雄輝餅店 (已結業)

這間麵包店，對於大部份人來說，比較出色著名的應是鹽焗雞髀、又或者雞腎等等小食。但其實對我來說，雄輝一向也是出色的麵包店。以前曾經胃口差了一大輪，有一天媽媽在此店買了一個果占包，吃完這個果占包之後我的胃口變回來了。一直等了許久，也沒有在雄輝看見果占包的蹤影，任冷風吹、雨打我面，果占包還是沒再出現。可能由於平時都是下午過來，有天早上，未夠八點半再來看看，竟然看見菠蘿果占包。大大個，而且上面的菠蘿皮香脆。外皮比較厚，其實果占部份不多(沒以前那麽多)，而且果占味道好像沒有之前那麼酸，果占明顯比較少了，但是包上面的菠蘿脆皮味道不錯。

打咗三十幾篇食評，平時多數比嘅真係好評同埋OK，但今次真係要寫一些負評了。雄輝餅店的薑蔥雞髀是很有名的，在不少報道上都有見過，更曾在網上有一些深水埗的地膽介紹，於是今次膽粗粗地嘗試了他的椒鹽雞腎，誰知，中伏了！椒鹽雞腎沒有椒鹽味，只吃到有咬不散的辣椒粒，仲要＄9先得四粒，那我寧願去坤記多買一個砵仔糕雞腎沒有雞腎應有的口感，反而似鴨腎，咬落去係一絲絲，平日我們吃的雞腎都是爽爽的，從未吃過這樣的今次只能說報紙雜誌不能盡信，名過於實就是這次的經驗。

之前係新假期飲食group見到有人share話深水埗有間平民餅店嘅雪芳蛋糕便宜得黎幾好味於是有一日經開就去咗買舊黎食試吓雄輝餅店好近地鐵站口基本上一出地面已經見到唔難搵雪芳蛋糕有蜂蜜味同埋蛋白味我兩隻味都有試到個人就覺得蛋白味清清地幾好蜂蜜味味道就會豐富返少少有D甜味不過蛋糕黎講蛋黃味就冇乜佢勝在夠鬆彈＄7 大大舊

深水埗大把好野食，多到直頭好易走漏眼。呢間雄輝餅店個個都話要食佢既姜葱雞肶、雞腎。其實佢既清蛋糕都好好味，你又有無食過呢? 簡單的美味，食好西唔一定要大魚大肉，簡簡單單一樣好滿足。蜂蜜蛋糕 /蛋白蛋糕 $7兩款蛋糕真係好難訣擇，前者入口滲出濃厚清甜蜂蜜味，而後者清香得黎食到蛋糕既原始味。食完蛋糕感覺好實在，唔會好似外面既蛋糕咁好似食空氣。望住佢密密麻麻的氣孔，平均而且細緻非常療癒，鬆軟綿密到不得了。七蚊雞呢個質素，仲想點！

雞腎 $8之前聽Facebook糖妹推介👂 就慕名去試試👅 係一間飽餅店內 好似旁晚就會開始有依啲小食賣😯 雞脾雞翼都有😎 仲係薑蔥味 好似好惹味甘😈 但今次就試依個先 錫紙一拉開就遞上俾客人😊 係鹽焗既 帶少少辣汁 口感係軟腍啲 吾似燒烤個種爽口🙈 但佢又大粒好實在既感覺😼 加上輕輕既鹽味 都幾過癮 值得一試👍PS旺角都有分店

行過深水埗...望到'雄輝餅店'就醒起要試佢地既薑蔥雞脾...聽聞係名物喎。食物用錫紙包住..比較保暖又衛生 最後選擇食雞脾..純粹因為方便食 雞係微暖既，以蒸雞類黎講，肉質唔算鞋口.....眼見有浠浠爛爛既薑蔥蓉散落係雞脾上...但完全食唔出薑蔥味...鹹味亦唔足夠...相當清淡無下次lu....

之前看雜誌說這有薑蔥焗雞腿很出名,平日都有經過,但一直都唔知有這東西賣咁就試下啦味道一般,根本就係吹大左雜誌真係完全唔可信薑蔥焗雞腿,雞翼,我都有試,咸味的,有薑蔥味,肉質軟中帶硬,肉質帶粉薑蔥焗雞腿,雞翼,是淡黃偏白色的雞翼好食一點兩者都有好強的薑蔥味但都唔值得食,除非你非常喜歡薑蔥陣味我寧願食一般鹽焗雞腿重好陣味香係幾香香味方面我會比滿分可惜味道平平,連鎖快餐店的雞腿重好食過佢要留意下午4點到先會有得賣

麵包店通常比到人既感覺係賣麵包, 西餅蛋糕, 布丁批撻, 有想過在麵包店有其他野賣嗎? 深水埗雄輝餅店就有此例外了.每日下午約五點時, 會囉一盤包滿錫箔紙既盤出來, 由錫箔紙裡會微微傳出陣陣香味, 裡面既就係雄輝餅店既招牌 : 薑蔥焗雞腿, 雞翼, 雞臀.當你一打開鍚紙, 原本只有輕微既薑蔥香味就會大量溢出, 令四周的人都會找尋其香味既來源. 我同事試過係巴士上偷食雞腿, 付近既乘客都差唔多在同時說"很香哦!"沒錯, 它的香味真的很令人引不了口再食, 但是除了香味, 味道也很好.雞腿內部充分熟透了, 不會覺得嫩滑, 但是並沒有焗得太老, 師傅時間就得實在太好了! 食起來肉能夠輕易離骨, 食起來很輕鬆, 每一啖都是香香的薑蔥雞肉, 鐘意食薑蔥容既人, 去深水埗就真係要必試.其他既薑蔥食物都好好食, 如雞腿一樣, 佢地既雞翼都焗得拾拾好, 只要一拉就輕易骨肉分離, 一樣好味道! (雞翼係前一次既食感來既, 所以沒相哦)這些雞腿雞翼等食物每日限量生產, 通常很快就會賣晒, 很多時我去到時已沒得食, 所以要去試既就要計好時間啦

