雅高·33

营业中

休息中

琴晚食完扒，都仲想食，所以就喺荃灣搵到第二間扒房，價錢又抵食。肉眼扒呢塊肉眼扒勁大塊，我哋叫咗5成，廚師煎得好好，恰到好處！再配上好脆嘅薯角，加埋落咗黑醋嘅沙律，好開胃。蒜蓉汁仲另上，可以邊切邊點汁。不過塊扒本身都好夠牛味，唔洗點汁都可以。燒春雞雞皮燒得好脆，切落去就索索性，勁脆。而且佢係半隻，雞胸啖啖肉，雞髀肉好嫩滑，雞翼仲燒到脆卜卜。芝士焗田螺薯蓉熱住咁上枱，出晒煙香噴噴！面嗰層芝士好厚，每舊田螺都可以連到一大塊芝士一齊食，超正。薯蓉墊底仲吸咗田螺逼咗出嚟嘅油份同味，連埋一啖食好香口。Tiramisu 咖啡味好香，中間2層cream都好creamy，大細又啱啱好，食完主菜再配呢個甜品啱啱好！

雅高·33 西餐廳位於荃灣的餐廳給人一種平淡而溫馨的氛圍，彷彿置身於一個舒適的歐式餐廳裡。溫泉蛋忌廉蟹肉意粉一上桌，香氣撲鼻而來，而且熱辣辣。意粉煮得剛剛好，帶著微微的嚼勁，配上濃郁的忌廉汁，每一口都讓人陶醉其中。最讓人驚艷的是那個溫泉蛋，切開時，金黃色的蛋黃慢慢流出，混合在意粉上，為整道菜增添了豐富的口感和味道。再加上新鮮的蟹肉，每一口都充滿了海鮮的鮮甜味道，讓人回味無窮。香煎澳洲肉眼牛扒配薯菜是肉食愛好者的首選。牛扒煎得恰到好處，內裡鮮嫩多汁，肉汁四溢。搭配薯菜，口感鬆軟，完美地平衡了牛扒的肉味。除了主菜，套餐提供了包羅宋湯和蒜蓉法包。熱騰騰的羅宋湯，散發著濃郁的香氣。蒜蓉法則是外層酥脆，內裡柔軟，每一口都能咬出濃郁的蒜香，令人愛不釋口。最後選擇了凍檸檬茶來解渴，清新怡人，檸檬的酸甜味和茶葉的苦澀味完美融合，瞬間感受到涼爽的感覺，重新恢復活力。如果想要一個性價比高而且豐富的西式晚餐，我強烈推薦到雅高·33 西餐廳。

今日同朋友嚟荃灣有啲嘢做整完之後都已經兩點幾經過見到呢間都幾多人幫襯我哋諗啲食物質素應該唔錯等咗兩枱左右 就到我哋入去食啦呢個時間有埋下午茶供應但係因為我哋仲未食晏所以都係叫咗正餐正餐包咗餐湯同埋餐飲最平都只係$72咋感覺都幾抵食～唔夠飽仲可以追加小食- - - - - - - - - - - - - - - - - - - - - - - -1. 野菌忌廉煙三文魚意大利飯雖然賣相睇落好似幾清淡咁但係我覺得幾啱啲唔鍾意太濃味嘅人喺出面食意大利飯嗰陣好多時食到一半就已經覺得好膩跟住就會食剩一半 嘥晒啲食物啊～我諗呢度就唔會咁樣啦因為我見朋友食晒咁濟佢話啲忌廉令意粉好有奶香2. 蒲燒原條鰻魚飯呢間都算係中式餐廳啊無諗過都可以叫日式嘅嘢食一上菜就見到個碟咁大啲飯好多 沙律好多 條鰻魚都好大成條鰻魚肉厚肥美 加埋燒汁夠送到佢咁大碟嘅白飯好在有朋友喺度咋如果唔係自己實食唔晒所以$80係好抵食～3. 是日餐湯+餐包上網見到有時會係羅宋湯今日就係忌廉湯有別於出面嘅舖頭呢度嘅餐包竟然係牛角酥本人比較鍾意將個包浸落湯度食牛角包口感酥脆 帶有黃油香氣將佢浸落充滿奶香嘅忌廉湯個包吸晒湯嘅香味同埋湯汁令人有種

