雪下覓炙

营业中

休息中

雖然今朝黑雨，但無阻我約細佬食高級韓燒的決心，來到海港城的雪下覓炙，高級的食材展現了餐廳對食材的用心與技藝。【韓式前菜】選用六款清爽的小菜搭配，酸甜適中，開胃效果極佳。【日本產和牛肩肉盛】則是整頓餐點的亮點，肉質細膩，油花分布均勻，店員簡單烹調後釋放出濃郁的肉香，入口即化。【燒鵝肝多士】創意十足，酥脆的多士沾上果沾與細膩濃郁的鵝肝形成絕妙對比，堪稱奢華美味。  【蔥燒厚切牛舌】火候掌握得當，外層微微焦香，內裡柔嫩多汁，中間的蔥香提升了整體風味。【醬油蝦】鹹鮮適中，蝦肉緊實彈牙，帶有濃郁的醬油香味。【牛骨髓石頭鍋飯】更是驚喜之作，骨髓的濃郁膠質融入米飯，香氣撲鼻，米粒吸收了所有精華，令人一試難忘。  【韓式泡菜煎餅】外酥內軟，微辣的泡菜香氣均勻散布每一口。整體而言，這頓餐點無論從質感、味道還是創意上都令人滿意，既有豐富層次，也兼具視覺與味覺的享受，絕對值得推薦。

跟朋友到尖沙咀逛街，想吃燒肉，進這間看看，內裡裝修優雅，店員貼心遞上7小碟煎菜，而且店員熱情地替我們燒肉，服務很好日本產和牛肩肉盛 228元牛肩肉肉質鮮嫰，吃後完全不會韌，有咬口，配上鹽及醬油，肉質立刻更可口燒鵝肝多士 (2件) 195元鵝肝大大件，咬後咀內充滿油香，非常滿足，配上香菇及多士一起吃，非常配搭蔥燒厚切牛舌 178元牛舌內充滿香蔥，燒時香蔥味四散，牛舌肉質爽滑，喜歡香蔥的你一定要支持醬油蝦 (4隻) 188元大大隻醬油蝦，非常入味，肉質肥美彈牙嚴選牛骨髓石頭鍋飯 225元石頭鍋飯香氣撲鼻，飯充滿飯焦，香趣非常，配料有冬菇牛肉碎韓式泡菜煎餅 132元煎餅大大塊，已切開很多小塊，吃極也不完，泡菜口味酸酸辣辣的，非常開胃荔枝梳打 42元荔枝味香濃，紫色梳打水絕對適合打卡柚子蜜（熱） 28元柚子蜜甜甜暖暖的，非常解膩雪下覓炙廣東道3-27號海港城海運大廈地下OT G47-48號舖

好耐未食過燒肉😄，喺海港城行街，見到有間用清新木系風格裝修嘅燒肉店😍!我地一坐低，店員就先上左七款前菜，每款都幾好味😊！🌟日本產和牛肩肉盛牛肩肉嘅雪花紋幾靚😚，牛肩肉嘅肉質通常會比其他部位結實，但呢度嘅牛肩肉除左有咬口，仲鮮嫩多汁，牛香四溢!非常好食🤩！🌟燒鵝肝多士 (2件)店員幫我地燒到啱啱好，有外脆內軟嘅感覺🥰！鵝肝內裏口感細滑，入口即溶，亦冇肝臟嘅腥味😙~配埋多士一齊食，口感更豐富😜~推薦大家一定要加上附有嘅醬汁，味道酸酸甜甜，可以大大減低油膩感🤭~🌟蔥燒厚切牛舌牛舌好厚身，食落彈牙有嚼勁😍，肉汁頗多，牛味香濃😙!🌟醬油蝦醬油蝦超大隻🫣！仲淹得好入味!醬油味突出之餘，又唔會過鹹，仲增添鮮甜風味☺️~而蝦肉質地富有彈性，幾新鮮😜!🌟嚴選牛骨髓石頭鍋飯石頭鍋飯食得多，但就未食過用牛骨髓整嘅石頭鍋飯，好特別🤪! 店員會預先幫手挖出牛骨髓，再拌入石頭鍋飯入面😆，細嚼飯粒，會感覺有少少獨特嘅甜味，同陣陣牛香味，好滋味😀！🌟韓式泡菜煎餅煎餅份量非常大份🤣，同埋一定要襯熱食，香脆可口😍!而入面嘅泡菜非常多汁，酸酸辣辣，超開胃☺️！🌟菠蘿梳打&提子梳打梳打氣泡十足，超清爽解渴，啱晒一路食燒肉一路飲🤩

