雅麗餐廳 (已結業)

(17/10/08)呢間餐廳都好耐「歷史」,似乎沒有裝修過,整體枱椅黐笠笠,燈光黑沉沉,如果開番光d燈,衛生環境「可觀」呢….。攪笑既係d伙記叔叔,木木面口,唔聲唔聲,但係好細心,行過見到你用完既碗碟都立刻幫係拎走,又擺番好仍在飲用的東西,無晒茶又自動拎過另一杯比你,真係睇唔出咁周到。o野食都好出色喎!與老公二人,order了公司三文治、葡汁牛腩飯餐。公司三文治 好 好 食呀!!每間餐廳的公司治也不同,這裡有煎蛋、火腿、蕃茄、生菜、吞拿魚、芝士。嘩!我覺得個精髓係juicy吞拿魚沙津汁與芝士既配合……芝士既咸酥味+醒神既沙津醬酸味,勁正!葡汁牛腩飯都ok,雖然葡汁無乜味,但牛腩不算韌,已可增加分數了。還有一樣驚喜是杯奶茶,非常乎合我和老公對奶茶的要求,滑、茶味夠/香、奶不能蓋過茶味。這裡只是差少少,唔夠滑。

第一次同bf 食既餐廳，就係呢間啦：Dbf 話佢細細個就成日黎食，所以帶我黎試下入面黑媽媽咁，不過我就唔係好慣呢d 情調既人哈哈，之後就嗌左 西冷扒餐 - bf既 ；芝士焗海鮮飯 - 我既先黎兩個羅宋湯，用湯匙畢一畢，哇... 好多料飲左好耐都飲唔哂 ... 好味!之後黎多兩塊多士，暖既 .. 不過bf 唔俾我食話我食完會食唔哂 d 飯 我個飯一上到黎，好大碟，不過一 pet 野係個碟到貌相都唔係幾靚-_-但食落去芝士味重 !! 好味 !! 都有帶子, 蝦果d 既 ...好抵食 ! bf 個西冷扒，好大塊，佢話" un " 左少少 ...不過我地都唔識得分有冇化學成分：P 佢切左少少俾我食都算幾好味，加埋個甜品，bf 食得好滿足呢 !會想試第2次咖！：)* d waiter 做野好快手，雖然有時見佢地冇野做都會睇下電視但你嗌佢地佢地都會好快咁過到黎幫你，而且都好主動收左d 飲完既湯碗等等*

環境 / 背景︰睇左其他食評，覺得幾好，放工同gf試一試。門面唔係好搶眼，入到去燈光暗暗的，不過都算有西餐情調。不過兩旁卡位都坐了街坊裝男人，行埋個位到仲見到我個位地下有2個煙頭，突然感覺很茶餐廳。前後都有2部大電視，很方便看6:30pm新聞。menu中英對照，很懷舊式的英文潦草，set dinner附頁更加是人手寫。叫了田螺牛柳餐，gf要西冷餐，全改碟上。服務︰侍應是後生仔女，穿上一貫的上白下黑裝，雖然唔笑，不過都落力企係側邊(一枱之隔，有足夠自由睇menu，唔會有壓力)等客人order。set餐具時都好細心，唔會狂風式趕住做，擺咩左仲會再執過。湯 / 包︰羅宋湯很濃味，好多菜，好味；忌廉湯加有蛋碎，很滑。都算大碗(不過2隻碗都係崩左一忽) 。用多士做餐包，感覺新奇。前菜︰田螺半打，不過不失。主菜︰好大份，估計有10oz，仲有好多配菜，煮到林晒，容易食，大大塊半邊蕃茄，仲有薯條。牛柳(7成熟)好林，西冷(5成)有肉味口感好。舊肉大到呀，食唔晒。甜品︰雜果新地，即生果粒加一球雪糕。飲品︰凍飲加$2，不過都幾大杯，可以慢慢坐。就算叫凍菜蜜都只係加$2，唔駛額外補錢。價錢︰連加一小費，2人

今晚去左 e 間食，係因為睇到 "更好既選擇" 所推介。我都係點左兩份晚餐，多士真的很熱騰騰很新鮮， 紅湯 ok，頭盤今晚係公主魚柳，魚柳熱騰騰的，一面食一面覺得不是預先整定的，好滑好好味。主菜係黑椒雞扒配意粉，雞扒很嫩，又是熱騰騰的，值得一讚，意粉用茄汁炒過，是我的至愛。飯後有什果新地即是雪糕，又是我的最愛。餐飲改凍飲加 $2，變成很大的一杯，飲唔哂添。waiter態度好好, 快手快腳的, 很醒目。真多謝 "更好既選擇" 兩份有湯, 頭盤, 主菜, 餐飲, 甜品既晚餐, 夾埋 $97。係宜家的環境，真係好抵食，今晚真的很滿足，我知我會再去。

