雅高·33

营业中

休息中

For steak and pork knuckles it’s very good for the price and experience. To have half a tomahawk steak meant we could try more dishes too!The oyster deal was worthwhile so we had plenty and added a bottle of white to wash it down. The desert selection though limited was also delicious 🤤

成日搭車經荃灣西站 都會見到呢間Artco 33裏面總係好多人 特別係一家大細去今次喺附近行完街 一於去試吓啦！呢度嘅晚餐都幾抵食 意粉餐$100左右就有一個貴有貴食平有平食 叫肉嘅就會貴少少基本都會配蒜蓉牛油多士、餐湯所以絕對夠飽㗎 ！蒜蓉牛油多士烘過黎 口感脆脆地是日餐湯係羅宋湯 味道酸酸甜甜幾開胃仲有唔少雜菜例如椰菜 紅蘿蔔 等等口感豐富 分量剛剛好🥰跟餐加$15會有生蠔🦪有幾抵食喎 一於試兩隻啦細細隻嘅生蠔飽滿且口感JUICY～海水味十足 有幾新鮮喎 對得起呢個價錢喺主菜方面朋友叫咗B8.香煎澳洲牛肉眼(薯菜/飯/意粉) Pan-fried Australia Ribeye (Potato Dish/Rice/Spaghetti) $138揀咗七成熟 牛肉有兩塊手掌咁大但偏薄食落去都幾嫩滑Juicy 重點係好多肉汁一啲都唔乾柴 幾好味 😋另外呢個黑椒汁都幾推介 質地比較杰身味道唔會太刺激 味道比較溫和 而我就叫咗一份香煎三文魚扒 Pan-fried Salmon $188睇落細細塊 但係非常厚身架 外皮經過香煎 食落去脆脆地 個人幾鍾意三文魚肉口感都唔錯 比較紮實 同時唔會ov

好幾次行沙咀道都會經過這間「Artco•33」，今晚終於有機會入內吃個晚飯。餐廳座位寬敞，背景音樂播著柔和的英文歌，予人非常舒適之感覺。晚餐set跟餐湯和蒜蓉包。餐湯是普通白湯，有粟米和火腿粒，質感偏稀。意粉好掛汁，充滿著忌廉香味。藍青口和牛肝菌份量都頗多，另外也加入了洋蔥絲，令口感更豐富。唯稍嫌藍青口略鹹，意粉吃至尾聲時也有少許偏油。牛肉眼選了6成熟度，肉質軟腍，咀嚼間感受到牛肉香。整體而言，不過不失的質素，以這個價錢來說，非常合格。精選特價生蠔，每枱限叫最多半打。生蠔十分重海水鹹味，至於肥美度就普通。不過$15的超抵定價，這個質素已經算收得貨。甜品方面就有點遜色。心太軟熱辣辣出爐，雖然味道是可以的，入口有著濃郁的朱古力香氣，但敗筆在完全沒有流心效果。如果餐名改為朱古力蛋糕，也許會更適合一點。同樣跟餐的飲品，凍飲另加$3。

🥳呢間餐廳環境溫馨❤放住啲懷舊英文歌🎻比我一種好relax嘅感覺🥳🦪芝士焗蠔 $68：即叫即焗🔥上台時仲係熱辣辣架❤生蠔🦪味道超新鮮👍🍕日式雞肉野菌薄餅 12吋 $118：性價比高👍又好味又大份😋而且佢個餅底勁脆口🥳讚讚讚👍👍👍🐂烤厚切美國牛脷伴燕麥紫薯球 $128：欣賞佢地烤完嘅牛脷🔥一啲都唔會「鞋十十」👍仲配埋幾粒燕麥紫薯球🍢🍰Tiramisu $48 (跟餐可以-$10)：呢個係有驚喜嘅一個甜品🍮味道好有層次感👍必食呀❤🚩雅高·33 📍荃灣沙咀道328號寶石大廈地下21號舖