今日去咗荃灣行街 經過呢間 雅高33 見到好多人食 而佢哋食嘅嘢都好大份好吸引🤩 就即刻入咗去食～ 坐低睇餐牌 有lunch set 好多嘢都好吸引 仲要包埋餐湯同埋牛角包 仲有埋嘢飲😍 諗咗一陣就落單～ 落咗單一陣 好快嘢飲就嚟咗 我哋叫咗凍奶茶同埋凍檸茶～ 再隔一陣熱辣辣嘅餐湯同埋烤過嘅牛角包就嚟啦😋 餐湯係羅宋湯 都好足料 味道正常 牛角包烤過有誠意 脆脆暖暖嘅好味～ 除咗主食之外 我哋仲追加咗兩樣小食😬 香煎雞翼 +$14熱辣辣啱啱煎起就上枱 雞翼好入味 表面脆脆的 底下仲有啲沙律菜 味道啱啱好 煙肉洋蔥芝士焗大蘑菇 +$28好好食嘅大蘑菇 記得熱辣辣嘅時候食 芝士仲係拉絲㗎😍 德國咸豬手配蜜糖芥末醬配薯菜 $115超大隻鹹豬手🤩 切開啲肉仲係粉嫩粉嫩 豬皮香脆唔算好油膩 同埋真係超大隻 味道啱啱好 點埋蜜糖芥末醬 好好食😋 薯條炸得香脆 再加埋啲沙律 即刻冇咁有罪惡感😌 香煎加拿大西冷牛扒配飯 $123好大塊牛扒🤩 朋友揀咗七成熟 切開入面係粉紅色又唔會有好多血水 煎得啱啱好 好香又容易咬開 點埋黑椒汁 好食👍🏻 整體嚟講 呢間 雅高33 環境舒適 食物大大份 嚟食個悠閑嘅

是日晚餐：西冷牛扒，黑松露野菌薄餅，加6隻法國生蠔；西冷扒大大塊但薄身，軟淋，但黑椒汁凍冰冰。黑松露野菌，熱辣辣夠芝士，但沒有黑松露味，應該放漏咗。，向職員反映，只應一聲就走左去，沒有跟進。跟餐追加$15一隻生蠔，抵吃。

今天在荃灣的雅高。33吃了一頓西式扒餐。晚餐均配有蒜蓉包和忌廉湯，蒜蓉包加熱後香脆可口。羊架晚餐更配有沙律作前菜，很開胃。雲酥羊架（七成熟）羊架表面加了一些麵包糠，令口感更豐富。肉質頗鮮嫩，外層的酥脆皮襯托出羊肉，整體調味適中，羊肉的風味與烤製的香氣相得益彰。香煎澳洲肉眼牛扒 (五成熟）肉眼牛扒口感和軟硬度適中，煎至五成熟的程度剛好保留了肉質的鮮嫩。配有蒜蓉汁令味道更加，更配有海量的香脆薯角。心太軟伴雪糕心太軟的外層酥脆，內面融化的巧克力醬令味道和口感更甚。朱古力的味道濃郁，搭配雪糕的清涼口感，帶來了愉悅的對比。意大利芝士蛋糕tiramisu 的cream份量滿滿的，蛋糕的口感輕盈，此外亦有突出的酒味。整體味道平衡。

寶石大廈的大街，有一間港式的西餐扒房，今天便去了一試，內面空間頗大亦舒適，亦有除了扒餐外其他的意粉焗飯選擇，還有生蠔可選。晚餐均配有白忌廉湯和蒜蓉包，點廚師推介的餐類更再有多一份沙律作前菜。香煎澳洲肉眼牛扒，五成熟兩份扒類亦再配有一些沙律菜，還有豐富的薯角作配菜，非常豐富。牛扒份量充足，肉質不會太過硬，有一些肥脂。經過香煎後散發出誘人的香氣，帶有微微的煙燻風味。雲酥羊架，七成熟羊肉經過恰到好處的烹調，外表酥脆，內裡肉汁豐富。心太軟伴雪糕心太軟外層酥脆內心綿密柔軟，與雲尼拿雪糕作明顯對比，有冷有熱，口感豐富味道亦不會過漏。意大利芝士蛋糕整體有滿滿的酒香味和忌廉，口感軟綿。晚餐更配有飲品，份量都很豐富。

話說呢晚9點先同男友入呢間餐廳食飯,1坐低我地1齊就嗌咗個燒春雞+要咗薯菜,另外男友再嗌咗兩隻生蠔自己食～佢啪完話都幾夠海水味～喺同男友進食嘅期間佢唔小心倒瀉咗杯凍檸茶整濕咗張枱同自己碟燒雞〒▽〒,然後個侍應超級快反應幫我地抹枱n幫我男友換過隻碟再叫咗廚房翻炸咗啲薯角俾佢，最後仲送上1杯新既凍檸茶，真係人間有愛(≧ω≦)/**食物味道整體唔錯，係個燒春雞略乾身～下次可以再嚟試其他食物(*¯︶¯*)