會來呢度食係純粹因為經過, 老公見有電視睇就決定響度食了無乜點特別諗要食咩, 只係隨便點左兩份晚餐落單之時見水吧即刻擺左兩塊面包去烘出來既多士果然新鮮, 紅湯稀稠適, 老公大讚岩佢口味我自己既白湯就有雞肉, 都唔錯頭盤係炸蝦拚蝦片, 蝦片雖然唔熱但都脆反而炸蝦非常唔錯, 夠熱夠脆, 蝦肉爽口, 雖然係頭盤但每份都有兩大隻, 份量好夠主菜係蒜蓉牛柳, 牛柳軟滑, 但仍然好有肉既質感, 絕對唔會好似某d餐廳勁用梳打粉整到肉唔似肉 雖然應該有7成熟, 但都絕對唔會有太韌或者起渣既情況蒜蓉汁亦都香味十足唯一麻麻既係配菜既薯條全部都係淋既, 不過老公個份配飯就無呢個問題了飯後有餐飲同甜品, 係什果配芒果雪糕響呢度要先讚一讚服務, 唔好睇呢度既waiter個個都廿歲附近染晒髮咁, 其實佢地都係好好態度, 手腳又快, 呢度refill水既速度係好多大餐廳都比唔上的, 落order寫餐飲都係客人一個眼神佢地就即刻醒目重點來喇, 兩份有湯, 頭盤, 主菜, 餐飲, 甜品既晚餐, 夾埋一百蚊有找響個個都話莎樂美係荃灣最好既西餐廳既時候, 我就寜願選擇呢間唔駛等...價錢平30%以上, 食物同服務質素都更佳

晚上到這裡，點了一客石斑牛柳餐羅宋湯牛油多士鐵板蒜茸汁石斑牛柳配薯菜凍咖啡雪糕新地羅宋湯較稀，但配料很足，味道亦夠濃，甜中帶辣。多士很大塊，烘得剛剛好，整塊都很脆口。石班是蘸了蛋漿煎的比目魚柳，肉質嫩滑；牛柳很厚身，不過上桌時已是七成熟（我點菜時說要五成），沒有五成熟牛扒的層次，但好在肉質亦不韌。薯條雖然放在石斑和牛扒下面，但沒有被壓淋或燒至焦黑。凍咖啡分量大，雪糕新地是草莓雪糕伴雜果，平凡中滲入了餐廳的誠意和心思。港式西餐中，這裡算很不錯。

間野超陰沉，燈光好暗同fd叫左兩個$38晚餐，飲羅宋湯嗰陣都覺唔新鮮，似係煲落好多日，喺雪櫃攞出嚟，但冇徹底煮翻滾!之後食牛扒，發覺煮到好鞋好熟，可能自己知自己事，驚塊牛扒變壞左。牛扒冇乜肉味，D味好怪!宜家同個fd一齊肚疴完，諗番都應該係羅宋湯同牛扒出事，邊個有膽可以去試吓!PS: 食甜品時驚見一隻超大曱甴係牆上爬行，但老闆娘同一眾伙計均氣定神閒，見怪不怪，可見他們通通訓練有素。

星期六同老豆去食,個女侍應(收銀都係佢)好細心,因為我個個係鐵板餐,我用tissue擋住d汁啦!佢驚我唔知擋到幾時,就提醒我:之後我老豆食左個"盤鱔飯",係食之前,佢主動幫我老豆攪混d汁同條鱔,等佢可以香口d!我覺得呢d野雖然好微不足到,但做同唔做就分別好大,感覺好好!仲有我個次係:佢等你食到差唔多,個bartender就會主動幫你落單問你飲咩,個timeing好match!唔會好似其它餐廳叫極個waiter都唔黎幫你落單問你飲咩!唔知係唔係個時間比較得閑d呢!(6:00-7:00pm)食食下個唔知廚房定waiter行埋黎同我地吹水,問:仲表明一晚只賣2條"鱔",以確保新鮮wor!雖然我只係食左一次,但d人比我感覺幾friendly!

一月一日同女友...伯無細8去食.細8要俾俾許都有..我無叫扒.叫搖拄蛋白..勁好味!!女友叫西冷超厚$58...食完肥三磅....我吾要豬扒女友** 細8叫快餐...多士..什扒.西湯.餐茶..雪糕加底生果什果..超勁$38 邊到找???d火雞又好鬼死禮貌..大家不妨去去...推推推介!!!!未講百母許叫T骨..食都許ha ha ha......^^