今日同朋友慶祝生日，想食韓燒，於是嚟到呢間位於海港城嘅高級韓燒店。🎂🎂蔥燒厚切牛舌：蔥同牛舌味道都幾夾，但本人鍾意食軟身啲，略嫌硬身咗少少。牛骨髓石頭鍋飯：呢個幾好味，石鍋嘅餘熱煎到個飯好香，有飯焦，好正！泡菜煎餅：足料好多泡菜，惹味！日本產和牛肩肉盛：和牛嘅油脂豐富，滿口油脂！幾香！掂少少鹽已好好味！醬油蝦：生蝦用醬油醃過，充滿鹹香！同之前喺韓國食嘅味道一樣😋餐廳仲送咗好多小菜，我最鍾意食泡菜同埋蘿蔔！侍應小哥哥服務都好好，幫我地燒埋，介紹食法。整體體驗都唔錯。

今日同朋友去咗海港城呢間「雪下覓炙」食韓燒，聽個名已經覺得好有詩意❄️！餐廳環境乾淨企理，座位又闊落，坐得好舒服。最正係全程都有店員幫手燒，我哋可以專心食同傾偈，完全唔使自己動手👍！入到去第一時間覺得好神奇，因為完全聞唔到燒烤味💨！原來佢哋嘅排煙系統超勁，走嘅時候頭髮同衫真係一啲味都冇，呢點真係要俾個like❤️！我哋叫咗幾款招牌菜：1️⃣ 日本產和牛肩肉盛：和牛油脂分布好靚，燒完入口即溶，牛味超香濃🐄！2️⃣ 燒鵝肝多士：鵝肝超級肥美，配埋脆口多士，邪惡但好滿足😋！3️⃣ 蔥燒厚切牛舌：厚度啱啱好，爽口得嚟又有咬勁，蔥香好突出🧅！4️⃣ 醬油蝦：真係勁大隻🦐！蝦肉爽甜，醬油味唔會太鹹，好入味～5️⃣ 牛骨髓石頭鍋飯：骨髓香到爆，撈埋飯食簡直係人間美味🍚！6️⃣ 韓式泡菜煎餅：外脆內軟，泡菜酸辣度剛剛好，好開胃🌶️！7️⃣ 飲品叫咗提子同荔枝梳打，清甜解膩🍇🍒！整體來講，食物質素高，服務又好，價錢雖然唔算平但絕對值得💯！下次一定會再encore～ 推介俾鍾意食韓燒但又怕成身油煙味嘅朋友！

明白雖然在海港城里面，但呢杯“小小”的soda都要48元，份量真的有点過份小………Soda水值几錢？？但换來的是客人不会再回頭！！！预左入泥食是贵的，但都要值先得。没海景，環境嘈杂(我以為食紧K bbq放题)....咁嘅价钱，除了是放血型容外，没其他…………

服務態度差嘢，食又唔好食，環境又差有節日特別日子，紀念日生日，周年慶祝，想食返好少少，千祈唔好嚟冇乜嘢做，屎窟痕，去開呢頭，想搵嘢食都唔好嚟總括而言，見到呢間即刻走。

最近同屋企人去咗一間韓國燒肉店，真係超級驚喜！🥩 首先，啲肉質新鮮，醃得入味，尤其是牛肋骨肉同五花肉，燒完之後外脆內嫩，油脂香濃，連平時揀飲擇食嘅小朋友都食到停唔到口！👶🏻❤️ 餐廳仲提供多款韓式前菜同醬料，可以自由搭配，味道正宗，真係有種去咗韓國嘅感覺～ 服務方面絕對要讚！💯 店員態度友善，主動幫手燒肉，仲會細心提醒我哋每款肉嘅最佳熟度，完全唔使擔心燒過龍。而且，餐廳環境乾淨寬敞，抽風系統做得好好，食完都唔會成身油煙味，好貼心！ 最驚喜嘅係價錢相當合理，仲有套餐選擇，性價比超高！💰 如果你都想同家人享受一頓美味又抵食嘅韓燒，呢度絕對係不二之選！一定會再嚟

感謝雪下覓炙的店長、職員的熱情招待及用心的服務！最近一班同事完成項目後訂餐廳慶功晚宴，因主角喜歡韓食，於是在友人介紹之下訂預訂了一枱八人坐位. 是次飯聚以慶功為目的於是自來了香檳等少量酒水，店方代為安排存放，預先雪凍及提前醒酒。餐具方面紅酒杯、香檳杯及冰桶等一應俱全，安排妥當而且開瓶費用亦相當合理，值得一讚！食物方面亦合乎水準，肉類拼盤，韓牛及醬油海鮮是本次推介。由於預計一班同事會言談甚歡以至無暇兼顧煮食，所以首選有店員主理燒肉的餐廳. 店員的專業服務也相當到位，除了準成的烤肉時間掌握好，還會細心地將就大家進食的速度分餸。時刻保持親切的笑容間中還會跟客人互動。最後的甜品結尾也令這餐晚飯完滿. 最後相跟店員道謝，我們高興忘形也過了餐廳營業時間但我們絲毫沒有感到壓力，在此也要說聲抱歉～

