雞髀爸爸 (已結業)

《 🍗 雞髀大對決 @ 髀魔 VS 雞髀爸爸 》 最近荃灣同一條街開左兩間人氣雞髀，今次兩間都買曬黎試黎個雞髀對決。🍗 分別係「髀魔」 經典髀 $32 VS 「雞髀爸爸」生炸爆汁大雞髀// 髀魔 VS 雞髀爸爸 //💰 價錢「髀魔」 $32 VS 「雞髀爸爸」$ 28🏆- 以兩間基本款嘅經典炸髀黎比較，雞髀爸爸略比髀魔平四蚊，個人認為價錢都算合理。🍗 份量「髀魔」🏆 VS 「雞髀爸爸」- 份量黎講「髀魔」真係好大隻，佢個經典髀已經係屬於細髀，但仍然都好似塊面咁大～😋 味道「髀魔」🏆 VS 「雞髀爸爸」- 兩隻雞髀嘅味道真係好難分高下，如果唔係今次「雞髀爸爸」稍稍失手嘅話，我一定會話打和！「髀魔」嘅經典髀炸得香脆，每啖都會爆曬肉汁仲食到雞肉嘅甜味！佢地自家制椒鹽可以話係錦上添花，為雞髀提味外仲帶出雞肉嘅鮮味～- 但其實「雞髀爸爸」嘅椒鹽都好好食，椒鹽味好香好夠味。但可惜今次應該炸得耐左，令到雞髀少左肉汁仲有少少苦...好可惜今次稍微失手，期待下次再去會有一隻更高質嘅炸髀！🍗P.S 今次嘅對決勝負只係我個人意見，人人口味不同。歡迎大家交流意見！🥰

疏乎雞髀爸爸    地址: 荃灣鱟地坊74-78號天保大廈地下E2號舖電話: 54414062做野唔太忙，可以叫份雞髀在公司邊食邊做，人架心情同工作效率都提升。今日出開荃灣，在街上見餓又聞到油炸肉香，勁想食。一隻髀都係二十幾蚊，確係抵食。生炸等5-10分鐘就拎得，每口肉都好味多汁，皮勁脆。自助調味粉六款小食套餐直頭可以當正餐$50 一人份，二人份$100 ，包了雞髀一隻，勁多種味真係想搵機會試！仲有叫其他小食，每樣有小小乜都試下嘛。雞軟骨炸完好爽口，一粒再接啤酒汽水，沉輪於炸物美味中。炸魷魚鬚平時去茶樓實點，一定要有醋點食，咬咬咬彈牙耐嚼。$28 炸脾必食

雞髀爸爸依間人氣炸髀本身小編收工諗住賣個外賣，點知賣晒😩😩要食可能真係要早啲，店員健議下就去食一場黎到就試下其他野食炸魷魚鬚鬆炸魷魚鬚，炸醬非常薄身，真係炸得好香,好脆,好多人買,即叫即炸，所以買到熱辣辣魷魚鬚雞軟骨粒粒有肉又有軟骨，香脆惹味，骨軟肉嫩，不同餐廳雞軟骨都會軟硬不一碗仔翅材料加了冬菇、木耳、豬肉絲等，素魚翅代替粉絲，最獨特的地方就是每一啖都充滿不同層次的口感，另外食到有鮑片吃完之後，肚子都會覺得很滿足!