朋友最近長駐荃灣，趁假日唔使返工，專登過嚟搵佢食晏。朋友想食扒餐，記得沙咀道有間唔錯嘅西餐廳，午餐選擇非常豐富，有豬肋骨、西冷、肉眼、羊扒等供應，提議一試。原來入面地方都幾大，環境開揚、座位闊落，坐得都幾舒服！我哋點咗兩個商務午餐，每個套餐都會奉送是日餐湯、牛角酥及咖啡或茶，轉凍飲+$3。今日嘅餐湯係羅宋湯，味道濃郁且很足料，牛角酥有烘熱過先上檯，食落好鬆化，帶陣陣牛油香。德國咸豬手配蜜糖芥末醬跟薯菜 ($115)  豬手整得好出色，皮層香脆，肉質細嫩，咬開仲有肉汁流出，點少少芥末醬吃，辛中帶嗆，風味十足。伴碟嘅薯條都好正，新鮮即炸，熱辣辣，香口又唔油膩。香煎澳洲肉眼牛扒配意粉 ($123)  肉眼扒非常大塊，即點即煎，火喉掌握得啱啱好，肉質嫩滑不韌，意粉水準亦唔錯，質感夠煙韌，入口軟硬適中。追加咗 2 款小食，煙肉洋蔥芝士焗大蘑菇 ($28) 同 香煎雞翼 ($14/2隻)。蘑菇肉厚多汁，芝士味濃，同惹味煙肉和爽口洋蔥簡直係絕配。雞翼大隻飽滿，外皮煎到金黃色，雞肉滑嫩有肉汁。

到荃灣 想食西餐不得不讚一讚呢間 雅高我叫咗個A 餐 地中海烤 盲曹魚餐前仲有 沙律 蒜蓉包 羅宋湯個沙律菜好新鮮 有機沙律 菜。羅宋湯好濃鬱 甜甜酸酸好惹味最後就要 讚一下盲曹魚拼薯菜盲曹魚 鮮嫩 多汁， 烤盲曹魚烤到 溫度適 中。 肉汁 非常惹味。 一啖咬落去充滿新鮮魚味。 地中魚烤焗煮食我都係第一次試。成條盲曹魚一個人食已經食到好飽 唔夠飽仲有新鮮職責的薯角。 原則原味的盲曹魚 如果你鍾意食魚絕對值得一試。呢度服務員服務態度好好， 食飽再嚟杯檸檬茶 透心涼的感覺

今日掛三號波，近近地我地係荃灣諗住食個靚飯先返歸。廢事出面橫風橫雨咁危險。😱🤣🤣係荃灣行下行下俾我地搵到呢間西餐，門口望入去有一排排卡位，坐位闊落。應該坐得幾舒服。就決定入去試一試。😌😌😉入到去，我地叫左兩個set，配有蒜蓉包，忌廉湯同飲品。1）香草烤春雞半隻（配薯菜）（$92）一上碟，隻春雞賣相好吸引😍🥰，切落去仲即刻噴曬煙💨，調味唔錯，個皮脆卜卜。配埋個汁食，仲更加惹味添D 薯角新鮮炸起，同行朋友仲好快食曬d薯角。🤣🤣2）BBQ醬烤豬肋骨併鹽燒牛舌（配意粉）（$148）鍾意食肉既我地呢個set就岩曬我地。😙😌可以滿足貪心既食客。😛豬肋骨味道唔錯，唔會淨係食到個醬既味，肉質嫩滑。牛舌亦都夠厚身。😋😋😋3）芒果千層蛋糕 （$44）芒果味濃，甜而不膩。😍😚食完咁多肉，呢個甜品可以refresh下。🤪😜