近近地係荃灣搵食！路過見到呢間餐廳好似幾多人幫襯，價錢又唔算太貴我同朋友每人叫左個set dinner ，包括左餐湯同埋蒜蓉包！餐廳係羅宋湯，蒜蓉多士都幾香脆我自己就叫咗個粟米忌廉芝士焗豬扒意粉，個粟米汁幾好味，整體個份量都幾多，有拉絲芝士既效果架朋友就叫左個肉眼朳，都幾大塊，同埋個黑椒汁味道都幾香小食我地叫個芝士焗西蘭花，好多芝士呀！套餐可以升級特飲！咁熱既天氣飲返杯黑牛都幾爽！甜品跟套餐可以有減$10優惠，我哋叫咗意大利芝士蛋糕同埋巴斯克蛋糕！估唔到佢哋嘅甜品咁出色，巴斯克蛋糕芝士味好香，意大利芝士蛋糕入口夠晒滑，咖啡味好香！ 總括來講都唔錯

呢間街坊一致推薦嘅餐廳 之前都食過幾次皆因佢價錢幾抵 而且野食質素都唔錯今次係裝修後第一次黎 成間餐廳感覺唔同哂翻新後光猛哂 多咗空間感 坐得幾舒服同朋友叫咗兩個餐同小食一齊share套餐有是日餐湯 蒜蓉包 田園沙律羅宋湯好足料 大量椰菜蘿蔔 唔會好鹹沙律嘅菜新鮮爽脆 仲配埋我最愛嘅胡麻醬特式焗蠔 ($68)呢度D生蠔好抵只係$15隻 都心思思想叫 不過朋友仔唔食生野 所以叫咗呢款熟嘅share拉絲芝士配埋脹卜卜蠔肉 每人兩隻真係唔夠喉藍青口牛肝菌忌廉意粉 ($88)意粉賣相唔錯 而且藍青口份量比我相像中多青口有鮮味 牛肝菌好香 意粉掛滿忌廉汁以呢個價錢黎講真係有物超所值嘅感覺烤爐魚 ($238)點餐時侍應提醒我地 爐魚即叫即烤製作需時原本諗住會係魚柳 點知原來係原條魚上幸好鱸魚比較少骨 而且肉質細嫩無腥味魚肉應該煎過再烤焗 魚皮微微香脆幾好味

今次係我喺佢地裝修後第一次去啲位闊落左 光線明亮左🥸裝修前已經成日去( ･⌓･̥ )最大嘅原因係 佢有$10一隻生蠔質素仲要唔錯🤤🤤不過時至今天已經賣$15一隻但都仲係好抵食 而且啲生蠔好似又肥美左\(*ˊᗜˋ*)/ 味道係充滿海水味非常鮮味！！好大嘅賣點！！´•ᴥ•`香煎澳洲牛肉眼($138)晚餐包早餐 餐飲同埋蒜蓉包呢個價有得鋸埋扒都幾抵食( ･⌓･̥ ) 當然質素就比較平民 我叫咗五成熟但睇落似七成至九成食落未至於韌但係牛味就唔會好濃志在過下鋸扒癮(∩´∀`∩)而且仲好大塊添 配埋意粉飽到傻´•ᴥ•`香煎三文魚扒($188)廚師推介除咗餐湯餐飲蒜蓉包仲會有埋田園沙律 胡麻醬夠曬開胃價錢唔平 但係份量超多 竟然有兩塊魚扒 仲有一堆炒雜菌‪(⌯˃̶᷄ ⁻̫ ˂̶᷄⌯)薯菜係薯角 炸得幾香脆 朋友食得好滿意(๑´ڡ`๑)主菜可以話係正常水準 驚喜唔多但特價生蠔已經夠吸引我再去🤤服務態度好之餘亦係良心小店 值得支持！ฅ•ﻌ•ฅ