荃灣有好多特色小店，咁啱行過見到呢間店舖好多人係門口排隊，心絲絲行埋去睇下🥰想食好野，當然要等啦，等20分鐘就可以食到勁香又juicy嘅大雞髀 當叫到我張收據上嘅號碼，代表我有得食啦🤩嘩未食已經聞到勁香呀，已經想即刻食(但就到6點，要攞回家先食得。想咩都試下，所以就買咗五款不同美食，每樣我都好鍾意食😋 爸爸生炸爆汁大雞髀 $28當然要叫番隻招牌生炸雞髀🐓，即叫即炸無味精，睇賣相已經好正，又勁大隻，塊雞皮炸到勁香脆，咬落去啲肉汁爆哂出嚟，雞肉仲好嫩滑多汁；價錢合理，大大隻超好食 咯咯聲雞軟骨 (一堆) $22雞軟骨咬落去真係咯咯聲，薄薄地嘅炸粉包圍住，食落仲唔會好油，好有咬口，搞到我食到停唔到口 薄粉爆脆魷魚手多多 $26魷魚鬚🦑份量剛剛好，薄粉好重要，唔怕食到成日粉，魷魚內裡煙煙韌韌，好咬口 炸麻糬香芋波波 (六粒) $18六粒炸到好香口既麻糬波波，餡料係香芋，一咬落煙煙韌韌口感好正，勁like😍 柚子蜜味雞翼 (單骨) $28單骨雞翼入哂味，雞皮香好脆口，雞肉肉質夠哂嫩滑，加埋清甜柚子蜜味，香甜好味道，同雞翼嘅配搭真好夾(好味到差啲連個盒都食埋🤭) 另外，可以加入調味粉，調味粉一共有

在荃灣鱟地坊一帶，號稱士林食街，到處都是台式食店，什麼炸雞排，炸雞腿，熱狗店等外賣店開得成行成市，食正抗疫禁晚市堂食條水在天保大廈地下E2號舖，有間新的炸髀黃店，原來他們全部雞髀都生炸，所以要等20分鐘才有得吃。要等那麼久，進食前欣賞一下店內的「黃色刊物」，save12直情有本書，立場不言而喻啦一隻生炸雞髀，中size，$28，由於已經醃過味道很重，想加料可以用旁邊的川辣粉，爸爸辣粉，孜然粉，海苔椒鹽，海鹽，椒鹽粉。濃味淡味自己調節，非常自由低糖菜蜜，好像真的好淡，比平日茶餐廳的低糖好多，喜歡健康可以叫呢

認真的疫情下已經好耐好耐冇掃過街，好想念掃街咬魚旦的日子， 以前係路德圍大把小食店， 基本上行一轉已經可以食到好飽， 但現在比我發現係鱟地坊果邊都開多左小食店，今次我去的就係叫“ 雞髀爸爸”。叫得雞髀爸爸最出名當然會係炸雞髀啦！唔洗多講叫買返隻食左先。呢到d 菜式名好搞笑睇睇下面同大家介紹返：⚛ 爸爸生炸爆汁大雞髀 $28 ⚛ 薄粉爆脆魷魚手多多 $26⚛ 咯咯聲雞軟骨(一堆) $22欣賞呢到的炸物全都係即叫即炸， 唔係一早炸好放係到一。生炸髀炸到邊邊位好香，加小小調味粉就好惹味， 魷魚份量都幾多， 雞軟骨果然食再咯咯聲咁。 一個人來買返屋企睇住嘆，爽YY。

平時行開荃灣都知好多好嘢食，近排發掘到一間新開嘅黃店，仲要標榜賣即炸雞髀，望落好似好吸引，二話不說買來試吓。入到去見到有唔同嘅味粉比客人自己選擇，夠晒自由夠晒多元化😝——————爸爸生炸爆汁大雞髀 $28$28黎講一隻生炸雞髀價錢非常合理，而嚟到嘅賣相都好正，生炸雞髀老闆建議我哋落辣粉，咬嘅時候要連埋皮一齊食。食落果然冇介紹錯，雞皮炸到好趣，入邊嘅雞肉好嫩滑好多汁😋爸爸脆炸爆汁大雞髀 $28同樣係$28 一隻炸雞髀，今次雞髀外面包住一層薄薄嘅脆漿，有咬口得來更加保留到雞肉入邊嘅肉汁，又係另外一種感覺😝咯咯聲雞軟骨 （一堆） $22雞軟骨炸到啱啱好，外皮同樣唔會太厚，雞軟骨醃得好入味，唔使落任何醬汁都好夠，如果有杯啤酒送埋就一流🤓薄粉爆趣魷魚手多多 $26炸魷魚出奇地嫩口，一啲都唔會炸到好老，而出邊嘅脆漿真係如其名好薄，完全唔會蓋過魷魚嘅鮮味同突出個咬口，十分推薦