呢間餐廳前後去過３次，都覺得服務非常之好，今日食完，竟然令人有種感動既感覺．唔上黎公諸同好，今晚真係訓唔著．今日同gf 去食set dinner，價錢平唔駛多講，$38有５樣野（羅宋湯，牛油多士，波蘿火腿扒，牛仔骨意粉，雪糕，飲品），每樣食物都極有誠意．　好似個主菜，除左牛仔骨既醬汁之外，意粉六用意份醬煮過，比起耶X閣叫條意份都係烚熟俾你就算，仲要你自己問佢攞茄汁好好多．　另外，個雪糕竟然係個杯底度加左ｄ雜果．本來只係一ｄ微不足道既野，令到原本一杯普通既雪糕變得再不普通，表現出廚師對味道既追求，以及花係食客既心思．雖然味道並唔係食完會好似味皇咁大讚好食，但係絕不比一般高級餐廳差．最令人讚賞既係佢既服務態度．上菜好似酒樓開席咁，一度食完先再上另一度（點都估唔到呢ｄ餐廳可以做到咁），充份令人感到誠意．最令人感動既係：我gf今日唔舒服，食完飯要食藥，個waiter竟然主動咁俾左杯暖水我gf（我係完全無要求過，而且仲係暖水，適合食藥）．唯一美中不足，係餐廳不設非吸煙區，對唔食煙既我地，感到少少無奈．

以前曾經是呢間餐廳的常客, 因為又低食又好味..距離依家,差不多有一年無光顧了, 是夜又有機會跟姐姐一家人一齊去啦....印象中, 如果晚飯時間到來, 通常也要等位, 可能依家附近的餐廳實在太多..so lucky !!我依然點了我的至愛: 焗豬扒飯(味道跟從前一樣, 豬扒經油炸後再焗, 依然沒有油膩膩的感覺, 肉汁鮮味; 飯亦炒得很香"o")而老闆亦推介食牛扒....姐姐點了鐵板西冷牛扒跟茨菜配黑椒蒜汁(估不到, 我不食牛肉, 都覺得好好味, 牛扒用了7 成的煮法, 也不變硬, 肉質依然軟諗諗..也沒有"so" 味)反而, 姐夫點了的牛柳配黑椒汁....嘩, "so" 味很濃, 簡直難以入口, 跟羊肉沒有什麼分別, 可能我兩樣肉都不欣賞, 食了一口, 即時要用檸檬茶沖淡; 當我以為是因為個人的口味問題, 估不到連佢地喜歡食牛的, 都不接受, 恐怕店主都要改善了)而每客餐亦配餐湯(羅宋湯味濃, 相比白湯失色些) + 飲料+ 雪糕, 簡直低食及大份. 店員的服務也很好, 做到有求必應, 如姐姐問店員是什麼味道的雪糕, 話好好味, 我說笑要來多一客, 他也做到....今時今日的服務態度,

係因為有世界杯直播先會加價, 我覺得都可以理解!! 唔駛咁劣評麻~~~?老板話過左世界杯就回復正常架喇!我係喱間雅麗餐廳嘅常客, 又抵食又夠哂份量, 我最鍾意係西冷扒同焗田螺, 好正!!!!晚餐都好抵, 三.四十元就有五樣嘢(湯.前菜.主菜.甜品.飲品), 仲好好味.另外, 我最欣賞係老板同老板娘嘅服務, 笑容可掬^_^真係值得推介~~

近期去過一次吃晚餐, 發覺整個set貴了不$10, 共$48但少了頭盤.湯跟多士腸跟豬扒炒飯(豬扒連骨, 勁細塊) 炒飯ok雪糕茶以前兩個人連涷飲$90, 但現在要件$110. 太貴啦!

我頭尾食過兩次, 第一次都有你地既感覺: 抵食夾大件!但係,係我第二次返去幫襯既時候,係碟野度(唔記得係湯定豬扒)發現左隻小強! 係好細隻,但的確係小強! 個waitress黎收野個陣, 我同佢講有小強,佢竟然唔出聲走左去! 跟住我地又發現有隻小強係個位隔離爬下爬下! 搵人黎搞掂, 佢搵條毛巾撥下撥下就算!食完當晚,我同朋友都肚痛! 佢既服務同埋衛生程度真係非常惡劣! 我自己就唔會再去,其他人自己諗下啦!

我都係同路路睇到openrice 介紹~~~所以黎左呢度食dinner$ 38 有以下菜式(1) 牛油方包(好脆,好味)(2) 羅宋湯(好大碗,而且有牛展) (3) 椒鹽魷魚(wa,超好味,層皮又脆又唔太熱氣 唔同出面買果d 架)(4) 雞扒飯/意粉(5) 雪糕(6) 凍檸蜜當食到意粉時....我覺得已經好飽....塊雞扒好大塊.... 我食唔晒要打包...因為我同路路點左呢個餐後~~ 佢仲加左個"法式田螺" 田螺配薯蓉都好正^^ 今餐真係好抵食囉..... 而且食物水準高...出面閒閒地食個dinner 都40 啦!!而家有咁多野食都係120 到! 因我地加左田螺如果唔係.. 都係40 到ja !!以後黎荃灣開飯.... 又多個good choice !