我哋差唔多20:45入座兩個人叫咗一個$1,588 套餐首先嚟咗一份肉 就係頭嗰三款其中一款完全係咬唔開 係啲筋位過咗一陣9:30話last order 但係其他嘢全部都未上再問佢先問返我哋 其他嘢食係咪未嚟叫個侍應refill前菜 薯仔同蘿蔔佢竟然答 你仲有好多？？原來係佢自己聽錯 要refill啲乜俾咗其他嘢講嘢完全係比自己聽 完全聽唔到佢講乜最後10點就話要閂門 走咗先發現甜品都冇上到越諗越唔抵 埋單差唔多$1800/2 但係同食物質素服務完全唔成正比

難怪越來越多人北上消費價錢貴 服務差 真的是香港食店的死穴星期六友人訂座慶祝生日 前台的小姐姐一定要講到友人的電話號碼才帶入座其實都沒有幾檯客人 有必要嗎入座後 想點兩杯啤酒 服務員指著餐牌就轉身離開 基本上沒有交流 大部份時間屁股對著客人烤肉的價錢偏貴 質素還可以有服務員幫客人烤 重點是全程也是零笑容 零交流 機器人烤肉嗎烤了肉後盤上的配菜沒問就收走 基本上是趕著你趕快食完收工這樣所謂的高級韓燒 去深圳價錢便宜一半 服務好一大截 很難找到理由去幫襯你呢但我仍相信香港還有很多食店是用心經營的 大家加油吧

服務員質素好差，好影響食嘢嘅心情。 擺低咗個飯就走咗去，乜都無講。咁我哋擺咗隻蛋落啲飯度，之後先嚟話唔係咁整，格硬將隻生蛋又筆返出嚟，搞到散晒。仲好意思倒返落去😅 碗飯就變咗咁如果咁多嘢搞嘅話應該上菜嘅時候就講，仲要一句唔好意思都無。好差

與友人到餐廳食飯，在點餐前向職員詢問有關折扣優惠事宜，當時同事表明有關優惠是可以使用。誰知結帳時，友人發現有關優惠未有顯示於帳單內，立即向那位紫色頭髮職員提出時，那位職員 霹靂啪嘞的怪友人未有在落餐時表明，又說取消單再開新單會給經理怪責等等...雖然我及友人已經再次強調，但那位職員不但沒有聽仍然霹靂啪嘞地說，最後我說：‘’不要為難你，我向經理說好了！‘’她才收口及回去改單...就是這樣， 原本一個愉快嘅午餐，不快地結束。

抵食午市韓國餐～同場9折🌟又係海港城搵野食，見到呢間雪下覓炙午市價錢幾抵，都係$88 起，門口職員好有禮貌，仲提我地同場有9折😎所以都好多人排隊！等左一陣可以入去啦，環境都幾闊落，坐得幾舒服～再望真D 個午餐牌仲要有飲品，仲要唔係D Hea 汽水，係有水果既梳打😎 加分加分，今日叫左部對鍋拉麵再加個牛肉韓式飯捲，等多一陣原來仲有五款韓式前菜送，食完真係飽到反轉 🤣 野食都唔錯！下次再幫襯❣❣🏠店名：雪下覓炙 SEOLHAMYEOK🚘地址：尖沙咀廣東道3-27號海港城海運大廈地下OT G47-48號舖#尖沙咀 #尖沙咀美食

我訂了這裡跟美國&德國客人來吃晚餐，我在當日早上才被告知其中一人對大豆敏感。今早還要掛八號風球，我馬上whatapps 跟餐廳聯絡，研究餐牌，他們都耐心協助我訂菜單。要知道，亞洲菜系大豆是很難避免，真的十分感謝餐廳的幫忙，令我個心都定啲。在用餐時，餐廳經理全程細心照料我們，職員們都很用心幫助，有告訴我們哪些小菜不能吃，哪支酒比較配搭那些肉。我們訂了韓牛，黑毛豬，八爪魚跟虎蝦，全部原味不加調味燒烤，還有石鍋飯都是沒有落任何醬料，都非常好味，廚師們都好勁。還有到最後，客人任性地想吃雲呢拿雪糕（餐牌上沒有），餐廳都可以滿足到他的要求。客人很滿意這晚的安排。我真的萬分感謝經理跟他的團隊細心安排跟照顧。以後，我的飯堂又多一家了。（跟客吃飯，沒辦法拍照，請見諒。）