-🔸爸爸生炸爆汁大雞髀 $28🔸爆脆魷魚手多多 $26🔸咯咯聲雞軟骨 $22-放假去咗荃灣行街，經過呢間新開嘅良心小店，有好多邪惡嘅街頭小食，間唔中破戒食吓炸嘢先開心嘛！叫得雞髀爸爸，當然要食鎮店之寶——生炸雞髀啦！即叫即炸嘅巨型大雞髀，果然咬落雞皮勁香脆，而且可以自己另外加調味粉好惹味！除咗炸髀之外，仲食咗一樣咁惹味嘅魷魚鬚，仲有卜卜脆嘅雞軟骨，一啖一粒咁食到停唔到口啊！下次再嚟荃灣行街，一定會返嚟encore啊！

不知多少年沒食炸脾，附近一下子新開兩小食店，標明主打雞髀，看來還有人看到前景，今日去了其中一店，叫雞髀爸爸。點了生炸大脾，等了十分鐘左右。回到公司五分鐘路程用餐。一開盒，雞髀的樣子羞樣，可說甩皮甩骨。睇顏色就知道放了豉油去醃。其實各司各法無問題，但生炸因為無上粉炸，比較搶火，所以放豉油的量要調整一下。大小來說，不是大size，應該是300g以下大小。背面可見，炸得過火了，火力大猛。脾內有落力，方便入味及炸熟。肉已稍乾，調味大路薑蔥豉油，一般茶餐廳味道。底下放椰菜絲，無乜用又唔會食，畫蛇添足。用的紙盒有防油層，其實不適合炸嘢，因為會有倒汗水，影響脆度，放張油紙更好。整體而言，性價比不高，味道普通，無咩記憶，但也不難食。在荃灣想混口飯吃，要再努力一點。

行過見到新野「雞髀爸爸」，炸雞髀我鍾意食😍 一於買嚟試下😚🌟 爸爸生炸爆汁大雞髀有生炸有脆炸，我就揀咗食生炸🤩 店員建議連皮食，放心，我都覺得炸雞髀係要連皮食嘅🤣 皮脆，食起唔覺得油，雞髀肉有肉汁，味道無其他炸雞髀店咁濃味咁鹹，非常好👍🏻👍🏻🌟 咯咯聲雞軟骨好咬😌 軟骨得嚟有少少肉連住。炸粉唔多，薄薄地🙆🏻‍♀️ 同樣地食起唔會話太油～🌟 薄粉爆脆魷魚手多多即係魷魚鬚，又係好鍾意食嘅野😍 真係好薄粉！有咬口👍🏻🌟 青蘋果餐飲買滿$30會送是日餐飲，呢日係青蘋果味～🍏 食完炸野飲埋就啱啱好～

荃灣有間爆紅小食店"雞髀爸爸"，生炸雞脾是招牌菜，每次路過都見到門外很多人排隊，可惜經常夜收工，去到已賣曬雞髀。今晚7點去到，終於給我買到最後一隻雞髀啦！見到餐牌，食物名字改等好搞笑。這裡也有套餐的，而且送餐飲。職員介紹呢度的炸魷魚鬚也很不錯，反正來到，就配個套餐。生炸雞髀真係炸到外皮脆卜卜，一定要連皮食，才感受到脆皮兼爆汁的口感！大雞髀肉新鮮，炸完入口仍嫩滑，醃得入味帶微咸，越食越香，真的不錯！炸魷魚鬚，外面炸得金黃色，不會太厚粉，夠乾身，入口煙韌，又一吃不停之選。由於粉漿不厚，吃到魷魚香，像吃零食般但新鮮版魷魚鬚，果然無介紹錯！炸雞粒，是迷你版麥樂雞，外層是吉列炸粉，炸得很脆，裡面雞肉有彈性，一口一粒很過癮。再飲埋餐飲百香果茶，大大杯，微微酸甜，幫助消除油膩，清新口腔，配搭得很不錯。吃完也很滿足了。吃過就知道為何這麼多人幫襯，晚上7點便賣晒雞髀是有原因的。天氣寒冷要補充熱量，吃個雞髀也不會太有罪惡感吧？呵呵！