今日咁啱係荃灣附近做野，醒起朋友話附近有間餐廳想試，即刻打俾佢約收工食飯，好在佢無約人😌唔算太熟荃灣，好在佢唔算難搵，食完仲好近我小巴站返屋企😃餐廳環境尚算光猛闊落，而家去餐廳好著種枱之間既空間感，好開心安排左我地坐卡位。餐牌主打牛扒西菜,種類選擇都好多，有選擇困難症既我都搞左成10分鐘先有定論😅最後決定同朋友share食。我地叫左美國安格斯CAB肉眼扒同黑毛豬柳肉南瓜意大利飯兩個餐，都有跟湯、蒜蓉包同餐飲，牛扒個set仲有埋沙律🥗要首先讚左個湯先，最初以為會係好一般既羅宋湯，但飲落會咬到紅蘿蔔碎，清清底但好足料，唔係死加茄膏既紅湯，蒜蓉包都整得好食，記得要趁熱食！到主菜出場啦，牛扒一上已經好香牛肉味，首先鍾意醬汁另上可以就咁試左牛肉先，今次叫左7成熟，好驚會整到好硬，但估唔到肉味都仲係好出同完全無硬身既感覺，加埋炸到好脆既薯條真係好正呀🤤仲好貼心地有少少菜可以中和返個油膩感。至於南瓜意大利飯直頭係意料之外地好食，最初個飯黎到時以為得上面幾粒豬柳仲唸住唔夠食，點知原來撈左係飯入面😅個飯加左南瓜忌廉汁食落甜甜地好開胃，抵消返黑毛豬既飽肚感。本身已經飽飽地，估唔到最後成碟食晒😂由於食得太飽

朋友係要見架❤️上星期就已經約定朋友出荃灣見下面，上一次見面已經係農曆新年前。接左細女放學就換衫出街啦！遇上 LUNCH TIME ，一落車就即刻揾食😋✨雅高·33✨ORDER左兩個 LUNCH SET🌈隨餐有是日餐湯同牛角包白湯夠熱，牛角包🥐正正常常。🌈意式蕃茄焗豬扒意粉🍝濃郁的番茄醬汁，加上酥香的豬扒好鬆軟，意粉食落好有港式風味，好有家的味道。🌈吉列魚柳松露忌廉汁意粉魚柳勁大塊，好厚肉。意粉質感恰到好處，好岩我加錢追加左兩款小食🌈煙肉洋葱芝士焗大蘑菇即叫即焗，熱🔥辣辣，食落大蘑菇好 JUICY 配搭煙肉芝士真係無得彈。🌈香煎雞翼煎到好香脆，肉質夠哂嫩滑🌈凍檸檬🍋茶同凍檸檬🍋柚子蜜一清味蕾，SO FRESH!斧頭扒只要 $328，不過 LUNCH 就食唔落啦！晚餐黎食就 GOOD FIT 😋晚餐時段可以用優惠價 $15一隻 ORDER 半打生蠔🦪好抵，下次再黎一定要試下。

終於可以出街食晚飯，不過落雨落到狗屎甘。所以收工去附近食，見到呢間坐得舒服，又濶落，於是就試試距。見晚餐Set 好抵，所以我地叫左個：香煎澳洲肉眼排配薯菜+菜湯及餐包+野飲肉眼排7成熟，好正，好有牛味，食得出不是茶餐廳好重雪味既牛。即使不是很厚，但分量夠食。薯條熱辣辣，好正，不是軟琳琳。 半打生蠔好大，成個我手掌一樣大，我地要分兩啖先食到曬一隻。而且好新鮮！又便宜，15蚊per one，去邊都穩…？ 另外，生蠔的source有檸檬，茄汁和秘製醬料。我地幾鍾意呢個秘製醬汁。BBQ醬烤排骨（兩排）+ 紫薯球呢個真係好抵，完全係out of my expectation， 有兩大塊排骨，每排都成8條骨。 而且個juice 好正，味道剛剛好。個紫薯球簡直係畫龍點睛，真紫薯，好脆，皮好薄，簡直可以自行變一個小食。成餐飯都係400頭， 正！ 滿足！