今天到荃灣等男友下班，到訪位於寶石大廈的「雅高·33」西餐廳享用晚餐裝修簡約，提供座位甚多提供意大利飯、意粉、薄餅、扒餐、甜品等；定價親民，扒餐七十多元就有交易==========🔹雅高什扒餐 $78雞扒、豬扒、德國香腸、雞翼、農場煎蛋、田園蔬菜、白飯、是日餐湯、蒜蓉包及餐飲雞扒煎至外皮香脆，質感嫩滑富肉汁；豬扒質地鬆軟，肉汁同樣豐富；德國香腸味道及口感俱佳；雞翼香脆細嫩；煎蛋帶點燶邊；田園蔬菜加入意大利黑醋汁，新鮮爽甜；選配薯菜，薯角外脆內粉糯；是日餐湯忌廉湯發揮正常；餐飲凍奶茶甜度適中==========🔹晚餐：香煎澳洲肉眼牛扒 $148跟是日餐湯、蒜蓉包、咖啡或茶，配薯菜/飯/意粉1澳洲肉眼扒7成熟，切開呈粉嫩狀態，肉質緊實細緻又不失肉汁，牛香不俗，蘸上蒜蓉汁更添層次蒜蓉包蒜及牛油香平衡；餐飲選配熱檸檬水==========🔹芝士忌廉焗西蘭花薯茸 $52熱度夠值得加分芝士及忌廉比例平衡富鹹香，忌廉汁香滑不膩；西蘭花煮得夠時間，鮮嫩美味；薯蓉粉綿軟滑，非常欣賞

呢間餐廳不嬲喺荃灣街坊口中聽過幾好食！中秋節正日，嚟到都見到幾多人！頭盆沙律是一道清新爽口的菜，充滿了各種新鮮蔬菜和美味的醬料，感覺健康又開胃！南瓜湯和蒜蓉包的組合絕配，南瓜湯嚟到嘅時候已經好香，湯的濃郁口感和蒜蓉包的酥脆完美融合，令人愛不釋手。香草烤西冷羊扒配法式芥末醬是一道經典的菜品，七成熟的羊肉散發出迷人的香氣，口感鮮嫩多汁，微辣的芥末醬消除油膩。而且有啲米飯軟硬度適中！地中海烤盲鰽配蕃茄意粉的組合令人垂涎欲滴，魚肉鮮嫩，搭配蕃茄意粉的酸甜口感，帶來地中海風味的美味享受。上邊有啲烤過嘅香草令到條魚更加鮮味同埋香口。港式熱檸茶，散發出濃郁的柑橘香氣，滋味香甜中帶有微酸。它的獨特口感和濃厚的茶香，結合了酸甜的檸檬風味！

中秋節嘅午餐去左荃灣區嘅街坊西餐廳食返個豪lunch。Artco 33 雅高33午餐嘅選擇都幾多，有set lunch同扒餐嘅商務午餐。我就揀左商務午餐嘅 香煎澳洲肉眼牛扒 配薯菜 黑椒汁。餐跟是日餐湯+牛角酥。另外加配小食 煙肉洋蔥芝士焗大蘑菇飲品叫左熱鮮奶咖啡是日餐湯係南瓜湯，口感幼滑，味道正常牛角酥大大個，好香牛油味，食落都幾酥香，唔會太油膩，外皮都幾香脆，唔錯！主菜 香煎澳洲肉眼牛扒，份量足，叫左八成熟肉質都唔錯，牛肉味未至於好濃，不過都有淡香牛肉味，帶筋嘅部份有咬口得黎都算嫰滑。薯條香脆~新鮮沙律菜配上胡麻醬，解一解膩。黑椒汁味道濃郁，牛扒本身都夠肉香，喜歡多一重口味嘅 點下都唔錯~小食 煙肉洋蔥芝士焗大蘑菇 再次配上胡麻醬沙律，煙肉洋蔥芝士焗大蘑菇 好食！焗煙肉洋蔥芝士，味道濃郁。洋蔥粒粒爽口，配上煙肉鹹香同融化嘅芝士。大蘑菇焗嘅時間剛好，鎖住水份，入口嫰滑。熱鮮奶咖啡味道不錯，咖啡味淡香，鮮奶幼滑。

18:45去到餐廳內只有一兩枱客人，點了兩個晚餐, 一個是肉眼扒配黑椒汁，另一個是羊扒。餐湯冇得揀只有紅湯，但味道不合格, 好淡而且冇菜湯味....配一件蒜蓉多士，多士不過不失。餐飲我地點左一杯雜果賓治同一杯檸檬橘蜜，兩杯飲品都可以但不出色。再加配左半打生蠔，$15/隻, 唔夠肥美但這個價錢這個品質是可以的。主菜來了，先黎個肉眼扒，因沒有抱太大期待但比想像中的好！雖然沒有牛味(可能比黑椒蓋過了)，但肉質夠冧，足夠挽回分數！然後就係羊扒了，驟眼望落有點韌一切粉嫰羊肉同肉汁都出左黎，一放入口係羊味香草味重點係佢個肉質真係好冧, 但個蜜糖芥末醬就唔得喇, 配唔到羊食