荃灣開咗一間生炸雞髀專門店，價錢相宜份量都幾多，荃灣又多一樣新嘢食啦🤪，留意到有人提早打咗電話落嚟order 炸雞髀再拎，咁就唔使等咁耐啦！一嚟到就可以拎炸脾🤪咯咯聲雞軟骨$22雞軟骨炸得香脆，份量好多，自己加咗辣粉令到味道再昇華，不錯食吾返咁好味嘅魷魚魷魚嘅炸雞衣好薄，食落唔會成口粉，食到魷魚本身嘅味道爸爸生炸爆汁大雞髀$28雞髀好大件好重手，因為生炸嘅關係等候時間比較長，大概15至20分鐘，但係你嗰陣熱辣辣脆卜卜咁食真係好正。炸皮非常脆，雞髀本身都有調味粉，唔落調味味食都冇乜問題- 雞髀爸爸 (荃灣)荃灣鱟地坊74-78號天保大廈地下E2號舖

經過荃灣，見到新開了一間炸雞髀店，咁啱 lunch 仲未諗到食乜，又唔想成日食飯咁 dry，而且見到仲有其他小食，所以就去試下雞髀爸爸，好特別的名字呢間主打吃雞髀，還有一些小食如果諗唔到食乜可以揀一人餐或二人餐，有雞髀搭配其他小食，仲包一杯飲品，餐飲日日不同，今日的餐飲是百香果我選了一人餐，包一杯飲品，百香果味道偏淡，不會好甜生炸雞髀個皮好脆，肉質好滑，香芋波甜甜地好煙韌，魷魚鬚好有咬口，雞軟骨炸得好脆總括而言，雞髀是即叫即炸，如果不想等的話，最好先打電話來落order! By the way,一人份量好啱想減肥的我

在荃灣鱟地坊美食多，見到有間新開的 雞髀爸爸，晚上時段好多人排隊好受歡迎。.爸爸生炸爆汁大雞髀 $28因是即叫即炸，要等15-20分鐘。店員建議最好連皮食，炸得香，有肉汁的。.薄粉爆脆魷魚手多多 $26顧名思義是薄粉的，魷魚鬚長，爽口彈牙。.咯咯聲雞軟骨 $22Haha 真係有咯咯聲，個名改得好，一睇就想像到口感爽脆。.以上買了$76，買滿$30有百香果飲品送。.#雞髀爸爸 (荃灣)荃灣鱟地坊74-78號天保大廈地下E2號舖

大概三星期前留意到荃灣 鱟地坊附近開了一間很親切名字的小食店， 叫&雞髀爸爸'。小小食店五臟俱全，有幾張高椅可堂食，現在疫情嚴重加上禁夜市， 主要提供外賣 .所以今晚就買了兩人份量的外賣餐回家慢慢嘆。餐廳主攻炸物，巨雞髀近是主打，分兩款生炸和脆炸，我們每款各試一隻。生炸雞脾是傳統快餐店的入門食品，想不到這小食店做得非常驚喜，肉皮脆肉滑兼多肉汁的口感，雞肉地也 特別的滑溜 此刻也顧不了脂肪的增加， 要吃掉整塊炸雞皮才滿足。柚子雞翼雞翼是無敵的食材，單骨雞翼更入味，柚子味夠入味也非常清新。魷魚鬚分量不多也不少， 正好滿足了餵食但又怕熱氣的心情， 外脆內裏狀態綿軟， 外層粉漿不厚，非常有誠意之作碗仔翅冇諗過雞髀配碗仔翅 ,特別是用上齋鮑片 ,細細碗的碗仔翅配滿滿冬菇絲和齋鮑片， 炸物後食番啖翅 都幾平衡柑桔檸檬凍冰冰 食了咁多炸物，飲番兩杯柑桔檸檬滋潤哂！