難得可以有晚市堂食，今晚約了朋友去荃灣聚聚，在荃灣沙咀道見到有間西餐 – Artco 33，見餐牌款式多選擇，而已價錢合適，就決定試試。今晚下著大雨，幸好餐廳不算太多人，不需等位，餐廳內有卡位，而家空間感十足，坐得舒服。餐牌有扒餐、晚餐，最後我們點了黑毛豬柳肉南瓜意大利飯$128、香煎澳洲牛肉眼配薯菜$128、凍朱古力、雪糕紅豆冰。黑毛豬柳肉南瓜意大利飯 – 忌廉味重，配上珍珠米，黑毛豬豬肉帶有濃郁的橡果香氣、慢慢咀嚼，橡果味道隨之釋放，令人回味不已。香煎澳洲牛肉眼配薯菜 - 肉質滑嫩，十分鮮甜、煎的時間剛剛好，配上香甜汁醬，值得一試。凍朱古力 – 濃濃的朱古力，香醇濃稠。雪糕紅豆冰 – 紅豆不會太甜，份量黃金比例。

今晚滂沱大雨，路過這裏，見沒有很多人，便入內吃晚飯。烤西班牙黑毛豬鞍$238，黑毛豬鞍連骨上，外觀有點似斧頭扒，切開豬鞍之後，肉汁豐富，廚師處理這兩塊黑毛豬鞍，火候非常夠，沒有過火，非常難得。豬鞍表面帶點胡椒粒，令到豬鞍更加美味。拿破崙焗豬扒飯$88，表面的芝士溶化之後，可以拉絲，加上茄汁的味道，已經非常好味。豬扒份量都很大，加上飯底是炒飯，比較乾身，是正宗的港式焗豬扒飯。滴漏咖啡和凍咖啡，味道都很濃郁。飯後老闆來索取意見，和他傾談之後，發現原來這裏的老闆很細心，知道有些人很喜歡吃斧頭扒，不過又未必有足夠人數可以吃到份量頗多的斧頭扒，所以設計了一款單人享用的斧頭扒，希望下次來的時候還有這個優惠，定必嘗試一下。另外值得一提的優惠是每個晚餐，都可以點$15隻的生蠔，半打以上起計。

因為要在沙咀道辦事，所以隨便在附近吃早餐，加上係黃店，二話不說就入去。本人選擇了一個扒餐，來到的時候，點知好似 All day breakfast, 仲要只係$45。平時食炸魚柳，真係唔係間間好味，甚至乎會有腥味，但係佢哋塊魚柳唔單止揸得好味，鎖住肉汁，仲帶到大過我塊面，喜出望外，其他配菜也很新鮮，店員也殷勤快捷。只是，我叫的熱鴛鴦，有點兒淡味，但係都OK啦。另外餐廳座位闊落，樓底高，感覺舒適。已荃灣來說，一個不錯的選擇。

成日經過呢條街見到呢一間餐廳，俾我感覺係走平民路線嘅西餐廳，餐廳嘅燈光比較暗，面積都算大，餐牌普遍價位合理，選擇多樣化。午餐 「煙三文魚田園沙律」$54午餐有跟餐湯同埋脹卜卜牛角酥，牛角酥雖然外表可愛，色澤又靚，但味道一般，唔熱，牛油味唔重。煙三文魚味道幾好，份量都還好，沙律菜都好新鮮，有少少胡麻醬，感覺所有野都係正常發揮，普通。下午茶 「金磚西多士」$31練奶，朱古力醬，西多士，邪惡，魔鬼既化身，香甜既練奶同朱醬，有脆邊，但美中不足炸到好油膩，感覺係一炸起就連埋啲油一齊上，一入口，有甜味，加上脆邊口感，但係亦伴隨油感，有改善既空間。

今日黎荃灣 以為好多黃店點知原來都好多地雷⋯⋯⋯⋯今早已經食左紙雞扒諗住晏就可以食返啲正常份量啦 點知又係紙雞扒！！！！！喂 我14:30入黎叫你個午餐 點解吾俾返啲正常份量我呀？早知我叫你個下午茶 食雞脾好過囉 唉！！！！真係好鬼嬲 今日試果啲黃店都係劣質居多份量少 油煎 點解吾飛油呢 啲紙巾或鐵架好貴咩？唉 其實香港都無乜公義 諗住入黎避世 食吓啲正常野都無 好失望 全日都係食啲神級野我就夠200字 我一定要劣評你地 多謝晒我就係睇左open rice啲分先入咗黎 多謝囉