做得不錯,連蔡瀾先生也稱讚,便來一試.小店形式經營,沒有大堆頭的雲南菜,主力是賣米線,同一些雲南小吃如餌塊,乳扇,臭豆腐之類.一個人不能吃得多,便來一碗店內的招牌菜 - 德胜豆花米線,同炸臭豆腐.這個德胜豆花米線,是撈的,沒有湯在內,材料有豆花,荵,肉碎,辣醬等等,與米線撈勻來吃.店員提示要撈得均勻才好吃,先吃一件豆花,果然香滑,充滿豆香,滑如無物,將其完全打散,撈埋與米線一起吃,更將豆香發揮得淋漓.整體味道帶點酸辣,在大熱天時吃,真是開胃.不過如果將米線轉做餌絲,應該會更好.上一次吃雲南臭豆腐,是兩年前在觀塘的一間雲南小店.感覺不是很臭.這一間炸出來的臭豆腐,聞落帶點點臭,一吃之下,不得了,果然很臭,有陣"坑渠"味,同早前開火兄,在大陸帶回來的樽裝臭豆腐一樣地臭.別人可能要掩鼻,我就吃得從容自在.這才是臭豆腐呵.再點些調製過的腐乳,多了一份咸香味道,聽說此小店也有些雲南特產如蜂蛹,竹虫等,可惜現今時晨未到,有待遲一點才能一試.

在食肆林立的康強街內最近開了一所新的雲南菜小店，經打探下發現原來這兒的掌舵人便是當日土記雲軒居及太子大救駕的雲南籍師傅。一直蠻喜歡他的出品，收到消息後便馬上到來捧一下場....事先做了功課，來到後馬上叫了碗鎮店德胜豆花米線。看到有其他特色小吃如蜂蛹及乳餅乳扇等，但今天不想吃過多的東西，唯有留待下回分解吧....米線本身是沒有下很多的湯，差不多可說是乾撈的，這就正合吾之心意了 (因小弟一向最愛吃乾撈的東西)。配料有醃得蠻酸的菜粒、肉碎及作為靈魂的豆花，用料簡單不算很花巧，但勝在味道夠踏實 ---- 米線帶點咬勁，肉碎很入味但不會過鹹，雪菜粒是真的酸得令人"咪眼"，很過癮，豆花也是滑嘟嘟的，而且還吃到有少許豆香，是有點意外了....之前看到食友說這碗東西辣度很不簡單，小弟初頭也有些擔心，但吃落倒是覺可以接受，沒有吃至大汗淋漓，很幸運.....水準很不錯的米線，價錢又不貴。下次跟愛吃米線的太太同來，可就大樂了....

23/6(二) 1pm適逢其會,中午時份到了新蒲崗的"雲南人家"小試牛刀.點了豆花米線$25;於沒被徵詢辣度的情況下,辣油致命地嗆辣至胃部不太妥當,米線縱富咬勁,豆花再嫩滑,肉醬再惹味,對我而言,恕我無福消受.不消一會,胃部被刺激至扭作一圈.遺下大半碗米線,抽身離場.老闆娘見狀即問個究竟,得知來龍去脈後連忙道歉.倘若路過,或再駐足...

同樣鍾意四圍揾嘢食嘅叔仔話我知新蒲崗廣場附近開咗間新嘅雲南米線，極希望係之前巳結業嘅"雲南千味" 老板捲土從來。但睇完雜誌訪問先知，"雲南人家"係另一對夫婦開嘅。今晚有時間就馬上去試，o係門口見到蔡瀾先生嘅食評，就更加放心入去啦！(因為蔡先生講過，佢平均要幫襯五間食肆，先會有一間值得寫吓！)食咗德胜豆花米線($25) +玫瑰木瓜冰(散叫$12，跟米線加$4)，德胜豆花米線係豆花、炸醬撈米線，味道都唔錯！(其實米線重有好多選擇, 樣樣都幾吸引，例如玉溪鱔魚米線、昆明燜肉米線、春城麻辣牛肉米線、黃燜雞米線...等等)。不過，如果未試過玫瑰木瓜冰嘅人，第一次飲應該會有啲驚喜！正想追加臭豆腐嘅時候，發現我叔仔同佢女朋友又嚟咗" 雲南人家"。於是一齊share咗臭豆腐($25)同雲南乳餅($45)，臭豆腐唔合格，因為唔香又唔臭，乳餅算OK，加上唔係咁多地方有得食，都值得試吓嘅。但我始終無法忘記"雲南千味" 嘅臭豆腐、乳餅、乳扇，因為佢哋嘅味道特別濃烈(臭豆腐甚至可以用奇臭無比嚟形容) 係會令你有驚為天人嘅感覺！總結：如果專登去新蒲崗食可能會覺得唔值，但住附近嘅話，唔食係你嘅損失。

前排睇雜誌見到介紹呢間新野~又係屋企附近，今日就去試下啦~12點幾去到，唔係好多人，order左個德勝豆花米線因為聽講係佢地招牌~~由於餐牌冇話明有幾多辣揀，所以就同待應講要最少個隻辣**但如果食得辣既，我諗要番原本個隻辣會更好食!!味會更濃!米線好滑，係撈米線，有少少湯汁同辣油再加埋豆花同其他配料，好好食，好惹味最特別係豆花同米線竟然好夾，互相襯托，係其他米線冇既而且25蚊一碗，唔算太貴會再返去食!!!

上星期食過德勝米線後,己盤算著要試埋味滇味酸辣肥牛米線($28),首先配菜是和有酸菜,枝竹,蔥和肉碎,主角就是肥牛和大量滑滑米線.雖則說是酸辣,我覺得酸味唔突出,就算是酸菜味道也不是太酸,辣味己蓋醃了酸味了.肥牛好多,最少都有十塊.估唔到都有牛味喎!至於米線真係勁滑,份量多過上次的德勝米線啊!總括來說味道是不差,只是我還是喜歡上次的德勝米線多一點. 由於飲了凍飲加4元,合共32元

每次路過都想試,最後都是沒有試到.今日天氣勁熱唔想再食熱野,最後諗起這間鋪的德勝豆花米線,於是立刻起行去試.入到去立刻叫了米線,原來現在食米線可以用加2元要熱飲,或4元要凍飲.哎,咁熱緊係飲凍啦!最後點了凍檸水. 等的期間是由我叫了睇左一陣雜誌再寫埋朋友的生日咭先黎到,都唔算太快.好啦!望到碗米線跟貼在牆上的相幾乎一樣喎!未食之前望下有乜料先,主角豆花,餌絲,照通(呢兩樣唔知係乜),同埋大量的蔥,肉碎. 由於一向偏愛豆花當然先食豆花,夾起試下真係勁滑,仲滑過盒裝豆花吖.只是豆味不足,要扣分.至於米線真是勁滑,又唔鞋口,軟硬適中唔會話煮到勁淋,好有咬口.至於醬汁方面我覺得似用左甜鼓油,因為食得出甜甜地同埋辣辣地,只是辣度對於怕辣的我都只是留了少許鼻水,我都可以食到,都唔算係辣呢??後來出到去門口見到影印的報章訪問,原來這個米線有分大中小辣,奇怪店員又無問我辣度的呢 注意:這碗粉係乾撈(當然有少少醬汁),唔係放湯的啊!還有的是米線是微暖,唔會話雪到好凍的啊!至於份量一個女仔食夠飽,男生就唔敢包了.還有注意健康人士這碗麵都幾油的,怕的話就不要吃了 凍檸水加4元大大杯,仲幾好飲.幾好飲意思係檸