只吃一碗油渣麵 (而且還是不好吃的)作午食當然不夠飽。行至地車站的附近，到了我經常光顧的麵包店"雄輝"，再買一個包吞下肚，才算勉強夠吃....以前反而多選吃這裡的小食如燒賣及牛肉。最近才發覺她的老本行的各式麵包也不難吃，而且勝在大大個的，很襟食....今天揀了一個大大份的吉列雞扒包。包是普通由細食到大的芝蔴包，吃落頗軟熟。如遇到剛啱出爐的，就是您當天走運了；雞扒嬴在份量大，食落亦不見嚡口及油膩。還有一小片生菜包着那雞扒的，可說是不欺場....唯一的遺憾是，如果可以多一點沙律醬的話，就更好...有那麼多的"如果...."只是六至七大元一個包，就不要有那麼多要求啦....

今天33度, 想去吃甜品當晚餐, 由隧道行上來就見到一大班人企喺度買貢茶, 把頭向右一轉就見到我被那「鹽焗雞腎」四個字吸引着, $6, 我又見到一個個被鍚紙包着的東東, 我估是原對雞腎而食落應該是「爽‧爽」地的質感我要兩隻, 結果老細給我兩串入口暖和, 而每粒雞腎都先塗上鹽焗雞粉醬才去焗, 可惜並不入味, 雞腎粒完全淋晒, 就連應該有咬口的根位也是淋的。在這炎熱天氣下, 要吃些暖不暖, 凍不凍的食物都幾難受, 倒不如整些可以冷吃的鹵水串, 或者完全整凍那些鹽焗雞腎串(即好像燒臘鋪賣的鹽焗雞也不是熱的)如果煮得好, 我相信會好似旺角「肥姐」咁成功

14/04/2011, THU在眾多的港色麵包中自己唯一喜愛的就只有提子大麥包。只可惜現今已很難吃到舊時的味道了，坊間很多麵包餅店不是做得太甜，就是偷工減料(即麵包被發脹得像空氣般，毫無實在感可言，吃罷等於沒吃似的。) ，又或是提子乾少得可憐。某天媽咪從朋友吃到這裡的提子大麥包，她大讚好味而且朋友又向她熱烈推介，所以昨天便買來一個給我吃。這裡的提子大麥包我認為都比坊間的還要大個一點，而且亦明顯重身很多。光是重重的這點我就對她充滿信心了，終於也找到一個不是發水麵包的提子大麥包了！提子大麥包皺皺的表皮呈美麗的焦黃色，咬了一口後我就肯定這就是以前我經常能吃到的味道了。麵包外皮跟內裡的麵包是緊密地黏在一起的，而且表皮不但軟身也有那種帶麥味的焦香。(這點可能沒有很多人留意或像我那樣在乎，其實坊間很多都會做成麵包皮與包芯分離，這是因為麵包皮被烘至又乾身又脆，這口感根本與軟腍的麵包不能融為一體。)麵包內芯綿密香軟，密度很高而且再加上適當的筋性真的每口都給予我飽足感及我很喜歡的煙韌嚼勁。包芯味道同樣地也帶麥香，甜絲絲的麵粉味亦很柔和，提子乾軟腍好吃而且份量恰到好處不多不少。這都是我想要的，水準這樣到家

十二月下旬．晴想買部laptop，陰差陽錯，行了好幾次都買不成，反而每次都在附近吃了點東西，是日就是這裡的蛋撻。是酥皮蛋撻，但皮脆但不鬆。蛋餡幾香甜，不過多，也不錯。始終在這等旺位開業多年的店子，是有點本事的。

今日下晝出左去深水步既黃金商場睇電腦既野啦,睇完有d肚餓唸住去附近食d野咁啦, 就俾我行過聞到點解會有一大陣薑蔥味既?????咁我就一路搵下啦, 就咁俾我搵到雄輝餅店啦開頭仲以為係焗麵包添.原來佢唔只包正, 原來佢入面呢, 仲有幾樣小食添, 薑蔥焗雞翼, 薑蔥焗雞脾, 仲有椒鹽既雞臂添, 嘩, 價錢仲平過美心添~哈, 佢唔係用屋企個d焗爐, 而係用麵包爐~用錫紙包住黎焗入面都幾多人排隊買, 叫完呀姐佢仲幫我打開錫紙入袋~雞肉又滑又好食, 下次一定要試埋個2樣添, 唔講得少一路食d肉汁仲不停咁泌晒出黎, yummy yummy, 又平, 比係快餐既都唔知好食幾多, 豉油王個d同佢都冇得揮

雄輝在深水埔可謂屹立多年雖做不到遠近馳名但在深水埔裏亦小有名氣最出名的可謂是 沙嗲牛肉包了這個包餡料十足每一口都可以咬到濃濃的沙嗲味夾雜香口的牛肉 也許有人說它的牛肉並不滑但配上此店的獨特的沙嗲香 可謂足矣!!